КЕКСАНИНГ КЎНГЛИ НОЗИК.


Тақдир инсон зотини минг оҳангга соларкан.
Қариган сари одам нозик бўлиб қоларкан.

Гўдак бола мисоли: эрка, ўжар ва қайсар.
Иккита гап кўп, биттаси баъзида камлик қилар.

Сал баландроқ овоз ҳам юрагингга тегаркан.
Заҳарли камон ўқи мисол тешиб ўтаркан.

Ёшликда бу яралар бир оз ўтмай битади.
Қариган вақтдаги газак олиб ётади.

Битмас, аксинча яра тарқаларкан атрофга.
Оғриб, лўқиллаб жонни қўяр экан азобга.

Атрофингда болалар, лек ёлғизга ўхшайсан.
Энди сен ҳаётмассан! Сен шунчаки, яшайсан!

Соя мисол: хонангга кирасу чиқасан.
“Дунё ташвиши менда” - деб юрагинг сиқасан.

Насиҳатинг келинмас, ўз болангга ёқмайди.
Чунки улар ўзини ақлли деб ўйлайди.

Балки бир вақт бизга ҳам ёқмагандир насиҳат?
Ҳаётнинг чархпалаги айланар! Бу - ҳақиқат!

Шу ақлни уларга ким ўргатди? Сенмасми?
Ҳаётнинг йўлларида етаклаган сенмасми?

Танитган оқ, қорани, яхши билан ёмонни.
Ажратишни ўргатган дўст ва душман томонни?

Майли, дўстим, жимгина ўтирайлик, шу дуруст.
“Ёнимда ҳеч ким йўқ”- деб кўнгиллар кетмасин суст.

Олдимизда Қуръон бор! Унинг ўттиз пораси!
Бизга ҳамсуҳбат удир! Ёлғизликнинг чораси!

Тинмай ўқи! Ўзингга ҳам заҳира қилиб қўй!
Қабрга Қуръон билан кирган яхши! Билиб қўй!

Қуръон қабрда дўстинг, дўзахдан парда бўлар.
Қабринг мунаввар этиб уни нурга тўлдирар.

Бизга муҳими шудир! Қолганлари бир тийин!
Ўқи! Ўқи! Ва ўқи! Қабрда бўлмас қийин!

Мастура ҳожи она.

🌱🍃ХАЙРЛИ ТОНГ🍃🌱

💓💓🎀💓💓💓💓💓💓

🌹Ассалому алайкум   
              мехрибонларим🌹
🌺 Душанба тонги муборак бўлсин!

🎀АЗИЗЛАРИМ,
🎀Хамиша АЛЛОХ нинг
🎀панохида бўлинг 🤲🤲🤲🌹
🎀Дастурхонингиз рисқли, 🎀Рўзғорингизга барака,
🎀Хонадонингизга тинчлик 🎀хотиржамлик,
🎀Оилангизга бахт-саодат,
🎀Шодлик қувончлар
🎀тилайман

🌟🌟🌟🌟🌟🌟🌟🌟
Яқинларга Улашинг.. 🪻

Каналимизга обуна
бўлинг👇💖

📚 Ibratli Hikoyalar 📚

Эри бор аёлларга савол: 
Вақт ортга қайтиб эрингиздан қайта совчи келса яна уни танлаган бўлармидингиз?

Ўз жавобингизни белгиланг ва қизиқ маьлумотга зга бўлинг! Кўрамиз сизга нима чиқар экан!

              👇

📚 Ibratli Hikoyalar 📚

Бир бола исмини тескарисига
ўкиса ҳам бир хил экан.5 та
ҳарф. Изоҳ: «нон» тескариси
ҳам «нон». У бир жойдан сув
ичибди.Сув ичган жойи ҳам
тескарисига ўқиса бир хил.
Боланинг миллати ҳам шундай,
тескарисига ўқиса ҳам шундай.
Бола ов қилибди, овланган
ҳайвонни номи тескарисига
ўкиса ҳам бир хил.🤯
Диккат савол:❓
1) Боланинг исми.
2) Қаердан сув ичган.
3) Миллати.
4) Қандай ҳайвонни овлаган.
Ёрдам: Ҳаммаси 5 та ҳарфдан
иборат.🤔 ❗️ ЖАВОБИ БУ ЕРДА 👇

📚 Ibratli Hikoyalar 📚

#СУБҲИДАМ
-88-

балки ... балки тенг яхши кўришимни айтмоқчиман... Шу вақтгача кўнглим билан олишганим , унга доим чап беришга харакат қилганим ... барчасини айтмоқчиман. Унга иқрор бўлмоқчиман .Беш кундан кейин Суюма уйга қайтади. У қайтиши билан "Суюма , сен менинг дунёимсан !" демоқчиман...

Абдумажид шу сўзларни айтар экан бурнидан бир томчи қон сизиб чиқди ....

Мирсодиқ шошиб қолди :

- Абдуу, бурнинг қонаяпти !

Абдумажид шоша - пиша рўмолчасини олиб , юзига босди :

- Кечаям , юзимни юваётганимда қонаб кетганди . Бу билан бир хафтада учинчи қонаши ...

Абдумажид бошини осмонга қаратди:

- Ҳозир тўхтаб қолади ...

Мирсодиқ унга ташвишли боқди :

- Бир хафта учун уч марта кўп ?! ... Қани юр , кетдик ...

- Қаерга ...

-Чилонзорда жуда зўр клиника очилган . Ташхис қўйишдан тортиб , даволашгача бўлган ишларни ҳаммасига малакали шифокорлар жалб этилган. Бирров кўриниб келамиз. Кўнгилнинг ҳотиржам бўлганига нима етсин ... Бўлақол ...

Аммо улар клиникада бирров эмас , кечгача қолиб кетдилар...
Абдумажиднинг топширган таҳлилларининг сонининг ўзи ўнтадан ошди. Турли аппаратларга тушиб, кўрикма- кўрик юриб, ниҳоят шифокорлар томонидан бир тавсия олдилар :
-Таҳлил натижаларини эртага олишингиз мумкин. Аммо энг асосий ташхисни профессор Салимов индинга айтадилар, чунки улар бугун ва эртага клиникада бўлмайдилар , сабаби шаҳар касалхонасида жарроҳлик амалиёти ўтказадилар ...

Мирсодиқ ва Абдумажид бўшашганча уйларига қайтишга мажбур бўлдилар.

Мирсодиқнинг кечаси билан уйқуси келмади . Унинг кўнгли негадир ҳижил бўлиб кетаверди. Шифокорлар Абдумажидни биргина бурнининг қонаганлиги учун ярим кун текширишгани ва тайинли гап айтишмаганлиги кўнглига шубҳа оралатган эди .

Наима эрталаб турганида Мирсодиқнинг одатига хилоф равишда уйда йўқлигини кўриб ҳайрон бўлди . Мирсодиқ эрта сахардан узлуксиз ишлайдиган клиникага келган ва Абдумажидга тегишли таҳлил натижаларини олиб, шаҳар касалхонасининг остонасида профессор Салимовни кутиб ўтирар эди .
Бир вақт қоровул чол оқ рангдаги нексия машинасидан тушиб ичкарига дадил одимлаб келаётган юзлари нурли, ёши олтмишларга яқинлашиб қолган кишига имо қилди :
"Шу киши бўладилар"

Мирсодиқ дадил қадамлар билан профессорга пешвоз чиқди. Аммо у киши билан ўн дақиқа суҳбат қургач , бояги дадиллигидан асар ҳам қолмади...
У тезлик билан Абдумажид таҳлил топширган клиникага қайтди ва боягина олган таҳлил натижаларини навбатчи ҳамширага умидсиз ҳолда узатди : "Узр, адашиб бошқа одамга тегишли маълумотларини олиб кетиб қолибман" . Мирсодиқ жадаллик билан клиникани тарк этар экан ортидан қараб қолган ҳамшира "Бундай бўлиши сира ҳам мумкин эмас, ахир маълумотлар белгиланган рақамли жетон орқали берилади , адашилинган тақдирда ҳам нима учун ўзига тегишлисини топиб беришимизни сўрамади" дея таажжубланганча қолаверди .
Мирсодиқ эса машинасини ҳайдаб борар экан, навбатдаги светофорда тўхтаганида жаҳл билан рулни урди. Мирсодиқни қулоқлари остидан профессор Салимовнинг : "Бош мия саратони , учинчи босқич" деган сўзлари ва унинг қатъий талаб билан берган саволига :"..энди кеч деб қўрқаман " деган жавоби айланаверар эди ...

ХазонРезги

​​#tarbiya

Қадимда уч мерган устоз ораларида ким таълим беришда илғорлигини аниқламоқчи бўлишибди. Учаласи ҳам биттадан шогирдларини чақиришибди. Ҳар бир шогирд ўз устозига тош отиб, бу санъатни қанчалар ўзлаштирганини намойиш этиши керак экан. Биринчи устоз шогирди отган тошларга эпчиллик билан чап берибди. Иккинчи устоз отилган тошларни усталик билан шогирдига қайтарибди. Учинчи устознинг шогирди қанчамажбурлашмасин устозига тош отишдан бош тортибди. Шунда холис ҳакамлар шу учинчи устоз-шогирдни ғолиб деб топишибди. Қолган икки устоз норози бўлиб:
- Ахир, улар тош отиш санъатини кўрсатиб беришмади-ку!-дебди.
- Тўғри, - дебди ҳакам - лекин у шогирдини устозига тош отмайдиган қилиб тарбиялабди…
🍃🍃🍃🍃🍃🍃🍃🍃🍃🍃

Унутманг, маънавий тарбия жисмоний тарбиядан устундир.

Ота-онаси ва устозини эъзозлаган инсон юксалиши муқаррар!

📚 Ibratli Hikoyalar 📚

Ушал баҳорларим қайтиб келсайди,
@@@@@@@@@@@@@@@.

Уша баҳорларим қайтсайди яна,
Ҳар гулу япроққа байтим битардим.
Гулу ғунчаларга бӯлиб парвона,
Ёшлик завқин қӯшиқ қилиб айтардим.

Уша маъсум дамлар қайтсайди яна,
Гӯзал туйғулардан маст бӯлиб шодон.
Чечаклар ҳуснига бӯлиб парвона,
Ҳаётга маҳлиё яшардим ҳар он.

Уша баҳор оним қайтсайди яна,
Чалғимай дунёнинг кир томонига.
Яшар эдим балки ,ишқдан мастона,
Боқмай сира инсон кас, ёмонига.

Табиат шайдоси эдим мен азал,
Ёмғир шивиридан тинглаган бир ишқ,
Гулми ё капалак, қай бири гӯзал,
Дилимга яқинроқ шеърми ё қӯшиқ.

Ушал баҳор айём қайтсайди яна,
Қадрлар эдимми ҳаёт шавқини.
Уша бойчечакка бӯлиб дугона,
Ҳис этиб боҳорни соғинч завқини.

Ушал баҳорларим қайтсайди яна,
Дил лавҳига пинҳон ишқим битардим.
Энг маъсум туйғуга бӯлиб парвона,
Капалак умримни гулга тутардим.

Ҳаёт қӯшиғини кафтга битардим.


Лутфия Умарова.

📚 Ibratli Hikoyalar 📚

​​#СУБҲИДАМ
-89-

Эртаси куни Абдумажид докторнинг қабулига ёлғиз ўзи борди.
Профессор Мирсодиқнинг илтимосига кўра, унинг ташрифи ҳақида лом- лим деб оғиз очмади , аммо ... Абдумажидга бор гапни рўйи- рост айтишга мажбур эди ...

- Доктор, қанча вақтим бор ?! Илтимос , кўнгил учун мени аяб муддатни беркитманг . Мен нималарга улгуришим кераклигини ҳисобини билишни истайман ...

Абдумажид зўрға , ютинганча гапирди . Унга бу хабар жуда оғир ботганлиги тахминларсиз кундай равшан эди ...

Профессор ўзини ҳотиржам тутишга ҳаракат қилар эди :

- Бу ёлғиз Яратган Эгамга аён. Бу ҳолатда сизга нима таскин берсам ҳам, юпатсам ҳам , ёки очиғини айтсам ҳам бари сиз учун бошқача таъсир кўрсатиши мумкин . Аммо мен ҳам валломат эмасман . Тузалиб кетишингиз , ҳеч нима кўрмагандек бўлиб кетишингиз мумкин . Умид ўзидан , ахир .

Абдумажид чуқур сўлиш олди :

- Доктор , мен хар қандай қарорни эшита оладиган даражада кучлиман . Сиз касбий нуқтаи назарингиздан келиб чиқиб менга очиғини айтаверишингиз мумкин ...

Профессор бундай пайтларда шифокорлик касбини танлаганлигига пушаймон бўлар эди :

- Очиғини айтганда ҳам, рости билмайман ... Балки бир ой, балки уч ой , балки етти ой ...

- Демак , узоғи билан етти ой ...

Салимов ҳўрсинди :

- Биз зудлик билан кимё терепия муолажаасини бошлашимиз керак . Бу муолажаа ўсмани ўсишига қаршилик қилади , эмига тушса уни сўрдиртириб ҳам юборади .
Профессор ўрнидан туриб Абдумажиднинг елкасига қўлини қўйди :
- Ўғлим , бу шундай касалликки, уни ишонч ва умид билан мағлуб қилиш ҳеч гап эмас. Мен фаолиятим давомида "бутунлай умид йўқ" деб ташхис қўйилган қанча беморларни соғайиб оёққа туриб кетганлигини кўрдим, яна қанча "бўлиши мумкин" дея тахмин қилинганларни ўзларини ўзлари абгор қилиб қўйганликларини гувоҳи бўлдим.
Сиз , айтишга осон , "танаси бошқа дард билмас" дейишингиз мумкин . Сизга жавобан шуни айта оламан-ки , қаршингизда турган инсон ҳам бир вақтлар ҳудди шундай муаммога дуч келган. Кўриб турибсизки , дард бошқа , ажал бошқа .
Биласизми , бир аёл ҳақида эшитгандим яқинда . У юрак етишмовчилиги сабабли Ҳиндистонга бориб , жарроҳлик операциясини бошидан кечирибди. Натижада аҳволи ўнгланибди , шифосини топибди. У аёл уйига деярли соғлом қайтибди. Қайтганидан икки хафта ўтгач, шом вақти уйида кечки овқат учун нон қолмаганлигини кўриб дўконга чиқибди. Бир дона нон харид қилиб дўкондан чиққанида бир- бирини қувиб ўтаётган енгил машиналарни орасида қолиб ... ҳалок бўлибди .
Кўрдингизми , ўғлим... Бу дунё шунчалик синоатли-ки...

- Доктор, мен бир ҳафталарда қайтаман ёнингизга ...

- Бу жуда узоқ муддат . Сиз ҳамма ишингизни йиғиштириб қўйиб соғлиғингизга эътиборни қаратишингиз керак ... Бу ишда дақиқалар роль ўйнайди , ахир ...

Абдумажид докторга илинжли тикилди :

- Битта саволим бор, доктор ?! Илтимос , шунга аниқ, рўйи- рост жавоб берсангиз ...
Айтингчи , мен қачонгача бу ...

давоми бор ....

Хазонрезги

📚 Ibratli Hikoyalar 📚

👆👆👆👆 қиссанинг аввалги қисмлари

#МУТОАЛАА_ЗАВҚИ

#СУБҲИДАМ
(давоми)
-90-

бу аҳволимни яшириб юра оламан?! Қачон касаллик бошқа инсонларга ўзини ошкор қилади. Айтмоқчи эдим-ки, ҳаётимдаги инсонлар мен чалинган дарддан ҳабар топганликларига қадар ... битириб олишим мумкин бўлган ишларим кўп экан.
Кейин ... очиғини айтсам , менга ачиниш назари билан қарамасликларини истар эдим . Бу мени бадтар тушкунликка тушишимга сабаб бўлади ...

Профессор жойига қайтиб бориб ўтирди . Юзини икки кафтлари орасига яширди.
Нималарнидир, ўйлади ...
Нималарнидир мўжалини олди...
У рўпарасида аросатда қолган киши ҳукмини олган каби ўтирган Абдумажидга нима дейишни ўйларди ...
Салимов гўё юрагидаги зардобини чуқур нафас олиш билан чиқариб юбормрқчи бўлгандек энтикиб нафас олди :

- Ўғлим, баъзи саволлар бор- ку, аммо уларнинг дарров қайтарилалиган жавоблари йўқ... Жавоблари вақти - соати билан ўзи келади. Сизнинг масалангиз ҳам худди шундай . Гапларимни тўғри тушунган бўлсангиз , айтмоқчиман-ки, бу дард қачон ўзини ошкор қилиши ҳам мубҳам масала, яъни ноаниқ демоқчиман . Ўсма туфайли сиз ҳушингизни йўқотишингиз бу дардингизни атрофидагиларга "сотиб" қўяди . Тез- тез кўзингиз тиниб , бошингиз айланаётганлиги ҳаракат ана шу жараёнга қараб кетаётганидан дарак . Бу ёғини энди билмадим .
Салимов чуқур уф тортди.

Абдумажид ҳазин кулимсиради :

- Сизниям қийнаб юбордим- а , доктор . Майли , мен борай . Тез кунларда қайтаман , яна ...

Абдумажид хайрлашиб хонани тарк этди ...

* * *

Бу ёлғон дунёда ёлғон гапириш , ўзини ҳеч нарсадан бехабар тутиш кимлар учун азоб . Азоб бўлганда ҳам , мислсиз азоб ...
Мирсодиқ Абдумажидни узоқдан кўриб , барчасини тушунди. Дўстини таҳлил натижаларидан бохабар бўлганлигини , аҳволи жуда ёмонлигини англади , аммо унга ўзини баридан бехабар қилиб кўрсатиш , Абдумажидга пешвоз чиқиб бор кучи билан бағрига босиш , дунёни тўлдириб овозини борича дод солиш ...- булардан ўзини тўхтатиш учун керак бўлган матонатни топиш - умри давомидаги энг қийин ишлардан бири бўлди. Мирсодиқ бир вақтлар собиқ хотини ортидан пичоқ санчганда , лаҳзаларда бор- будидан айирганида ҳам бунчалик қийналмаган, эсанкирамаган эди. У вақтда Мирсодиқни қаддини тутиб туришга хиёнаткорларга нисбатан бўлган нафрати ёрдам берган эди...
Аммо ҳозир ... Мирсодиқ жуда абгор аҳволга тушиб қолганди. У ич - ичидан тўкилиб борар , яқин дўстига нисбатан кўнглида бўлган меҳр ва ваъфо ҳисси дилини янада қовжиратиб юбораётган эди ...

Абдумажид у билан сўрашиб кабинетига йўл олди. Мирсодиқ унга сўзсиз эргашди . Абдумажид ўз жойига ўтирар экан , рўпарасидан жой олган Мирсодиқнинг олдига бир файл қилиб йиғиштириб , тартиб билан жойланиб қўйилган таҳлил натижаларини ташлади .
Мирсодиқ бу файлни дарҳол таниди . Абдумажиднинг кўнгли учун қўлга олди, аста варақлади ... ("Ана бўлди!" Бу ёғига ҳеч нарсадан бехабарлик томошасини кўрсатмаса ҳам бўлади ... ) Мирсодиқ кўзларини файлдан олиб дўстига тикди : унинг нигоҳларидан чексиз дард тошиб чиқаётган эди...

Мен кўпинча ўйга толаман ...
Дунёда пешонасига "бедаво дард" ҳукми ёзилган инсонга қийинмикан ?
Ё ! Ёки уни дардини била туриб , қўлидан ҳеч нарса келмаслигини англаган , яқинини аста- секин йўқотишга маҳкум иккинчи инсонга қийинмикан ?! Билмадим ?!
Билолмадим ...
Кимга қийинроқ экан ?! ... Ҳаётингдаги сен учун энг азиз инсонинг кўз ўнгингда аста - секин шамдай сўниб борса- ю , сен унга барчаси ҳали ўз ўрнига тушиши , бариси ортда қолиб кетишини, яхши кунлар ҳали олдинда эканлигини такрорлашинг , аслида эса бу нарсани ёлғонлигини ўзинг ва уни билиб туриши ...
Бундан ортиқ азоб бормикан инсонга?
Бундан ортиқ синов бормикан инсонга ?! ...
Мен ҳали ҳам жавоб топганим йўқ ... Кимга қийин ?! Дард ҳукмини олган , яқинларидан жудо бўлишга маҳкумлигини била туриб , вақти - соати қачон битиши соатини умидсиз кутган инсонгами ?! Ё ... Ёки ночор ва забунлигидан дод демоққа ҳам ҳоли қолмай , яқинидан соат сайин тирик туриб айрилаётган , усиз дунёлари ҳувиллаб , ҳувиллаб кетишини била туриб қўлидан ҳеч бир чора келмайдиган

ХазонРезги

🌙Хайрли оқшом Азизлар..
🍃🍃
Мана яна бир кунимиз ўз нихоясига етмоқда.✨
🍃🍃
Бугунги  кунда  қандай  инсонлар билан  дўст бўлдигу,  кимлар билан  арзимаган  бахоналар билан  айрилдик.💦
🍃🍃
Кимларни  кўнглини олдигу,  кимларнидир кўнглини билиб  билмай  оғритиб қўйдик.🤍
🍃🍃
Кимларга  табассум  ила  боқдигу,  яқин  инсонимиз учун вақт ажратолмадик,.☘
🍃🍃
Келинглар  бу омонат  дунёда бир биримиздан  мехримизни  аямайлик.
🍃🍃
Бир биримизга  ёрдам қўлимизни  ўзатайлик....
Яхшилик қилайлик...
Агарда яхшилик қўлимиздан келмас экан, ёмонлик хам
қилмайлик...🩶
🍃🍃
Оқшомингиз файзли ва
мазмунли ўтсин Азизлар .

📚 Ibratli Hikoyalar 📚