#СУБҲИДАМ
-14-

она онада барибир , у мудом фарзандининг шукрини қилаверади . Доимий дуоси:

"Ўзингдан тингин, болам"

Абдумажид оилада ўртанча фарзанд бўлганлиги учун Райҳон билан икки йил аввал шаҳарнинг кўркам махаллаларидан бирига бўлак бўлиб кўчиб чиқишган эди.
Авваллари уйдагилардан истиҳола қилиб юрган Абдумажид эндиликда тушлик қилиш мақсадида шаҳарнинг у четидаги ишхонасидан бу четидаги уйига ҳар куни такрор қатнашдан ҳеч оғринмас эди .
Бундан яхши хабардор бўлган Суюма уйда бугун опасини уйларида кўриб ҳайратини яширмади :

- Опа , ҳали ҳам кўзларимга ишона олмаяпман . Поччам сизга нечук жавоб бердилар ? Кун қаердан чиқди ?!

- Шу пайт Суюманинг онаси Шаҳло опа кириб келдилар :

- Вой қизим- ей , саволинг тугамайди- я? Бўл чой қўйгандим, сомса пишди.

- Ойижон , сомса қилдингизми ? Ошхонада тинчлик эди- ю ?!

Вооой , тандирда ёпдингизми ?!

Райҳон қизариб кетди. У бугун келганида онасига минг истиҳола билан "Сиз пиширган тандир сомсадан егим келаяпти" деган эди ўпкаси тўлиб .
Ҳомиладорлик ажойиб давр-да . Мана Райҳоннинг ҳам кўз ўнгидан бир хафтадан буён онаси ёпган тандир сомса лип - лип қилиб ўтгани - ўтган. Аммо онасига эркалиш қилишга уялди. Эркалигини кўтарадиган Абдумажид акаси бор ахир. Абдумажиднинг эса бир хафтадан бери Тошкентнинг ҳар битта бурчагидан атайдан ёптириб олиб келмаган тандир сомсаси қолмади . Аммо ўроғлиқ идиш очилиши билан Райҳон ғилтиллайверди :
"Бунақамас" .
Райхоннинг келишини асл сабаби шу эди. Абдумажидга кимдир "Ҳомиладор аёл бир нарсани уч мартадан кўп сўраяптими, демак топиб бериш керак , акс ҳолда болада нуқсон пайдо бўлиши мумкин" дебди. Бу сўзларни эрталаб ишга борганида эшитган Абдумажид оёғини қўлига олиб уйга югурган , Райҳонни ҳам ҳайрон қолдирганча онасиникига олиб келган эди. Қайнонасидан ҳам Райҳон учун сомса пишириб беришни сўраган ҳам , сомса учун алоҳида сара масаллиқларни ўзи билан олиб келган ҳам Абдумажиднинг ўзи эди .
Шаҳло опа эса Райҳонни тоза уришди . "Агар яна бир марта шунақа ўзингни қийнасанг юзингга қарамайман" деди юраккинаси тўкилиб .
Суюма чой тайёрлашга чиқиб кетганида онаси Райҳондан сўради :
- Қизим , аппаратга тушдингми , қизмикан ё ўғил ?
Райхон бошини сарак - сарак қилди :
- Йўқ тушмадим, куёвингиз қиздир, ўғилдир умри билан , кўзларимизни қувонтирадиган фарзанд берсин деяптилар...
Аммо ...Шаҳзодда бунчалик эрка бўлмагандим...

- Мен ҳам шуни айтаяпман- да , қизим. Айтганини қилдираётганига қараганда эркатойгина қизалоқ бўлади, шекилли. Майли , набирагинамни бағри бутунликда қўлимизга олиб олайлик... Юрақол , сомсаям тобига келиб қолди ...

- Ойижооон...

- Ҳа қизим

- Сизниям уринтириб қўйдим ... Кечиринг. Сизни ҳизматингизни қилишни ўрнига ... Мендан келган фойда шу бўлди-да энди...

- Болам , унақа дема. Оғзингга ёқадиган бир луқма таомни тайёрлаш мен учун бахт . Буни айтмасам ҳам биласан. Ахир ўзинг ҳам онасан-ку. Шунга қодир қилган Аллоҳга шукр ...

Суюма ошхонада чой тайёрлар экан ўзича ўйлар эди:
- Дунёда Абдумажид поччам сингари яна шундай тенгги йўқ йигит бормикан. Қани эди кун келиб турмушга чиқсам , бўлажак турмуш ўртоғим худди поччамга ўхшаган бўлса ...
Кошки эди ...

* * *

Муаллиф ХазонРезги

АССАЛОМУ АЛАЙКУМ .

Дил яқинларим .
Ҳаммага хайрли кун .
Гўзал Тошкенту шахри азимнинг анча салқинлашиб қолган мусаффо тонгидан , ҳар замон қуёшни тўсиб қўяётган бўлак бўлак булутларга тўла осмонидан , кенг ва чиройли кўчаларидан , самимий , ишчан , бир оз асабий одамларидан . Шодон чуғурлаган қушларидан , бабулясининг оёғига ўралашиб чопиб , эрталабки сайр қилиб юрган мушукчаларидан .

Сокин одимлаб автобусга чиққан , ишга кетаётган ўйчан ишчиларидан  , кун салқин бўлибди деб харид учун бозорга отланган истараси иссик, аёллардан , инжиқланиб боғчага кетаётган   болажонларимиздан сиз азизларимга алангалик салом .
Ҳаммага хушкайфият тилайман .

Тонги саломда ШАХЗОДАнгиз сиз билан бирга булди. 😘

📚 Ibratli Hikoyalar 📚

​​#СУБҲИДАМ

-15-

Кунлар кунларни қувалашиб ўтаверар эканда. "Ёшликда билинмас экан" дейишади қариялар . Буни қаранг- ки, ёшликда ҳам билинар экан. Мана ҳадемай сўнгги қўнғироқнинг "шаббадаси" эсиб қолди . Битирувчилар икки ҳил кайфиятда яшай бошладилар. Кимнинг тилидан айтилган билмадим- у , бундай кайфиятни "чемодан кайфияти" ( чемоданное настроение) дейишади.
Бир тарафдан катта ҳаёт остонасига қўйилажак қадам... Неча йиллардан бери кутилаётган кунлар. Янги умид , янги орзулар, сирли келажак ...
Иккинчи тарафдан неча йиллар даргоҳида яйраган , эркаланган , ёшликнинг энг ширин лаҳзалари тотини танитган қадрдон мактаб билан ҳайрлашиш... Бу ёғига бири ака, бири ука , бири опа- ю , бири сингилдек азиз синфдошлардан айро ҳаёт йўлида мустақил кетиш алами. Ота- онадак бўлиб қолган устозлар билан хайрлашиш азоби...
"Кўпчиликнинг қўли ишга бормай қолган" . Бу иборани мактаб ҳаёти , тўғрироғи 11- "В" синф фаолиятига ўгирадиган бўлсак, синфдошлар маҳзун ва маъюс кайфият оқимига тушиб қолишгандек гўё...

Айтилгандек 11- "В" синфдан 12 - нафар олтин медаль соҳиблари етишиб чиқадиган бўлди. Ўттиз тўрт нафар ўқувчининг бунчаси олтин медальга лойиқ бўлиши мумкин эмас деб ўйлаётгандирсиз? Англаганингиздек, халқ таълими бўлими мутасаддилари ҳам шундай фикр билдирган эдилар- да . Аммо начора , аъло билим эгаллаганларни билимлари қўрғон бўлиб ўзларини ҳимоя қилиб олгач , ҳар ким ҳам ўз позициясидан кечишга мажбур бўлар экан.
"Олтин медалчилар шунча бўлса кумушчилари қанча экан?" деган саволга жавоб :

- Ҳеч қанча ! Тўғри ўқидингиз , ҳеч қанча ! Бу дегани "В" чилар ё ўз мақсадларига охиригача етадилар, ё бошқа мақсад йўлидан кетадилар" дегани эди.
Кейинги кунларда Фозил жуда ўзгариб кетди . У энди аввалгидек ҳазил- ҳузилларини йиғиштириб қўйган , алланечук маъюс тортиб қолгандек эди. Синфдошлар ҳамма ўзи билан ўзи овора бўлган вақт бўлганлиги сабабли Фозилдаги бу ўзгаришни кўпда жиддий қабул қилишмади. Фақат ...
Фақат Суюмадан бошқа ...
Суюма кейинги вақтларда ўзига ўзи тушуна олмай қолган эди.
У негадир кўп ёлғиз қолишни ҳоҳлар , маҳзун қўшиқларни эшитар ва бесабаб йиғлагиси келаверар эди. Ўзидаги бу руҳий зиқлик нима сабабдан келиб чиқаётганлигини тушуна олмай , янада диққати ошгани ошган эди. Суюма битириш ва институтга кириш имтиҳонларига тайёрланар эди- ю , аммо орада бетизгин , бебош хаёллар уни ўз домига тортгани тортган эди.
Суюма хатто ўзи учун ҳам барига сабабчи фақатгина у эканлигини тан олгиси келмас эди .
У ...
Суюмани хаёлларининг эрка шаҳзодаси ... Ўзи ҳақида ҳам ўйлаганларида табассум улаша оладиган дилбар йигит ...
У нинг таърифи кўп эди.
У қизгина Суюма хаёллари эшигини черта олган илк муҳаббат эди ...
У ўша эди . Ўша -Фозил ...
Суюманинг ўзи ҳам тан олишни истамаган учқун мисол бу туйғулари куни келиб гуриллаган алангага айланиб кетди .
Бари мактаб директори Шариф аканинг...

давоми бор

Муаллиф: Хазонрезги .

Ота-онангни рози қил....

Охиригача эшитинг!


➡️Яқинларга юбориб қўямиз

📚 Ibratli Hikoyalar 📚

Qoyil 😄

Яқинларга улашинг 👇

📚 Ibratli Hikoyalar 📚