АССАЛОМУ АЛАЙКУМ

Олис , яқинлардаги қадрдонларим .
Ҳамма зўрми , яхши дам олиб , янги ҳафтанинг биринчи иш кунини бошлаб олдингизми .

Қайноқ ёз фасли ҳам сўнги ойига кирди . Аммо кунлар ҳалиям иссиқ , жазирама пешонадан уради . Канденсанерли салқингина хоналарда иш қиладиганларку хўп хўп , аммо кенг далаларда ишлайдиган меҳнаткашларга сабр тоқат ва офият берсин .

Шу иссиқларда ҳаловат излаб кўплар оилавий ёки қариндошлари билан , дўстлари жамоаси билан тоғларга , сувомборларига , дала ҳовлиларга , кўнгилочар сув ҳавзаларига дам олиш , муздек сувларга роҳат қилиб чўмилиш учун боришади .
Ва албатта шу бахтли роҳатижон дамларини , тансиқ таомлар пиширишганини , тўкин дастурхонларию шодон мусиқада тушган қувноқ ўйинларини видеотасвирларга , расмларга олиб , тарихга муҳрлашади .
Албатта бунинг ёмон томони йўқ , ҳамма яшаётган умридан рози бўлиб уни ўз билганича расм видео қилиши бу унинг иши .....

Аммо , аммо шу видео , расмларни ижтимоий тармоқларга жойлаш , кўпгина группаларга жўнатиш маъқул эмас деб ўйлайман ....

Чунки сизнинг муздек сув ичидаги кулиб турган чехрангизни кўрган , пахта ягана қилиб юрган , пешонасига оқ рўмол танғиган , юзу кўзларидан оққан терлари кўзини , бўйинларини ачиштираётган деҳқон аёлининг кўнгли ўксиб қоладими дейманда ....

Сиз қўлингизда каттагина шашликни сихи билан тутиб турган расмингизни кўрган , кичгинагина дарахтнинг ингичка соясида ўтириб помидор , пиёз тўғраб , буханка нон билан еб ўтирган , устидаги сариқ жилеткасининг ранги офтобда ўчиб кетган ободончилик ходими бўлиб ишлайдиган , юзи пардоз кўрмаган , кўзлари маюс аёл кўриб кўнгли ўксимасмикин дейманда ....

Қўлингизга микрафон олиб мусиқага қўшилиб қўшиқ куйлаган видеонгизни кўрган , касалхонанинг дориларнинг кўнгилларни бехузур қилувчи ҳидига тўлган ва деразадан қуёшнинг тик нури тушиб турган хастахонасида шифтга термулиб ётган беморнинг томоғига алам тиқилмаса дейман .

Болаларингиз билан қий чув қилиб сувҳавзасида чўмилган видеонгизни кўриб қолган , лойқа сувли ариқ қирғоғида ўтириб , илимилиқ тарвузни ёриб еб ўтирган , ота онаси билан фермер даласига тарвуз узишга ишга чиққан болакайнинг дилида ғайирлик , ҳасад ғимирлаб қолмаса дейман .

Тўғри яхши яшашга ҳамманинг ҳаққи бор ва интилган одам бунга эришади .
Айтишингиз мумкин сиз айтган одамларнинг қўлида шу видеони кўриш учун фалон пуллик телефони борку деб ....
Ҳозир кимда телефон йўқ , ҳаммада бор , қолаверса бошқа ёнидаги бировнинг телефонидан кўриши хам мумкин ва синиқ кўнглининг ўксишига шу видеолар сабаб бўлиши мумкин .

Масалан ўзим гувох бўлган воқеа ....
Тунов куни бир йигит стулга ўтириб истаграм титяпти . Тасвирда турли овқатлар чиқиб турибди . Онаси харид билан оввора бўлган беш ёшлардаги бола ҳалиги йигитнинг ёнига бориб телефонига қараб турибди .

Тиниқ экранда бор гўзаллиги ва маззаси ярқ этиб чиқиб турган овқатларга қараб бола беихтиёр тамшанганини ва ютинганини сезиб қолдим ...
Ҳатто қўлчасини узатиб экранни силаб қўйди .
Уни кўриб қолган онаси
,, қорнинг очдими ўғлим , ҳозир овқатлантираман ,, - деб уни нари олиб кетди .
Бу болани онасининг имкони етар , олиб берар .

Аммо имкони етмайдиганлар бировни телефонидан кўрсачи , яшайдиган ҳолидан дили ғашланиб , кўнгли ўксисачи ....

Бу ҳаётда тирик эканмиз , ҳамма ўзича бахтли яшаябди .
Аввало тириклигимизга ва соғлигимизга беҳисоб шукур .

Ақллилик қилмоқчи эмасман , шунчаки кўнглимдан ўтганларини баён қилдим холос ....

Кунингиз хайрли ўтсин
ШАХЗОДАнгиз сиз билан бирга 😘

📚 Ibratli Hikoyalar 📚

👆👆👆👆 қиссанинг аввалги қисмлари

#МУТОАЛАА_ЗАВҚИ

#СУБҲИДАМ
(давоми )

-72-

Абдумажиднинг ўзининг кўз ёшларига гувоҳ бўлишини истамас эди ...

Суюманинг эскизлари танловга онлайн тарзда жўнатилди . Орадан икки хафта ўтгач, минглаб номзодлар ичида Суюма ярим финалга чиққанлиги тўғрисидаги хабар келди.
Бу Абдумажид учун ҳам жуда катта янгилик бўлди. У Суюманинг бажарган ишлари бу қадар муваффақиятга эришади деб етти ухлаб бир тушига кирмаган эди .
Ҳабар билан бирга танловнинг яна янги шарти ҳам келган эди . Шартга кўра танлов маъмуриятига фақатгина бир дона либос эскизи жўнатилиши керак эди. Мавзу қилиб "Одам ва олам" рукни танланган эди .
Абдумажид чет давлат- Молдавиядан келган барча хабарни ишхонада қабул қилиб олгач , уйга шамолдек учди .
У энтикиб Суюмага барчасини тушунтирар экан :

- Суюма , эскиз икки кунда тайёр бўлиши керак, энди баравар ўйламасак бўлмайди, деди.

Суюма ўйланиб қолди.
- Бирор ғоянг бўлса , айтавер Суюма тортинма ,- деди Абдумажид далда берган оҳангда .

- Ўйлаяпман , Абдумажид ака. Келинг, барчасини бафуржа кечки овқатдан кейин кўриб чиқсак...

- Майли , тўғри айтасан. Нима овқат еймиз бугун?! Очиғи қорним очгани энди сезилди:

- Тефтель шўрва . Шаҳзодимизнинг буюртмасига кўра .

Абдумажид Суюмага энди жавоб қайтармоқчи эди , остонада Робияни етаклаган Шаҳзод кўринди , у Робияга Абдумажидни кўрсатиб :

- Робиш , ана ада ! - деди ...

Робиш қийқириб Абдумажидга талпинди . Абдумажид уни қучиб олди , кейин бошидан баландга кўтарди:

- Асал қизимни ҳозир "ҳам" қилиб қўяман ...

Робия юқоридан адасига кулиб қаради :

- Йўўў , адда !

- Нима ?! Нима деди мени она қизим ?! Қани яна бир қайтарсин- чи?!

- Адда , адда !

Абдумажид Суюмага ҳурсанд бўлиб мақтанди :

- Қарагин , аяси ! Бугун биз адда бўлдик ... Буни нишонламасак бўлмайди , а лаббай ?!

Суюма Абдумажидга қараб кулимсиради :

- Ва ниҳоят ... Табрикларимни қабул қилиб олинг ... Нишонлашга келсак , қандай таклифлар бор ?!

- Ҳозир кўрасиз- да !?

Абдумажид фарзандларини етаклаб кўчага чиқиб кетди. Улар орадан ярим соат ўтмай қайтганларида қўни- қўнжилари тўлиб кетган эди . Абдумажид ўртача катталикдаги тортни Суюмага узатди :

- Бу танловдаги ғолибамиз учун махсус . Ўзлари яхши кўрадиган музқаймоқ кремлигидан ...

Суюма Абдумажид уни бундай тортни яхши кўришини билганига ҳайрон бўлди , аммо гапни кўпайтиргиси келмади , тортни олганча миннатдорчилик билдирди:

- Раҳмат , пулингиз кўўўп бўлсин !

* * *

Кечки овқатдан кейин Робия барвақт ухлаб қолди . Шаҳзод расм дафтарни бўяшга машғул бўлган вақтида , Абдумажид ва Суюма ҳам ўз ижодлари оламига шўнғишди.
Улар ўзларининг анча таклифларини ўртага ташладилар . Обдон тортишдилар . Тортишув натижасида охири
Суюма ўз сўзини ўтказди .
Суюма бу сафар оч сариқ рангдаги матодан тикиладиган кўйлак эскизини тайёрлашни таклиф қилган эди .
Эскизда жингалак сочларини узун қилиб ёйилган қиз тасвири туширилган эди . Унда қизнинг сочларига гўё шабнам қўнган каби томчи кўзчалар қадалган, унга кийдирилган кўйлак бичими ҳаддан ташқари оддий эди . Кўйлак ёқасиз ва енгсиз эди , аммо этаклари узун бўлиб белдан пастига қизнинг сочларига қадалган каби томчилар қуюқлаштирилиб жойлаштирилган эди ... Қиз қўлларини чўзганича кун ёришар тамонга қараб турар , кўзларида бир олам умид мужассам эканлиги кўратилган эди .

- Субҳидам...

Бу сафар эскизга "Субҳидам" номини Абдумажид танлади .

ХазонРезги

Асаларилар ҳам ўз жинсидан бўлатуриб ишламай, уядаги асални бекорга еб ётадиганларини ўлдириб ташлайдилар.

                       Абу Райҳон Беруний

АССАЛОМУ АЛАЙКУМ

Кўзлари гирён , ўзлари бир ён , сўзлари бийрон , ҳаётнинг пасту баландида гоҳ шахдам , гоҳида ҳайрон азиз опа сингилларим , дўсту ёронларим .

Барчангизга хайрли тонг , хайрли кун .
Бугунга нимаики режалаган ишларингиз бўлса бекаму кўст адо этинг , яхшилик ва эзгулик ҳамроҳингиз бўлсин .

Тошкент осмони тип тиниқ , бетакрор гўзалликка эга мовий сарҳад ....
Кунчиқишда тилладай ярақлаб чиқиб келаётган бобо қуёшнинг заррин нурлари маҳобатли масжиднинг баланд мезаналаридаги кунгурадор гумбазларига урилиб , ажиб жилва билан ярақлайди .

Кенг ва равон йўллардан зува - зувв у ёқдан бу ёққа ўтаётган машиналарнинг овозини босиб турли нағмаларда чуғурлаётган қушларнинг овози мароқли симфониядек дилга сурур бағишлайди .

Бекатда автобус кутиб турган аёлнинг қўлини тутиб , атрофга олазарак боқаетган боланинг кўзларида бир олам ҳайрат ва алланечук қувонч мужассам . Мисоли дунёни тутиб тургандек болакайга қўл берган онанинг кўзларида хотиржамлик ва умид балқийди .
Ўриндиқда ўтириб сумкачасидан дори олиб киши билмас оғзига ташлаган онахоннинг ҳам дилида қанча орзу - ниятлари бор . Бекат бурчагида тинмай миёвлаб турган мушукчага , онасининг қаршилигига қарамай дўкондан печени олиб берган ўсмир йигитчанинг қалби меҳр муҳаббатига тўла экани шундоққина кўриниб турибди .

Ҳа юртимиз тинч , олам мунаввар , Аллоҳимга беҳисоб шукур .

Сиз билан ҳар доимгидек ШАХЗОДАнгиз бирга бўлди 😘

📚 Ibratli Hikoyalar 📚

Ақлли мисралар кетма – кетлиги.

• Кўп гапиришдан кўра кўп эшитиш афзалроқ.

• Ҳеч нимага кўникиб қолманг, ҳатто одамларга ҳам. Чунки барчаси ўткинчи.

• Яхшилик қилинг ва уни сувга улоқтиринг. Ўрнига нимадир кутиб яшаш ақлли инсоннинг иши эмас.

• Ҳалол яшанг, чунки вақти келиб барча қилган ишларимизга барчамиз жавоб берамиз.

• Инсонлар олдида ақлли кўринишга ҳаракат қилиш керак эмас, ақлли инсонлар шундай ҳам омма ичида ажралиб тураверади.

• Ўлимдан қўрқиб яшашдан кўра, ҳаётдан баҳра олиб, завқланиб яшаш минг марта афзалроқ.

• Меҳнат қилинг. Орзуларингизни мақсадларга айлантиринг. Улар учун ўзингиз курашинг.

• Ҳар қандай вазиятда ҳам қалбан иш тутинг. Қалбингиз сизни ҳеч қачон алдамайди.

• Ҳиссиётларга келганда ҳеч қачон алдаманг. Ҳатто бировни ёмон кўрсангиз ҳам ошкор этинг. Севсангиз яширманг. Ахир ҳаёт сиз ўйлаганчалик узун эмас.

• Аёлларни кўкларга кўтаринг. Улар бўлмаганда ҳаёт ҳам бўлмас эди.

• Эркакларни ҳурмат қилинг. Уларнинг ҳаётда ҳеч ким боса олмайдиган ўрни бор.

• Шукр қилиб яшанг, аммо бундан ортиғига ҳаракат қилинг.

• Ҳар қандай вазиятда ҳам инсонлигингизча қолинг.

• Қўлингиздан келганча инсонларга ёрдам беринг.

• Ҳаммага “ҳа” деган жавобни беришдан олдин, ўзингизга нисбатан “йўқ“ деган сўзни айтмаётганингизга амин бўлинг.

📚 Ibratli Hikoyalar 📚

Одам учта нарсанинг қадрини доим кечикиб билади.
Ёшлик. Соғлиқ. Тинчлик.
Дўстни хўрлаш – гуноҳ. Умр йўлдошини хўрлаш – юз ҳисса гуноҳ. Ота-онани хўрлаш – минг ҳисса гуноҳ. Гўдакни хўрлаш – чексиз гуноҳ...
Иш кўплиги-ю, вақт йўқлигидан нолиманг. Вақт кўплиги-ю, иш йўқлигидан қўрқинг. Одамни абгор қиладиган нарса – бекорчилик.
Ҳатто булбул ҳам бола очганидан кейин сайрашни бас қилиб, полапонларига емиш ташийди.
Эрталаб турганингда, кундузи юрганингда, кечаси ухлаганингда ҳеч қаеринг оғримаса шунинг ўзи бахт!
Ақл билан мансабга эришиш мумкин. Мансаб билан ақлга эришиб бўлмайди.
Дунёда мукаммал нарса йўқ. Ҳатто Муҳаббат деб аталмиш олий туйғуда ҳам адолатсизлик бор. Ким қаттиқроқ севса, ўша кўпроқ изтироб чекади.
Инсоннинг баҳоси бу дунёда ўзи олгани билан эмас, ўзидан қолгани билан белгиланади.

✍️Ўткир Ҳошимов

#СУБҲИДАМ
-73-

* * *

Бу сафарги танлов натижасини Абдумажид ҳам , Суюма ҳам муштоқлик билан кутишарди. Орада Шаҳзод биринчи синфга чиқди . Суюманинг ишлари анча кўпайиб қолган эди . Шаҳзодга дарс қилдиришга алоҳида вақт ажратар , бу эса анчагина салмоқли эди . Танлов натижалари эса аввалгисидан кўра анча кечикди.

- Ўтмаганим рост . Шунинг учун овора бўлиб хабар ҳам жўнатиб ўтиришмаган ...

Суюманинг бу сўзларига Абдумажид эътироз билдирган бўлса- да , аммо ўзинг юрагини ҳам шубҳа-ю гумонлар эза бошлаган эди.
Абдумажид ҳам , Суюма ҳам танловдан умидларини узишган бир вақтда , сентябрь ойининг йигирманчи числосида фирманинг электрон почтасига бир мактуб келиб тушди .

Абдумажид уни ўқиш учун очганида кўзларига ишонмади :

Суюма финал босқичига йўлланма олган эди !

Танлов маъмурияти сафарнинг барча ҳаражатларини ўз бўйнига олган , Молдавияга бориш учун икки кишилик йўл ҳаққи ҳам шунинг ичида эди.
Танловнинг финал боқичи роппа-роса бир ойдан кейин - йигирманчи октябрда ўтказилиши маълум қилиниб , финалда қатнашиш шарти ҳам ёзиб юборилган эди.
Шарт эса ... жуда оддий эди : миллий услуб уйғунлигидаги либос- эркин мавзу.
Абдумажид иши юзасидан бу каби танловларга кўп қатнашган , турли давлатларда бўлган , у ердаги танловларда нуфузли ўринларни эгаллаган бўлса ҳам бу сафар ўзгача ҳаяжонланди.
Абдумажид бу гал барча ижодни Суюманинг ўзига ҳавола қилди :

- Ўзинг образ ярат , бу энди сенинг танловинг , - деди у Суюманинг ёрдам сўраб қилган мурожаатига.

Суюма Абдумажидга кўзларини катта- катта очиб қаради , нималарнидир англагандек бўлди , кейин шаҳдам қадамлар билан ижодхонага кириб кетди .

* * *
Хаш- паш дегунча , уч ҳафта ҳам ўтиб кетди .
Абдумажид ва Суюма Шаҳзод ва Робияни олиб йўлга тушдилар .
Улар самолётда аввал Россияга , сўнгра Молдавияга етиб боришлари учун кўп вақт сарфлаганлари йўқ эди .
Танлов мутасаддилари уларни аэропортда хуш тавозъе билан кутиб олдилар. Улар аввалдан тайёрлаб қўйилган меҳмонхонага жойлаштирилдилар. Меҳмонларга бир кун ҳордиқ чиқариб олишлари учун барча шароитларни муҳайё қилиб берилди . Эртаси куни шаҳарнинг диққатга сазовор жойларига экскурция уюштирилди . Абдумажид , Суюма , Шаҳзод ва Робиялар дилдан яйрашди. Молдавиянинг пойтахти Кишинев шаҳри бу пайтда жуда сокин табиатда эди ... Ҳали Тошкентда иссиқнинг тафти қайтмаган бир вақтда бу ердаги ҳузурбахш енгил ҳаво кишининг руҳиятига ўзгача оромбахш кайфият бағишлаган эди...
Кечга томон меҳмонхонага қайтганларида, кун бўйи тинимлари бўлмаган болалар тезда уйқуга кетдилар ... Абдумажид билан Суюманинг кўзларидан уйқу қочган эди ... Улар эртанги ўтказилинадиган финал олдидан қаттиқ ҳаяжонга тушган эдилар ...
Танлов бошида иштирокчиларнинг умумий сони ўн беш минг нафардан ортиқ бўлган экан . Финалга саксон етти иштирокчи етиб келибди .
Ҳар бир иштирокчи тавсия қилган либос намойиши учун биттадан модель ажратилибди. Суюма ўзига ажратилган модель қизни рангпар чеҳрасига қараб ўйланиб қолди: " Йўўўқ , мени либосимдаги қиз образи бу қизга мутлақо тўғри келмайди"...

ХазонРезги

​​#СУБҲИДАМ
-74-

Суюма тавсия қилган либос тақдимоти ўттиз саккизинчи рақам остида иштирок этиши керак эди. Абдумажид Шаҳзод ва Робия билан залнинг олдинги ўринларида ўтирар эди . У кўзлари тўрт бўлиб, Суюма тақдим этган либосни кийиб чиқадиган модель қизни кута бошлади .
Ниҳоят танлов бошловчиси уч тил- инглиз , рус ва ўзбек тилида Суюманинг номини эълон қилди :

- Кутиб оламиз ! Қаршингизда ўттиз саккизинчи рақамли иштирокчи Суюма Нодирова ! Ўзбекистоооон ! У томонидан тайёрланган миллий либос номи - "Соғинч ифори" !

Залдагилар диққатларини саҳнага қаратдилар. Бирдан саҳнага улар учун ўзгача услубда бўлган мусиқа янгради .
Барча дамини ичига ютиб модель қиз саллона қадам ташлаб чиқиб келишини кута бошлади .

Аммо ... Мусиқа садолари остида бошига қўндирилган тиллақоши устидан ташлаб олинган рўмолининг бир учи билан юзини ярим тўсиб оҳиста қадамлар билан саҳнага Суюма чиқиб келди . У саҳна марказида тўхтади ва озгина силтанган ҳаракат билан ўзини ортга олди . Шу аснода ўша ҳолатдан залга қараб эгилди.Қўллари тезда кўксига бориб таъзим бажо айлади .
Таъзим аста рақс билан жой алмашди...

Тун кечалар кўкда ҳилол кулиб турар ,
Ҳилолмисан ? Ҳилолдайин кулмайсанми ?
Сен кулмасанг бошгинамга осмон қулар ,
Сени қандай эъзозлашим билмайсанми ? !
Сен ҳам мени соғинганда йиғлайсанми ?!
Сени қандай эъзозлашим билмайсанми ?!

Суюма саҳнада шу қадар гўзал ҳаракатлар билан "сузар" эди- ки , ўтирганларнинг барчаси ўзини унутган , бутун вужудлари кўриш , тинглаш ва... энг асосийси юракка айланиб қолган эди .

Балки бедор , балки ором олиб шу чоғ ,
Тортадирсан ором ичра бир ўтли оҳ ,
Кўргин бизни не куйларга солди фироқ ,
Тушларингда мени қучиб ухлайсанми ,
Сен ҳам мени соғинганда йиғлайсанми ,
Менсиз ҳатто дунёларга сиғмайсанми,
Сен ҳам мени соғинганда йиғлайсанми...

Суюма рақс тушмас эди . Суюма саҳнада яшаётган эди . У барини унутган эди ... У бу рақсга бундан икки йил аввал тушган эди . Аммо ундаги Суюма... ҳозирги Суюма эмас эди.

Ранжимагин севгинг менга азоб десам ,
Ҳижронингда нечун бўлдим ҳароб десам,
Яна мени ўз ҳолимга қайтар десам,
Кўксимга бош қўйиб баттар тиғлайсанми ?!
Сен ҳам мени соғинганда йиғлайсанми?!...

Суюма барча чегараларни вайрон қилиб юборган эди . У рақс тушар ва ...бутун залдагиларни сеҳрлаб эди .

Суюма бор изҳорини рақсида ифода этар эди ...

Сенсиз қалбим фарёдларга тўлиб борар ,
Жонсиз жисмим лаҳза сайин сўлиб борар,
Бу дард мени минг бўлакка бўлиб борар ,
Севсанг агар ҳолим сўраб келмайсанми...
Сен ҳам мени соғинганда йиғлайсанми ?!..

Суюма мусиқа билан бирга тўхтади ... Залда жимлик ҳукмрон эди . Бир пайт Суюманинг оёқлари остига бир даста гул учиб тушди . Шунда бошланди . Суюманинг ён - атрофи гул ва гулдасталарга кўмилиб кетган , барча ўрнидан туриб тинимсиз Суюмани олқишлар эди ...

"Санъат сарҳад билмайди" деганлари шу экан- да .

Инсонларнинг кўнглига етиб бориш учун кўп ҳолларда тил билиш шарт бўлмай қолиши мумкин экан ...
Биргина мусиқа , рақс , юз ифодаси орадаги минглаб тўсиқларни лаҳзада кунфаякун қилиб ташлаши мумкин экан ...

Суюма ҳамма уни қутлаётган ушбу лаҳзаларда одамлар орасидан кўзлари билан Абдумажидни излар эди ...
Абдумажид бу сафар чидай олмаган эди . У Суюмани бу аҳволда кўришни истамаган ягона инсон эди ... Шунинг учун у

давоми бор

ХазонРезги