مشكلة بتقابل كتير أوي من المصممين وقابلتني أنا شخصيا 😑

فيديو النهاردة هو
إجابة على السؤالين بتوع
1- أنا مش عارف أعمل بورتفوليوا ... أعمله إزاي 🤔
2- عندي مشاريع لكن مش عارف أعرضها أو مش بحس انها ترقى للعرض ... أعمل إيه 🤔

نصايح من القلب وكلام من خبرة الحياة العملية .. إن شاء الله يكون مفيد ليكم ☺️

أنا على سفر حاليا ومعاكم خلال الساعتين تلاته الجايين بإذن الله في فقرة سؤال وجواب لحد ما اوصل البيت ☺️

فلو عندكم أسئلة أقدر أجاوب عليها بالكتابة أو بالرسائل صوتية
اكتبوها بالكومنتات وهجاوب عليكم بإذن الله 👇

ونأجل الحاجات اللي محتاجه شرح بالفيديو لفقرة تانية بأمر الله 🤗

اخر سؤالين وصلوا على الجروب
نظرا لأهميتهم
فهخصص ليهم فيديوهات تفصيلية بعد العيد باذن الله

أكتر مشكلة بشوفها بتعرض قدامي على السوشيال ميديا من الشباب اللي داخل يتعلم جديد الموشن جرافيك🥴

بيتقال نصا كده 😑
أنا سمعت ان بعد ما أتعلم اساسيات المجال .. باخد وقت طويل أوي لحد ما يجيلي أول عميل .. وحاليا أنا محبط أوي وعاوز حد يشجعني علشان أكمل.


هو إيه ده يا شباب
هو مين اللي برمجكم بالشكل ده إنك تتعلم علشان تدخل علطول تشتغل فريلانسر وتتعب في السوق وتحبط بالشكل ده
الأصل من وجهة نظري انك تتعلم وتعمل بورتفوليو وتنزل شركات تشتغل فيهم وتحتك بمحترفين تتعلم منهم ولما تحس إنك تشبعت بالمعلومات التكنكال تروح تشتغل فريلانسر براحتك

أنا مش عارف إيه السبب
لو حاسين ان في أسباب من وجهة نظركم
سيبوهالي تحت في الكومنتات وخلونا نتناقش فيها علشان نلاقي حل للمشكلة اللي كل يوم بتكبر دي

ألاقي وظايف فين في مصر ؟؟
دا الموقع اللي معظم الشركات اللي اشتغلتها ربنا قدر ورزقني بيها من عليه
ملكمش حجة والله بعد كده
ان واحد يقولي محبط ولا ملييش نفس
اللي عاوز يعمل حاجة هيستعين بالله ويعملها

يا دوب خلصت الشرح بتاع الفيديو اللي فوق ده
ولقيت شركة شافت بروفايلي على الموقع
رنو عليا على الموبايل وحددوا معايا مقابلة يوم الأحد باذن الله 😂

رغم إني شغال في CNN لكن هروح بأمر الله
تفتكروا دا ليه 🤔

في الأنيميشن الجميل ده ☺️
وضح Ben Marriott
أشهر الإستايلات اللي ممكن نستخدمها في التصميم
1- Flat
2- cartoon
3- Gradiantes
4- Texure
5- Collage

.
اعمل CV اليوم 🤷‍♂️

لو حد بيقدم على شركات
ومعندهوش CV ومحتاج يعمل واحد

فهنا دا رابط ال CV بتاعي👇
مفتوح على word
ممكن تعدلوا بياناتكم عليه
.............

ولو عاوز تعرف
العمل الحر أو الوظيفة!
أي واحد فيهم يخلّيك مُحترف بشكل أسرع🤔

يبقا شوف الرابط ده👇
رابط المقالة

أدعوكم للإنضمام إلى 👇
جروب النقاشات ☺️

واللي خصصته فقط لإستقبال أسئلتكم وإستفساراتكم وتعليقاتكم على بوستات القناة
والإجابة عليها بشكل مباشر 🤷‍♂️

.
الفيديو ده عبارة فكرة ومثال تاني لدرس
إزاي تعمل تمديد للنصوص داخل أفترافكت☺️

بنفس الطريقة اللي اتشرحت في الدرس هنا 👇
رابط الدرس

وانتا بتتعلم الموشن جرافيك
لازم في البداية تتعلم تعمل الحركة بدون أي أدوات مساعدة
وأقصد الإسكربتات

أجلها لمدة سنة من تعلمك
بحيث تتعلم إزاي تعمل الحركة بشكل يدوي الأول وتفهمها كويس جدا
وبعدين روح للأدوات المساعدة اللي تخليك تعمل الحركة بصغطة زر بس وانتا فاهمها كويس هي اتعملت ازاي

لكن السؤال
ايش الفرق ؟ دام راح اشتغل على السكريبتات بالمستقبل ؟

الإجابة:
أولا خلينا متفقين ان الاسكربتا تم تصميمها لتسريع عمل المصمم
يعني الاساس اني عارف أعمل الحركة من الألف للياء بدون تسريع
لكن مش منطقي انك محترف وعارف تعمل الحركة ولا تسرع عملك بأدوات مساعدة

لكن ماذا لو تعلمت الاسكربت في البداية وخرب منك وانتا شغال على مشروع

هل هيتأخر تسليمك لمشروعك
ولا هيتم تسليمه في وقته ؟؟
الاسكربتات طبيعي جدا يحصل فيها bugs

لكن ماذا لو روحت مقابلة عمل وحدثت معي
وطلب منك تاسك صغير مع المقابلة على جهاز ليس عليه الا برنامج أفترافكت فقط لا غير بدون أي إضافات

الحمد لله أنا وقتها أنجزت التاسك وعجبهم جدا

هناقش معاكم حل لمشكلة قد تكون متكررة في الأجهزة اللي إمكانياتها ضعيفة شوية

ليه الجهاز مش بيعمل preview إلا لمدة ثانيتين أو تلاته ؟؟

أولا لازم تفهم ازاي البرنامج بيعمل ال preview للشغل بتاعك
دلوقتي لو عندي ٥ ثواني خلصتهم وعاوز أعرضهم وأشوفهم
فلما بدي للبرنامج أمر play
بيروح يخزن الفريمات بتاعتك دي على الرامات بتاعت الجهاز تخزين مؤقت
ولما بيخلص تجزينهم بيعرض لك الشغل بوقت حقيقي
يعني مش هتلاقيه بيعرض الشغل بتاعك وبيعمل الصوت اللي لو صهيب ابني سمعه وأنا شغال هيفكر ان في بوبع في الجهاز 😂😂

طبعا كل ما زادت مساحة الرامات
كل ما كانت بتسوعب عدد فريمات أكتر
وبالتالي تعرض معاك وقت أكتر في ال preview

لكن مع الوقت في حاجة بتكون مليانه من كتر التخزين المؤقت عليها
اسمها ال cash بتاعت الجهاز
ودي انتا اللي لازم تفضيها بنفسك

بتدخل على قايمة edit وبتنزل على purge وبتختار انك تعمل لها clear او empty

بشكل بسيط المفروض انك فهمت أصل الموضوع

نرجع لأصل موضوعنا بقا
اللي هو ليه برضوا مش بيعرض غير ثانيتين بس وانا مشروعي ١٠ ثواني مثلا

ده ببساطه لأن رامات سعتها صغيرة او انها صغيرة ومليانه كمان فمحتاج تفضيها

.
إحترم إمكانيات جهازك لو سمحت 🤷‍♂️

طبعا مش من الحكمة خالص
انك يكون جهازك قديم
او راماته صغيره
وتكون بتحرك مشروع على الأفترافكت

وحضرتك فاتح على الجهاز مع الأفترافكت
جوجل كروم وفوتوشوب وإلليستريتور ومشغل كمان حاجة بتسمعها على الجهاز قرآن او اناشيد ولا حاجة

جهازك الضغيف وراماتك الصغيرة
تشغل عليها الأفترافكت بس وانتا بتحرك
وكل ما تحس ان مدة ال preview بتقل معاك
يبقا لازم تنضف ال purge عندك

وطبعا مش هتعرف تعمل كده الا لما تخلص شغلك بالترتيب
يعني تصمم الأول وتعتمد التصميم وبعدين تحرك

.
إجابتي على السؤال ده من واقع اللي بعمله في شغلي بناء على تعاليم دينا الإسلامي وقناعاتي الشخصية بعدها

الإجابة: طبعا ليكي كامل الحق في كده

وانا ارفض المشاريع اللي بتكون عن
١. فيديو كليب لأغنية
٢. إعلان لمنتج نسائي وهيظهر فيه نساء عاريه
٣. إعلان لعقارات وبرضوا هيظهر فيه رقص بالإضافة للعري
٤. غير كده أي حاجة تخالف تعاليم دينيا الحنيف ونص الشرع عليها انها حرام بدون خلاف بين العلماء
٥. أي حاجة بقا أنا مش مقتنع بيها وحاسس انها ضد قناعاتي الشخصية
زي إعلان لحساب بيخلى الناس اللي مدمنة ألعاب الكترونية .. تدفع ليه فلوس مقابل انه يدخل يدعمها في التحديات المباشرة على تيك توك
رفضته رفض قاطع وعملت بلوك لصاحب الحساب
لأني شايف انه دي حاجة بتساهم في إفساد شباب امتنا الإسلامية الجميلة

حل مشكلة اختفاء حواف التكبير والتصغير داخل برنامج أدوبي الليستريتور

اقترحوا المواضيع اللي حابين اني أتكلم عنها في
اللقاء المباشر الاسبوع الجاي بإذن الله ☺️

البث هيكون إمتا ؟؟

الفيديو ده مهم جدا 😎
بس لمين يا ترى ؟؟

لشخصين فقط
1️⃣ للي مفكر ان العلم مش بالتعلم وانه حتى لو مش موهوب يقدر يحقق نتيجة كويسة لو اجتهد واشتغل على نفسه
2️⃣ للي مفكر ان التعليم المجاني هيوصله للي بيطمح ليه

أتمنى تجربتي تفيدكم وتساعدكم في طريقكم بإذن الله 🤷‍♂️