أحد الأسئلة المتكررة ألا وهو 🙃

كيفية إنشاء مشهد موشن جرافيك جديد
بطريقة بسيطة وسهلة
داخل برنامج إلليستريتور 🤔

هعلمك ده بإذن الله في أقل من دقيقتين 👌
تابع الشرح 🤗👇

مساء الخيرات على جميع المبدعين ☺️
صديقنا أدهم شارك معانا

ملف لشخصية خليجية
ب 6 تعابير مختلفة للوجه 🤩

إن شاء الله تفيدكم 🤗
حملوها من الرابط 👇
رابط التحميل
.
.

وانتا بتتعلم الموشن جرافيك
لازم في البداية تتعلم تعمل الحركة بدون أي أدوات مساعدة 🤷‍♂️

وأقصد الإسكربتات🫣

أجلها لمدة سنة من تعلمك
بحيث تتعلم إزاي تعمل الحركة بشكل يدوي الأول وتفهمها كويس جدا 👌

وبعدين روح للأدوات المساعدة اللي تخليك تعمل الحركة بصغطة زر ☺️
بس وانتا فاهمها كويس هي اتعملت ازاي 💪

محاضرة
التغذية البصرية ☺️👇👇
https://youtu.be/X3oHuiYqrac

تسجيل البث بتاع الليلة 🤗
البث دسم جدا ومهم لكل مبتدئ 💪✌️

أهم الأسئلة اللي جاوبت عليها كانت:-
1️⃣ أيهما أفضل .. العمل كمصمم فرلانسر ولا موظف في شركة
2️⃣ هل هتعلم أكتر وأنا شغال مع نفسي ولا وأنا شغال في شركة
3️⃣ طيب إيه المزايا اللي هجنيها من شغلي في الشركات
4️⃣ إمتا أشتغل فريلانسر
5️⃣ أوازن إزاي بين دراستي في الجامعة وعملي وشغفي بالتصميم
6️⃣ إزاي أحرك تصميم إنفوجرافيك
7️⃣ إمتا أحس إني جاهز ومستعد للدخول للسوق
8️⃣ ما هو أفضل طريقة أتغلب بيها على خوفي من البدء في مشاريع جديدة
9️⃣ ما هو الترتيب الصحيح في تعلم الموشن جرافيك
0️⃣1️⃣ كيف أتغلب على الإحباط اللي ممكن يواجهني في البداية بعد تقضية ما يقرب من سنة .. ولازلت لم أحترف الموشن جرافيك
1️⃣1️⃣ عندي مشكلة بنسى الدروس اللي بتعلمها ... إزاي أحل المشكلة دي ؟؟
2️⃣1️⃣ الألوان ملخباطني جدا ومش بعرف أنسقها بشكل حلو ... إزاي أعمل كده
3️⃣1️⃣ النصوص مش بعرف أختار الخط المناسب ... فازاي أختار الخط المناسب للشغل بتاعي

دا كان إجابتي على سؤال بيقول

اذا عميل قال لك صمم واذا عجبني التصميم ادفع لك ... هل توافق 🤔

لكن في ملحوظة بسيطة علشان محدش يفهم كلامي غلط
في فرق بين صمم العمل كله أولا ولو عجبني أدفع ولو عجبني لن أدفع
ده مرفوض قطعا سواء كنت مصمم مبتدئ او حتى محترف
لا تجازف وتقول .. ممكن يرضى بيه
إنتا حتى لو عامل ليه إبداع لم يرى له مثيل
فهو لن يقدر ذلك ... وغالبا هيقلل من جهدك وسعرك
وانتا اللي هتتطلع زعلان ومتأثر نفسيا إن في ناس بتتعامب بأسلوب سئ كده مع المصممين
فابعد عن الأذى ده أرجوك من البداية وبلاشة إطلاقا

لكن فرق بين الصنف ده وصنف تاني من العملاء شاف شغلك وعجبه بس هو محتاج حاجة معينه انتا لم تصممها حاجة شبيهه ليها من قبل
فهنا هو بيطلب منك بأدب
إنك تعمل ليه عينه ٥ أو ١٠ ثواني من العمل
علشان فقط يطمن لك ولاحترافيتك ولانك فعلا قادر على تنفيذ المشروع
فده مفيش فيه مشكلة ... استعين بالله وابدأ في عمل العينة بأفضل جودة عندك وممكن تكون من نصيبك الشغلانة
وطبعا لما تيجي تسلمها للعميل .. لازم يكون عليها water mark باسمك

كورس محمد مفتي

اساسيات الفوتوشوب ☺️✌️

متوافر مجانا من النهارده ولحد يوم 15 ديسمبر من موقع ينفع وبطريقة رسمية

وبعد الانتهاء من الكورس ستحصل على شهادة اتمام للكورس مجانا.

لو انت لسه مش مشترك، فكل اللي محتاج تعمله انك تعمل حساب ع المنصة ودا مش هياخد من وقتك ٣٠ ثانيه وتبدأ في تشغيل دروس الكورس، علشان تلاقيها بتشتغل معاك بشكل مجاني.

لينك الكورس:
https://yanfaa.com/eg/single/Basics-of-photoshop

للتسجيل والبدء في التعلم من المنصة من فوق على الشمال " انشاء حساب "
بعد ما تعمل الحساب هترجع للينك الكورس وتبدأ في تشغيل الدروس، هتلاقيها اشتغلت معاك بدون الحاجة الى الضغط على " ابدء الان " ودفع الاشتراك.

غذي بصرك يا فنان انتا وهو وهي 😒

هل تعلم انك قبل ما تحرك المشروع بتاعك
لو روحت عملت تغذية بصرية من 2 فيديو يكونوا عاجبينك وفيهم أفكار جديدة انتا تعرف تنفذها

فبنسبة مليون في المية هتدخل تحرك مشروعك بالأفكار الجديدة اللي انتا لسة متفرج عليها وغذيت بصرك وذهنك بيها

وللأسف الشديد العكس صحيح 😔

لو مصدقني ... جرب وشوف النتيجة 😎

وانتقي الأعمال اللي هتخلي عينك تشوفها👌

متنسوش تتفرجوا على أهم محاضرة موجودة على قناتي على يوتيوب وهي 👇
التغذية البصرية علم وفن
.
.

.
كم مرة عملت تصميم رهيب جدا على إلليستريتور 🤩🤩
لكن لما حفظته على الجهاز 💻
لقيت جودته جدا سيئة 😭

أحب أبشرك إن كل دا كان زمان 😎💪
لأن شرحت لك 🧐
1- سبب المشكلة
2- وحلها
في فيديو أقل من 5 دقائق 🤗

مشاهدة ممتعة إن شاء الله 💁👇
رابط الفيديو 🎥
.

.
.
في المشاريع اللي برفعها على الموقع

مبحبش إطلاقا انك تقلد تحريكي ليها 😡

مش غرور لا سمح الله 😁
بس الفكرة ان المشاريع دي حركتها وأنا لسة مبتدئ ... وتحريكي فيها كان بسيط خالص 😂😂

وانتا بمستواك الحالي ممكن تعمل أفضل منه بمراحل 😎✌️

علشان كده لما تحملوا أي مشروع من الموقع
أعمل تغذية بصرية من أعمال تناسب مستواك الحالي
علشان تلاقي تطور في نفسك ودايما تكون منطلق للأمام 🤗

.
.
حتى لا تحتاروا بالحث 😕
هنا جمعت لكم

أهم 5 مصادر مجانية ☺️
أحصل منها على مؤثرات صوتية رهيبة للموشن جرافيك 🤩

وأستخدها في أعمالي الشخصية 🤗

تقدروا تطلعوا عليهم من هنا 👇
رابط الثريد
.
.

.
.
كيفية تعلم الرسم بال IPad 🧐

الموضوع فعلا لو ركزت فيه وتعلمته بجدية
هيكون مصدر دخل و رزق ليك بإذن الله ☺️

هتحتاج تتعلم حاجتين ✌️
1️⃣ البرامج اللي هتحتاجها في الرسم
وغالبا قدامك اختايرين ودول اللي أنا عارفهم وممكن يكون في أكتر
(برنامج الليستريتور - برنامج بروكرييت)
2️⃣ التكنيكات بتاعت الرسم واحدة واحدة لحد ما توصل للإحترافية بإذن الله


الدروس اللي هرشحها ليكم

أولا: الدروس العربية

1-  قناة باسل القاضي
الرابط

2- قناة الرسام عامر
الرابط

3- قناة أنيميشن جيم
الرابط

ثانيا الدروس الإنجليزية

1- قناة AGF design studio
الرابط

2-  قناة  Genevieve's design studio
الرابط

3- قناة Liza Vasina
الرابط

وأخيرا لو عجبكم البوست 🤷‍♂️
شاركوه في الجروبات اللي انتو مشتركين فيها .. علشان أفيد وأساعد عدد أكبر بإذن الله ☺️✌️

دمتم مبدعين ❤️

سؤال 👆
وجواب 👇

ج: الاختيارين متاحين معاكي

لكن امتا تختاري تحريك الشخصية في لير واحد
وامتا تختاري تفكيكها 🧐

1- لو وقت ظهورها ١٠ أو ٢٠ فريم
فيبقا ملهاش لازمة تفصليها إطلاقا
لأن أي حركة هتعمليها فيها سواء للعين او للراس أو غيره
كل ده مش هيلحق يظهر
فبلاش تتعبي نفسك فيك

2- لكن لو الشخصية هتظهر لمدة أكثر من 2 ثانية
فيفضل انك تفصليها وتعملي حركة بسيطة مناسبة
زي حركة البلك بتاعت العين
حركة بؤبوء العين نفسه
دوران الرأس
حركة الأذرع
وغيره حسب المناسب للمشهد

.
.
أعرف العميل اللي داخل يكلمني نصاب ولا جاد إزاي ؟؟

معلش أنا كل محتوايا دلوقتي جاي من أسئلتكم ومش بلحق أحضر علشان أنقذ الموقف😅

اتكلمنا عن الرسم بالايباد وكل حاجة عنه فوق ☺️
فجالي السؤال ده 😑

واللي معندهوش أيباد يعمل إيه 🥹

فكانت إجابتي الصادمة اللي في الصورة دي 😏👆
...........
السؤال المتوقع دلوقتي بقا 🙄

عاوز مصدر مجاني يا هندسة يعلمني الاسلوب ده من الرسم ☺️

من قبل ما تطلب والله أنا مجهزهولك 😌
رابط القناة

اللي هيتحجج بعد كده بأي حجة
من حقي أجيب عصاية وأجري وراه 😂

نظرا للتحديثات الجديدة للتليجرام واللي بتصب في مصلحتنا أكيد 🤗
فقمت بتقسيم الجروب ل 3 مواضيع فرعية مبدأية
◀️ معرض أعمال المبدعين
هنا هتقدروا ترفعوا أعمالكم وتاخدوا رأي بعض ونتشارك الدعم بإذن الله
◀️ نقاشات عامة واستفسارات
لو حد عنده أي مشكلة أو سؤال أو استفسار بعيدا عن المشاكل اللي بتواجهك داخل البرامج
◀️ مشاكل تقنية
هنا هنعرض فيها أي مشكلة تقابلك داخل البرامج ونشوف حلها باذن الله سوا
◀️ مطلوب مصمم
وهنا أي حد محتاج مصمم لشغل فريلانس
فيتم عرضه داخل القسم ده

واحدة واحدة وان شاء الله تاخدوا عليه بشكل فعال جدا ☺️💪

‏من جمال تأثير
turbulent displacement ☺️
مش قادر أوقف تجارب عليه علشان أشوف النتيجة ممكن تكون عاملة إزاي 🤩

واليوم بعرض لكم تجربه جديدة وإزاي ممكن تنفذها بخطوات جدا سهلة 😎✌️

لمعرفة خطوات عمل التأثير ده اضغط الرابط بالأسفل
رابط الثريد