📚 Ibratli Hikoyalar 📚
18K subscribers
6.95K photos
3.25K videos
44 files
16.4K links
Хаётий ва Ибратли ҳикоялар... Хикматлар хазинаси...
Инсон такдирини аччик синовлари...


Hamkorlik va reklama uchun 👇👇

@Bronzam

.



.



.



.



.





.
Download Telegram
#Мулоҳаза

УШБУ ВОҚЕАНИ ЎҚИБ ЙИҒЛАДИМ ВА СИЗЛАРГА ҲАМ ИЛИНДИМ

Бутун танаси шолга чалинган беморлардан бири айтади:
«Мен аҳволи меникидан кўра оғирроқ бирон кимса бўлмаса керак, деб ўйлардим. Чунки бошимдан бошқа барча аъзоларим фалаж эди. Кунларнинг бирида устозларимдан бири: "Юр мен билан, сенга сенданда ёмонроқ аҳволдаги бир кишини кўрсатаман", деди. У билан бордим. Мен каби шол одамни кўрсатди. Лекин у мендан ҳам оғирроқ аҳволда эди. Чунки у шоллигидан ташқари эшитмас ва гапиролмасди.

-Тасаввур қилинг-а, умуман қимирламайди, эшитмайди ва гапирмайди! Шу шол одам билан инсонни йиғлатадиган, мудҳиш бир воқеа содир бўлибди;

Бир куни аҳллари унинг олдига кирса, унинг кийими қон экан. У эса жим йиғлаб ётарди. Қарашса, икки бармоғи кесилган. - Ажабо, нима бўлди бунга? Қандай қилиб бармоғи кесилади? Билишсаки, унинг бармоқларини сичқон еган. У эса эшитмайди, ҳаракатлана олмайди, бировни ёрдамга ҳам чақиролмайди. Сичқон кириб, бемалол унинг бармоқларини еб битиради. У эса аламдан кўз ёш тўкиб, бармоқларига тикилгунча жим ётаверади!!!

-Сенчи?!!
-Сенинг бармоқларинг соппа-соғ!!
-Сенинг оёқларинг соппа-соғ!!
-Сен гапира оласан!!
-Сен эшита оласан!!
-Барча неъмат бор сенда!!"

Мен бу рисолани ўқир эканман, чуқур нафас олдимда Роббимга ҳамд айтдим АЛХАМДУЛИЛЛАХ.

📚 Ibratli Hikoyalar 📚
❤47😢15❤‍🔥2
АЁЛИНГИЗ КЎЗИНГИЗГА ЁМОН КЎРИНА БОШЛАСА...

Бир йигит ҳикмат ва тажриба эгаси бўлган бир донишманднинг олдига борди. Унга шундай шикоят қилди:

- Аёлимни биринчи бор кўрганимда, Аллоҳ дунёда бошқа бу каби гўзал аёлни яратмаган бўлса керак деб ўйлагандим. Унга гапириб бошлаганимдан сўнг эса, бу каби аёллар кўп эканини кўрдим. Унга уйланганимдан сўнг эса, унданда гўзал аёллар кўп эканини ҳис қилдим. У билан бироз муддат яшаганимдан сўнг эса, дунёдаги исталган аёл менинг хотинимдан яхшироқ эканига амин бўлдим.

Ҳаким киши шундай деди:
- Сенга бунданда паст ва ёмон нарсанинг хабарини берайми?
Йигит:
-Ҳа.
Донишманд:
- Агар сен дунёдаги барча аёлларни никоҳинга олиб чиқсанг ҳам, кўчадаги манашу дайди итлар ҳам шу аёлларданда яхши эканини кўрар эдинг.
Шунда йигит:
- Нега бундай деяпсиз?

Донишманд:
- Чунки муаммо сенинг аёлингда эмас. Муаммо шундаки, агар инсон қалби ҳирсга, назари шаҳватга берилса, уни Аллоҳдан бўлган ҳаёси тарк этади. Бу кўзни эса фақат қабр тупроғи тўлдиради.
Сенинг айбинг Аллоҳ ҳаром қилган нарсадан назарингни тиймаганингдир!
Аёлинг олдинги ҳолига, дунёдаги энг чиройли аёл ҳолатига қайтишини истайсанми?

Йигит: ҳа, деди.

- Унда назарингни тий! Аллоҳ таоло: “Сен мўминларга айт, кўзларини тийсинлар ва фаржларини сақласинлар. Ана шу улар учун покдир. Албатта, Аллоҳ нима ҳунар қилаётганларидан хабардордир.”-деб марҳамат қилган. (Нур сураси 30- оят)

Нимаики қўлингда бўлмаса у сенга чиройли ва афзал кўринаверади. Унга эришгач эса, сен учун оддий нарсага айланади.

Қўлинг остидагига қаноат қил. Йўқса, қабрга киргунингга қадар дунё матоҳи ва гўзалликлари ортидан қувганинг қолади холос. Мен сенга буларданда чиройлироқ, буларданда афзалроқ нарсани айтаман. Бу Аллоҳ таолога ибодат ва солиҳ амалдир. Бунинг лаззатини фақат астойидил ҳаракат қилган инсонгина татийди.

Аллоҳдан ҳамиша аёлингни кўзинга гўзал қилиб кўрсатишини ва унинг муҳаббати билан ризқлантиришини сўра.

☝️САВОБ УМИДИДА ДЎСТЛАРИНГИЗГА ҲАМ УЛАШИНГ!!! АЛЛОҲ РОЗИ БЎЛСИН!!!

📚 Ibratli Hikoyalar 📚
❤22
АЁЛИМДАН РОЗИ БУЛИШ.

Ассалому алайкум! Ҳурматли Зикр аҳлидан сўранг ҳайяти. Қилаётган ишларингизга Аллоҳ хайр барака бериб, ўзи мукофатласин. Алҳамдулиллаҳ 5 вақт намоз ўқийман, қодир қилгунича Рамазон рўзаларини тутиб бораман, лекин аёлим 5 вақт намоз ўқимайди, бомдод намозига уйғотсам намоз ўқийди бўлмасам йўқ(менда ҳам бомдод намозига ухлаб қолган кунларим бўлган лекин аёлим уйғотмаган, ўзи ҳам ухлайверган). Кийинишида авратларини ёпмайди, яъни рўмол ўрамайди, кўйлакни тиззадан пасти очиқ, янги калта кияди. Мени танбехларимга беписанд қарайди. Умуман шариатга бепарво. Энди мен аёлимга сендан норозиман десам бўладими? Чунки унинг бу ишларидан ҳақиқатда норозиман. Аллоҳдан қўрқаман. Охиратда аёлим учун жавобгарман. Ўлим ҳақ ким қачон ўлишини билмайди. Агар аёлимдан норози холатда ўлсам у жаҳаннамий бўлиб қолади. Кейин унинг авратларини тўла беркитмай юргани учун даюс(Аллоҳ сақласин) бўлиб қолмайманми? Ажрашай десам фарзандларимиз бор. Алҳамдулиллаҳ ўта зеҳнли. Уларга имкон қадар Аллоҳни танитиб Қуръон сураларини, дуоларини ўргатиб келябман. Нима қилай, аёлимга ундан норозилимни айтайинми?

ЖАВОБ:

- Ва алайкум ассалом! Буюринг ва сабр қилинг. Оилада кўпроқ суннатга амал қилишга ҳаракат қилинг. Масалан Расулуллоҳ соллаллоҳу алайҳи васалламнинг одати шарифалари аёлининг оғзига ширинликлар солиб қўяр эдилар. Сиз ҳам шу суннат экан деб ширинликлар солиб қўйинг. Валлоҳу аълам!

📚 Ibratli Hikoyalar 📚
❤16👍4🥰1
🍃Аллоҳни назари сизга тушишини ҳохлайсизми?

🍃Аллоҳ сизни эслашини,

🍃 балки сизни
Аллоҳ Олийларда покизалар хузурида мақташини ҳохлайсизми?

🍃Отангизга катта яхшилик қилмоқчимисиз?

🌴Унда саловотларни кўпайтиринг,

🌴Бир мартта айтган саловотингиз туфайли Аллохни сизга ўн мартта назари тушади, яъни сизни хузуридаги малоикалар хузурида ўн мартта мақтайди.

🌴Дунё Охират даражаларингиз ҳар саловот айтганингизда ўн даражага баландга кўтарилади.

🌴Ҳар бир саловот айтганизда Малоикалар Фалончи ўғли фалончи саловот айтди деб ёзади, ўзингиз ва Отангизни Аллох хузурида мақтовини кўтарасиз.

🍃Улуғ неъматдан фақат саловотга вақти йўқлар,

🍃Ва Охиратдан яхшилик умиди йўқларгина бенасиб бўладилар.

🌸Аллоҳумма солли аъла набиййина Мухаммад.

🌸Аввал 1000 мартта айтсангиз, бугун икки баравар кўпайтириб 2000 мартта айтинг.

Ҳар бир кўпайтирганиз, бу Охиратдаги насибангизни кўпайтиришингиз бўлади.

⏱Бу қиммат фурсатларлардан қачон махрум бўласиз,билмайсиз.

⏳Бугун фурсат борлигида ҳам махрумлардан бўлиб қолманг.

📚 Ibratli Hikoyalar 📚
❤11
Аёллар "ЛОГИКА"си:

Эр уйга кеч қайтса: "Кайси жононингизнинг олдидан келяпсиз?"
Эр уйга эрта қайтса: "Одамларнинг эри кечаю кундуз тиним билмайди, бу кишим эса..."
Эр иш билан жуда банд бўлса: "Ижарачидан фарқингиз қолмади!"
Эр кам пул топса: "Бу пулга мушук офтобга чиқмайди-ку!"
Эр кўп пул топса: "Босар-тусарингизни билмай қолиб, а!"
Эр кам ишлаб, кўп пул топса: "Нима, қароқчига эрга текканманми?"
Эр кўп ишлаб, кам пул топса: "Шунчалик ҳам аҳмок бўладими одам?"
Эр уй ишларига ёрдамлашмаса: "Мен бу уйда чўриманми?"
Эр уй ишларига ёрдамлашса: "Тинчгина телевизорингизни томоша килинг, ишимга аралашмай".
Эр гул совға қилишини билмаса: "Маданиятсиз, ўқимаган!"
Эр гул совға қилса: "Шунинг пулига бир кило гўшт олсангиз, бир ҳафта ердик".
Эр ширин гаплар билан эркаламаса: "Дугоналарим айтганди-я, ҳаммаси тўйгача деб..."
Эр ширин сўзлар билан эркаласа: "Тинчликми, бунақа гапларни кимдан ўргандингиз?"
Аёллар, шунақа тушуниб етиб бўлмайдиган бир мўжиза...

📚 Ibratli Hikoyalar 📚
❤19🥰6😁6💯4🔥2
ЕТИМНИНГ ШАФОАТИ

Салафлардан бири ҳикоя қилади: «Мен илгари гуноҳ ишларга, ичкиликка берилган эдим. Бир куни муҳтож етим болани учратиб қолдим. Уни уйимга олиб келиб, қорнини, тўйдирдим, ҳаммомда чўмилтириб, сочларини олиб, кийим кийдирдим. Қисқаси ота ўз фарзандига марҳамат кўрсатганидай, балки ундан ҳам зийодароқ марҳамат кўрсатдим. Шундан сўнг кечаси ухладим.

Туш кўрдим. Гўёки қиёмат қоим бўлибди. Мен ҳисоб-китобга чақирилдим ва қилган гуноҳларим туфайли дўзахга ҳукм қилиндим. Забониялар (азоб фаришталари) мени дўзахга судраб кета бошладилар. Уларнинг қўлларида мен заиф, ҳақир эдим. Шу пайт йўлда ҳалиги етим рўбарў келди ва: «Эй Раббимнинг фаришталари, уни қўйиб юборинглар. Мен Раббимдан унга шафоат тилайман. Зеро, у менга яхшилик қилди ва марҳамат кўрсатди», деди. Фаришталар: «Бу бизга буюрилмаган», дейишди.

Шу пайт Аллоҳ таоло тарафидан: «Уни қўйиб юборинглар. Етимга яхшилик қилгани ва етим шафоати сабабли унга сўраган нарсаларини бердим», деган нидо келди. Кейин уйғониб кетдим-да, Аллоҳ азза ва жаллага тавба қилдим ва бутун куч-ғайратимни етимларга марҳамат кўрсатишга сарфладим».

"Гуноҳи кабиралар" китобидан.

📚 Ibratli Hikoyalar 📚
❤30
Башанг кийиниб олган киши бозорда айланиб юриб, ёғ сотадиган аёлга дуч келди.

Киши: Эй сен, нима сотяпсан? - деди.
Аёл: Ёғ сотяпман, жаноб. - деди.
Киши: Кўрсатгинчи! - деди.
Аёл бошидаги ёғ идишини тушираётганида у кишининг чиройли кийимининг устида бир неча томчи сачради. Ғазаби келиб: Эй аёл, ақлинг жойидами? Либосимни расво қилдинг! Пулини тўламагунингча, жойимдан жилмайман! - деди.
Аёл: Кечиринг, жаноб. Бехосдан бўлди. Мен бир мискин аёлман. Қандай тўлайман? - деди.
Киши: Тўламагунингча кетмайман! - деди.
Аёл: Қанча туради, кийимингиз? - деди.
Киши: Минг дирҳам! - деди.
Аёл: Шунча пул менда нима қилсин? - деди.
Киши: Буёғи билан ишим йўқ! Тўлайсан, вассалом! - деди.
Аёл: Раҳмингиз келсин, жаноб. Мени шарманда қилманг! - деди.

У киши аёлга дағдаға, жанжал қилаётганини эшитиб бир йигит келди. Аёлдан сўради. У воқеани айтиб берди.

Йигит: Мен бераман, ўша маблағни! - деди, ва минг дирҳам берди. Киши битталаб санаб олиб, кетишга шайланганди.
Йигит: Кўнглингиз жойига тушдими? - деди
Киши: Нима демоқчисан? - деди.
Йигит: Кийимнинг пулини олдингизми? - деди.
Киши: Ҳа! - деди.
Йигит: Кийим қани? - деди.
Киши: Нима? - деди.
Йигит: Сизга кийимларингизнинг пулини бердик. Уни сотиб олдик. Бизга беринг, энди! - деди.
Киши: Яланғоч кетаманми? -деди.
Йигит: У ёғи билан ишим йўқ!- деди.
Киши: Кийимни бермасамчи? - деди.
Йигит: Унда пулини беринг! - деди.
Киши: Минг дирҳам - а? - деди.
Йигит: Сизга берган нархни сўрамаяпмиз! - деди.
Киши: Минг дирҳам, бердинг-ку? - деди
Йигит: Уни икки минг дирҳамга сотамиз! - деди.
Киши: Жуда кўпку? - деди
Йигит: Қимматлик қилса, марҳамат, хоҳишингиз. Кийимни беринг! - деди.
Киши: Мени шарманда қилмоқчимисан? - деди.
Йигит: Бироз олдин сиз ҳам бу аёлни шарманда қилмоқчи эдингиз-ку? -деди.
Киши: Бу - зулм, - деди.
Йигит: Зулм ҳақида СИЗ гапиряпсизми?! - деди.

Кибрли киши хижолат бўлиб, бошини эгди. Пулни йигитга қайтариб, аёлни кечирди.
Йигит у пулларни аёлга ҳадя қилди. Воқеа гувоҳлари йигитни дуо қилишди.

Ибрат:
➖Муаммоларнинг ечими заковват, ҳикмат ва баъзан қурбонлик талаб қилади.
➖Ожизларнинг хўрланишига индамай қараб туришингиз, имонингизнинг ўта заифлигидан далолатдир.
➖Мазлумларни қўллаш, сиз учун арзимас ишдир. Лекин у учун унутилмас ёрдам бўлади.
➖Кибр инсонни бошқалар олдида қийматини туширади. Гуноҳга сабаб бўлади. 

📚 Ibratli Hikoyalar 📚
❤32👍7
📖 Дунёни севмоқ

Бир неча киши тўпланиб, «Золим нафс, хоин дунё, мусибатларнинг энг аввали...» каби сифатлар билан дунёни ёмонлашар эди. Қизиғи шундаки, улар дунёни ёмонлагани сари кайфиятлари чоғ, гўё бошқа бир оламга «сайр» қилишарди. Иттифоқо, бу мажлисга келиб қолган ҳақиқий бир олим уларга: 
- Сиз дунёни нақадар севишингизга ҳайрон қолдим! - дея хитоб қилди. 
Бу гапдан мажлис аҳли довдираб қолди, ҳамма сукут сақлади. Ниҳоят, ораларидаги бир олим чиқиб:
- Биз дунёни мақтамаяпмиз, аксинча ёмонлаяпмиз, башарти дунёни севганимизда уни мақтардик. Бинобарин, сенинг бу сўзларинг маъносиз, мантиқсиз, - деди. 

Ориф зот шундай жавоб қилди:
- Йўқ, ундай эмас. Дунё сизга ёр бўлмагани учун ҳам уни ёмонлаш билан қалбингиз таскин топмоқда. агар қалбингизда дунёга қизиқиш бўлмаганида, у билан овора бўлмас эдингиз. Инсон севган нарсасини гапириб тасалли топади. Сиз ёмонлаш орқали яширин севгингизга таржимон бўлиб, қалбингиз тафтини босмоқдасиз.

Ҳисса

Тил кўнгил таржимонидир. Тиллар кўнгилларга боғланган. Ошиқнинг фикри нима бўлса, зикри ҳам ўшадир. Қалби покиза, комил инсон бошқасининг қадрини ерга уришни эп кўрмайди, бироқ воқеаларга ибрат назари билан қарайди, керакли хулосалар чиқаради. 

Ҳикмат

Дили покнинг - тили пок.

📚 Ibratli Hikoyalar 📚
❤17👍1
Узоқ яшай десангиз, қариндошларга яхшилик қилинг

Анас ибн Моликдан ривоят қилинади: Расулуллоҳ соллаллоҳу алайҳи васаллам: «Кимки умрим узун, ризқим мўл бўлсин деса, ота-онасига хизмат қилсин, қариндошлари билан алоқасини мустаҳкамласин», дедилар.

Имом Аҳмад ривоят қилган.📚📚

Бу дунёда яшайдиган ҳар бир инсон узоқ умр кўришни , ризқи кенг бўлишини истайди. Одамлар шу мақсадга етиш учун ҳаракат қиладилар. Аммо ҳамманинг ҳам умри узун бўлавермайди. Ҳамма ҳам бир хилда тўкин-сочинликда яшашга муяссар бўла олмайди.

Чунки ҳамма ҳам узоқ умр кўриш ва ризқи мўл бўлишнинг йўлларини билавермайди. Ёки билса ҳам дангаса бўлгани учун амал қилмайди. Хўш, узоқ умр кўриш ва кенгу мўлликда ҳаёт кечиришнинг сири нимада?

Аслида инсон ҳали онасининг қорнида ётган пайтидаёқ унинг умри ва ризқи қанча экани Аллоҳга маълум бўлади. Аммо Аллоҳ бизга узоқ умр кўриш ва яхши ҳаёт кечириш сирларини Расулуллоҳ соллаллоҳу алайҳи васаллам орқали хабар қилган.

Инсон узоқ умр кўриш учун Аллоҳ ато қилган соғлигини авайлаб асраши лозим. Соғликка зарар етказадиган ишлардан сақланиши шарт. Агар биз ота-онамизга доимо яхшилик қилсак, қариндошларнинг ҳолидан хабардор бўлиб юрсак, улар, албатта, биздан хурсанд бўлишади.

Ота-она ва қариндошлар билан яхши муносабатда бўладиган инсон бегоналар билан ҳам муроса қилиб яшай олади. Қариндошлар билан, бошқалар билан алоқаси яхши бўлган одамнинг қалби роҳатда бўлади. Шунда у руҳан бардам ва соғлом кишига айланади. Кимки руҳан соғ бўлса, у жисмонан ҳам соғ бўлади ва иншааллоҳ, узоқ умр кўради.

📚 Ibratli Hikoyalar 📚
❤14👍1
📝Отажон, менга 10 доллар бериб туринг...

Бир киши ишдан ҳориб, жиғибийрони чиққан ҳолда ярим кечаси уйига келди. Эшик остонасида 5 яшарлик ўғли уни кутиб турарди.
— Ота, сиздан бир нарсани сўрасам майлими? — савол берди бола.
— Майли, нимани сўрамоқчисан?
— Отажон, бир соатда қанча пул топасиз?
— Бу сенинг ишинг эмас. Нимага буни сўраяпсан?
— Шунчаки билгим келяпти. Илтимос, айтақолинг! Бир соатда қанча пул топасиз?
— Шунчалик билгинг келаётган экан, майли, айтақолай. 20 доллар топаман.
— Эҳ, — деди бола бошини хам қилиб ва бир зум ўтмай яна сўрай бошлади:
— Отажон, менга 10 доллар қарз бериб тура оласизми?
Отанинг қоши уйилди.
— Мендан қанча пул топишимни сўрашдан мақсадинг бирор бир аҳмоқона ўйинчоқ ёки шунга ўхшаш бемаъни нарсаларни сотиб олиш бўлса, овора бўлма. Тур, хонангга бориб ухла! Мен кун бўйи узоқ ва қаттиқ меҳнат қиламан. Бунақа беҳуда майнавозчиликларга вақтим ҳам, тоқатим ҳам йўқ.
Болакай хонаси томон оҳиста қадам ташлади ва эшикни секингина ёпди.
Боласининг қилиғи отанинг энсасини қотира бошлади.
“Пул ундириш учун бундай саволлар беришга қандай ҳадди сиғди экан?” — ўйларди у. Бирор соатлардан сўнг ҳовуридан тушди.
“Ўз боламга бироз қаттиққўллик қилиб юбормадиммикан?” — дея ўйга тола бошлади. “Эҳтимол ўғлим ўша 10 долларга чинакамига муҳтож бўлиб қолгандир. Ахир бунчалик тез-тез пул сўраб турмасди-ку!”
Ота ўғлининг хонаси тарафга юрди ва эшикни очиб паст овозда сўради:
— Уйғоқмисан, ўғлим?
— Ҳа, уйғоқман — жавоб берди бола.
— Ўйлаб қарасам, боя сенга бироз ноҳақлик қилган эканман, — деди ота, — Кун бўйи тўплаб юрган аламимни сендан олибман. Мана сенга 10 доллар.
Боланинг чеҳраси ёришди ва отасининг қаршисига ўтириб хурсандлигидан қичқирди: "Вой, отажон, раҳмат сизга!"
Бола ёстиғининг тагига қўлини тиқиб озроқ майда пулларни чиқариб олди. Ўғлида пул борлигини кўриб, отанинг янада жаҳли чиқа бошлади. Бола пулларни жамлаб санади-да, отасига назар солди.
— Шунча пулинг бор экан, нега яна мендан сўрайсан? — овозини кўтарди ота.
— Чунки ўзимдаги етарли эмас эди. Ҳозир эса тўппа-тўғри бўлди, — жавоб берди бола, — Ота, мана менда 20 доллар пул бор. Бир соатингизни сотиб ола қолай. Бу вақтни мен билан ўтказинг!

📚 Ibratli Hikoyalar 📚
❤24😢12👍2
Солиҳа аёлнинг қизига айтганлари:

➀ Қизим, Аллоҳ сенга муносиб кўрганни севиб, қадрига ет. Аёл кишининг энг катта хатоси – эри билан бошқанинг эрини солиштирмоғидир.

➁ Қизим, шуни билгинки, кимларнидир сенинг эрингга ҳам ҳаваси келади. Эрингнинг бошқаларда йўқ яхши сифатлари ҳам борлигини унутма!

➂ Қизим, саҳобия аёллардан ўрнак ол. Улар "Биз эрларимизга сизлар амирларингга муомала қилганингиздек муомала қиламиз", дер эдилар.

➃ Қизим, рашк бобида ҳаддан ошмагин! Ноўрин рашк – оила бахтига рахна солувчи ва ортиқча рашк талоқнинг калитидир.

➄ Қизим, ақлли аёл эрининг қалбидаги муҳаббатни уйғота олади ва эри нималардан рози бўлиши ва нималардан ғазабланишини яхши билади.

➅ Қизим, эрингни хобхонада ўн йиллик турмуш ўртоғим, деб бил. Ҳаётда эса унга ўн кунлик куёвга муомала қилгандек муносабатда бўл.

➆ Қизим, эринг учун зийнатланишни зинҳор тарк қилмагин! Энг яхши зийнат – сурма ва энг яхши атир сувдир.

➇ Қизим, мана бу ҳадисни доим ёдингда тут: «Қайси аёл эри ундан рози бўлган ҳолда вафот топса, жаннатга киради». (Термизий ривояти)

📚 Ibratli Hikoyalar 📚
❤19🔥10😢1
Иброҳим ибн Адҳамнинг тавбаси

Ҳазрат Иброҳим ибн Адҳам (раҳимаҳуллоҳ) Аллоҳ таоло­га тавба қилиб, подшоликни тарк этаркан, қаландар бўлиб, Каъбатуллоҳга кетганди. Сабаби шу эдики, бир куни у киши шикорга чиққанларида, кўп жойларни айланиб, бир ерга етиб келдилар. У жойда бироз ўтириб, дам олгач, таом ейиш­ни хоҳладилар. Дастурхон ёзиб, таом еб ўтирган эдилар, осмондан бир қарға учиб кел­ди-ю, дастурхондан битта нонни тумшуғига илганича, осмонга олиб чиқиб кетди. Иброҳим ибн Адҳам бу ҳолни кўриб, таажжуб қилдилар. Отларига миниб, қарғанинг орқасидан бордилар.
Қарға бир тоғнинг устидан ошиб, нариги томонига ўтиб кетди. Иброҳим ҳам тоғнинг устига чиқдилар. Қарасалар, тоғнинг у томонида бир одам осмонга қараб ётибди. Қўли орқасига боғланган. Қарға ўша одам кўкрагига қўниб, олиб келган нонини майдалаб, ҳалиги киши оғзига солар эди. Қарға Иброҳим (раҳимаҳуллоҳ)ни кўриб учиб кетди. У зот ўша одам ёнига бориб, ҳол сўради. У:
– Мен савдогар эдим, савдодан қайтаётиб шу жойга етганимда, ўғрилар тутиб олиб, барча пулу молимни тала­дилар, қўлимни орқамга боғлаб, ташлаб кетдилар. Етти кундан буён ушбу ҳолда ётибман. Бир қарға келиб, ҳар куни нонни майдалаб, оғзимга солиб, едириб кетади. Алҳам­дулиллоҳ, шу кунлар давомида ҳеч оч қолмадим, Аллоҳ таоло ризқимни етказиб турибди, – деди.
Иброҳим ибн Адҳам бу сўзни эшитиб, таажжуб қилдилар ва Аллоҳ таолонинг марҳаматига кўп қаттиқ эътиқодлар қўйиб, тарки дунё этмоқни ният қилдилар. Ҳалиги одамнинг қўлини ечдилар. У кишини ҳам отига миндириб, аввалги таом еб ўтирган жойларига олиб келдилар. Шу ерда Аллоҳ таолога тавба қилиб, яхши либосларини ечиб, бўз либослар кийиб, подшоликни тарк этдилар. Қулларини ҳам озод қилиб, молу мулкларини вақф этдилар-у, ўзлари ҳеч қандай зоди роҳила (йўл озиғи) олмай, Каъбатуллоҳ сари равона бўлдилар. Аллоҳ таолога таваккал қилиб эрдилар, ҳеч қаерда қоринлари оч қолмади. Аллоҳ таоло ризқини барча ерда етказиб турди.
Шу ҳолда йўл юриб, Каъбатуллоҳга етиб келдилар. Аллоҳ таолога беқиёс шукрлар айтдилар. Сўнг вафот қилгунларича ушбу оятни тилларидан туширмадилар:
“Кимки Аллоҳга таваккул қилса, бас, (Аллоҳнинг ) Ўзи унга кифоя қилар. Албатта, Аллоҳ Ўзи (хоҳлаган) ишига етувчидир. Аллоҳ барча нарса учун миқдор (меъёр ва муддатни тайин) қилиб қўйгандир” (Талоқ сураси, 3-оят).

📚 Манба: "Мисбоҳул анвор".

📚 Ibratli Hikoyalar 📚
❤19👍9
📖 ҲАЁТИМДА УЧРАТГАН ОДДИЙ АММО МАЪНОЛИ ГАПЛАР КЕТМА-КЕТЛИГИ.

ҲАЁТ СИНАГАН ҲИКМАТЛАР

⏳Энг яхши инсон аллақачон мени танлаб бўлган.

⏳Сен мени севги билан суғор, мен эса чиройли бўлиб ўсавераман.

⏳Бир қараши билан сенга табассум ҳадя эта оладиган инсонни қадрла.

⏳Бир кун келиб ҳеч кимни эшитгинг келмаса, албатта менга қўнғироқ қилгин, мен эса жим туришга ваъда бераман.

⏳Менга ёққан иш билан шуғуллансам, елкамда худди қанот бордек ҳис қиламан гўё.

⏳Учратганингизга қанча вақт ўтгани унча муҳим эмас: ҳафта, ой, йил ёки бутун умр.

⏳Агарда инсонни соғинсангиз, демак у инсон аллақачон сизнинг қалбингизни забт этиб бўлган, демак у сиз учун қадрли инсондир.

⏳Ўқишдан жинни бўлгунга қадар фақатгина бир қадам…

⏳Энг катта бахт бу – сизни севишларини ҳис қилиш, билишмас, айнан ҳис қилишдир.

⏳Севган мусиқангни ёқасан ва барса нарсани унутасан.

⏳Ёмғирни бирга кутиб олсак, учиш осонлашади.

⏳Мен ҳеч ким билан рақобат қилмайман. Мен фақат ягона бўлишим мумкин ёки шунчаки сеники бўлмай қолганим афзал.

📚 Ibratli Hikoyalar 📚
❤11
Қадимда бир мамлакат бор экан. У мамлакат подшоҳларига ғалати муомала қилишаркан.

Подшоҳ бутун умр бўйи шу мамлакат учун югуриб елиб, уни обод қилиб, аҳолисини тўйдириб, доим шу мамлакат дардида ёнаркан.

Лекин у қариб қолса уни бир қайиққа ўтказиб олиб бориб кимсасиз, на бир дарахти, на бир озуқаси бор биёбон, жазирама бир оролга ташлаб келишаркан...

Подшоҳ ўша ерда азобда, очликда ўтаркан. Ҳамма подшоҳларга шундай муомала бўларкан. Мана янги бир оқил подшоҳ эски шоҳ ўрнига тахтга ўтирибди.
Иш бошлашдан аввал ўйланиб қолибди... Шунча подшоҳлар шу мамлакат учун хизмат қилишди, фақат шу мамлакатни обод қилишди, лекин барибир уларни ўша кимсасиз оролга ташлаб келишди. Мени ҳам шундай оқибат кутаябди, нима қилсам экан?!

Унинг оқил бир вазири бор экан, вазирини чақириб
маслаҳат сўрабди. Вазир:
~Подшоҳим, сиз оқил инсонсиз, сиз бошқалардек иш тутманг, сиз бу мамлакатни обод қилиш билан бир қаторда ўша оролни ҳам обод қилинг...

У ерга ҳам ўзингизга сарой қурдиринг, боғ барпо қилдиринг, озуқа заҳира қилдириб қўйинг. Бу мамлакатда ишингиз тугаб сизни қайиққа ўтказиб ўша оролга жўнатишса, ўзингиз обод қилган оролда
роҳат~ фароғатда яшайсиз дебди...

Вазирни гапи подшоҳга маъқул тушибди. Бу мамлакатни ишни бажариб обод қилиш билан бир қаторда кимсасиз оролни ҳам обод қилибди, боғ барпо қилибди, озуқа заҳира қилибди, сарой қурибди...

Подшоҳлиги тугаб қайиққа ўтказиб оролга жўнатишаётганда кўнгли
хотиржам, хурсанд ҳолда ўзини обод қилган оролига кетибди...

Қиссадаги мамлакат~ ДУНЁМИЗДИР.
Подшоҳ~ ЎЗИМИЗ,
Қайиқ ~ ТОБУТ,
Кимсасиз орол ~ ҚАБР,
Жаҳаннам, обод қилинган орол эса ~ ЖАННАТ.
Оқил вазир ~ ИЙМОНимиз.

Ҳар биримиз бу дунёни обод қилиш учун елиб югурамиз, лекин аксарият ҳолларда оҳиратни унутиб қўямиз...
Жазирама, очлик, азоб оролида жаҳаннамда азоб тортмайлик десак, борадиган еримизни~ охиратимизни обод қилайлик, охиратга ҳам озуқа заҳира қилайлик, абадий роҳат фароғатда ўтайлик...

📚 Ibratli Hikoyalar 📚
❤25👏2😁1
Камбағал эканлиги кўринишидан тайин бўлган киши кўрпа — тўшак сотиладиган дўконга келди. Сотувчидан оиласи учун зарур бўлган энг арзон кўрпаларни сўради. У 6 та кўрпа олиши, ёнида 100 риёли бор эди. Дўкондор:

— Менда, Чинда ишлаб чиқарилганлари бор. Яхши иситади. Унинг донаси 20 риёлдан. Агар 5 та олсангиз 6 чисини текинга бераман, — деди.

Фақир киши 6 чисини ҳадиядек олаётганига жуда хурсанд бўлди. Кўрпаларни олиб кетаркан, Аллоҳ ўнглагани учун кўзларидан қувонч ёшлари тўкиларди. У узоқлашиб бўлгандан кейин, воқеа гувоҳи бўлган дўкондорнинг дўсти сўради:

— Бу ўша сиз энг яхши, энг қиммат, деб ўтган ҳафта 350 риёлдан менга сотган кўрпалардан эмасми? деди.

— Аллоҳга қасам, азиз дўстим, худди ўшандан. Мен сизга унинг устига қўймасдан ўз нархига сотгандим, — деди, савдогар.

— Унда нимага бу кишига бу нархда сотдингиз? — деб сўради.

— Мен Роббим билан савдолашдим, дўстим. Унинг ризосини истаб, мискин киши ва оиласи, қаттиқ совуқ келиши кутилаётган қишда шунга муҳтож бўлишини билганим учун шундай қилдим. Шояд шу билан Роббим мени жаҳаннам иссиғидан асраса. Агар у кишининг иззат нафсига тегмаса, бекорга бериб юборардим, -деди. 

Умму Абдуллоҳ таржимаси

Хулоса ўрнида қуйидаги оятларда келган Аллоҳнинг ваъдалари етарлидир. 
«Молларини Аллоҳнинг йўлида сарфлайдиганларнинг мисоли, худди бир дона донга ўхшайди. Ундан етти бошоқ ўсиб чиқади, ҳар бошоқда юзтадан дон бор. Ва Аллоҳ кимга хоҳласа, яна кўпайтириб берадир. Ва Аллоҳ қамраб олувчи ва билувчи зотдир. Аллоҳнинг йўлида молларини сарфлаб, сўнгра сарфлари кетидан миннат қилмай ва озор бермайдиганларнинг ажрлари Роббилари ҳузуридадир. Уларга хавф йўқ ва улар хафа ҳам бўлмаслар.

(Бақара: 261,262 оятлар)

📚 Ibratli Hikoyalar 📚
❤25👍5😢2👏1
#Ибрат
Гўзал тарбия

Бир кун ёнимга Қуръондан таҳсил истаб бир болакай келди. Болакайга бир разм солгач, мен ундан сўрадим:

- Қуръондан бирор сурани ёддан биласанми?
- Ҳа.
- Аммадан Қуръонни 30 охирги қисмидан биласанми?
У ўқиб берди.
- Таборак сурасини биласанми? Уни тиловатига лол қолган эдим. Яна бир тиловат эшитиш истагида ундан нахл сурасини сўрадим. Ва қарангки уни ҳам ёддан билар эди. Энди яна бир имтихон учун болакайдан узун суралардан бўлмиш бакара сурасини сўрадим. У Бакара сурасини ўқий бошлади. Болакай сўраларни шундай гўзал ва тиниқлик билан ўқиб бердики ман лол қолган эдим.

- Ўғлим Қуръонни тўлиқ биласанми?
- Ҳа.

Эртага отаси билан келишини сўрадим. Шундай оқил ва илмли фарзандга ким ота эканлигини кўргим келди. Аммо уни падарини кўргач яна ҳам ҳайрон бўлиб қолдим.
У суннатга ергашган одамга ўҳшамас эди.
У мени хайронлигимни кўриб:
Мани шундай фарзандни отаси эканлигимга ишонмаятганингиз кўриниб турибди. Хозир сизга ҳаммасини тушунтириб бераман.
- Бу болани орқасида 1000 нафар эркак ўрнини боса оладиган одам турибди. Мани 3 нафар ўғлим бор. Ҳар бири ҚУРЪОНни ёддан билади. 4 ёшли қизалоғим ҳам бор. Қизалоғим "Амма" қисмини ёдлаган.

- Қандай қилиб?
- Аёлим фарзандларимиз гапиришни бошлашганида уларга Қуръон ёдлатишни бошлайди ва албатта фарзандларимизга мақтовлар ва самимий сўзлар билан далда бўлади. Болаларимиздан қайси бири биринчи бўлиб ёдласа, ўша фарзандимиз кечки таомдан нима ейишини ўзи танлайди.

Ким биринчи бўлиб қайтариб берса, дам олиш кунлари қаерга боришимизни танлайди. Биринчи бўлиб Қуръонни битирган эса, таътилни қаерда ўтказишимизни танлайди.

Аёлим Қуръон ёдлашда улар орасида рақобат руҳини тарбиялайди...

Мана солиҳа бўлиб уйини ҳам солиҳларга тўлдирувчи аёл шудир!

📚 Ibratli Hikoyalar 📚
❤38👍8
Керак бўлса завжангиздан ҳам илм олинг!

Имом Аҳмад ибн Ҳанбал роҳимаҳуллоҳ Росулуллоҳ соллаллоҳу алайҳи ва салламнинг суюкли завжалари Оиша онамиз розияллоҳу анҳодан қуйидагича ривоят қилади:

Бир куни Абу Рофеънинг хотини Салмо Росулуллоҳ соллаллоҳу алайҳи ва салламнинг хузурига келди. Салмонинг эри Абу Рофеъ уни ургани учун, ундан кетишга Росулуллоҳдан изн сўраб келганди.

Росулуллоҳ соллаллоҳу алайҳи ва саллам Абу Рофеъдан: “Эй Абу Рофеъ ораларингда нима бўлдики, сен уни урибсан?”—деб сўрадилар.

Абу рофеъ: Эй Росулуллоҳ бу аёл менга озор беряпти—деди.

Росулуллоҳ соллаллоҳу алайҳи ва саллам: “Эй Салмо нима сабаб унга озор беряпсан”, деб сўрадилар.

Салмо: “мен унга ҳеч озор бермадим. Аммо у намоз ўқиб турган ҳолида ел чиқарганди, шунда унга: “Эй абу Рофеъ Росулуллоҳ соллаллоҳу алайҳи ва саллам мусулмонларга ел чиқаргач қайта таҳорат олишни амр қилганлар”, дедим. У бўлса мени ура кетди”, деди.

Шунда Росулуллоҳ соллаллоҳу алайҳи ва саллам кулдилар ва “ҳой Абу Рофеъ аёлинг сени ёмонликка буюрмапти”, дедилар.

Қиссадан ҳисса шуки, эркак киши оилада бошлиқ бўлсада, ўзидан кўра илмли аёлининг сўзига билмаганларини ўргатганда, қулоқ солмоғи керак. Мусулмон эркакка “сени ақлинг етмайди, нимани ҳам билардинг, мен билан ишинг бўлмасин”, деб аёлларни камситиш ярамайди. Илмсиз эр лозим бўлса, ўз аёлидан ҳам илм олиши шарт. Халқ орасида “Эр хотинидан, ота фарзандидан илм олиши мумкинмас. Чунки улар устоз бўлиб қолади, устозга эса қаттиқ гапириб бўлмайди”, деган гаплар юради. Юқоридаги қиссага суянсак бу қоидани айланиб ўтиб, керак бўлса аёлимиздан ҳам илм олишимиз лозимлиги келиб чиқади.

📚 Ibratli Hikoyalar 📚
❤21
ДОНО БОЛА (Жуда таъсирли воқеа)    

Бир неча асрлар олдин Боғдод ислом тараққий этган шаҳарлардан бири бўлиб, у ерда жуда кўп мусулмон уламолари яшаган. Шу сабабли шаҳар Ислом динининг илм маркази ҳисобланган. Кунлардан бир кун Рум подшоҳи Боғдод мусулмонларига уч савол бериш амри билан ўз элчисини жўнатди. Элчи шаҳарга етиб боргач, халифага подшоҳнинг истагини билдирди. Шунда халифа шаҳар уламоларини саройга йиғишни буюрди. Элчи минбарга чиқиб:
— Мен сизларга подшоҳимнинг уч саволини бераман. Агар унга тўғри жавоб бера олсангиз, у сизларга кўп мол- мулк ваъда қилмоқда. Саволлар қуйидагича: Аллоҳдан аввал нима бўлган? Аллоҳ бир лаҳзада ҳамма ёққа назар сола оладими? Ҳозир Аллоҳ нима қиляпти?
Уламолар орасида сукунат чўмди. Тўсатдан оломон ичида майин овоз эшитилди:
— Дадажон, рухсат беринг, мен унинг саволларига жавоб берай!
Бу овоз отасига эргашиб келган ёш боланики эди. Халифадан рухсат сўралгач, болакайга гапиришга изн берилди. Рум элчиси ёш мусулмонга мурожаат қилиб, биринчи саволини такрорлади:
— Аллоҳдан аввал нима бўлган?Бола саволга савол билан жавоб берди:
— Санашни биласизми?
— Ҳа, - деди элчи.
— Унда ўндан пастга қараб сананг!Элчи "ўн, тўққиз, саккиз, дея санай бошлади ва ниҳоят "бир" деб тўхтади.
— Нега тўхтадингиз?, деди бола.
— Бир сонидан олдин бошқа сон йўқ-ку?!, — деди ҳайронлик билан элчи.
— Оддий бир сонидан олдин ҳеч нарса йўқ экан, қандай қилиб Якка бўлган Аллоҳдан аввал бир нарса бўлиши мумкин?! У Аввал ва Охир, Зоҳиру, Ботиндир.Элчи бу жавобга ҳеч қандай эътироз билдира олмади ва иккинчи саволни берди:
— Аллоҳ бир лаҳзада ҳамма ёққа назар сола оладими?
— Шам келтириб ёқинг, - деди бола. — Энди эса унинг нури қаерга қараб таралаётганини айтинг.
— Аммо, шамнинг нури ҳар тарафга таралади: шарққа, ғарбга, шимолга, жанубга... Аниқ бир томонни айтиш мушкул, - дея ҳайрати ортди элчининг.
— Агар яратилган нур ҳар томонга таралар экан, унинг Яратувчисидан нимани кутмоқдасан?! «Аллоҳ осмонлар ва ернинг нуридир...» (Нур, 35) хитоб қилди бола.Элчи ўз кўзларига ишонмасди. Қаршида турган бу кичкина болакайнинг донолик билан бераётган жавоблари уни лол қолдирди. Тушкунликка тушган элчи охирги саволни беришга оғиз жуфтлар экан, болакай унга:
—Тўхтанг, сиз менинг ўрнимга тушиб, мен эса минбарга чиқишим адолатлироқдир. Саволингизни ҳамма эшитди, энди менинг жавобимни ҳам эшитишсин, — деди.Элчи бу таклифга рози бўлди ва минбардан тушиб, учинчи саволни такрорлади:
— Ҳозир Аллоҳ нима қиляпти?
— Аллоҳ ҳозир минбардан бир ёлғончи, шаккокни тушириб, уни ҳаммага кулги қилди. Аллоҳнинг борлигига ва бирлигига ишонган мўминни эса юксалтириб, тилига ҳикмат солиб ҳақиқатни баён қилдирди. Аллоҳ ҳамма нарсага қодирдир.Мағлуб элчи бу сўзлардан сўнг иснод билан ўз шаҳрига қайтиб кетди. Бола эса Ислом оламидаги энг буюк олимлардан бири бўлиб етишди. Аллоҳ уни гўзал ҳикмат ва динни чуқур тушуниш иқтидори билан тақдирлади. Унинг исми Нўъмон ибн Собит бўлиб, у бутун дунёга Имоми Аъзам номи билан машҳурдир.

📚 Ibratli Hikoyalar 📚
❤63👍16🥰1👏1
📖 Янги уйланган бир йигит келиннинг ҳар гал овқатни олиб келгач, ҳаммани мунтазир қилиб ўчоқ бошида қозонни ялаб қолиб кетишидан норози бўлади. Ҳар куни такрор бўладиган бу одат қайна-қайнотани ҳам ранжитади. Ахир, шу ишни кейинроқ ҳам қилиш мумкин-ку!Бир куни таом пайти йигит ота-онасининг кайфиятини кўриб, аёлини бу ишдан қайтариш мақсадида: “Агар яна бир марта қозонни яласанг, талоқсан!” деб юборади. Шундан кейин талоқ бўлишидан қўрққан аёл ўзини эҳтиётлаб юради. Орадан бир қанча вақт ўтгач, бир куни унутиб яна қозонни тагини ялаб қўяди. Эрининг гапи ёдига тушиб қўрқиб кетади ва бу ҳақда унга айтади. Йигит ҳам қаттиқ афсусланади ва нима қилишини билмай Хожажон қози (Хўжажон Рожий 1834-1918) ҳузурларига келади ва воқеани баён қилади.Унинг сўзларини тинглаган қози домла: "Шундайми, бўлмаса бизни уйингга олиб бор, келин ош қилсин ва қозонни яласин, кўрайлик, шунга қараб ҳукм чиқарамиз”, – дейдилар.Йигит хурсанд бўлиб келишилган фурсатда қози домлани уйига олиб боради. Таомдан кейин қози домла келинга: "Қизим, одатингиз бўйича қозонни ялангчи?" дейдилар. Келин қозонни ялай бошлайди. Уни кўриб турган қози домла:– Шуми? – дейдилар.– Ҳа, шу!– Бу киши қозонни ялагани йўқку!– Йўғ-е?!– Қозонни эмас, қўлини ялаяптику! Ҳеч қандай талоқ тушгани йўқ, бемалол яшайверинглар.Бу гапдан улар ўзларида йўқ хурсанд бўлиб кетадилар.

📚 Ibratli Hikoyalar 📚
❤45👍14👏3
Суюкли пайғамбаримиз (соллалоҳу алайҳи васаллам) қуйидаги ҳикоятни ривоят қилиб берган эдилар: 
“Бани Исроил қабиласидаги бир савдогар ўз қабиладошидан 1000 олтин динор қарз сўраб борибди. 
— Мен пул бериб туришга розиман, бироқ тамойилга кўра, бир гувоҳ бўлиши керак — дебди қарз бераётган одам. 
— Шоҳидликка Аллоҳ кифоя, — дебди савдогар. 
— Мен буни қабул қиламан, аммо сен сафардан келмай қолган тақдирда пулимни қайтариб беришга бир киши кафолат бўлиб туриши зарур. 
— Кафолат бўлиб турувчи ҳам Аллоҳ, — жавоб берибди савдогар яна. 
— Мен бунга розиман, — дебди қарз бераётган киши. — Мен сенга ўзимиз келишган муддатга минг динор бериб тураман. 
Савдогар пулни олиб денгиз оша узоқ сафарга йўл олибди. У ҳамма ишларини битириб бўлиши билан дарҳол айтилган муддатда қарзини қайтариш учун орқага қайтиб кетадиган кема қидирибди. Бахтга қарши бир қанча вақт унга керакли йўналишда қатнайдиган кема топилмади. 
“Гувоҳим Аллоҳ бўлгани сабабли зудлик билан омонатни қайтаришим шарт”, — хавотирга тушибди савдогар. “Қандай қилиб ўз вақтида қарзимни қайтарсам экан?!”. 
У чор-атрофга қараб, тўлқинлар қирғоққа чиқариб ташлаган бир ёғоч бўлагига кўзи тушибди. Шунда савдогарда ёғочнинг ичини ўйиб, кавак қилиш фикри келибди. У 1000 динор пул билан омонат берган одамга ёзилган хатни кавакка жойлабди ва тешикнинг оғзини зичлаб ёпибди. 
У ёғоч бўлагини олиб, илтижо қилибди: “Ё Аллоҳ. Менинг 1000 динор қарз олганлигимдан хабардорсан. У одам гувоҳ талаб қилганида Сени шоҳидликка келтирсам қабул қилди, кимнидир кафилликка сўраганида Сени кафил қилдим, бунга ҳам рози бўлди. Мен сидқидилдан қарзимни ўз вақтида қайтараман деб ҳаракат қилсам ҳам бунинг иложини қилолмадим. Энди эса бу омонатни Сен орқали бериб юбораман”. Савдогар шундай деб ёғоч бўлагини сувга ташлабди ва у кўздан ғойиб бўлгунича орқасидан қараб қолибди. 
Белгиланган муҳлат етиб келганида пулни омонатга берган одам унинг динорларини олиб келаётган кема келган-келмаганлигини билиш мақсадида денгиз бўйига борибди. У кемани кўрмабди, кўзи фақат ўтин бўлишдан бошқа нарсага ярамайдиган ёғочга тушиб, уни олиб кетибди. Уйига келганидан сўнг ўтинни ёриб кўрибди ва унинг ичидаги 1000 динор пул билан ўз номига ёзилган мактубни кўриб, ҳайратининг чеки бўлмабди. 
Бу орада савдогар уйига қайтадиган кемага ўтириб, ватанига келган заҳотиёқ оёғи ерга тегмасдан қарз берган одамнинг уйига ўқдек учиб борибди: 
— Худо шоҳид, — шошиб-пишиб тушунтира бошлабди у, — қасам ичиб айтаманки қандай қилиб бўлса ҳам омонатни ўз вақтида қайтаришга ҳаракат қилдим. Кема қидириб топа олмадим. Биринчи учраган кемага ўтириб, ҳозиргина келиб турибман, мана сендан қарзга деб олган 1000 динор пул, омонатингни олиб қўй. 
У эса пулни бир четга суриб, савдогардан сўрабди: 
— Сен менга нимадир жўнатмаганмидинг? 
— Ахир айтиб турибман-ку, бугунги келган кемадан бошқа кема топа олмадим деб. 
Пул берган одам кулиб дебди: 
— Аллоҳ сен тарафдан кафил бўлиб ёғочнинг ичига солиб жўнатган омонатингни менга етказди. Бу пулни ўзингга олиб қўйгин ва ҳақ йўлида доимо шундай юргин. 

📚 Ibratli Hikoyalar 📚
❤58🔥2