📚 Ibratli Hikoyalar 📚
18K subscribers
6.95K photos
3.25K videos
44 files
16.4K links
Хаётий ва Ибратли ҳикоялар... Хикматлар хазинаси...
Инсон такдирини аччик синовлари...


Hamkorlik va reklama uchun 👇👇

@Bronzam

.



.



.



.



.





.
Download Telegram
Донор-2.
Қидирғон бирла ризқинг қатра тошмас,
Кетар қадринг, қадардин ҳаргиз ошмас. (Сўфи Оллоёр)
*

Адолат мактабни битиришига тўй бошлаб юбоордилар. Одил албатта бу тўйга боролмади аммо, тўй харажатлари унинг зиммасида бўлди. Укаси хали талаба, пул топмайди. Онаси эса яримжон, мактабда озгина дарсни хам зўрға эплаб турибди.
Тўй дегани ўзича бўлавермас экан. Одилнинг унча –мунча жамғариб қўйганлари бориди, етмабди. Онаси қариндошлардан қарз - хавола қилибди.
-Майли она, сиқилманг, пул экану. Соғ – омон бўлсак пул топилади.
-Бошинг омон бўлсин болам, яхшиям сен борсан!-она телефонда пиққиллаб йиғлашга тушди.- Энди Худо хохласа ўзингни уйлантирамиз, келин дараклаяппан.
-Хўб ая, йиғламанг!
-Энди жўнатган пулларингни тийин-тийинигача сақлаб юраман.
-Унақа қиманг ая, даволанишни тўхтатманг, катта-катта еб юринг.
-Хўб болам, хўб.
Адолатнинг тўйи ўтар-ўтмас Қобил яна турли бахоналар билан пул сўрашга тушди. Акаси пул жўнатмади, унга ишонмади. Укаси эса энди бошқа таниш-билиш, қариндошларидан пул сўрашга ўтибди. Бир куни синглиси телеграмдан овозли хабар йўллабди.
-Ака, яхшимисиз! Чарчамай ишлаб юрипсизми? Ако-о, Қобил акам пул сўрабди куёвингиздан. Аслида биз ундан сўрамоқчи эдик, машина олмоқчимиз. Мендан сўрамасин деб олдиндан биздан сўраяпти. Илтимос ако-о, куёвингизга қарз қилиб юборинг. Машина олмоқчимиз, хар ой икки минг доллардан жўнатиб турсангизам бўлади. Илтимоо-ос, куёвингиз сўра деб қўймаяптида. Сўрагани уяламан десам, қайнонам иккиси роса мени талашди ўртага олиб.
Одил ич-ичидан эзилиб кетди. Қудаларни яхши одамлар деб ўйларди. Чунки илгари муносабатлари жуда яқин эмасди. Мана яқинлашдилару, асл юзлари кўрина бошлади. Ой узоқдан чиройли кўринаркан-да. Энди қандай қилиб уларга йўқ дейди. Синглисини тинч қўйишмайди агар...
-Бўпти синглим, жўнатаман, сен тинч бўлсанг бўлди.
Шундан сўнг топган пулини иккига бўлиб, бир қисмини онасига иккинчисини синглисига жўната бошлади. Орадан олти ой ўтиб, соғлиги ёмонлаша бошлади. Еттинчи ой топган пулини ўзига сарфлади. Клиникага кириб муолажа олишга мажбур бўлди. Шифокорлар унинг сурункали йўталишини даволашаркан хаво алмаштиришни, ўз юртига бориб иссиқ ўлкада яшашни маслахат қилдилар.
Одил март ойи ичи хам амаллаб ишлаб, кейин уйга қайтишни режа қилди. У ёқда онаси келинга унашиб қўйган, келишига тўй қиламиз деб кутиб юрарди.
-Ая, Наврўзга уйда бўламан Худо хохласа, -дея овозли хабар йўллади.
-Худойимга шукр, тезроқ кел болам. Бу ёқда хамма удумларни қилиб бўлганмиз, апрел бошига тўй бошлаб юборамиз. Мен бугуноқ бориб қудаларим билан тўй кунини белгилаб келаман.
-Нега шошасиз ая, ёзга қилсак хам бўладику.
-Э-э, сен бола думингни тутқизмаяпсану. Келар-келмасингдан кетиш хақида гапирасан.
-Ая, мен октябргача уйда бўламан. Уйни соғиндим жуда, ёзни , кузни кўргим келяпти. Ўйлаб кўрсам, қовун-тарвуз емаганимгаям анча бўлибди. Бобурмирзонинг кўнгли нега қовун тусаганини энди тушуняпман ая.
-Кап-катта одам қовун соғиниб ўкинадими, деб ажаблангандинг-а, биринчи ўқиган пайтингда.
-Ха ая, у пайтда тушунмаган эканман.
Одил олти ой уйда юраман дедию, соғлиги хақида индамади. Хатто уйга борганда хам, тўй кунлари кескин қон босими ошганда хам индамади. Онаизор ўғлининг йўталишини, совуқ юртларда юрганликка йўйди, ёз саратонини кўрса яхши бўлиб кетади деб ўйлади.
Аммо, келинчакни алдаб бўлмасди. Тез-тез қон босимини туширувчи таблеткалар ичиб юриши, айниқса истмалаб қолаётгани уни ташвишга солиб қўйганди. Қайнонасига айтиб, Одилни шифохонага олиб бордилар. Ички органларини тўлиқ текширувдан ўтказдилар. Улар қўрққан йўталиш касали хавфли бўлиб чиқмади, йигитдаги шамоллаш деярли ўтиб кетгган, ўпкаси соғлом экан. Бироқ, уларни бошқа бир вахимали гап эсанкиратиб қўйди. Йигитнинг буйраги жиддий шикастланган, қон босими ошиб кетиши, истмалаши сабаби шу экан.
Шифокор Нозима ва қайнонасини хонасига олиб кириб вазиятни тушунтирди.
-Опа, ўғлингизга буйрак кўчириб ўтқазиш керак.
-Вой ўлай, бу нима деганингиз?!- Дилдоранинг бошидан капалаги учди.-Ўзиникичи?
-Сизга қандай тушинтирсам экан. Хуллас, ўзиники қуриш жараёнида, биттаси қуриб бўлган хам.


📚 Ibratli Hikoyalar 📚
❤38🤔2😢1
-Даволаб бўлмайдими? Ё Тошкон-пошконларга олиб борайликми?
-Опа, биз имкон қадар сақлаб туришимиз мумкин, дори-дармонлар билан. Буям вақтинчалик-да. Муаммони ечими донор топиш керак. Тошкентга олиб борсангиз хам шу гапни эшитасиз. Бу масалани бир томони. Иккинчи томони шуки, бу операцияни Тошкентда қилдириш учун узун навбатда турасиз. Қачонки навбат келса чақиришади. Бу уч ой ичида бўладими, бир йил ичида бўладими буни аниқ айтолмайман. Вахимага тушманглар, яна бошқа йўли хам бор.
-Қандай?!-қайнона келин бирданига савол қотишди.
-Хиндистонга олиб бориш керак. Пули сал қимматроқ бўладию аммо вақт масаласи мухимда сизларга.
-Қанча бўларкан Хиндистонда?
-Аниқ билмайман, аммо Қўқонлик бир қариндошимиз ўттиз беш минг билан буйрак қўйдириб келди.
-Вой!-Нозима беихтиёр юзини чангаллади, кейин бўғинма-бўғин суммани такрорлади-Ўт-тиз беш минг дол-лор-ми?!
-Ха,-тасдиқлади шифокор.-Аммо, асосийси донор. Донор топиш керак, яқинларини текшириб кўриш керак. Яқин қариндошларини ген хусусиятлари яқин бўлади, уларники мос келади кўпроқ.
Қайнона-келин тарвузлари қўлтиқдан тушганча коридорга чиқишди. Қаршиларида гўё ечимсиз муаммо тургандек... Хиндистонга боришни ўзи вахимали эди уларга. Хўб, укаси Қобил ўз буйрагини беришга рози бўлди хам дейлик. Аммо, ўттиз беш минг долларни қаердан топамиз, деган савол кема лангаридек бошларини полга тортарди. Кейин, Дилдоранинг ишончи комил эмас, кичик ўғли бироз бемехрроқ, буйрагини беришга рози бўлмаслиги мумкин.
Дилдоранинг халовати йўқолди, на турарида на ётарида халоват бор. Дард устига чипқон деганларидек, келини Нозима хам арзимаган гапдан жанжал чиқардию, уйига аразлаб кетиб қолди. Дилдора коса тагидаги нимкосани кўриб турарди, келини Одилнинг яшаб кетишига ишонмади. Бир-икки кунда уйидагиларни бошлаб келиб кўч-кўронини олиб кетса хам ажабланмаган бўларди.
Ўлганни устига тепгандек, Қобилнинг хам уч кундан бери телефони ўчирилган. Дилдора эрининг ва ўзининг қариндошлари билан билан учрашиб, пинхона маслахатлашиб кўрди. Бироқ, хеч биридан нажот чиқмади. Тўғрисиям шу, қариндошлари орасида бойлари йўқ, энг бойини “Матиз” машинаси бор холос. Нима қилса экана, ё уйни сотайликмикан. Қанчага олишаркан? Шошма, кейин қаерда яшаймиз? Хадемай Қобил хам ўқишини битириб, қишлоққа кўчиб келадику. Уфф, нима қиламиз энди. Ўғли Лондондан картасига ташлаб берган пулларнинг бир қисмини тўйга, уй ремонтига ишлатишди. Хозир беш мингга яқин бор. Яна ўттиз мингни қаердан оламиз энди? Ким беради шунча пулни? Хах ўғлима, дардинг борлгини билганимдаку, хамма пулларингни тахини бузмай сақлаб юрардима? Шошма, Қобил қайнотам прокурор деганмиди? Проурорларда пул кўп, қарз қилиб туришмасмикан? Соғайиб кетса қайтарамиз, қочиб кетармидик! Бу бола нега телефонини ўчириб олган-а?
Орадан яна бир кун ўтиб Қобилнинг ўзи бошқа рақамдан телефон қилиб қолди:
-Ая, яхшимисиз? Тинч ўтирибсизларми? Акамга телефон қилсам кўтармаяпти. Ё тўйида узоқ турмай қайтиб келганимга хафамикан? Айтинг, уч юз доллар жўнатвоорсин, телефоним бузилиб қолди, тузалмаяпти. Янгисини олай, қийналяпман ая?
-Қассобга ёғ қайғусими ўғлим. Аввал хол-ахвол сўрамайсанми мундоқ? Пул дейсан, Телефон дейсан? Танглайингни пул билан кўтармаганмизу, фақат пул хақида гапирасана болам. Қачон қарама пул керак дейсан. Яхшиям шу пул ўлгур бор. Бўлмаса телефон хам қилмайсан ўзингча.
Бу ёқда ўз ёғимга ўзим қовурилиб ўтириппан. Акангни мазаси йўқ, келин кетиб қолган.
-Тинчликми ая? Нима бўлди ўзи?
-Акангга буйрак қўйиш керак экан. Хиндистонга олиб боринглар дейишди.
-Хиндистонга?! Эххе, катта соққа керакку бунга!
-Шу-да болам, шуни ўйлаб диққат бўлиб ўтирибмизда. Хали донор топиш керак. Мен тамом бўлдим болам.
-Донор менда ая! Мен бераман акамга. Бошқаларники мос келмайди ая.
-Тилгинангга жоним фидо ўғлим! Шу гапларингга қурбон бўлай. Сен кўнмайсан деб қўрқувдим.
-Ие ая, акамку ахир. Мен бермасам ким беради. Ая, бундоқ қиламиз, акам Тошкентга келсин, қайнотамни танишлари кўп, шу ерда текширувдан ўтказамиз. Юз фоиз ишончим комил, мени тахлилларим акамга мос келади. Пулниям бир нима қилармиз...
-Ним қиламиз, уйни сотсакмикан?-ўсмоқчилаб сўради.


📚 Ibratli Hikoyalar 📚
❤27🔥8👍5
-Ая, гувалак уйингиз ўн беш мингга хам кирмайди. А, уни сотиб қаерда яшайсизлар кейин.
-Унда нима қиламиз?
-Қариндош уруғ, таниш-билишлардан қарз кўтарармиз.
-Ким беради шунча пулни?
-Пул муаммоси хам бир гап бўлар, аввал тахлил натижаларини чиқариб кўраверайликчи?
Дилдоранинг елкасидан тоғ ағдарилгандек бўлди. Яхши гап жон озиғи деб шунга айтсалар керакда, Қобилнинг гапларидан кейин Дилдора анча жонланиб қолди. Шундан сўнг катта ўғлини қўярда қўймай Тошкентга жўнатди. Аммо, қувончлари узоққа чўзилмади. Қобилнинг тахлиллари муносиб келмабди.
Дилдора яна ғамга ботди. Кўчагаку умуман чиқмай қўйди. Ким бўлса Одилни сўрар, яхши бўлиб кетади деб тасалли беришарди. Бироқ бу тасалли бераётганларнинг кўзлари “ўғлинг ўлади, тайёр тур” деяётгандек боқарди назарида. Келини кетиб қолгандан кейин Одилнинг касали хақидаги гаплар бутун қишлоққа аён бўлиб улгурганди.
Бир куни Адолат йиғлаб кириб келди.
-Акам хақидаги гапларни бегоналардан эшититб келяпман. Нега менга айтмайсизлар? Мен бегонами сизларга?
-Сен энди қайна-қайнотали одамсан. Тинчингни бузмай дедимда.
-Қўйинг ая шу гапларни! Акамга мен донор бўламан. Мени текширувга олиб боринглар!
-Қўйе, нима деяпсан қизим. Сени ёш боланг бор. Буни устига, чиққан қиз чийириқдан ташқари дейишади. Сени бошингда эринг бор, ўша хўжайин. Уни рухсатисиз тирноғинга қайчи текизма қизим.
-Куёвингиз рози бўлди ая. Пул хам бор, беради.
-Қизим, бизга катта пул керак. Сизлар яқинда “Нексия” олдинглар, пулларинг ишлаб кетгандир.
-Ая, бир гап бор, энди сизга айтмасам бўлмас. Қобил акам хадеб Одил акамдан пул сўрайвергани хақда нолиб куёвингизга айтувдим. Сен акангдан пул сўра, бизга жўнатиб турсин деганди. Мен акамга ёлғон гапириб, пул сўрадим. Акам шўрлик индамай бизга пул жўнатиб юрган. Олти ой икки мингдан жўнатган, хозир ўн икки минг бўлди. Машинани ўзимизни пулга олганмиз ая, акамникини сақлаб юриппиз. Тўй арафаси берайлик, десам куёвингиз кўнмади, мухтож бўлгунча сақлаб турамиз деб. Ёки машина олмоқчи бўлса берамиз, деган.
Дилдора қизини энди кўраётгандек тикилиб қолди. Қизини яхши биларди, жуда жонкуяр, мехрибон қиз. Қарангки, куёви хам ўзига ўхшаркан. Мана, осмондан тушгандек ўн икки минг пул тайёр. Ўзникини қўшса ўн етти минг бўлади. Аммо, шундаям яна ўн саккиз минг пул топиш керак бўляпти. Жуда бўлмаса уйни сотаман, ўйларди она.
Хартугул, Адолатни текширишгандан кейин донор масаласи хал бўлди. Синглисининг тахлиллари акасига муносиб кўрилди. Энди пул муаммосини хал этиш қолганди.
Ўша кунлари Қобил оиласи билан ёзги таътилни ўтказиш учун қишлоққа қайтди. Дилдора қанча ялинса хам зўрға келадиган ўғли, бу йил дабдурустдан кириб келганди. Бу келишнинг асосий мақсади эса кейинроқ маълум бўлди.
Уйни сотиш хақидаги гаплар мухокама қилинаётганда келин қаттиқ туриб қаршилик қила бошлади.
-Уйда укасининг хам хаққи борку ойижон,-деди қайнонасига кўзини лўқ қилиб. –Кейин биззи халқимиздаги удум бўйича ховли кичик ўғилга қолади, тўғрими? Сиз қанаққиб кичик ўғилни уйини сотиб юбормоқчисиз ойижон.
-Сен аралашма, акам учун ўнта уйим бўлса хаммасини сотаман!-Қобил хотинига дўқ урди.
-Товуқ катакда яшаймизми кейин?-кичик келин қошларини чимирганча эрига тикилди.
-Керак бўлса товуқ катакда яшаймиз!
-Кимни товуқ катагида?-келин хам бўш келмади.
-Бош омон бўлса дўппи топилади,-Қобил асабийлаша бошлади.
-Сиззи битта дўппингиз ўғлим учовимизга бошпана бўлолмиди дадаси, кўзингизни очинг.
-Хаммамиз Тошкентдаги квартирага кўчиб кетамиз,-деди Қобил.
-Дадаси, квартирани хисобилан қарз олиб дадам айтган ерга бериб қўйганмизку.
-Бўлди, жанжаллашманглар! Одил кафтини юқори кўтарди. –Уйни сотмаймиз, мен аввалдан бунга қарши бўлганман. Уй сизларрга қолади.
-Ака, бу уй сизни хам уйингиз!-Адолат гарчи акасига мурожат қилган эсада, кеннаясига қараб гапирганди.
-Майли, бахслашманг!-Дилдора қараса можаро катталашадиган.-Уй сотилмайди. Аммо, пулни қаёқдан топамиз энди келин? Дадангиз қарз қилиб турмасмикан?
-Билмадим ойижон, дадамла унмайдиган уруғни ерга қадамайдиган одамла. Ну, бир сўраб кўраман акамла учун.
-Шундай қилинг, қарашиб юборишсин, ерда қолмас келин!


📚 Ibratli Hikoyalar 📚
❤20👍5🔥3
Адолат кеннаясига норози тикиларкан хаёлидан “жуда бемехр ва айёр хотин экан. Дунёга ўт қўйса кулини кўрсатмайдия” деган гаплар ўта бошлади.

📚 Ibratli Hikoyalar 📚
🔥14❤7
This media is not supported in your browser
VIEW IN TELEGRAM
Шунақа телефон тутганлар битта юракча босиб қўйинг ☺️

📚 Ibratli Hikoyalar 📚
👍7❤6
This media is not supported in your browser
VIEW IN TELEGRAM
Аёл доимо ҳақ бахслаша кўрманг
Аёл ранжиганда қучоқлаш керак 🤗🥰

📚 Ibratli Hikoyalar 📚
❤5
Донор-3.
Кимса бошига мушкул иш тушса кимнинг КИМ эканини билиб оларкан. Амалий ёрдам қилиш керак бўлган пайти файласуфлардек насихатгўйлик қиладиганлар кўп бўларкану, нажот тилаб қўл узатсанг сувга тушган совун кўпигидек ғойиб бўларкан.
Ноумид шайтон дейишади. Хикоямиз қахрамонлари умид узимадилар, изландилар, ўйландилар. Кутилмаганда, хамманинг энсасини қотириб, хафсалаларини пир қилиб юрган келиндан жўяли маслахат чиқиб қолди.
-Ойижон, интернетга ёрдам сўраб пост жойласакчи? Мени бир дугонамни фесбук, ютуб тармоқларида каналлари бор. Акамни расмларини қўйиб ёрдам сўрасак саховатпеша одамлар пул жўнатишади. Тагига пластик рақамимимзни кўрсатиб қўямиз, узоқдагилар клик билан пул ўтказишади.
-Шунақа қилса хам бўладими келин?
-Бўлади ойижон, Тошкентлик бир болачага шунақа қилиб ёрдам қилишган, биззи махалламизда турарди. Менда виза карта бор, чет элда хам ишлайверади. Ўшани рақамини киритишимиз керак.
-Қайдам, ишонса бўладими?
-Чиқмаган жондан умид-да ойижон.
-Тўғри, олма пиш оғзимга туш деб ўтиролмимизку. Сиз унда дугонангизга илтимос қилиб кўринг!
-Мен қишлоғимиз учун телеграмда канал яратаман ая!-Қобил хам ишга киришди.-Хамқишлоқларимиздан хам ёрдам сўраймиз. Карнайчидан бир “пуф” дейишадику, харакат қилаверайликчи ая!
-Шундай қилинглар болажонларим...-она ортиқ сўзлай олмай, рўмоли учини кўзига босди.
Ўйчи ўйини ўйлагунча таваккалчи ишини битирибди. Одил учун йиғилаётган сумма соат сайин ўсиб бораверди. Бу орада, Тошкентга Хиндистондан мутахасиси келганини эшитиб, консултацияга хам бориб келдилар. Ака-сингилнинг тиббий кўрикдан ўтказилгандаги натижалари мос келиши яна бир карра тасдиқланди. Хинд мутахасиси уларни ўзи ишлайдиган клиникага таклиф этиб кетди.
Ижтимоий тармоқлардан пул йиғиш бошланганига йигирма икки кун бўлди деганида Қобилга бир одам интернет орқали видео қўнғироқ қилиб қолди.
-Ассалому алайкум!-салом берди Қобил.-Ведеони ёқиб олинг сизни тасвирингиз кўринмаяпти.
-Валекум ассалом, майли, мухими мен сизни кўряпман. Мен сизлар ёрдам сўраб ёзган статусни ўқидим. Бу рост тадбирми, ёки қаллобларми аниқлагим келди.
-Ака, бизга харом пул керакмас. Ишонмасангиз акамнинг касаллик варақаларини кўрсатаман.
-Ана шуни кўрсатингда ука. Кейин, акангизни холатини хам кўрмоқчиман.
-Бўлди-да, мана акамни хонасига киряпман. Бу бизни ховлимиз,-Қобил йўл –йўлакай уй билан таништириб борди.-Мана бу акамни уйи, уни яқинда уйлантиргандик, касалини эшитиб, кеннаямиз кетиб қолдилар. Мана, бу акамни уйи. Ўзимиз олган диван ва мебеллардан бошқа нарсаларни кеннаямиз олиб кетиб қолган.
-Мебелни келин томон олмайдими сизларда?-юзи кўринмаётган одам ажабланди.
-Келин томон олади, аммо акам бундай қилмади. Жума мачитда имомлар тушунтиряптику, уйни жихозлаш эркакни вазифаси деб. Акам шунга амал қилганда.
Мана, бу одам мени акам бўлади. Ака, интернетдан телефон қилишяпти, сизга соғлик тилашяпти.
-Валекум ассалом, саломат бўлишсин. Бизни йўқлаганни Оллохим йўқласин!-Одил ётган жойидан бош кўтариб алик олди.
-Акани безовта қилманг, ётаверсинлар. Касаллик варақаларини кўрсатинг.
-Хўб, мана хаммаси токчада турибди. –Қобил хар бир қоғозни телефон камераси орқали кўрсата бошлади.
-Ука, шу қоғозларни камерага кўпроқ тутиб туринг, камида ўн секунддан. Яхши, ана шундай, охирида акангиз паспоррти ва пластик расмини хам ташлаворинг!
-Хўб ака,-Қобил у айтгандек қила бошлади.
Қўнғироқ тугаллангандан кейин орадан беш минут ўтар-ўтмас Нозима қувончдан хайқириб юборди. Сабаби картага 8000$ маблағ келиб тушганди. Қобил дарров англади, бу пулни ўша – номаълум одам жўнатганди. Ука дарров унинг шахсий кабинетига рахмат айтиб СМС юборди. Исмини, қаерлик эканини хам сўради.
-Менга рахмат айтманг, Оллохга шукрона келтиринг. Бу пул меники эмас, уни Оллох мени қўлим орқали сизга юборди. Мени унутинг, акангиз шифо тилайман.
Қобил шошиб унга жавоб йўллади, аммо қарши томондаги одам уни аллақачон қора рўйхатга киритгани учун хабари етиб бормади. Сониялар ичида эса ўртадаги ёзишмалар тозаланди, чат бутунлай ўчирилди. Яни, номаълум одам изсиз ғойиб бўлди.


📚 Ibratli Hikoyalar 📚
❤22🔥9👍5
-Ака, қаранг, бояги эхсон қилган одам бутунлай мендан ғойиб бўлди. Йўқ, сувга тушган тошдек изсиз кетди. Саккиз минг доллар бердию, ўзи йўқ. Анави Сайфулло амакимиз саккиз юз минг бериб кўча-куйда мақтаниб юрибди. Одамларам хар-хил бўлар экана?
-Ука, кимки иймонли тақволи бўлса, берганини яширади. Олганини оширади. Бир жойда ўқигандим, Абу Зар Ғифорий розияллоҳу анҳудан ривоят қилинади: “Расулуллоҳ соллаллоҳу алайҳи васалламдан энг афзал садақа ҳақида сўрашди. Шунда у зот: “Муҳтожга махфий қилинганидир”, – дедилар ва қуйидаги оятни ўқидилар:“Садақаларингизни ошкора берсангиз, қандоқ ҳам яхши. Агар камбағалларга пинҳона берсангиз, ўзингиз учун янада яхшироқдир ва (У) гуноҳларингиздан ўтар. Аллоҳ қилаётган (барча) ишларингиздан хабардордир” .
Яна бир ўқиганимда эса Имом Аҳмад ривоят қилган
Абу Ҳурайра розияллоҳу анҳудан ривоят қилинади: “Расулуллоҳ соллаллоҳу алайҳи васалламнинг: “Аллоҳ таолонинг арши соясидан бошқа соя бўлмаган кунда етти тоифа кишиларни Аллоҳ соялантиради. Шулардан бири ўнг қўли берган нарсани чап қўлига билдирмасдан махфий садақа қилган киши”, – деганларини эшитдим”. Буни Имом Бухорий ривоят қилган укажон.
-Ха ака, Худойим ўша инсонга бизга қилганидан юз карра кўпроқ берсин.
-Омин!-Одил ожизгина пичирлади.
-Ака, назаримда етарли маблағни тўплаб бўлдик. Ўн тўққиз минг нақд йиғилди, ўн етти минг пластикда. Энди Хиндистонга учаверсангиз хам бўлади.
Орадан хафта ўтар – ўтмас Хиндистонга учдилар. Керакли клиникага топиб бориб жойлашдилар. Албатта, бу ерда хам тиббий кўриклардан ўтишга тўғри келди, бунинг учун эса бироз маблағ хам сарфладилар. Операция учун хамма нарса тахт бўлди, маблағи тўланса бўлди эди.
Адолат харажатлар учун пулни ўтказмоқ учун, акаси ётган хонадан чиқиб кетди. Бироқ, беш дақиқа ўтар-ўтмас ранги мурдадек оқарганча ортига қайтди. Хар қанча ўзини қўлга олишга харакат қилмасин, кўз ёшларини тийиб туролмади:
-Ака, - деди, лабини қон чиқар даражада қаттиқ тишлаб.-Хакерлар пластигимизни бўшатиб олишибди.
Одил кўзи очиқ мурдадек шифтга тикилганча қолди. Синглиси эса унинг оёқ томонига чўкиб олган, унинг тиззаларини қучганча овоз чиқармай йиғларди. Синглиси йиғлай-йиғлай бироз ўзига келдими, жадал ташқарига чиқиб кетди. У шифокорларни қўлида қолган маблағ эвазига донорлик амалиётини ўтказишга кўндирмоқ истади. Орадан бир соат ўтиб эса сувга тушган мушукдек қунишиб кириб келди.
-Сиқилма сийним!-Одилнинг овози ўктам эди.-Мен қиламан ўттиз, Худо қилади тўққиз. Нима хам қилардик, насибамиз йўқ экан. Энди тайёрлан, уйга қайтамиз. Қолган маблағни... Қолган маблағни хам ишлатадиган жойи бор...
“Маракаларимга ишлатасизлар” демоқчи эканини тушунган сингил бир сесканиб тушди.
-Акамга хабар жўнатдим, банкка бормоқчи. Балки пулни ким олганини аниқлашса, картамизга қайтариб ўтказишар. Бироз кутайликчи...
-Палағда тухумдан жўжа чиқмас, куйган уруғдан жўхори. Куйдик сийним, тамом, кетамиз. Аэрапортга телефон қилайлик, тезкор билет бормикан.
-Ака, мунча шошасиз?
-Жоним ватанда чиқсин дейма сийним, ўлигимни олиб кетиш сенга икки хисса қимматга тушади.
Кундузги ўн иккида самолётлари учар экан. Такси чақириб, юкларини елкаларига осдилар. Адолат коридорда акасининг елкасига кирганча йўл бошлаб бораркан, лифтни ёпмоқчи бўлаётган соқол мўйловли шифокорга қўл силтади.
-Кечирасиз, бироз шошманг!-деди инглиз тилида. Қиз хам инглиз тилида бироз сўзлай оларди.
-Хўб, келақолинглар!-соқолли шифокор уларни кута бошлади. Ака-сингил лифтга киргач бепарво сўради:
-Қайси қаватга тушасизлар?
-Ака, “биз биринчи қаватга тушамиз” английскийда қанақа бўлади?-акасига тикилди Адолат.
-Биз биринчи қаватга,-деди Одил. Соқолли одам бир рақамини босиш ўрнига йигитга синчиклаб қарай бошлади.
-Сохиб, сизни исмингиз Одилми?
-Ха Одилман! Узр, биз танишмидик?
-Менга бир гап айтувдингиз эсингиздами? Тоғ тоғ биланмас, одам одам билан учрашади.
Одил унга тикиларкан, кўзларидан таниб қолди. Чиройли қилиб қиртишланган соқол-мўйловда уни танимаган экан.
-Жеки, нахотки бу сен!
-Менман сохибим, мен!-Жеки уни бағрига босди.-Қандай учрашув а? Тасодифни қаранг, ўз клиникамда сизни кўриб турибмана!


📚 Ibratli Hikoyalar 📚
❤37
-Тасодифлар тасодифан юз бермайди Жеки, бу Оллохни иродаси, унинг изнисиз уйингга борсам хам кўришолмай қолган бўлардик.
-Ха, тўғри сохибим. Аммо, сизни ахволингиз яхшига ўхшамаяпти? Нима қилди, нега рангингиз синиқ?
-Пастга тушайлик, бирон жойда ўтириб айтиб бераман, лифтни банд қилиб турмайлик.
-Яхши, кабинетимга кирайлик, ўша ерда гапириб берасиз. Ие, шошманг, аввал онамга қўнғироқ қилиб қўёй, тайёр бўлиб турсин, машинам бориб олиб келади. Улар сизни шунақа алқайдилар, шунақа дуо қиладилар. Хар ибодатларида сизни хам эслаб ўтадилар. Хозирча айтмайман, ўзлари келганда айтамиз.
Адолат нима бўлаётганини ростмана тушунмаса-да, шаббода ўзлари томон эсаётганини англаб турарди.
*

-Ая, акамни қаранг,-орадан икки ой ўтиб, оила жам бўлганда сингил жўшиб сўзлашга тушди.-Хиндистондаги энг зўр дўхтирни текинга боқиб юрган экан. Аслини олиб қараганда эса ўзини операциясига ўша пайтдаёқ пулини тўлаб бўлган. Мен тамом бўлдик деб ўйлагандим...
Ажойибда бу акам. Эътибор берсак, мен донор эмас аяжон, акам донор. Хаммага келажак улашувчи донор. Мана бугун акамни номига Хиндистондан пул кела бошлади. Қобил акам топган жойга хусусий клинака қуришни бошласа бўлади.
-Ўша Жеки хам келадимикан Одилжон?-сўради она кўзалри ёшга тўлиб.
-Келади ая, келади. Оғир операцияларни ўзи келиб қилади. Фақат, мен шу одамларни керакли санага тўплаб туришим керак. Нархи хам қиммат бўлмайди, Овора бўлиб Хиндистонга хам боришмайди. Тиббий ускуналарни ўзи жўнатаркан, энг зўрларини. Мен бу ерда хўжайин бўлиб, шифокорларни ишга ёлларканман.
-Қандай яхши,-онаси Одилни елкасидан қучди.-Энди... шу десанг... мана, соғайиб кетдинг. Келинни бориб олиб келсак...
-Йўқ ая, яхшиси бошқа келин изланг!-Одилнинг юзи тундлашди.-Аммо, Қобилни хотинини қайтариш керак, ўртада жиянимиз бор. Пластикни хам бериб юборибдику пулни қайтариб. Энди кечирақолайлик уни!
-Э-э, ака қўйинг уни. Пластикдаги пулни ўзи “ухлатиб” қўйиб, хеч нарса билмагандек менга дўқ урди. Тухматчига чиқарди. Аниқ бўлдику, пул ўтказилган Холдарова Латофат синфдоши эканку. Дугонаси йиғлаб кечирим сўрадику.
-Кеннаям хам кечирим сўраяптику ака. Кечиринг, болангиз борку ахир.
-Қанаққиб кечираман, ўз уйимдан мени хайдаган хотинни кечириб бўладими?
-Уйни уни номига ўтказмаганингизда шунақа қилолмасди ака. Ўзингиз бошидан хом иш қилгансиз.
-Кечиримли бўл Қобил!-Одил сухбатга аралашди.-Худо кечиримлиларни суяди. Қани, яна бир имконият берчи унга!
-Қўйинг ака, жахлим босилмаяпти.
Орадан тўрт ой ўтиб кетди. Бу орада Хусумий клиника учун икки қаватли бинонинг ғиштларини уриб, томини хам ёпиб бўлишди. Ўша куни Одилга номаълум рақамдан қўнғироқ бўлди.
-Ассалому алайкум Қуда бува, соғлик яхшими энди?
-Рахмат,-Одил хайрон бўлди. Хеч ким унга қуда бува деб мурожат қилмаганди.
-Мен келинингизнинг адалари бўламан. Қуда бува, шунча куттим сизлардан хабар бўлмади, шунга ўзим қўнғироқ қиляпман.
-Э-э, Ассалому алайкум, ака яхшимисиз?
-Рахмат, рахмат. Қуда бува, эгилган бошни қилич кесмас дейишади. Биз томондан катта хатоликлар ўтибди, афсусдамиз. Қизимизга вақтида тўғри тарбия бера олмаган эканмизки, сизларни хам бизни хам ранжитди.
Қуда бува, онангизни олиб биз томонга бир келсангиз, ўтириб гаплашиб олардик.
-Майли, яхши бўларди-ю, аммо, укамни бироз тиконлари хурпайиб юриптида.
-Кўнгилда қуда бува , кўнгил. Бировни кўнглини синдиириш кабани вайрон қилиш экан. Нима хам дердик, сиз ётиғи тушунтиринг, сиззи гапингизни икки қилмас экан, эшиттик. Мабода, қизимни кечирмаса хам келаверинглар. Омонатларингизни олишингиз керакку.
-Қанақа омонат?
-Квартирани укангиз номига ўтқиздирамиз, қизимни кўндирдим. Кейин, куёв бола билан шерикликда бир иш бошлагандик. Шундан ўз хиссасини ажратиб беришим керак.
Келсаларингиз, хисоб китоб қилиб бераман хаммасини.
-Хўб қуда бува, борамиз!-вада берди Одил. Кейин эса, бу гапларни эшитса, укаси жахлдан тушишини тахмин қиларкан, жилмайиб қўйди.


Мана азиз ўқувчим, сизларга аталган яна бир ибратли хикоям нихоясига етди. Кейинги қиссаларимда ғойибона дийдорлашгунча омон бўлинглар!
21.07.2024 Дониёр Ахмаджонов
#донор

📚 Ibratli Hikoyalar 📚
❤55👍29👏2
This media is not supported in your browser
VIEW IN TELEGRAM
✨🌙ХАЙРЛИ ТУН АЗИЗЛАРИМ

Яхши ҳам ҳаётимда
                     сиз борсиз

🌙🌹Бу сўзларни яқин инсонимизга албатта айта олишимиз керак

Ёнимиздаги❤️
         қадрдонларимизни
                    қадрлайлик...😇

🌙🌹Хеч қачон Бирон инсондан мехрингизни Ширин сўзингизни қизгонманг.

🌙🌹АЛЛОҲДАН Бирон инсонни🤲 Қалбига озор бериб қўйишдек, улкан гунохдан ўзинг сақла деб сўранг. Чунки қалб Аллоҳнинг уйидир!

🌙Ҳайрли тун яхшилар😴

📚 Ibratli Hikoyalar 📚
❤3
💥БУГУН  27- НОЯБРЬ
ПАЙШАНБА ТОНГИ МУБОРАК БЎЛСИН💜

🍃🌼 Бошлаётган кунингиз, хайрли-барокатли ўтсин!

🍃🌼 Қанчадан бери амалга ошмаётган орзуларингиз рўёбга чиқсин!

🍃🌼 Ризқингиз кенг, ҳар бир босган қадамингиз тавфиқ, тавбаларингиз қабул, дуоларингиз ижобат бўлсин!

Аллоҳ паноҳида бўлинг! 🤲

🍃пайшанба кунингиз хайрли ўтсин, азизларим🍃

🌸🌼 ХАЙРЛИ ТОНГ 🌷🌹


📚 Ibratli Hikoyalar 📚
❤2
This media is not supported in your browser
VIEW IN TELEGRAM
Сени уддалай олишингни кутганлардан кўра, уддалай олмаслигингни кутганлар кўпроқ. Ана ўшалар учун ҳам уддалашинг шарт

Шунақа 😉

📚 Ibratli Hikoyalar 📚
❤4🥰2
СЎЗ ҚУДРАТИ...
Тушкун кайфиятда бошимни ўтирган ўриндиғимга тираб икки соатдан бери шифтдаги бир нуқтага тикилиб ўтирибман. Эшик ортидан аллакимларнинг суҳбати қулоғимга чалиниб бош кутардим. Олдимга ҳеч кимни қўйманг дегандим. Ким келган бўлса? Охирги икки ҳафтадан бери мени тарк этмай келаётган бефарқликдан сунг илк марта келгувчининг кимлигига қизиқдим.
-Ҳеч қиси йўқ менга мумкин!
Эшикни шарқ этиб очиб кириб келган опамга кайфиятим йўқ бўлса-да жилмайиб боқишга ўзимда куч топдим.
-Келинг опа бош ирғадим.
-Келдик!
Қош чимириб олган опа ортидан кириб келган котибамга ёмон қараш қилди.
-Гули опа, сиз бораверинг, опам билан маслаҳатли ишимиз бориди.
Бошимни ирғаб остонада айбдорлардек жовдираб турган котибага ишора қилдим.
-Бирон нарса ичасизми? Ўтириши учун стулга имо қилиб савол бердим.
-Ҳа, мумкин бўлса, битта лате айтинг.
Чиқиб кетмай опамни жавобини кутиб турган Гули опага ишора қилдим.
-Нима гап опа тинчликми? Ҳеч бу тарзда ишхонамга келмагандингиз тинчликми?
-Тинчликмас, аввола уйимда тинчлик эмас. Акангизни туни билан хўрсиниб у ёнбош бу ёнбош қилиб чиқишидан сиқилиб кетдим. Иккинчидан, каналингизда ёзган нарсангиздан ўзимниям юрагим сиқилиб кетди. Нима бўлди? Бундай тушунтириш берасизми? Дадангиз боргандилар. Бошим қотди дейдилар? Нима гап Рустам?
Шу тахлит саволлар берилишини билардим. Лекин опамдан бунчалик тезлик кутмаган эдим. Хўрсиниб олдим.
-Рустаам
-Уффф!
-Нима гап ахир бундай тушунтирса бўлади-ку! Ечими бордир!?
-Сизга саволим бориди
-Хўп
-Висолани қачондан бери танийсиз?
-Икки йил бўлди шекилли?- Ўйланиб олган опа хижолатли кулимсиради. –Адашмасам, икки йил бўлди.
-Шу икки йил ичида нечи марта кўришиб гаплашгансиз, ўтириб, дилдан бир қариндош сифатида?
-Бир мартаям гаплашмаганман. -Лабини тишлаб олган опа юзимга тикилди. -Икки ё уч тўқнаш келганман, ва саломлашиб ўтиб кетганман.- Бу гапларни нима алоқаси бор?
-Шахзода биланчи?
-Ии ? Шахзода билан кунда кун оша... Ўзингиз ҳам биласизку! Нега бу саволларни бераяпсиз?
-Мени тушунмаётганим Висола билан унақа қадрдон эмассиз, бошланишида хаттоки, ёқтирмаса ҳам керак деган ўйим бориди. Лекин бизнинг ажралишимиздан биринчи бўлиб таъсирланган сиз бўлиб, олдимга югуриб келдингиз. Менга шу қизиқ. Сизга яхшимасми? Суюклигингиз, эркатойингиз Шахзода учун қувонмайсизми?
Жим юзимга тикилиб хаёл суриб қолган опани хаёлини эшикдан кириб келган Гули опа бузди. Олдига қўйлган кофени нари суриб қўйган опа ўйчан овозда сўз бошлади:
-Тўғри, мантиқан ўйлаганда худди шундай бўлиши керак. Мен бу ажримдан жуда шод бўлишим керак эди Лекин негадир ундай бўлмади. -Ўйчан жилмайди. -Мен сиз билан Шахзода орқали танишганман. Сизнинг бир биридан расво қилиқларизни кўриб, ўлай агар сизни жуда ёмон кўрдим. Секин секин сизни урганиб бориб, сизга меҳрим тушгани хам рост. Сиз у қизни севмай уйланганингизни, ҳаттоки, тез тез ёдга олиб турадиган Фотимани ҳам севмаслигингизни жуда яхши билардим. Сиз хақингизда доим отасини эркаси, арзанда деган хаёлим бўлганлиги ҳам рост. Акангизга турмушга чиққанимдан сунг, сизни оиладаги ўрнингиз ҳақида бир мунча тасаввурим пайдо бўлиши билан бирга сизнинг шахсиятингиз хақида ҳам яқинроқдан билдим. Оилангизга ҳурматингиз, аянгизга муносабатингизни кўриб ростим ҳавасим келди. Кўп бора ўғлим шу йигитга ўхшасайди деб ўйлаганим ҳам рост. Бу борадаги ҳавасим фақатгина аянгизга бўлган муносабатингиз учун эди. Бир она сифатида мен ҳам, ўғлимдан шундай ардоқ олишни истармидим. Аммо аянгизни кутилмаганда вафоти ва сизнинг у вақтдаги ҳолатингизни кўриб, бир инсонга бу даражада меҳр бермаслик керак экан деган хаёлга бордим. Бир гап айтсам жаҳлингиз чиқиши мумкин.
-Хўп айтинг. Бу кун иккимизни суҳбат кунимиз бўлади.
-Мени уша аянгизни вафотидан кейинги кунларда сизга жуда раҳмим келарди. Инсон сифатида сизга ачинардим. Тақдирнинг битта аёвсиз зарбаси инсонни қай куйга солиши мумкинлигини сизнинг мисолингизда кўриб кўз ёшларимни тия олмаганман. Уша вақтларда ишонмасангиз акангиздан сўрашингиз мумкин, акангизга уни ёлғиз қолдирманг дердим. Жиним суймайдиган Ойбекдан ҳам, ҳар куни шуни сўраганман.


📚 Ibratli Hikoyalar 📚
❤35👍4😁1
Ошириб юбордингиз демасангиз, мен Висолани ҳаётингизга кириб келгандан кейин, сиздаги ўзгаришни кўриб, очиғи шу аёлни фариштага қиёсладим. Ўзимни касбий соҳамда образли қилиб тушунтирсам, мен у аёлни катта бир жароҳатли инсон жароҳатига, меҳр иплари билан чок қўйган фариштага қиёсладим. У киши билан муносабатимни узоқдан узоқлиги эса, бир одамни қанчалик яқиндан билиб бораверсанг, унинг камчиликлари, қусурлари кўз олдингда намоён бўлади ва дастлабки, таъссуротларингни пучлиги, у одамга нисбатан аллақандай ҳурматсизлик пайдо қилиши мумкин. Шу сабабли ҳам у аёлга яқинлашмайман. Мени хотирамда у аёл уша фаришта тимсоли бўлиб қолсин. Шахзодага келадиган бўлсам, у ўз тақдирини ўзи яратди. Бошидаги бахт қушини ўз қўллари билан ерга отиб урди. Шахсий хаётидаги хатоси учун, кимдардир юз угирмайман. Ахир мен ҳам одамман, мен хам хатоларга йўл қўяман. Саволингизга жавобим шу! Сиз энди менинг саволларимга жавоб беринг нега ундай бўлди?
Хўрсиндим
-Рустам?
-Опа, мен ўта даражада худбин бўлсам керак..
-Буни айтмасангиз ҳам биламан! Тўғри жавобдан қочмай саволимга жавоб беринг
-Мен ундан кетишини , биз ажралишимиз кераклигини сўрадим.
-Ияяя? Ўрнидан туриб кетди. –Негааа?
-Шуни хохладим. Елка қисиб олдим. –Тентакманми?
-Ахмоқсиз! Қош учирди.-Ғирт тўнкасиз! Ундан ўзим сўрадиммиш! Мен тентакмимиш! Ургулдим сизга ўхшаган рамантика, ҳаёлот оламида юргувчидан! Ундан кўра очиқчасига, менда маъсулят йўқ, икки бола билан сени ёлғиз қолдираман, кечирасан шунақа тутуруқсизман демабсиз-да! Ачитди.
-Опааа!
-Ҳа!-Елка қисиб кўзларини катта катта очди. -Сизнинг бу гапингиздан бошқа маъно келиб чиқмайди! Шуни биласизми?
-Сабабини билмай қизишаяпсиз!
-Сабабингизни пишириб енг бўптими! Менга сизнинг тутуруқсиз сабабингиз умуман керак эмас! Савол сизга! У хиёнат қилдими?
-Опааа!
-Демак, йўқ! У сизни севмайдими? Севади. Бола туғиб бермадими? Иккинчисини дунёга келтирмоқчи! Соғлигини ҳавфга қўйса-да, иккинчисини туғмоқчи!
-Опааа
-Мен ҳозир сизга озгина овозимни кўтарсам, менга қараб кимга гапираяпсан? Мен сени эрингни укасиман деб кетишни биласиз. Лекин билиб қўйинг мен бу ерга опа сифатида келдим! Аччиқ гапларимга чидайсиз!
Бундан буёғига айтилажак гаплар ҳазилакам гаплар бўлмаслигини англаб лаб тишладим.
-Бир аёлни ишончига киришни, уни никоҳига қабул қилишни, ундан фарзанд кўришни, яна бирига ҳомиладор қилишни эплаган ЭРКАК! Шу ишларни эплаган Шер йигит! Охиригача мард туришни ҳам эплаши керак!
-Опааа
-Гапимни бўлмай туринг! Мен сизга ҳууу касал бўлиб қолган вақтимда бир гап айтгандим: Висола илм одами, у олима аёл, ҳаётининг асосий маъноси китоб ва илмдан иборат бўлган инсон кунлардан бир куни, китобларидан шундай бош кўтарсада, тепасида сизни кўрса. Ҳаётига сурбетлик билан бир йигит бостириб кирса, унақа инсон севса, қаттиқ севади, чунки, у одам илгари бунақа ҳисларни туймаган булади. Ҳислари олдида довдираб қолади. Унинг ҳаётида ягона жароҳати бўлиб қолмайсизмикан дегандим! Эслайсизми?
-Ҳа
-Сиз унинг жароҳатига айланмоқчисиз! Нега тушунишни истамаяпсиз? Мени гапларимни яхшилаб ўйлаб кўринг, ўзингизни ундан кетишини сўраш сабабларингизни ҳам ўйлаб кўринг! Сунг бир хулосага келинг! Мен тахминан билаяпман сизнинг сабабларингизни, агар уша тахминларим туфайли бўлса, сиз қурқоқлик қилаяпсиз халос! Кечирасиз мени, бошқача таъриф бера олмайман! Эхтимол, мени бошимдан сиз ўтказган туйғулар ўтмаганлиги учун сизни тушуна олмаётгандирман. Аммо бу иш ожизлик! Рустам, ортга қадам бу! Сиз бошингизни ортга буриб олдинга юрмоқчи бўлаяпсиз! Қачон олдинга юзланиб қадам ташлашни урганасиз!?
-Кофе ичмадиз,- стол устида турган финжонга ишора қилдим.
-Совиди. Менга совуқ кофе ёқмайди.
-Бошқа айтайми?
-Йўқ, кетаман! Сизни туриб туриб таъсирланишингизни ҳисобга оладиган бўлсам, айни кетиш вақтим келди. Кетганимдан кейин гапларимни ўйлаб кўриб мени сукишингизни билиб турибман. Кўзлари порлаб доимгидек жилмайди. -Бора қолай Жаҳонгирни машғулоти бор. Сузишни урганаяпмиз! Кулди.


📚 Ibratli Hikoyalar 📚
❤30
Чиқиб кетгандан сунг хонага чуккан сукунатдан юрагим қисилиб ўрнимдан турдим. Ростдан ҳам мен озижлик қилаяпманми? Шунчалик қурқоқ бўлиб қолдимми? Лорс лорс ураётган бошимни махкам чангладим. Уйқусизликдан толиқиб кетган кўзларимни девордаги соатга тикдим. Неччи кунлар бўлди, уйқуни унутдим. Диванга суянган ҳолда, икки соатга кўзим илинади. Шу билан уйқум йўқ. Дадам топган психолог ҳам фирибгар чиқди. Аслини олганда, менга психолог керакмикан?
Телефонимни олиб телеграмга кирдим. Кирмаганига тўрт кун бўлибди. Дастлабки кунларда смсларимни ўқиб жавоб бермаётган эди. Энди бўлса, умуман кирмай қўйди. Қизиқ одамман ўзим кет дейманда, ўзим йўқлайман. Уффф! Хўрсиниб ўзимни кресломга ташладим. Уйқусизликдан гув гув овоз бераётан бошимни стол устига тирадим.
“Сиз унинг жароҳатига айланмоқчисиз! Нега тушунишни истамаяпсиз? Мени гапларимни яхшилаб ўйлаб кўринг, ўзингизни ундан кетишини сўраш сабабларингизни ҳам ўйлаб кўринг! Сунг бир хулосага келинг! Мен тахминан билаяпман сизнинг сабабларингизни, агар уша тахминларим туфайли бўлса, сиз қурқоқлик қилаяпсиз халос! Кечирасиз мени, бошқача таъриф бера олмайман! Эхтимол, мени бошимдан сиз ўтказган туйғулар ўтмаганлиги учун сизни тушуна олмаётгандирман. Аммо бу иш ожизлик! Рустам, ортга қадам бу! Сиз бошингизни ортга буриб олдинга юрмоқчи бўлаяпсиз! Қачон олдинга юзланиб қадам ташлашни урганасиз!?”
Ўлай агар сен олимча жонимга тегдинг! Ғашим келиб хаёл сурдим. "Қўрқоқ, ожиз" деган гапларни қандай қилиб эркак кишига қўрқмай ишлатади бу хайронман! Эрига ҳам шунақа дермикан? Феъли чатоқ акам кўз олдимга келди. Йўқ акамга айтолмайди. Менга келганда... Неччи кун бўлди кетганига? Саккиз кунми? Стол устида турган тугмачани босдим.
-Лаббай! Эшикда кўриниш берган котиба аёл жилмайди.
-Иброҳим шу ердами?
-Ҳа
-Чақиринг олдимга кирсин
-Хўп бўлади.
-Гули опа
-Лаббай
-Сизга савол
-Хўп.
-Эрингиз сизни сабабсиз уйдан ҳайдаса нима қилардингиз?
-Вооой нега?
-Дейлик, хайдади. Мисол учун...
-Ундами? Унда нима ҳам килардим...Йиғлаб, йиғлаб қайнонамни олдига борардим-да, эрим келиб олиб кетишини кутиб ўтирардим.
-Нега онангизникига эмас?
-Ахир, ота онам ўтиб кетишганда...Ғамгин бош эгди.-Қайнонам онамдек меҳрибонлар...
Юрагим бир қалқиб тушди. Уни борай деса, бир яқини ҳам йўқ эди-я! Якка-ю, ягона меҳрибони бўлган дадаси ҳам...Кўнглимдан ўтган ўйдан юрагим зириллиб кетди.
-Бўпти, Иброҳимни чақириб юборинг!
-Хўп бўлади.
Иброҳим хонамга кириб келгунича уёқдан бу ёққа кезинавериб оёғим толиди. Ичимдаги ёмон Рустам уйғонсайди. Уша ёмон, сукиниб кетадиган, салга ловвуллаб кетадиган ёмон Рустам уйғонсайди! Стол ёнига чукдим. Керакмиди уша гаплар? Нега мен ундай қилдим? Биргина сўз! Бир оғиз ўйламай айтилган гап бизнинг тақдиримизни ҳал қилишига ўзим йўл очиб бердима!
-Ака чақирибсиз эшикдан бош суққан Иброҳим тиржайди.
-Кир куйдирилган калладек тиржаймай! Қовоқ солдим.-Эртага жума, янгангга бозор қилиб олиб бориб бер. Эртага ...Иккиланиб қолдим.-Эртага акам келаркан де...
-Иии ака? Юзимга ҳайрон боққан амакиваччам ўрнидан туриб кетди.-Янгам бу ерда эмаслар-ку!
-Нима? Ҳайратланиш навбати менга келди.- Қаерда?
-Янгам Китобга кетган, бугун бешинчи кунми? Хабарингиз йўқми?
-Қайси янганг? Ғирт ахмоқона савол берганимни ўзим ҳам билдим.
-Шу... Шу Муҳаммадалининг аясида!
-Аааа? Бақириб юбордим. -Нима дединг? Нега кетади?
-Билмасам, менга Азимхон тоғангиз телефон қилдилар, янгангни таксига ўтқазиб, ҳозироқ кузатиб юбор дедилар. Кейин мен....
-Нега менга айтмадинг? А? Нега айтмадинг?
-Мен сизга телефон қилдим ака кўтармадингиз. Кейин акамни хабари бор деб...
-Сен ахмоқ, интернетдаги гапларни ўқийсанми ўзи!? Бақириб юбордим.
-Ўзим ҳам шунга ҳайрон бўлдимда ака
-Тур-да бор-да йўқол-да! Сени бир бало қилмасимдан кўзимдан нари бўл-да! Сенга ишонган мени болталаб ташлаш керак ўзи! Йўқол дедим!
Ичимдаги ўзим орзу қилган ёмон Рустам уйғонди. Ғазабдан дир дир қалтираб номерини тердим. Уч чақириқдан жавоб бўлди.


📚 Ibratli Hikoyalar 📚
❤19
-Ассалому алайкум.
-Қаердасан?
---------------
-Мен сенга қаердасан деб савол бердим!
---------------
-Висолаааа
--------------
-Бошимни балоси бўлдинг сен! Жин урсин сени! Уша борган жойингда тур-да! Мен сенга тоғамникига, мендан шикоят қилиб бориш қандай бўлишини кўрсатиб қўяман! Уша ерда тур ва мени кут!
Ғазаб билан телефонимни улоқтирдим. Синчалак! Атай қилган бу! Атайдан мени касал қилиш учун Китобга кетган! Хавотирдан юрагим ёрилиб ўлишимни билиб туриб атай қилган! Телефонимни улоқтирган жойимдан излаб топдим. Интернетда тарқалган роликларни бир бир кўриб чиқдим. Эйй худойимеейй! Ўзинг асра! Жин урсин! Ҳозирроқ йўлга тушмасам бўлмайди! Ҳозир, шу топда!
-Ойбек! Йўл йўлакай дўстимга қунғироқ қилдим. Мен Китобга бориб келишим керак! Ишларга ўзинг бош қош бўл! Телефоним интернетим ўчмайди. Қачон холасанг, биронта муаммо бўлса дарҳол чиқ!
-Хўп ошна яхши бориб кел! Эйй шошма-да! Мени ҳам олиб кет! Улуғбек шу ердалигида бориб келай. Йўқ дема.
-Тез кел унда!
-Бўпти беш минутда ёнингда бўламан.
-Келин Китобда дам олишдамикан?
-Ҳмм. Қаердан эшитдинг?
-Кеча амаким билан гаплашувдим. Анави роликларни деб. Ҳа бизни махаллага Тошкентдан мехмонлар келиб юрибди-ку тинчдирда дейди. Ким борди девдим. Сени оилангни айтди Дам олишга келди дебдимиш тоғанг.
-Ҳмм Ёзда салқинда дам олсин девдим...
-Ёлғонниям боплаб қўясанда ошна. Кулиб олган Ойбек қош чимирди .-Аразлашиб қолдингларми?
-Йўқ нега ундай дейсан?
-Мен сени биламан-ку! Нима бўлди?
-Ҳеч нарса! Ҳеч нарса бўлмади. Чалғитма рулдаман.
-Бўпти ошна айтиб берсанг эшитаман! Бошини ўриндиққа ташлаган дўстим кўз очди. Самарқанддан кейин менга берасан. Янги машинани оёғини бир кўрайлик бизам!
-Майли. Сен дам олавер.
Ҳаёлим бундан ўн беш кунлар олдин бўлиб ўтган воқеалар сари кетди.....


📚 Ibratli Hikoyalar 📚
❤24
😜

Орамизда мана шундай шприцлардан укол олганлар бордир


😁😁😁

📚 Ibratli Hikoyalar 📚
❤11👍1
This media is not supported in your browser
VIEW IN TELEGRAM
Яшаркан бир умр кутиб туриб ҳам,
Рўзғорин омочин тутиб туриб ҳам,
Дардини ичига ютиб туриб ҳам,
Ҳеч кимга билдирмай юраркан ЭРКАК.

Юрагин қонини тупроққа қориб,
Иморат соларкан, ёғочлар ёриб,
Узун кечаларда Ҳаққа ёлвориб,
Фарзандига иқбол тиларкан ЭРКАК.

Бечора тинмайди, қишми, ёз, баҳор,
Кўкламда ғишт терар, қишда курар қор,
Қачон тўлар экан рўзғор деган ғор,
Эй инсон, айт, қачон тинаркан ЭРКАК?👇

📚 Ibratli Hikoyalar 📚
💔6❤4
СЎЗ ҚУДРАТИ...

Иккинчи қисм

Ойбекнинг оилавий мажорасини ҳал қилиб олганимиздан кейин, менда тушунарсиз тушкунлик пайдо бўлди. Негадир атрофимдаги воқеаларга бефарқ бўлиб қолдим. Кўз олдимдан беш ёшли қизчанинг жовдираб турган кўзлари кетмай қолди. Икки кунни шундай ўтказдим. Учинчи куни оёғимни оғриғига эътибор қилмай ишга отландим. Чалғирман умид қилдим.
Кайфиятсиз аҳволда ишга кузатаётган Висолага тикилдим.
-Аҳволинг яхшими?
-Ҳм бош силкиди.
-Унда нега бунақа кайфиятсизсан?
-Ишга боришингизни истамаяпман. Бормасангизчи юрагим ғаш.
-Тез қайтаман!
Машинамга ўтириб, ғашланиб турган юрагимга қулоқ солдим. Негадир дилим хуфтон-а? Сабаби нимада бўлса? Наҳотки, Ойбекнинг оилавий мажораси шунчалик таъсир қилган бўлса? Старт тугмасини босдим. Ўт олган машинамни юргизишдан олдин, яна бир карра ўйлаб олиб машинамни юргиздим. Фикримдан қайтиб машинани ўчирдимда, уйга қайтдим.
Бормай қўя қолай. Мажбуриймас-ку. Уйда бўлай. Висоланинг ранги ёқмаяпти. Ундан кўра нимадир едирай! Икки пиёла чой ичди ҳалос.
-Юр чой ичамиз ўрнида ётган рафиқамни мажбурлаб турғиздим. Ишга бормаслигимни эшитиб ширин жилмайди.
-Ҳии оғзинг қулоғингда? Қўлимдаги нон бўлагини қаймоққа ботира туриб савол бердим.-Боя ҳеч нарса емадинг. Озгина егин, кейин мен ишга кетишни ўйлаб кўраман.
-Йўўқ,- юз буриштирди.-Егим йўқ мажбурламанг.
-Хўп унда ширин чой ичарсан, сал қувват бўлармиди?
-Ичдим.
Инжиқлик билан бош чайқаган Висолага тикилиб қолдим. Назаримда озиб, кичкинагина жуссаси янада кичиклашгандек.
-Сен овқат емаяпсан! Овозимни кўтардим. -Еганинг икки қошиқ творог, яна бир битта олма, мева чева. Нима бу аҳвол?
-Мен еяпман. -Овозимни пасайтиришни илтимос қилгандек кафти билан мен томон ҳавода тўсиқ қилди. -Илтимос...
Сукиб юбормаслик учун ўрнимдан турдим. Ҳозир қаттиқроқ гапирсам, кўзидан дувуллаб ёш оқади.Тепасида турганча лаб тишладим. Ёш боладек бўлди қолди. Инжиқ бўлма деганим сайин инжиқ бўлса бўлаяпти, яхши бўлмаяпти. Шунчалик қийинмикан ярим коса овқат ичиш?
Бу орада ўрнидан турган Висоланининг ювиниш хонасига киргани ва сувни очиб юборганини билдирувчи овоз келди.
Яна қайт қиляпти. Уфф хўрсиндим. Ейишни уддаламаяпти шекилли, йўқса, ёш боламас-ку! Ўтган гал ҳам шунақа қайт қилиб қилиб, сўнг жойига тушиб кетувди. Бунисида сал кўпайди. Ўз аҳволини билади-ку! Шу хаёлда хонамга кириб кетдим. Лекин негадир юрагимдаги нохушлик чекинай демайди. Телефонимни олиб қайинсинглимни номерини тердим.
-Алоо, Вазира яхшимисиз?
-Рахмат яхши! Қайинсинглимни жарангдор овози келди. -Висола яхшими?
-У кўп қайт қилаяпти, овқат ҳам емайди. Жуда озиб кетди.
-Менга ҳаммаси яхши деганди-ку! Кеча гаплашдим. Ҳаммаси жойида деди-ку! Овқат емай қўйганми?
Ажабланган тарзда берилган саволдан сунг миям қизиб келаётганини сездим. Демак, бу Донохон, синглисига аҳволини айтмаган! Ўз билормонлик қилиб дори ичиб юрибди, уни эса бир тийинлик фойдаси йўқ! Шошмай тургин сен!
-Нима қилсак бўлади? Нима маслаҳат берасиз?
Ўзимни босиб олиб савол бердим.
-Олиб келинг олдимга. Кўраман. Шунга қараб иш қиламиз.
-Хўп, бирон соатда ўтамиз.
Телефонимни қўйиб хонамдан чиққандим, йўлакда рўпара келдим. Оппоқ оқариб кетган юзига кўзим тушиб, жаҳлим чекинди.
-Яхшимисан?
Ёнига бориб ҳол сўрадим.
-Ҳм. Яхши...
Негадир деворни тутмоқчидек ҳаракат қилди, аммо девор тутиш ўрнига оёғи мийшайиб кетди.
Бир ҳатлаб елкасидан тутдим. Оппоқ бўлиб кетган юзи, бир бирига так- так урилаётган тишдан дахшатга тушдим.
-Висо яхшимисан? Юзига секин шаппатиладим. Кўз очмагани така пука бўлган юрагимга баттар қўрқув солди. Шарт кутариб хонамга олиб кирдим. Болалигимда бувим менга қилганидек, олдинига бошини пастлатиб, оёқлари остига ёстиқ қўйдимда, юзига сув урдим. Киприклари қимирлаганини илғагач, бошига ёстиқ қўйдим. Иккала деразани ҳам ланг очиб ёнига ўтирдим.
-Висола яхшимисан? Музлаб кетган қўлини кафтларим орасига олиб, юзига термулдим.- Висол яхшимисан? Нима бўлди?
-Яхшиман...
Оғир-оғир нафас олиб бошини кўтармоқчи эди. Елкасидан босдим.
-Ёт! Нима керак? Айт олиб келиб бераман!
-Оёғим...
Совуқ оёқлар музлатгичда турган гуштдек сескантирди.


📚 Ibratli Hikoyalar 📚
❤26