وايي یوه افسر (ضابط) د یو هدف ویشتونڪي څخه وپوښتل:
"ته د دښمن هدف ویشتونڪي په اړه څه نظر لرې؟"
ده ورته وخندل او ویې وی:
"ناڪامه دی...ځڪه هغه تل پر موږ ډزي ڪوي خو خطا وځي."

افسر حیران سو او ورته وې ویل:
"نو ولي دي تر اوسه نه دی وژلی؟"
ده ورته وویل:
"بېرېږم چي ڪه هغه ووژنم، نو د هغه پر ځای به بل ډېر دقیق هدف ویشتونڪۍ راولي... او هغه به ما ووژني!"

یعني:
ځیني خلک ناڪامه ڪسان پر خپلو څوڪيو پرېږدي، د دې لپاره نه چي باور ورباندي لري، بلڪي د دې بیري له امله چي ڪه بدل سي، شاید لا خطرناڪه بدیل راسي.

جبران خلیل جبران وایي:

"ځیني خلک تاته وفاداره نه وي، بلڪي ستا و اړتیاوو ته وفاداره وي. ڪله چي یې اړتیاوي بدلي سي، نو وفاداري یې هم درسره بدله سي."

یو کال وروسته د درملنې، زما رواني ډاکټر ماته وویل: ښايي ژوند هر چا ته نه وي.
لاری براون
🖋️: شعور

که غواړئ په نړۍ حاکم شئ، نو عقل پر ځان حاکم کړئ.
تولستوی
🖊️: شعور

موږ هغه جګړې ته سخت اړتیا ده چې د هغې له لارې سولې ته پیاوړتیا ورکړل شي، او دا جګړه باید لومړی د جهالت پر خلاف وي.
✍️: شعور

د بشر د بدلون یوه لویه ستونزه دا ده چې خلک د تر ټولو هوښیار کس پر ځای، د هغه چا خبره مني چې لوړ غږ کوي.
شوپنهاور
🖊️: شعور

موږ نور نشو کولای له ژونده تنګ شو او ځانته رسۍ راوځړوو،
نور د رسۍ پیسې هم کور کې ختمې دي،
زړه مې و قرض واخلم،
ټولو راته وویل له قرض ورکولو هم ستړي یو
له قرض اخیستلو هم ستړي یو
موږ ستړي یو.

موږ ته کور کې یوه مور ناسته چې بېماره ده،
یو پلار چې یو موټی وجود یې پاتې دی ،
یوه خور چې نالوستې ده،
یو ورور چې سترګې یې همیشه زما لاسونو ته وي چې ګوندې
مړۍ به وي پکې،
مور له ناروغۍ
پلار له زهیرۍ
ورور له لوږې
خور د خشاکو له لوګو
زه له دې استبداده
ټول ستړي یو
موږ ستړي یو.

موږ ستړي یو هغه کان کې له کار کولو چې موږ پکې لس ساعته کار کوو،
زموږ کلي کې دی خو څښتن یې یو ږیرور دی ،
په ژبه یې هم نه پوهیږو ،
جیګې پایڅې ،
تور ټوپــ.ـکونه
او پس قات بوټونه
داسې راته ښکاري لکه زما په سر چې خیژي.

کله چې کان کیندم، د څټک ټک ټک لکه چیغې چې وهي چې موږ نور ستړي یو ،موږ ستړي ،ستړي، ستړي، ستړي

یا به ټاکنې وي یا به ټوپکې وي،
یا به ازادي وي یا به مرګ وي
یو به کیږي
نور موږ ستړي یو
موږ له ملاکراسۍ او وروسته پاتې فکر یې نور ستړي یو،
موږ له قبیلويت او مذهبي فاشیسم نور ستړي یو

— ا. س. شریفي

کله چې چیګوار د صنعت وزیر شو، په هماغه ورځې یې خپله دریشي وویسته او د کارګرانو جامې یې واغوستې، سهار اذان به پاڅېده، مزدورانو سره به یو ځای د فابریکې پر ګرم فرش ولاړ و، درنې بوجۍ به یې ډکولې او جګولې، خولې به ترې روانې وې، ځان یې له مزدورانو لوړ نه حسابو
نوموړي د ماشینونو زړونه احساسول، د اوسپنو بوی احساسو، اسانتیا نه پر مختګ یې رامنځته کاوه، هر څه یې خپله تحربه کول.
ملت ته یې دا ښوده چې د مشر وینا او عمل یو ډول وي، مشر دېته نه وایې چې د میز تر شاه کېنه ارکنډیشن چالان کړه، مشروبات او چایونه شوپوه.
ژباړه

دوی موږ، زموږ له وسایلو څخه محرومولی شي، خو د شعور څخه مو نشي محرومولی!
" د خپل ځان لپاره قوي اوسئ، ځکه ژوند تل کمزوری تباه کوي."
"ویکتور هوګو"
🖊️: شعور

مجسمه مې پر لاس ولګېده.
وغورځېده.
ټوټې ټوټې شوه.
ومې ويل: وبښه!
ویې وېل: کومه خبره نه ده.
له خاورو جوړه ده
د چا زړه نه دی
چې مات شي او بیا جوړ نه شي
🖋️: شعور

هر هغه څوک چې د نېستۍ سره لاس او ګرېوان وی پوهېږی چې پۀ نېستۍ کښې ژوند کول ډېر ګران دے ـ
جېمز بالډوین
شعور
فلسطین 😭

ارسطو ویل: «د انقلابونو او جرمونو مور او پلار غربت دی. »
شعور

کله چې غازي امان الله خان اروپا ته سفر وکړ، د پاریس ښاروال د هغه د ښه راغلاست په وینا کې وویل:
"که چیرې موږ پاریس ستاسو په نوم ونوموو، بیا هم د نړۍ د داسې ستر شخصیت حق به مو نه وي ادا کړی."
شعور
د ازادئ او خپلواکۍ اتل شاه غازي امان الله خان

يو ځای داسې راځي
چې انسان خپل احساس پريږدي
يو ځای داسې راځي
چې سړی ځان‌وژنې ته لاس وراړوي
نه داسې چې چاړه راواخلي او رګ پرې کړي
نه...
دی د خپل احساس ويل پریږدي
او دا تر ټولو غمجنه ځان‌وژنه ده.
***
موږ د دردونو د زغملو لپاره پيدا شوي يو
خو بيا هم د خوند په لټه يو
دا بايد ومنو
چې د ژوند دوام لپاره يوازينۍ لاره دا ده
چې له هماغه رنځونو خوند واخلو
او ويې زغمو.

ــ چارلز بوکاوسکي
ژباړه

کله چې ټوپک د یوه باخبره او باوجدانه باشعوره انسان په لاس کې وي، نو یوازې انسانان نه، بلکې حیوانات هم د هغه په سیوري کې د خوندیتوب احساس کوي."
شعور

بېوزلي نه مجبوریت دی او نه الهي حکم؛ بلکې د خلکو د ژوند له ټولنیزو، اقتصادي او سیاسي شرایطو څخه رامنځته کیږي.
کارل مارکس

"هغه ټول خلک چې خپله خوشالي یې له نورو سره وتړله، په یوازیتوب کې مړه شول،
نو ځکه:
خپل ځان ټینګه غېږ کې ونیسئ، ستاسې لاسونه به تاسو سره خیانت ونه کړي."
– دوستایوفسکي
شعور

انسان په نړۍ کې د هیڅ کار څخه دومره نه ستړی کېږي، لکه څنګه چې د خلکو د چلند او احساساتو شدت څخه ستړی کېږي.
شعور

یو ځای مې ولوستل!
کله چې داود خان د افغانستان رئیس جمهور شو، دوه کلونه وروسته د قطر هېواد لۀ افغانستان غوښتنه وکړه چې موږ ته باید بشري قوه راکړئ نو داود خان وویل موږ افغانان دښتو ته نۀ استوو...

لاندې انځور پۀ ۱۹۷۶ م کال کابل دی، یاده مېرمن د جرمني سفارت ډیپلوماته ده چې خپل ماشوم تر ښوونځي رسوي، کله چې افغانستان د نورو هېوادونو سره پۀ یؤ نقش قدم روان ؤ، هغه وخت د افغانستان پاسپورت پۀ درجه اول پاسپورتونو کې راتلو، کله چې افغانان جرمني ته تلل نو ارایول ویزه به یې ورکوله البته ټیکټ به دې اخیست ویزه به یې همالته د جرمني میدان هوایي کې درکوله.
څۀ ؤ څنګه شولو!؟
شعور

زه چې خفه شم سندرې وایم، بیا پوه شم چې غږ مې تر ستونزو هم بدرنګه دی، بېرته ځان سره وخاندم.
جورج برنارډشاو
شعور

د انسان ژوند او تاریخ لکه د فلم یوه برخه ده؛ ځینې برخې یې خوندورې، سکون راوړونکې او الهام‌بښونکې وي، ځینې برخې یې خوږې، دردناکې او د زغم وړ وي. که له آدمه تر دې تمه تاریخ ولولو، پوهېږو چې څوک ښه و، څوک بد، چا شخصي ګټې پاللې او چا ملت او تاریخ.

کله چې نړۍ د استعمار په جګړو کې بوخته وه، افغانستان هم له دې اغېز څخه بې برخې نه و. ۱۰۶ کاله وړاندې هېواد مو د زبرځواکونو له ماتېدو وروسته ازاد شو، خو دا ازادي هغسې نه وه لکه د نړۍ نورو برخو کې.
د یو اباد افغانستان هیله لرو، چې هر افغان له خوبه ویښ شي او خپلو هیلو پسې لاړ شي.
🖋️: شعور