📚 Ibratli Hikoyalar 📚
18K subscribers
6.95K photos
3.25K videos
44 files
16.4K links
Хаётий ва Ибратли ҳикоялар... Хикматлар хазинаси...
Инсон такдирини аччик синовлари...


Hamkorlik va reklama uchun 👇👇

@Bronzam

.



.



.



.



.





.
Download Telegram
Жон чиқар вақтда гўзал хотиманинг 5 аломати

1. Вафот этаётган пайтида пешонаси терлаб кетади.

Бу ҳақда Расулуллоҳ саллаллоҳу алайҳи васаллам: «Мўминнинг ўлими пешонаси терлаши биландир», деб айтганлар (Ибн Можа ва Термизий ривояти).

Изоҳ: Ибн Масъуд розияллоҳу анҳу: «Мўминда гуноҳларидан бирортаси қолса, ўлим пайтида унга жазо сифатида пешонаси терлайди», деганлар. Яъни, бу гуноҳи оз қолгани ва бор бўлса ҳам, у шу туфайли ювилиб кетганини билдиради. Суфён Саврий раҳматуллоҳи алайҳ: «Саҳобалар жон бераётган одамнинг терлаганини яхши кўрар эдилар», деб айтган.

2. Жума кечаси ёки жума кундузи вафот қилади.
Бу ҳақда Расулуллоҳ саллаллоҳу алайҳи васаллам: «Бирор мусулмон киши жума куни ёки жума кечаси вафот қилса, Аллоҳ уни қабр фитнасидан сақлайди», дедилар (Имом Термизий ва Аҳмад ривояти)

3. Ўлишидан олдин шаҳодат калимасини айтишга муваффақ бўлади. Бу ҳақда Расулуллоҳ саллаллоҳу алайҳи васаллам: Кимнинг дунёдаги охирги сўзи «Лаа илаҳа иллаллоҳ» бўлса, жаннатга киради», дедилар (Абу Довуд ривоятлари).

4. Ҳадисда зикри келган шаҳидларнинг бири бўлмоқ.
Ҳадисда Расулуллоҳ саллаллоҳу алайҳи васаллам: «Шаҳидлар беш хил: вабодан ўлган, қорин оғриғидан ўлган, ғарқ бўлган, қулаган нарсанинг остида қолиб ўлган ва Аллоҳ йўлида шаҳид бўлган», дедилар (Муттафақун алайҳ).

5. Ибодат устида, масалан намоз ўқиётган, рўзадор ҳолида ёки диний илм мажлисларига бориш, қатнашиш асносида вафот топиши.

Бу ҳақда Расулуллоҳ саллаллоҳу алайҳи васаллам: «Қачон Аллоҳ таоло бир бандага яхшиликни ирода қилса, ўлимидан олдин поклаб қўяди», деганларида, саҳобалар: «Бандани поклаб қўйиши нима?» дейишди. Шунда у зот: «Солиҳ амал бўлиб, унга ўша амални бажаришда илҳом беради ва ўша амал устида жонини қабз қилади», дедилар (Табароний ривояти).

Аллоҳ йўлида.

Каъб ибн Ужра  р.а. дан ривоят қилинади;
Расулуллоҳ  саллаллоҳу алайҳи васаллам олдларидан бир киши ўтиб қолди.
Расулуллоҳ саллаллоҳу алайҳи васалламнинг саҳобалари у кишидаги куч ва фаолликни кўриб:
- “Эй Аллоҳнинг расули? Агар бу киши Аллоҳ таоло йўлида ҳаракат қилса ажойиб бўлар эди” - дейишди.
Шунда Расулуллоҳ саллаллоҳу алайҳи васаллам:
- “Агар у киши ёш фарзандларини боқиш учун  кўчага  чиқса, у Аллоҳ йўлидадир. Агар кекса ота онасини боқиш учун  кўчага  чиқса,  у Аллоҳ йўлидадир.
Агар бошқалардан сўрамасдан, ўз иффатини сақлаш  мақсадида пул топиш учун  кўчага  чиқса, у ҳам Аллоҳ йўлидадир.
Агар риё ва фахр учун чиқса, у шайтон йўлидадир” - деб айтдилар.

(Имом Табароний ривояти)

📚 Ibratli Hikoyalar 📚
👍53❤13
“Мўмин киши дилозор бўлмайди“

Ибн Ҳазм раҳимаҳуллоҳ айтадилар:

“Биродаринга у билиши фойдаси йўқ бўлган , билса қуруққа қалби оғрийдиган сўзларни ташиб борма ! Бу разил кишилар одатидир . Ва билмай қолса зарарланадиган гапларни ҳам ундан беркитма . Зеро бу ёвузлар фелидир“
(Ахлоқ ва сияр китобидан)

Оиша онамизга туҳмат қилинган ифк ҳодисасида онамиз ўзлари ҳақида юрган гап сўзлардан бир ой бехабар бўлиб юрдилар !
Охир-оқибат Умму Мистоҳ билан юрганларида у аёл онамизни бу гаплардан хабардор деб ўйлаб тасодифан айтиб қўйгандагина билдилар !
(Имом Бухорийда келган қисса)
Чунки онамиз бу гапларни билишларидан заррача фойда йўқ эди .
Аксинча ўзлари айтганларидек бу хабарни эшитиб энди тузалиб турган дардларига яна дард қўшилиб ётиб қолган эдилар.

Тасаввур қилинг-а агар бугун бирор киши ҳақида бунга ўхшаш гап тарқалса баъзиларнинг разиллиги қандай тез фош бўлади !

Улар гўё сизнинг қалбингизни оғритишга мусобақалашиб , яна сиздан “суюнчи“ олгилари келади !

Шунинг учун туҳматга қолган киши унинг олдига гап ташиб келаётган кишиларнинг бу услубидан огоҳ бўлиши , улар ичларидаги бу заҳарни унинг жасадига тўкиб хуморларидан чиқишларига йўл қўймаслиги керак .
Бу турдаги кишилар, ичида заҳри тўлиб кетган илон ёки чаёнга ўхшайдилар.
Агар заҳарни чиқаришга бирор ўрин топмасалар охири ўз нафслари ёки ошналарига ниш санчиб бўлса ҳам бу заҳарни бўшатиш пайида бўладилар.

Албатта , биродарини огоҳлантириш ёки у ҳақидаги гумонни аритиш учун унга хабар қилиш бундан мустасно . Шунинг учун ҳам юқорида Ибн Ҳазм раҳимаҳуллоҳ “Фойдаси бўлмаган гаплар...“ деб қайдладилар .

Тўғри бу ишларни қилувчиларнинг барчасини разилга чиқара олмаймиз .
Гоҳида ҳақиқий дўстлардан ҳам бу иш содир бўлиб туради .
Бу уларнинг нафс тарбиясидаги билимсизлигидан холос .

Аллоҳ таоло бандасига ғайбни сир қилиб қўйгани ҳам катта бир неъмат ҳам мўминларга ибратдир .
Агар атрофимизда нималар бўлаётганини билиб яшасак , бир лаҳза ҳам бу ҳаётда роҳат топмаган бўлар эдик !
Шунинг учун ғайбни ғайблигича қолдиринг !
Манфаатсиз ўринда уни кавламанг ...

📚 Ibratli Hikoyalar 📚
👍21❤9🔥1
ОТАСИНИНГ ҚОТИЛИНИ КЕЧИРГАН ЎҒИЛЛАР

Уч йигит Умар ибн Хаттоб розияллоҳу анҳунинг олдига бир кишини етаклаб келди.
– Бу киши отамизни ўлдирди, – дейишди.
У киши ҳақиқатан ҳам ўлдирганини тан олди. Лекин олий жазо қўллашлари учун уч кунга муҳлат сўради. Бунинг сабаби у уйига бойликни беркитиб қўйган, лекин уни ўзидан бошқа ҳеч ким билмас эди. Ўша бойлик кўмилган жойни ўғилларига кўрсатиб қўйиш учун уйига бориб келишликка уч кун вақт кетар эди. Ўрнига улуғ саҳобий – Абу Зар Ғифорийни гаровга қўйиб кетди.
Орадан уч кун ўтди. Қоидага кўра у келмаса, ўрнига Абу Зар розияллоҳу анҳу қатл қилиниши керак эди. Уни анча вақт кутишди. Ниҳоят, уч кун адо бўлишига оз қолганида кийимлари чанг-ғубор ҳолатда ҳаллослаб етиб келди. Умар розияллоҳу анҳу сўради:
– Қочиб кетишингга имкон бўла туриб нега қайтиб келдинг?
– Ваъда вафо қилгувчилар қолмабди, деган гап бўлмасин деб қайтиб келдим, – деди у.
Сўнг Абу Зарга юзланди:
– Сен нега ўзинг танимаган инсонга кафолат бердинг?
– Мен мурувват аҳли қолмабди, деган гап бўлмасин дедим, – жавоб берди Абу Зар розияллоҳу анҳу.
Шунда даъвогарлар айтишди:
– Ундай бўлса, биз ҳам афв қилдик, токи одамлар орасида қасос олишга имкони бўла туриб афв қилгувчилар қолмабди, деган гап бўлмасин.

“Расулуллоҳ соллаллоҳу алайҳи ва саллам ҳаётидан лавҳалар” китобидан.

📚 Ibratli Hikoyalar 📚
👍23🔥15❤8😢1
Чумолилар колониясида кичкина чумоли яшарди. У энг кучли, энг тезкор ва энг ақлли эди. Бироқ бир фазилати уни бошқалардан ажратиб турарди:

У бировнинг дардини эътиборсиз қолдиролмасди.

--- --- --- --- ---

Агар кимдир чарчаган бўлса ва донни уяга олиб боролмаса, у ёрдам берарди.

Агар кимдир йиқилиб тушса, уни кўтариб оларди.

Агар ёмғир чумолилар туннелларини вайрон қилса, у биринчилардан бўлиб ёрдамга ошиқарди.

--- --- --- --- ---

Вақт ўтиши билан чумолилар бунга кўникиб қолишди: ахир у бор, доим ёрдамга шай.

Агар кимдир юкларни сочиб юборса, у йиғиштиришга ёрдам берарди.

Агар кимдир йўлларни тозалашга улгурмаса, у тугатиб қўярди.

Агар кимдир чарчаган бўлса, у елкасини тутиб турарди.

--- --- --- --- ---

Аммо ҳеч ким ундан "чарчамадингми?" деб ҳол сўрамасди.

У нафақат ўз юмушларини бажарар, балки бошқалар қилишга вақтлари бўлмаган ҳамма ишни ўз зиммасига оларди.

У ҳордиқ чиқарарди деб ўйлайсизми? Йўқ.

У жимгина ишини қилар ва ўз-ўзига дерди:

"Яна озгина. Муҳими, бошқаларга оғир бўлмасин".

--- --- --- --- ---

Бир куни у чарчоқдан оёқлари титраётганини, бели оғриётганини ва дон ҳар қачонгидан ҳам оғирлашганини пайқаб қолди.

Лекин у чумолиларга панд беришни истамасди.

Битта чумоли ёрдам сўраганида, у рози бўлди.

Иккинчиси келганида, тишини-тишига қўйиб, бош ирғади.

Учинчиси: “Сиз ҳар доим вақт топасиз”, деганида, у рад этолмади.

--- --- --- --- ---

Ва кейин унинг ўзи ҳам кутмаган воқеа содир бўлди.

Зиммасига олган ташвишлари уни йиқитди.

У шунчаки қулади.

Чумолилар унинг ёнидан ўтиб-қайтиб юришсада, унинг йиқилганини ҳатто сезишмади ҳам.

Улар ич-ичларидан амин эдилар: "У тез орада туради".

--- --- --- --- ---

Бир-бирини қувганча кунлар ўтарди.

Ҳеч ким сочилиб ётган донларни йиғиб олмади.

Туннелларни ҳеч ким таъмирламади.

Ҳеч ким чарчаган бошни қўйиб ором олиш учун елкасини тутиб бермади.

Чумолилар уйида ишлар қийинлашди.

Улар уни қидиришди, бироқ ҳеч қаердан топа олишмади.

--- --- --- --- ---

Колониянинг чеккасида яшовчи кекса чумоли оғир хўрсинди ва паст овозда деди:

- У кетди. Ғойиб бўлмагунича ҳеч ким унинг меҳнатини қадрламаслигини тушунди”.

- Лекин нега у ҳеч нарса демади?! — чумолиларнинг жаҳли чиқди.

- Сиз ундан ўзини қандай ҳис қилаётганини ҳеч сўраганмисиз? — уларга юзланди кекса чумоли.

Чумолилар жим бўлишди.

Улар унинг ёрдамини "қилишга мажбур" дея тушунганларини англаб етишди.

У уларга қийин бўлган ҳар дақиқада ёнларида эди.

Аммо унинг учун ишлар қийинлашганда, ҳеч ким буни сезмади.

--- --- --- --- ---

Ҳикмат:

"Ҳар бир жамиятда бошқа инсонларнинг ташвишларини ўз зиммасига оладиган одамлар бор.

Улар ёрдам беради, қўллаб-қувватлайди, бошқалардан кўра кўпроқ вазифани бажаради.

Улар ўзларига оғир бўлиб турган вақтдям «лаббай» дейишади.

Улар бошқа одамларнинг ҳаётини осонлаштиради.

Бироқ улар учун қанчалик оғир эканини ҳеч ким сезмайди.

Ва бир кун уларнинг кучи тугайди ва улар кетишади.

Шундагина атрофдагилар унинг қанчалик муҳимлигини тушуниб етишади, бироқ кеча бўлади.

--- --- --- --- ---

Агар ҳаётингизда шундай инсон бўлса, унинг қулашини кутманг.

Шу бугун ундан сўранг: "Уддалай оласанми? Сенга қандай ёрдам бера оламан?

Куни келиб бу савол ҳамма нарсани ўзгартириши мумкин.

©️ Сарвар Раҳимий

📚 Ibratli Hikoyalar 📚
👍28❤15😢3🤔1
....2 ёш... Бу ёшдаги ютуғингиз, махсус тагликдан чиқиб тоза юришини бошлаганингиздир...

....3 ёш... Бу ёшдаги ютуғингиз, қошиқни қандай ушлаш кераклигини ўрганиб, оқизмай ~томизмай овқат ея олишингиздир...

....4 ёш... Бу ёшдаги ютуғингиз, кийимларингизни ҳўл қилиб қўймаслигингиздир...

....5 ёш... Бу ёшдаги ютуғингиз, уйингиз манзилини тўғри топиб кела олишингиздир...

....12 ёш... Бу ёшдаги ютуғингиз, дўст ~ошнали бўлишингиздир...

....18 ёш... Бу ёшдаги ютуғингиз, мошина бошқаришга рухсатнома олишингиздир...

....23 ёш... Бу ёшдаги ютуғингиз, олийгоҳни тамомлашингиздир...

....25 ёш... Бу ёшдаги ютуғингиз, бирор бир ишнинг бошини ушлашингиздир...

....30 ёш... Бу ёшдаги ютуғингиз, оила қурган бўлишингиздир...

....45 ёш... Бу ёшдаги ютуғингиз, ёшлик кўринишингизни сақлаб қола олишингиздир...

....50 ёш... Бу ёшдаги ютуғингиз, фарзандларингизга берган тарбиянгиз ўз самарасини беришидир...

....55 ёш... Бу ёшдаги ютуғингиз, оилавий муносабатдаги  вазифаларингизга қодир бўлишда давом этаётганингиздир...

....60 ёш... Бу ёшдаги ютуғингиз, улов ҳайдашга қийналмай, ёрдамсиз ўзингиз бошқаришингиздир...

....65 ёш... Бу ёшдаги ютуғингиз, касал бўлмай яшашингиздир...

....70 ёш... Бу ёшдаги ютуғингиз, фарзандларга қарам бўлиш нима эканлигини сезмаслигингиздир...

....75 ёш... Бу ёшдаги ютуғингиз, улфатингиз, ҳамсуҳбат, ошнали бўлишингиздир...

....80 ёш... Бу ёшдаги ютуғингиз, адашмасдан уйингизни топиб келишингиздир...

....85 ёш... Бу ёшдаги ютуғингиз, ётган жойингиз, кийимларингизни ҳўллаб қўймаслигингиздир...

....90 ёш... Бу ёшдаги ютуғингиз, тагликсиз покиза ўтиришингиз, қошиқни тўғри ушлаб оқизмай ~томизмай овқатлана олишингиздир...!

УМРИНГИЗ БАРАКОТЛИ, РИЗҚИНГИЗ УЛУҒ, МАНЗИЛИНГИЗ ЖАННАТ БЎЛСИН !!!

📚 Ibratli Hikoyalar 📚
👍31❤2💯2💔1
Бир шотландиялик фермер уйига қайтаётиб, ботқоқлик бўлган бир ернинг ёнидан ўтар экан, бирдан ўша тарафдан ёрдам сўраб бақираётган овоз эшитилди. Фермер тезда болани қутқариб олди.

Бола ўз ҳалоскорининг кўзларига миннатдорона тикилиб турди-да, югурганча кетди...

Эрталаб фермер, уйининг олдига бой бир извош келиб тўхтаганини кўрди. Извошга зотли отлар боғланган эди. Извошдан қимматбаҳо кийимлар кийган бир жаноб тушди ва фермердан кеча боласини қутқаргани учун қанча пул бериши кераклигини сўрайди. Бироқ, фермер пулни рад этади.

Фермер кетиш учун ўгирилди. Шу вақт унинг елкасига ичкаридан ўғилчаси чиқиб осилди. Меҳмон унинг ўғлини ўқитиб зиёли шахс қилиш учун Лондонга олиб боришини айтади.

Орадан йиллар ўтди. Фермернинг ўғли мактабни тугатди. Кейин тиббиёт Университетини. Тез орада унинг номи пенициллин кашфиётчиси сифатида дунёга танилди. Унинг исми Александр Флемминг эди.

Урушнинг арафасида Лондоннинг бойлар учун клиникасига ўпканинг ўта шамоллаши ташхиси билан ҳудди ўша жанобнинг ўғлини келтиришди. Александр Флемминг томонидан кашф қилинган пенициллин сабаб унинг ҳаёти сақлаб қолинади. Флеммингга таълим берган бой жанобнинг исми Рандольф Черчиль эди. Унинг ўғлини эса Уинстон Черчиль дейишарди. Ўша, кейинчалик Англиянинг премьер-министри бўлган Черчиль.

Уинстон Черчиль айтган эди:
"Сен томондан қилинган нарса албатта сенга қайтади".

📚 Ibratli Hikoyalar 📚
👍38❤7
Музқаймоқ

Дилим хун бўлиб йўл четидаги скамейкада ўтиргандим. Қаёқдандир бир аёл чамаси беш ёшлардаги ўғилчасини етаклаб келди. Болакайни скамейканинг нарига четига ўтказиб қўлига музқаймоқ тутди, ва "Чиққунимча шу ерда ўтир", деб тайинлади-да ўзи йўлнинг у тарафидаги суд биноси томон кетди. Болакай бутун борлиқни унутган куйи музқаймоқни мароқ билан яларди.
- Музқаймоқни яхши кўрасанми? - болакайни саволга тутдим.
- Ҳа! - қисқагина жавоб берди у.
- Шошмай евер, томоғинг оғриб қолади.
- Хўп! - деди-ю, менга бир қараб қўйди.
- Музқаймоқни кўп ейсанми? - зерикканимдан болакайни яна саволга тутдим.
- Йўқ! - яна қисқагина жавоб!
Шундан сўнг болакайга ҳалал бергим келмади. Бироқ зум ўтмай у гапига қўшимча қилгандай:
- Музқаймоқ олиш учун пул керак-ку, - деди.
Алланималарнидир тушунгандай бўлдим, индамадим, бироқ жим ҳам туролмадим.
- Кўп пулинг бўлса нима қилардинг?
- Кўп музқаймоқ олардим. - қўлидаги музқаймоқни авайлаб яларкан жавоб берди у.
- Жуда кўп пулинг бўлсачи?
- Жуда кўп музқаймоқ олардим, машинча, - қулочини ёзиб кўрсатди.
- Жудаям кўп пулинг бўлсачи?
- Бир қопми? - болакай кўзларини жовдиратиб менга қаради.
- Ҳа, бир қоп пулинг бўлса?
Болакай бу саволга жавоб беролмади, ўйланиб қолди. Музқаймоқ берсангиз дунёларча қувонадиган болакай. Уни шунчаки музқаймоқ билан бахтиёр этиш мумкин. Катталарничи, баъзан уларнинг нафси шунчалик ҳакалак отадики, бутун дунёни ютиб юборсалар ҳам яна камдай.
- Ойингни кўпроқ яхши кўрасанми, музқаймоқними? - болакайни яна саволга тутдим.
У бир менга, бир қўлидаги музқаймоққа қараб қўйгач:
- Ойимни, - деб жавоб берди.
Бирдан ҳалиги аёл (болакайнинг онаси) пайдо бўлди. У гоҳ йўлнинг у томонга, гоҳ бу томонига қарар, хуноби ортиб ўзига бир нималар деб қўярди. Шу пайт болакай "Ая яна музқаймоқ олиб беринг" деди.
- Музқаймоқ? - Ҳалиги аёлнинг бирдан жазаваси тутди.
- Катта холангнинг пулига олиб бераманми сенларга ҳадеб музқаймоқни? Ўзи анави аблаҳ отанг алиментни тўламаган бўлса... Устингни нима қилдинг? (болакайнинг кийимига бир икки томчи музқаймоқ томган экан) эшак, сенларга янги кийим олишга ҳадеб пул қаерда? Сен ҳам дадангдан баттар овсар бўласан. Мен сенга устингни кир қилмагин дегандим-а... Болакайнинг кўзларида ёш пайдо бўлди. Шу пайт ҳалиги аёл ўғилчасини билагидан ушлаб салтаркан ўшқирди:
- Кўчада йиғласанг, унга боргач биласан-а нима қилишимни? Болакайнинг кўзига жиққа ёш тўлган куйи турарди. Ҳозир портлайди, пиқиллиб йиғлаб юборади. Йўқ, болакай йиғламади, кўзларида жиққа ёш қотиб қолган, лаби буришган, ўзи эса йиғламаслик учун тишини тишига босиб олиб жим турарди. Чунки уйга боргач нима бўлишини яхши билади. Ҳайратда эдим, болакай бундай нохақликка, разолатга қарши туришда ўзида куч топа олганди. Назаримда хозир шу болакай дунёдаги энг кучли инсон эди. Ҳалига аёл ўғилчасини қўлидан шарт ушлади-ю, судраганча қаергадир шошиб кетди.

Ўйга толаман, юрагим тирналади. Нега ахир ота-онасининг қилган хатоси учун болалар жавоб бериши керак? Нега онанинг ўз боласига нисбатан ҳам меҳри қолмаган? Болакайнинг отаси қилган хиёнати сабаблими?! Одамлар нега бир-бирига хиёнат қилади? Нега энди биз душманимиздан кўра кўпроқ дўстимиздан озор кўришимиз керак? Бир покиза мурғак қалбини арзимаган нарсалар учун синдириш инсонга хосми? Биз севмай қўйдик. Инсонлар юрагидан юз ўгирдилар. Дунёнинг ҳар томонида бир разолат, ҳар қаричида бир ноҳақлик, ҳар бурчаги адолатсизликка тўла...
Сўнги кунларда ҳаётимда содир бўлган ноҳақликлар кўз ўнгимда жонланади. Думоғим ачишиб кетaди. Бироқ мен ўша болакайчалик кучли эмасдим!...

© Оқил Тўрaқул

📚 Ibratli Hikoyalar 📚
👍45😢17❤15⚡1
Кечиримли бўлинг!!!

Англиянинг Шеффилд шаҳрида яшовчи бир ота ижтимоий тармоқда қуйидагича пост қолдирди:

“Мен 7 йил олдин ўғлим ва рафиқамни даҳшатли бахтсиз ҳодисада йўқотдим. Ўшанда уларни маст ҳайдовчи уриб юборганди, яқинларим воқеа жойида ҳалок бўлишди. Буларнинг бари кўз ўнгимда рўй берди. Кейинчалик, ҳайдовчи етти йилга қамалди.

Уч йил давомида ўта оғир стресс ҳолатида яшадим. На бирор ишга жойлаша олдим ва на одамлар билан бирга бўла олдим. Мен ҳалок бўлган ўғлим ва рафиқам ҳақида тинмай ўйлардим.

Кунларнинг бирида менга бутун ҳаётимни ўзгартирган маслаҳатни беришди.

Қамоқхона руҳонийси хотиним ва боламни ўлдирган одамни бориб кўришни маслаҳат берди. Мен унинг таклифини телбанамо гаплар, деб ўйладим, бироқ менга қандайдир умид учқунлари зарур эди.

Жасоратим етмаганлиги боис, қамоқдаги ўша одам билан учрашиш бир йилга чўзилди. Бироқ мен бу ишни амалга оширдим. Ва у ерда кўрган ва ҳис қилганларим мени бутунлай ўзгартириб юборди.

У мендан кечирим сўради. Ва унинг ҳикоясини тингларканман, ич-ичимдан йиғлар ва уни бутун вужудим билан кечирар эдим. Маълум бўлишича, ўша кечаси унинг ичишига ва бутунлай маст бўлиб қолишига, 7 ёшли фарзандининг саратон касаллигидан вафот этгани сабаб бўлган экан. Қилган ишини кечира олсам, умрида бир томчи ҳам ароқ ичмасликка қасам ичди.

Мен бу одам билан шу кунгача алоқадаман ва у ўшандан бери ҳеч қачон спиртли ичимлик истеъмол қилмади. У ҳаётини қайта тиклади ва мени ҳам шунга илҳомлантирди.
Сизга шуни айта оламан-ки: мен уни кечирган кунимдан бошлаб, узоқ йиллар давомида елкамни эзиб келган оғир юк ағдарилган эди.

Ўлгунимча ўғлим ва хотинимни соғинаман. Уларнинг қабрларини тез-тез зиёрат қилиб тураман. Ҳа, мен қайта уйландим. Вақт ҳамма нарсага даво экан. Ҳозир икки нафар қизим бор. Тўғри улар биринчи фарзандимнинг ўрнини боса олишмасада, аммо зулматга чўмган ҳаётимни яна нурга тўлдирган икки юлдузим ҳисобланишади. Улар менга дардларимни унуттирадиган чексиз қувонч бағишлашади.

Бу гапларни нега ёздим, биласизми? Кечиримли бўлинг... Ич-ичингиздан бу ишни қила олмасликка кўзингиз етса-да, бир бор уриниб кўринг. Бошқаларни ҳам, ўзингизни ҳам кечиринг. Бу олдинга силжишнинг ягона йўли экан.

©️ Сарвар Раҳимий

📚 Ibratli Hikoyalar 📚
👍31❤10🔥3
Аёлим.

Қўнғироқ овози жиринглади. Аёлимнинг телефонидан чиқаётган овоз эди. Шубҳа аралаш қўлимга олсам, уйғотгич экан.

"Таҳажжудда эрингни дуо қил" деган ёзувларни экранида кўрдим. Овозини ўчирдим. Аёлим сезмади. Чарчоқдан телефон овозини ҳам эшитмади бечора. Мириқиб ухлаябди.

Унга бироз тикилдим. Негадир раҳмим келди. У:

Ота уйида беками-кўст улғайган, ўйнаб-кулиб ўсган бир муслима қиз эди.

Бечора қиз асло танимаган, билмаган инсони билан бир умр яшаш мақсадида ота уйидан чиқиб келган.

Умри давомида дегани деган, айтгани айтган ҳолда ўсган қиз энди бир эрнинг уйида, эрнинг дегани деган, айтгани айтган ҳолда яшайди.

Ҳамма кўнглига қараб катта бўлган қиз энди эрининг кўнглига қараб яшарди.

Эрининг барча аччиқ-чучук гаплари, кинояю-овозаларига сукут ила сабр қилар, асло гап қайтаришга ботинмасди.

Тун-у кун қайнона-қайнотанинг хизматида елиб-югурадиган аёл.
Камига эрининг қариндош-уруғларига ҳурмат-эҳтиром кўрсатиб, уларнинг кесатиқ гапларига парво қилмасликка интиладиган бир муслима аёл.

Кун давомида тинимсиз меҳнат қилиб, яна тун ярмида ўша жаҳлдор ва қўпол эри учун ширин уйқусидан кечиб, унинг учун Аллоҳга дуо қиладиган аёл.

Шунча қийинчилигу-машаққатларга сабр қиладиган аёл.

Уст-бошидан нолимайдиган, оч қолса сабр қиладиган, эри олиб келган бир луқмага севиниб, Аллоҳга шукурлар айтадиган аёл.

Эридан барвақт туриб, обдастага сув илитиб, эрини намозга уйғотадиган аёл.

Барча ишларини якунлаб, Қуръон ўқибгина ёстиққа бош қўядиган аёл...

Унга тикилганим сари ўзимдан нафратланиб кетардим. У эса бирон марта нолимаганди.

Бу эса мени виждонимни янчарди. Нақадар жоҳил ва бепарво бўлган эканмана?

Расулоллоҳ соллаллоҳу алайҳи васалламдан аёлларга қандай муомалада бўлиш меросига амал қилмай, кундузи эса яқинларимни суннатга амал қилишга чорлаган мендайин нотавон бормикин?

Яна ўзимни уммат дея керилиб ҳам юрардима?!

Аёлим ширин уйқуда ухларди. Уни безовта қилмадим. Таҳорат олдим ва Таҳажжуд ўқишни бошладим.

Бироз вақт ўтмай хонада қадам товушлари эшитиларди. Шошилиб босилган қадамлар таҳоратхона томон борди.

Бироздан сўнг эса аёлим орқамда турган ҳолда намозда менга иқтидо қилди.

Ҳўнграб йиғлаган ҳолда намозни аранг якунладим...

- Бегим, нега мени уйғотмадингиз? -, деди у ҳижолат овозда.

Бу эса мени баттар қийин аҳволга солди. Уни бағримга босганча, етказган жабр-зулумларим учун кечирим сўрардим.

Бечора аёлим менинг жабримга ўрганиб ҳам қолибди, менга ҳайратомуз боқарди. У нима бўлганини тушунмасди. Мен эса намланган кўзда ёшим билан:

- Менга қандай чидаябсан, билмадим?! Аллоҳ сендан рози бўлсин!-, дедим...

Шу тундан бошлаб ҳаётим ўзгарди. Йўқ, ҳаётим эмас, мен ўзгардим. Аёлим ҳам аввалгиданда қувноқ ва бахтиёр бўлди.

"Хизматингизни қилиб тўймайман" дерди табассум билан. Ишонасизми, у қизлик уйидагиданда бахтиёр эди...
Уни кўриб эса менинг кўзларим қувнарди...

Ҳурматли эркаклар!
АЁЛИНГИЗНИ СЕВИНГ!

Мирзо Мирзо дан кўчирилди.

Ўқиган хикояларим ичида энг аълоси. Азизим шу Хикояни  кимгадур юборинг бутун телеграмда айлансин Ўзбек аёл яйраб ЯШАСИН.

📚 Ibratli Hikoyalar 📚
👍31❤17
“АСРНИ ЎҚИДИНГМИ?”
(эр-хотин ўртасидаги суҳбат)
🕌
- Асрни ўқидингми?

- Йўқ.

- Шомничи?

- Ўқимадим.

- Нима учун?

- Ишдан чарчаб келгандим. Шунга бироз ётиб, дам олдим.

- Тушунарли. Хуфтонга азон айтилмасидан туриб тезда аср ва шомни ўқиб ол.

Эртаси куни эр хизмат сафарига жўнади. Одатда манзилига етиб боргач, аёлига қўнғироқ қилиб қўярди. Аммо бугун қўнғироқ қилмади ёки “Етиб келдим” деб смс ёзмади. Аёл ўзи эрига қўнғироқ қилди. Эри эса телефонни кўтармади. Қайта-қайта қўнғироқ қилдию барибир тушолмади. Безовта бўла бошлади. Эрининг бундай одати йўқ эди. Бу сафар эса ўзи қўнғироқ қилмагани етмагандек, аёлининг қўнғироғига ҳам жавоб бермаяпти. Орадан бир неча соат ўтгач, эри телефон қилди. Аёл шошганча телефонни кўтариб, гапира кетди:

- Эсон-омон етиб бордингизми?

- Ҳа, етиб келдим. Алҳамдулиллаҳ.

- Қачон етиб бордингиз?

- Тўрт соатча бўлди.

Аёл ғазабланди, овози ўзгарган оҳангда деди:

- Тўрт соат бўлди? Нега хабар бермадингиз?

- Йўлдан чарчаб келгандим, ётиб бироз дам олдим.

- Мен билан бир неча дақиқа гаплашсангиз нима бўларди? Телефон овозини эшитмадингизми?

- Эшитдим.

- Эшитдингиз-у, аммо жавоб бермадингиз. Нега? Мени ўйламадингизми?

- Ўйладим. Лекин сен ҳам кеча намозга азон айтилганида Аллоҳнинг ибодатига шошилишни ўйламадинг. Бир неча дақиқада намозингни ўқиб олсанг нима бўларди?

Аёл бироз сукутдан сўнг “Ҳа, тўғри. Сиз ҳақсиз. Мен хато қилдим. Бу ишимдан пушаймонман” деб хўнграб йиғлаб юборди.

Эри аёлининг ўзидан узр сўрагандек бўлганини сезиб, бундай деди:

- Сен кечиримни мендан эмас, Аллоҳ таолодан сўра! Бошқа ҳеч қачон намозингни қазо қилма! Биласанми, менинг энг катта орзуларимдан бири – сен билан жаннатда ҳам бирга бўлишдир.

Эрининг бу насиҳатидан сўнг аёл намозларига янада эътиборлироқ бўлиб, уларни ўз вақтида адо этадиган бўлди.

Ҳа, азизлар, сизни чин қалбдан севадиган киши сизни Аллоҳ таолонинг розилиги сари ундовчи, гуноҳга қўл уришингиздан тўсувчи кишидир.

Зеро, оламлар Робби Қуръони Каримда шундай деб марҳамат қилган:

وَأْمُرْ أَهْلَكَ بِالصَّلَاةِ وَاصْطَبِرْ عَلَيْهَا لَا نَسْأَلُكَ رِزْقاً نَّحْنُ نَرْزُقُكَ وَالْعَاقِبَةُ لِلتَّقْوَى

“Аҳлингни намозга амр эт ва ўзинг унга сабр қил. Биз сендан ризқ сўрамасмиз. Биз сенга ризқ берурмиз. Оқибат тақвоникидир” (Тоҳа сураси, 132-оят).

Аллоҳ таоло барчамизни намозини ўз вақтида адо этадиган бандаларидан қилсин!

📚 Ibratli Hikoyalar 📚
👍32❤17🔥5
#Ибратли

ҲАЛОЛЛИКНИНГ МЕВАСИ

Собит исмли йигит бир боғдан оқиб чиққан ариқда юз-қўлини юварди. Шу пайт кўзи сувда қалқиб келаётган қирмизи олмага тушди. У олмани тутиб, бир тишлади. Тишлади-ю, мазасини билган заҳоти ҳушёр тортди: «Нима қилиб қўйдим? Ахир бу олманинг эгаси бўлса керак?! Ўзимники бўлмаган нарсадан тотиндим, энди эгасини албатта рози қилишим керак!»

- Йигит шу хаёл билан сув оқиб келаётган томонга юрди. Бироздан сўнг ҳосили кўплигидан шохлари сувга эгилиб турган олма дарахтларини кўрди. Қўлидаги тишланган олмага қараса, ўша дарахт мевасига ўхшайди. «Мен сўроқсиз тотинган олма шу боғдан экан», деб ўйлади ва боғ эгасини чақирди. Чиқиб келган боғ соҳибига бўлган воқеани тушунтирди. Сўнг: «Розилигингизни олмоқчи эдим, олманинг ҳақини бераман, ғафлатда қолиб қилган хатойимни кечиришингизни сўрайман, олмани менга ҳалол этсангиз», деди.

- «Уч йил менга ишлаб берасан, шундан кейин ўйлаб кўраман, олмани ҳалол этишнинг бирдан-бир чораси шу», деди боғ эгаси.
Собит розилик билдирди. Бир лаҳзалик ғафлат, сўроқсиз бир тишланган олманинг тўлови ўша боғдаги уч йиллик хизмат бўлди. Аммо бошқа иложи ҳам йўқ эди. Нима қилиб бўлсада, олмани ҳалоллаб олиши керак!
Уч йил тўлган куни Собит бадавлат боғ эгаси олдига борди. Муҳлат тўлганини айтиб, «ҳақингизни ҳалолланг, энди мен кетай», деди.

- «Уч йил ўтгач, ўйлаб кўраман, деган эдим. Ўйлаб кўрдим. Бироқ яна кичик бир шартим бор, шуни ҳам бажарсанг, кейин ҳақимни ҳалол этаман: менинг бир қизим бор, кўзлари кўрмайди, қулоқлари эшитмайди, қўллари ишламайди, оёғи йўқ – юрмайди. Агар шунга уйлансанг, олмага рози бўламан, акс ҳолда, рози эмасман», деди боғ соҳиби.

- Йигит унинг шартига кўнди. Никоҳ ўқитилди, тўй зиёфати ўтди. Куёв гўшангага кирса, соппа-соғ, ҳусни бинойидай келин ўтирибди. «Бу ерда бир янглишлик ёки ҳийла борга ўхшайди», дея ўйлаган йигит қайнотага учради. «Отажон, менга кўр, тилсиз, мажруҳ қизим бор, деган эдингиз, ҳолбуки, соғ-саломат бу дунё гўзалини кўрдим», деди.
Қайнота кулимсираб: «Шундай, ўғлим, қизим ҳаромга қарамайди, шунга кўзлари кўр, ҳаромни сўзламайди, шунга тили йўқ, қўлини ҳаромга чўзмайди, шунга қўли ишламайди, ҳаром жойларга бормайди, шунга оёғи ҳам йўқ. Буларнинг барини мажозий маънода айтдим. Чунки қизимга сен каби Аллоҳдан қўрқадиган, ҳаромдан ҳазар қиладиган бир солиҳ йигит ахтариб юрган эдим. Сен сўроқсиз тишланган бир луқма олма учун ҳалоллик сўраганингда, орзумдаги йигитни топганимга ишондим ва сени уч йил имтиҳон қилдим. Синовлардан ўтганингдан кейин ҳеч бир тараддудсиз қизимни сенга узатишга рози бўлдим», деди.

- Бу никоҳдан мазҳаббошимиз Абу Ҳанифа Нўъмон ибн Собит (Имоми Аъзам) дунёга келди, бу зот шундай тақволи ота-онадан туғилди. Имоми Аъзам болалигида Қуръони каримни уч кунда хатм қилди.

Изоҳ: Инсон қандай бўлса унга шундай умр йўлдош насиб қилади. Аллоҳдан ўзим қандай бўлсам менга шундай умр йўлдоши бер дея дуо қила оласизми?! Ҳа десангиз яхши одам эканлигингиз  умид қилинади. Йўқ бўлса... Аллоҳ ислоҳ қилсин ҳаммамизни.

📚 Ibratli Hikoyalar 📚
👍36❤21🔥1
Европаликларнинг ҳақиқий қаҳрамонлари йўқ, шунинг учун улар ўз фарзандларини хаёлий қаҳрамонлардек бўлишини ўргатишларини кўрасиз.
Улар Бетмен, Ўргимчак одам ёки Супермен ҳақида беш эпизодли фильмлар яратадилар, улар ўз навбатида Ер ва Американи ҳимоя қиладилар!

Аммо биз ўз фарзандларига улар ҳақида гапириб берадиган мусулмонларга ачинамиз.
Бизнинг ажойиб ҳикоямиз билан қуйида танишинг:

Рим ва Форс империяларини 5 йилда вайрон қилган тарихдаги энг буюк саркарда Холид бин Ал-Валид ва Мута жангида унинг қўлида 9 та қилич цинган!

Ярмук жангида эса «Дирор ибн ал-Азвар» исмли яна бир саҳоба бор. Римликлар уни “кўкси очиқ шайтон“ деб аташган, чунки у жангдан олдин у билан бирга чиқиб, руҳиятини бузган 20 та раҳбарни ўлдирган, Аллоҳ иккаласидан ҳам рози бўлсин!!

Улар буни ҳатто фильмларида ҳам қила олмайдилар!

Худди шундай Ал-Қақо ибн Амр ат-Тамимий ҳам, Аллоҳ ундан рози бўлсин,  у иштирокидаги ҳар бир жанг 1: 0 ҳисобида бошланарди, чунки Ал-Қақо ҳар доим жангдан олдинги муборазаларда (якка якка жанг) ғалаба қозонган.
Абу Бакр Сиддиқ розияллоҳу анҳу айтганларидек: «Агар Ал-Қақо лашкарлар орасида бўлса, ташвишланманг, бу қўшин мағлуб бўлмайди».

Юсуф ибн Ташфин эса 83 ёшида Андалусияга бориб, салибчиларни мағлуб этди. Салибчилар устидан ҳалокатли ғалаба қозониб, у Андалусиянинг қулашини 4 асрга кечиктирди!

Мусо бин Носир эса Шимолий Африка ва Андалусияни забт этганда чўлоқ эди!!!

Муҳаммад ал-Фотиҳ ерни денгизга айлантирди ва унинг кемалари тўлқинлар ўрнига тоғлар орасидан сузиб ўтди. Ҳеч ким забт эта олмаган Константинополни 21 ёшида забт этди!

Ҳорун ар-Рашид ҳар йили ҳажга борди ва бидъатнинг ҳар қандай кўриниши учун қаттиқ курашди.

Умавийлардан Умар ибн Абдулазиз эса Хитой ва Ҳиндистондан Андалусиягача ҳукмронлик қилди ва унинг юртларига адолат тарқалди! У ҳатто буғдойни қушлар учун тоғ чўққиларига олиб чиқишни буюрди.

Ал-Мансур ибн Абу Амир эса бирорта мусулмонни асирликда, кофир зиндонида қолдирмади. Аллоҳ таоло у билан мусулмонларни улуғлади, у  54 та жанг ўтказиб унуман мағлуб  бўлмаган!

Бундай буюк зотлар ислом тарихида жуда кўп. Биз қисқача келтириб ўтдик.

📚 Ibratli Hikoyalar 📚
👍34❤8🔥2
Ибрат


ЎҚИБ ЙИҒЛАДИМ...

Севимли пайғамбаримиз Муҳаммад (саллоллоҳу алайҳи васаллам) оламдан ўтганларига 3 кун бўлди Абубакр р.а. Ойша онамиз р.а олдиларига келдилар, ҳол аҳвол сўраб, "Эй қизим Ойша, Росулуллох (саллоллоҳу алайҳи васаллам)нинг барча суннатларини менчалик мукаммал адо қилган инсон борми"- дедилар?
Хазрати Ойша онамиз "Йўқ отажон, Сиз хамма суннатларини тўлиқ тўкис адо қилдинггиз"- дедилар.
Хазрати Абу Бакр яна қайтариб " Қизим Аллоҳ хаққи айтгин, барча суннатларини адо қилдимми"- деган эдилар Ойша онамиз розияллоху анҳо йиғлаб юбордиларда ва "Отажон, Аллоҳ хаққи деганингиз учун айтаман. Росулуллоҳ (саллоллоҳу алайҳи васаллам) нинг бир суннати бор эди "Хеч кимга айтманг ё Ойша"- дер эдилар. Араб бозорининг олдида бир уй бор. У ерда бир 80 ёшга кирган туғма кўр ногирон, хеч кими йўқ яхудий қария яшарди. Пайғамбаримиз Муҳаммад (саллоллоҳу алайҳи васаллам) ҳар куни ярим тунда таҳажжуд намозларини ўқиб бўлгач ҳамма уйқуга кетган пайтида ўша яхудийни уйга бориб уни ювинтириб кийимларини ювиб овқатлантириб келардилар"- дедилар.
Буни эшитган ҳазрати Абу Бакр р.а таҳажжуд намозини ўқидиларда яхудийнинг уйига йўл олди.
Бордилар, уйга кирар эканлар 3-4 кундан бери хеч ким хабар олмаган. Қариянинг аҳволи жудаям ачинарли ҳолатда эди.
Абу Бакр р.а дарров ишга киришдилар. Супурди, сидирди, қарияни ювинтирди, кийимларини алмаштирди, овқатлантириб бўлгач, қарияга "Майли мен борай"- деб кетмокчи бўлган эдилар, Қария Абу Бакр р.а ни қўлларидан ушлади ва "Сен кимсан"- деб сўради. Абу Бакр эса "Мен бир қулман ота. Ҳар доим келиб сизни ҳолингиздан хабар олиб турган қулман"- дедилар. Шунда қария "Сен ёлғон гапиряпсан"-деди. Абу Бакр "Нега ундай дейсиз?"- дедилар. Қария "Чунки, Сен менга қаттиқ муомалада бўлдинг, ювинтирганда ҳам кийинтирганда ҳам, хатто овқатланирганингда ҳам, 3 кун аввалги келган инсон менга жуда эхтиёткорлик билан қарарди чўмилтирганда ҳам, кийинтирганда ҳам, энг асосийси овқатимни чайнаб чайнаб берарди. Унинг шунақанги ҳиди бор эдики у ҳидни бутун араб диёридан ҳам топа олмайсан"- дедилар. Абу Бакр р.а тинмай йиғлар эдилар. Қария яна сўзида давом этиб "Агар ўша одам сен бўлсанг, нимага шунча кун йўқ бўлиб кетдинг ёки сен ҳам "- жодугарни тўрига илиндингми?"-деди.
Абу Бакр р.а эса "қанақа жодугарни айтяпсиз ота"- дедилар. Қария "Эшитмаганмисан, бир Муҳаммад(алайҳиссалом) деганини, у қанақадур Китобни ўзига келганини ва ўзини пайғамбарман деб ҳаммани сеҳрлаяптию"-деди.
Шунда Абу Бакр р.а дод девордилар ва "Эй ота тўхтанг"- дедилар.

"Ўша сиз айтаётган инсонларнинг энг буюги Мухаммад (саллоллоҳу алайҳи васаллам) нинг ўлганларига 3 кун бўлди. Аслида сиз жодугар деган ўша инсон шунча йиллар давомида сизнинг ҳолингиздан хабар олиб турдилар. Қаранг 3 кунда қанақа ҳолга тушибсиз"- дедилар .

Қария қотиб қолди ва "Унда сен кимсан"- деди. Мен Абу Бакрман дедилар.

Қария ҳам дод деб йиғлашни бошладилар ва "Эй Худо мени кўзимни кўр, оёғларимни чўлоқ, ногирон қилиб яратганинг етмасдан қалбимни ҳам кўр қилган экансан"-деб йиғларди ва "эй Абу Бакр сен гувоҳ бўл Аллоҳни ягоналигига ва Муҳаммад (саллоллоҳу алайҳи васаллам) унинг пайғамбарлигига гувоҳлик бераман"- дедида Абу Бакр р.а нинг қўлида жон берди!

(Ҳадис ва ҳаёт китобидан)

Қаранг Азизлар! Бизлар қандай улуғ умматларимиз!

Аллоҳумма солли аъла саййидина Мухаммадин ва али аъло саййидина Муҳаммад...

📚 Ibratli Hikoyalar 📚
👍46❤29😢22❤‍🔥3🔥1
Шу кунларда Жанубий Корея каналларида бир воқеа шов-шувга айланди.

Ота-бола дўконга кириб, сумкасига сут, 6 дона олма ва ичимлик жойлайди. Буни видео кузатувда кўриб турган дўкон эгаси уларни касса олдида тўхтатади.

Хижолат бўлган ота фақат “Мени кечиринг” дея олди. Полиция келиб суриштириб кўрса, ўғриликни содир этган 34 ёшлик корейс фуқароси, 6 ойдан буён бетоблиги сабаб ишсиз бўлиб чиқади. 12 ёшли ўғлидан ташқари уйида хотини ва 7 ёшли ўғли ҳам бор экан.

Хуллас, дўкон эгаси унинг устидан полицияга шикоят қилишдан воз кечади. Полиция эса уларни яқинроқ ресторанга олиб бориб овқатлантиради. Шу пайт дўкондаги воқеага гувоҳ бўлиб турган бир киши уларнинг столига устига 200,000 Корея вони (170 АҚШ доллари) солинган конверт қўйиб, индамай чиқиб кетади.

Полиция уни бу қилмиши учун қамаб юбориш ҳам мумкин эди. Лекин, “Полиция ўғрилик қилишга мажбур бўлган отага доимий иш топиб берди“, деб янгиликларда чиқди.

14 декабрда эса, ўғрилик содир бўлган дўконга нотаниш аёл бир коробка олма олиб келади ва янгиликларда чиққан оилага ёрдам сифатида жўнатиб беринг, деб илтимос қилади. Кейинчалик шундай илтимос билан бошқа одамлар хам дўконга кела бошлайди...

Айтмоқчи бўлганимиз, Корея полицияси жазоловчи орган эмас. Улар қийинчиликка тушиб қолган фуқароларга ёрдам беришни асосий вазифаси деб билади.

Хуллас ўрнак олса арзийдиган воқеа бўлибди.

©️ Улуғбек Юсупов

📚 Ibratli Hikoyalar 📚
👍96❤22👏4😢4😍3
🤫Бувижонимнинг 5000 сўмлик тозалаш усули...

Ошхонамдаги энг катта муаммо қорайиб кетган қозон ва товамни тозалаш эди. Меҳмонга келган бувижоним ҳар бир уйда топиш мумкин бўлган 5000 сўмлик восита билан товани расмдаги каби ҳолатга келтирди!

Катта эҳтимол билан бу восита сизнинг ҳам уйингизда бор ва унинг бундай тозалаш хусусияти ҳақида билмайсиз! Бу восита...👇
👍5❤2
Ота ўлимидан олдин фарзандини чақириб, қўлига бир соат тутқазди:

- Бу соат 200 йил олдин ясалган. Бизга бобонгнинг боболаридан мерос қолган.  Сен буни маҳалла бошидаги соатсозга олиб бориб, сотмоқчи эканингни айт ва унинг жавобини менга келтир, - деди.  Ўғил бориб, соатсоздан:
- Бунинг эски экан, беш доллар бераман, деган жавобни олиб келди. 
- Энди буни антиквар-ноёб нарсалар сотиладиган дўконга олиб боргин, - деди ота. 

У ерга борган ўғил дўкондорнинг «беш минг доллар бераман» деган жавоби билан қайтди. Ота яна ўғлини юбора туриб:
- Энди буни давлат музейига олиб бориб, сотмоқчи эканингни айт, - деди.  Музейга бориб, отаси ёнига жуда ҳайратланган ҳолда қайтган ўғил:

- Музейдагилар бир мутахассисни чақиртириб,  уни яхшилаб текширганларидан сўнг шу бир парчагина темирни бир миллион доллар деб баҳолашди-я, - деди. 
Шунда ота:

- Болам, сенга ўргатмоқчи бўлганим,  сенинг жойинг қадрингни тўғри билишадиган жойда.  Ўзингни нотўғри ерга қўйиб, қадрингга етмасалар, хафа бўлиб юрма.  Қадрингни билган қадрингга ҳам етади. Ўзингга нолойиқ бўлган ерда ҳаргиз қолма!» дея насиҳат қилган бўлди.

📚 Ibratli Hikoyalar 📚
👍44❤8💯4👏3
1. Йигирмага яқин улфатлар ўтириб маишат қилишяпти,  ўртада пиширилган бутун қўй. Ноз неъматлар,  дастурхонда қошиқ қўйгани жой йўқ...
Изоҳлар:
"Борарду", "Ош бўсин", "Маззами,  силарга маззами". Шундай ҳавас билан изоҳ ёзган дўстларга гап йўқ, раҳмат!

2. Ўғил отасига иномарка электромобил совға қилди (юракни эзадиган куй, йиғи-сиғи, гуллар...).
Изоҳлар: 
"Ҳаммани шунақа кунларга етказсин", "ҳавас қилдим",  "машооллох"... Бундай изоҳлар учун ҳам РЕСПЕКТ! Бир иккита изоҳда:  "кўз-кўз қилишинг шартми, видео қилиб"... Унга дарров қолганлар ташлашади, типа  "ока,  ҳавас қилинг уни ўрнига"...

3. Дубайдан расмлар. 5 юлдузли отел, оппоқ простиналар, чўлда иномаркада саёҳат, шоппинг дейдан прямой, Буракни ресторанида тановвул ва биргаликда тиржайган расм. 

Изоҳлар юқоридаги изоҳлар каби ижобий. Негатив изоҳлар фақат Чорвоқдаги дачаларнинг қимматлиги, Ҳаво йўлларининг билетлари ва бошқа шу каби. 

4. Данғиллама участкада тўй тараддуди. Келинни сеплари кўрсатилган. Сепни пулига яна битта шунақа участка беради. 

Изоҳлар деярли 60 фоиз ижобий.  Кўпчилик ҳавасда эканини ёзишади. 

5. Бир мўмин умр бўйи топганини тўплаб, Ҳажга кетяпти. Видеода дуолар бўляпти, хайрлашяпти. 
Изоҳлар:
"шуни ўрнига етимларга эҳсон қилса бўларди", "мактабни ремонтига бермидими, совоп бўлади",  "маҳаллангга асфальт қил", "кўприк қурганни эшитувдим", "одамла савобданам узолашиб кетти"... Деярли 70 фоиз изоҳ шунақа. 

Нега савобни фақат Ҳажга кетаётган одам қилиши керак. Ҳаммага буюрилгану. У нега пулини савоб ишларга сарфламай, ҳажга кетаётганини биласизми? 

У мактабни ремонтига берса,  кимдир ремонт пулини туя қилиб Дубайга кетяпти. Отасига машина оберяпти, маишат қилишяпти... Лекин бу ҳаммага тегишли эмас. Ҳалол йиғиб-териб қилаётганларам кўп. Омадини берсин. 
Лекин интернетдаги ўқиганларингизга қаранг, "фалон амалдор фалон миллиард ўзлаштирворди", "Бюджетни пулидан фалон миллиард ўзлаштирганлар аниқланди". Пандемия вақти, ҳатто, ўша қийналганлар учун ташкил қилинган "Саҳоват" жамғармасининг маблағлари ҳам миллиардлаб ўзлаштирилди. 

Ҳажни Аллоҳ фарз қилиб берган. Қодир бўлса, бориши фарз. Савоб ишлар фарз эмас, нафл. Қилмаса гуноҳ бўлмайди, қилса, марҳамати билан икки дунёда ажрини олади. Лекин тушуниб тушунмай, Ҳажга тўплаган пулини маҳаллани асфальтига сарфласа, ҳажи қабул бўлади, деб изоҳ ёзишяпти. Ҳатто, Ҳаж қилиб келган инсонни ҳажи қабул бўлиш бўлмаслигини Худо билади. Ҳажми — Ҳаж! Бу фарз! Худонинг фарзини аналоги йўқ! Бўлса Қуръонда ёзиб қўйган бўларди. 

Шунинг учун зиммасидаги фарзини бажаришга отланган диндошларингизга маломат қилманг, уларга ҳам ҳавас қилайлик. Ҳаммамизни ҳам етказсин!

©️ Баҳриддин Асрор

 

📚 Ibratli Hikoyalar 📚
👍94❤26🔥7👏4🤔1
МАЙЙИТСИЗ ЁПИЛГАН ҚАБР…

Бир киши қабристондан қабр сотиб олиб, унга ўз исмини ёздириб ёптириб қўйди. Бу ҳолатни кузатган қўни-қўшнилар ва яқинлари ундан нега бундай қилганини сўрашди, аммо у жавоб беришни истамади.

Бироз вақт ўтиб, ўша одам вафот этди. Лекин уни бошқа қабрга қўйишди. Бу сирли ишдан ҳайратга тушган маҳалладошлари маҳаллий имомга мурожаат қилишди. Имом қабристонга бориб, маййитсиз ёпилган қабрни очишни маслаҳат берди.

Одамлар қабристонга бориб, қабрни очганларида ҳайратдан йиқилиб қолишди. Қабр очилганда эса…

Ҳеч ким кутмаган манзара пайдо бўлди. У ерда на жасад ва на бирор из бор эди. Фақатгина эски қути ва битта сандиқ тўла олтинлар ётарди. Одамлар қизиқиш ва қўрқув билан қутини очишди. Уни очган заҳоти ғижирлаб очилган ёғоч қути ичида бир мактуб бор эди.

Мактубда шундай сўзлар ёзилган эди:

“Агар сиз бу хатни ўқиётган бўлсангиз, демак, мен аллақачон бу дунёни тарк этганман. Ҳаётим давомида жуда кўп пул йиғдим, жуда кўп мулк тўпладим. Лекин энг катта хатойим – мен фақат бу дунё учун йиғдим. Бир умр ҳалол одамман, деб ўйлардим. Аммо қалбим тоза эмаслигини, қалбим бу дунёники эканлигини жуда кеч англадим.

Шунинг учун ҳам мен бу қабрни сотиб олдим. Мен бу ерга фақат бойлигимни эмас, нафсимни, шу пайтгача ўтган умримни ҳам кўмдим.

“Эй, топиб олган одам! Мен сендан битта илтимос қиламан — бу бойлик эвазига менга бир соатгина умр сотиб олиб бер. Ёки қабрда бир соатгина жаннат роҳатини олиб бер. Йўқ, бунинг иложи йўқ. Чунки бу дунёда ҳамма нарса сотилади, лекин Аллоҳнинг ҳузурида эмас… Мен буни жуда кеч тушундим. Агар имконинг бўлса, бу бойликни энг муҳтож инсонларга бер. Уларга ҳақиқий ёрдам бўлсин. Чунки фақат савобларгина биз билан қабрга кириши мумкин…”

Ҳамма жим бўлиб қолди. Ҳатто шамол ҳам.

Имом қаттиқ ҳузн билан қараб турди-да, шундай деди:

— Инсон қанча яшамасин, қанча бойлик орттирмасин, охирида ҳаммаси қолиб кетади. Бу одам ўзини ҳалокатдан қутқариб кетди. Бойликларини садақа қилиб, ҳақ эгаларига топширишни бизнинг бўйнимизга юклаб кетди. Ўзи эса тавба қилиб вафот этди. Лекин бизчи? Биз ҳали ҳам ўлмайдиган одамдек бойлик йиғиш билан овворамиз. Тавба қилишга, мол-мулкларимизни ҳақдорларига топширишга вақтимиз етадими-йўқми, билмаймиз. Бу одам кеч тушунган бўлса-да, ўзига ўзи ҳукм чиқариб кетган экан. Аллоҳ раҳматига олсин.

Шу куннинг ўзида бу бойликлар маҳалладаги муҳтожларга, етимларга, бева-бечораларга тарқатилди. Ҳеч ким бу олтинларга ҳавас билан қарамади.

Эй мол-мулки деб ота-онасидан, жигаридан, яқинларидан узоқлашганлар, ҳали сизда фурсат бор! Бу дунёда қоладиган бойлигингиз учун жаннатингизни алмашманг.

Бу ҳодиса маҳаллада узоқ йиллар давомида ибратли ҳикоя сифатида ёдда қолди.

Пайғамбаримиз (соллаллоҳу алайҳи васаллам) дедилар:

“Эҳсон қилинглар! Аллоҳ ҳам эҳсон қилувчиларни севади.”
(Имом Муслим ривояти)

“Ким бир муҳтожнинг эҳтиёжини қондирса, Аллоҳ унинг дунё ва охират эҳтиёжини қондирур.”
(Имом Муслим ривояти)

📚 Ibratli Hikoyalar 📚
👍41❤15
#Тафаккур

Бир ҳаким зотдан сўрадилар: "Қанча есам бўлади?"
У жавоб берди: "Очликдан юқори, тўқликдан пастроқ".
- Қанчалик кулайин?
- Юзинг ёришсин, овозинг кўтарилмасин.
- Қанчалик йиғлайин?
- Аллоҳдан қўрқиб йиғлашда ҳеч ҳам малолланма (унда чегара йўқ).
- Солиҳ амалимни қанчалик яширай?
- Имконинг қадар.
- Уни қанчалик ошкор қилай?
- Бошқаси сенга эргашгунга қадар.
- Одамлар мақтаса қанчалик хурсанд бўлай?
- Аллоҳ сендан розими ёки норозими? Шу нарсани билишинг қадар.

Ҳабибуллоҳ Абдулғаффор

📚 Ibratli Hikoyalar 📚
👍21❤6