✍️📚 UMUMMILLIY DIKTANT — SAVODXONLIK VA DAVLAT TILIGA EHTIROM TIMSOLI!

🇺🇿 Yurtimizda oktabr oyining “Umummilliy diktant oyligi” deb e’lon qilinishi ona tilimizga bo‘lgan hurmatni yanada yuksaltirish, aholining yozma savodxonligini oshirish hamda o‘zbek tilining imlo me’yorlariga rioya etish madaniyatini mustahkamlash yo‘lidagi muhim tashabbusdir.

🏫 Abu Ali ibn Sino nomidagi ixtisoslashtirilgan maktabda ham mazkur tashabbus doirasida “Savodxon tashkilot — savodli jamiyat” shiori ostida pedagog xodimlar ishtirokida umummilliy diktant tashkil etildi.

📝 Diktant davomida pedagoglar o‘zbek tilining imlo qoidalariga amal qilish darajasini sinovdan o‘tkazib, yozma nutq savodxonligini mustahkamlash va adabiy til me’yorlariga rioya etish borasidagi bilimlarini namoyon etdilar.

🌿 Zero, tilga ehtirom — millatga ehtiromdir! Ona tilimizning sofligini asrash, uning boy imkoniyatlaridan o‘rinli foydalanish va savodxonlik madaniyatini keng targ‘ib etish har birimizning sharafli burchimizdir.

💙 Savodxon jamiyat — taraqqiyot poydevori!

Bizni kuzating!
🌐Telegram | 🌐Instagram | 📱 Facebook | 🌐Web | 🌐 Youtube

📚 ONA TILI — MA’NOLAR XAZINASI!

🏫 20-oktabr kuni Abu Ali ibn Sino nomidagi ixtisoslashtirilgan maktabda ona tili fanidan “Ma’nolar xazinasi: maqollar. So‘z yasalishi” mavzusida ochiq dars tashkil etildi.

🌟 Dars davomida o‘quvchilarning ona tilimizga bo‘lgan qiziqishini oshirish, bilimlarini mustahkamlash, mustaqil fikrlash va ijodiy yondashuv ko‘nikmalarini rivojlantirish maqsadida turli noan’anaviy metodlar hamda interfaol usullardan samarali foydalanildi.

📌 Mashg‘ulot jarayonida rang-barang tarqatma materiallar, rasmlar asosida tuzilgan savollar, qiziqarli topshiriqlar va mantiqiy mashqlar qo‘llanildi. O‘quvchilar maqollarning mazmun-mohiyatini ochib berish, ularda aks etgan xalq donishmandligi va hayotiy tajribani anglash, so‘zlarning ma’nosini izohlash hamda so‘z yasalishiga oid bilimlarini amalda qo‘llash imkoniga ega bo‘ldilar.

💡 Interfaol metodlar asosida tashkil etilgan ochiq dars o‘quvchilarning faolligi, izlanuvchanligi, mantiqiy fikrlashi va jamoada ishlash ko‘nikmalarini rivojlantirishga xizmat qildi.

👩‍🏫 Ona tili fani o‘qituvchisi: Sabirdjanova M.T.

Bizni kuzating!
🌐Telegram | 🌐Instagram | 📱 Facebook | 🌐Web | 🌐 Youtube

🇺🇿 ONA TILIM — MILLATIM FAXRI, MA’NAVIYATIMIZ KO‘ZGUSI! 💙

📚 21-oktabr — O‘zbek tili bayrami kuni munosabati bilan Abu Ali ibn Sino nomidagi ixtisoslashtirilgan maktabda bayramona muhit hukm surdi.

🌷 Ertalabdan maktabga tashrif buyurgan ustozlar, xodimlar va o‘quvchilar ko‘tarinki kayfiyatda, samimiy kutib olindi. Bayramona ruhda bezatilgan maskanda ona tilimizning boyligi, go‘zalligi va betakror jozibasini aks ettiruvchi ko‘rgazmalar tashkil etildi.

📖 Ko‘rgazmalarda Alisher Navoiy, Zahiriddin Muhammad Bobur, Nodirabegim, Abdulla Qodiriy, Zulfiya kabi o‘zbek adabiyoti va ma’naviyati rivojiga beqiyos hissa qo‘shgan buyuk siymolarning hayoti va ijodiga alohida e’tibor qaratildi.

🧠 Bayram davomida ishtirokchilar ona tilimizga oid qiziqarli tez aytishlar, mantiqiy boshqotirmalar va zukkolikni sinovdan o‘tkazuvchi topshiriqlarda faol qatnashib, o‘z bilim va mahoratlarini namoyon etdilar.

✨ Ushbu tadbir barchaga bayramona kayfiyat ulashish bilan birga, o‘zbek tilining naqadar boy, serjilo va keng imkoniyatlarga ega ekanini yana bir bor namoyon etdi.

💚 Ona tiliga ehtirom — millatga ehtirom! Tilimizni asrab-avaylash, uning sofligini saqlash, boy merosimizni kelajak avlodga yetkazish har birimizning muqaddas burchimizdir.

🇺🇿 Ona tilimiz doimo qalbimiz faxri, milliy o‘zligimiz va ma’naviyatimiz timsoli bo‘lib qolsin!

Bizni kuzating!
🌐Telegram | 🌐Instagram | 📱 Facebook | 🌐Web | 🌐 Youtube

🇺🇿 ONA TILIM — MILLAT G‘URURI!

✨ Til — millat ko‘zgusi, milliy g‘urur va ma’naviyat timsoli!

📚 Bugun, 21-oktabr kuni Abu Ali ibn Sino nomidagi ixtisoslashtirilgan maktab hamda Al-Beruniy xalqaro maktab-internati hamkorligida O‘zbek tiliga davlat tili maqomi berilganining 37 yilligi munosabati bilan “Ona tilim — millat g‘ururi” nomli ma’naviy-ma’rifiy bayram tadbiri ko‘tarinki ruhda bo‘lib o‘tdi.

🌷 Tadbir davomida o‘quvchilar tomonidan ona tilimizning beqiyos go‘zalligi, boy tarixi va millatimiz ma’naviy hayotidagi o‘rnini tarannum etuvchi dilrabo she’rlar, kuy-qo‘shiqlar hamda jozibali raqslar namoyish etildi.

📜 Ayniqsa, millatimizning ma’rifatparvar jadid bobolariga bag‘ishlangan chiqishlar tadbirga o‘zgacha mazmun bag‘ishladi. Ularda jadid ajdodlarimizning milliy til, ma’rifat va millat ravnaqi yo‘lidagi ezgu g‘oyalari yorqin ifoda etildi.

✨ O‘quvchilarning ijodiy chiqishlari, sahnadagi mahorati va ona tiliga bo‘lgan cheksiz mehr-muhabbati bayramga o‘zgacha fayz ulashdi.

💫 Ikki ta’lim muassasasi hamkorligida tashkil etilgan mazkur tadbir yosh avlod qalbida ona tiliga hurmat, milliy qadriyatlarga sadoqat va Vatanga muhabbat tuyg‘ularini yanada mustahkamlashga xizmat qildi.

🇺🇿 Zero, ona tili — millatning ruhi, xalqning g‘ururi, ajdodlardan avlodlarga o‘tuvchi bebaho merosdir!

🌷 Ona tilimizning qadri hamisha yuksak, mavqeyi esa bardavom bo‘lsin!

Bizni kuzating!
🌐Telegram | 🌐Instagram | 📱 Facebook | 🌐Web | 🌐 Youtube