📚 Ibratli Hikoyalar 📚
18K subscribers
6.95K photos
3.25K videos
44 files
16.4K links
Хаётий ва Ибратли ҳикоялар... Хикматлар хазинаси...
Инсон такдирини аччик синовлари...


Hamkorlik va reklama uchun 👇👇

@Bronzam

.



.



.



.



.





.
Download Telegram
Охират учун очилган туйнуклар

Баланд-баланд иморатлар солиш урфга кирди. Қўшнининг томидан томини ошириш мартаба бўлди. Пули бор ҳам икки қават уй қурмоқда, пули йўқ қарзга ботган ҳам...
Бировнинг ҳовлисига дераза очиб, тепадан истаганча тикилиб, тунлари бемалол ухлаш одатга кирди...
Беш кунлик дунё, уч кунлик дунё деган иборалар унут бўлди.

Совчиликка борадиганлар уй-жойига қараб борадиган бўлдилар.

Иморати иморатидан баланд қўшниларнинг димоғи ҳам бир-биридан баланд бўлди.

Ҳол сўраб, бир коса овқат чиқариш ҳам Ҳайит кунларига қолди.

Бугун тонгдан болалигимни, онамнинг оналари — ипакдек мулойим Нодира ойимни  эсладим.

Доим зилол сув тўлиб оқадиган, шундоқ кўчанинг юзидаги ариқ устига ўрнатилган кўприк аллақачон йўлга айланиб улгурган. Биз уни ҳар тонг супурамиз. Нодира ойим кўз-қулоқ бўлиб турадилар.
—Эҳтиёт бўлиб супур, сувга ахлат тушмасин! Одамлар қарғайди.
—Ойи, бу сув қаттан келади?
—Тоғдан тушади, болам, насибамизда. — дейдилар ойим.
Улар ҳам, бошқа қўшнилар ҳам шу сувдан ичадилар.
Ҳеч ким ахлат оқизмайди, мағзава ағдармайди, туфламайди. Бу катта ариқнинг ичида баъзан балиқлар кўзга ташланади.
Шу сувдан ойимнинг майдонига ҳам бир ариғи кириб, оқиб ётади. Ёз бўйи! Қулаҳмад додам чуқурроқ ҳовуз қазиб қўйганлар. У ерда доим иккита сирли челак туради. Бирида  қатиқ, бирида муздек гўжа бор Устида коса, ёғоч қошиқ ва чўмичи бор. Ёзнинг жазирамасида ўйнаб келиб, истаганимизни ичиб кетаверамиз. Менга ичига райҳон, жамбил солинган гўжа ёқади.

Нодира ойимнинг уйи жудаям файзли. Дарвозахонадан кираверишда —тўғрида баланд сўриток. Унда катталиги ўртача челакдек келадиган узумлар. Бувам чуғурчуқлардан қўриқлаб уларга қоғоз пакет,  ёки латта "кўйлак" кийдириб қўядилар.
Кейин гулзорлар бошланади. Мен севган чиннигуллар, анвойи атиргуллар, райҳонлар, гулибеорлар...
Боғда ширин оқ олма бор. Жудаям ширин. Катта-катта, оппоқ. Биз уни Тошкент олма деймиз.
Нодира ойимнинг уйидан сира одам аримайди. Бошидан паранжини ташламаган Отинойи, "дрно қизим" деб эркалайдиган Васида ойи...
Дилором иккимиз самовар қўямиз. Ойим чой дамлайдилар, кувида пишганлари сариёғ ва ҳозир тандирдан узилган нон, бир пиёла  олча мураббо. Дастурхонда ортиқча нарса йўқ,  аммо беш-олтита аёл бир самовар чойни ичиб қўядилар.
Негадир, болалигимда ёз ойларининг иссиқ бўлганлигини эслолмайман. Боғ-роғли, ям-яшил ҳовлилар,  ариқ тўлиб оққан сувлар иқлимни мўътадил ушлаб турган бўлса керак.
Нодира ойимнинг уйидаги ҳамма нарса ажойиб. Аммо мен учун энг қизиғи—қўшни Васида ойининг уйига очилган туйнук! Бошимни тиқиб мўраламоқчи бўлсам, сиғмайди. Фақат лаган, коса, товоқ сиғадиган кичик дарча.
Баъзида  дарчадан Васида ойининг ойининг ўктам овози эшитилиб қолади.
—Ҳой, Нодира,  нон ёпдим,  ол, қайноққина. Биз югуриб борамиз.
Битта пиёзли, битта оддий тандирда ёпилган нон қўлларимизни куйдиради.
Пода қайтар маҳалда ойим шилпилдоқ тайёрлайдилар. Хамири юпқа, устига қиймали, қизил сардак қуйилган шилпилдоқнинг олдини лаганга сузиб  туйнукдан қўшнига узатадилар.
Эҳ, бу туйнуклар... Ундан қандай тансиқ таомлар ўтмаган дейсиз?
Аслида, улар таом эмас,   Охират учун ўтган гўзал амаллар эди.

Ҳовлининг бу тарафида ҳам қўшни бор. Бир туп гилоси пишган ярми Нодира ойимнинг ҳовлиси тарафда. Йирик-йирик гилослар қип-қизил, қўл чўзсак етгудек жойда.

Уйимизда ўн туп гилос бор. Сариқ, қизил. Пишиб ётибди, аммо шу гилосни егим келади.
Югуриб узмоқчи бўламан.
—Қўй, болам, у бизники эмас. Есанг, қорнинг оғрийди, у бировнинг ҳақи дейди бувим. Кечга қўшни кампир бир челак гилос кўтариб чиқади. Ойим челакни бўшатиб, олма солиб берадилар...

Бугун эрталаб чой ичиб ўтириб шуларни Мунисахон қизимга айтиб бердим.( Келиним Қибрайлик.)
— Ойижон, бизнинг уйда ҳам шунақа туйнук бор эди. Ошхонамизда.  Шундоқ  тандиримизнинг ёнида. Онам нон ёпсалар, ўша туйнукка қўйиб кетардилар. Иккала қўшнимизга ҳам уйимиздан дарча очилганди.
Ҳозир ёпилиб кетди,-дейдилар ўйчан...

«Набий соллаллоҳу алайҳи васаллам:
«Жаброил менга қўшни ҳақида шу қадар кўп тавсия бердики, уни меросга ҳам шерик қилармикан, деб ўйлаб қолдим», дедилар».

📚 Ibratli Hikoyalar 📚
❤67👍6💯3
Bo’lmaydi...
İlojsiz...
Chorasi yo’q... deganlaringiz,
Allohning birgina amriga intiq...
Duo qilavering...

✔️

📚 Ibratli Hikoyalar 📚
👍7❤4🥰1
This media is not supported in your browser
VIEW IN TELEGRAM
🍀 2 minutlik kino va ...20 minutlik yigʻi...!
Venetsiya festivalida Bosh sovrinni olgan bu multfilm siznida yigʻlatmay qoʻymasligiga ishonchim komil... shu oʻrinda uzoq-uzoq yozgim keldi, lekin birgina ibora bilan, oʻzim sevgan ibora bilan cheklandim:

🌿 Yaxshiyam borsizlar, yaxshi odamlar...!

(Aslida bu post oʻrnida doimgidek bir hikoya boʻlishi kerak edi, lekin bu multfilm 10 ta ibratli hikoya oʻrnini bosadi, ishoning va albatta tomosha qiling!)


📚 Ibratli Hikoyalar 📚
🔥14❤7👏1😢1
Yemakxonada oʻtirgandik. Bir odam telefonda gaplashib boʻlib, quvonchdan qiyqirib sakradi va ofitsiantni chaqirib:
—  Hammaga mening nomimdan koʻfta kabob tarqating! Oʻn sakkiz yillik intiqlikdan keyin bugun men ota boʻldim!- dedi.
Uch-toʻrt kundan keyin erkakni 5-6 yoshli bolachaning qoʻlidan tutib bolalar xiyobonida sayr qilib yurganini koʻrdim. Uni tanigan zahoti yoniga borib, oʻsha kungi ishini eslatdim va yonidagi bolachaga ishora qildim. Erkak tortinib, xijolat chekib shunday dedi:
—  Oʻsha kuni yemakxonada mening oldimdagi stolga kelib oʻtirgan keksa er-xotin oʻzaro suhbati qulogʻimga chalindi. Onaxon choliga “Koʻfta kabob yeylik, anchadan beri yegim kelib yurgandi”, dedi. Otaxon esa ayolidan koʻzlarini olib qochib “Hozir koʻfta kabob ololmaymiz, pulimiz faqat shoʻrvaga yetadi, xolos” deya siniqqina javob qildi. Shu orada men telefonda gaplashganday boʻlib, hammaga koʻfta kabob buyurtma qildim.
—  Faqat oʻsha keksa juftlikka olib bersangiz boʻlardi, hamma xoʻrandalarga buyurtma qilishning nima keragi bor edi?- deya soʻradim  undan.
Erkakning javobidan koʻzlarim yoshlandi:
—  Faqat ularga olib berganimda otaxon ayolining oldida xijolat boʻlardi. Shuning uchun hammani birday mehmon qildim.
Mening pulim ketsa ketsin, bir erkakning izzat-nafsi sinmasin!..

📚 Ibratli Hikoyalar 📚
❤25👍6🔥5🥰4🤔1😢1
Seni xafa qilib qo‘ymayin deb, ko‘nglimda saqlamayman...
Ko‘z o‘ngimdan yo‘qotib qo‘yishdan qo‘rqib, ko‘zimda ham saqlamayman...
Seni ko‘nglimda, ko‘zimda emas, balki jonimda saqlayman.
Toki oxirgi nafasimda ham menga YOR bo‘lgaysan...

- Shams Tabriziy.


📚 Ibratli Hikoyalar 📚
❤10🥰2
🌿 Banda Qiyomat kuni tog'lar qadar gunohlar bilan keladi. Shunda Allohni zikr qilgan tili ularni yakson qilib tashlaganini koʻradi...

Bugun Allohni zikr qildingizmiqadrligim?

📿 Subhanalloh
📿 Alhamadulillah
📿 Astag'firulloh
📿 La havla va la quvvata illa billah!

🤲 Alloh niyatlaringizni eng hayrlilariga yetishtirsin ilohim))


📚 Ibratli Hikoyalar 📚
❤13
🌿 Bo‘ri poda ichiga kirib podaning
bittasini yeydi, ammo suruvdagi qo‘ylardan hammasini yorib tashlaydi. Podadagi qo‘ylarning yorib ketilishi cho‘ponlarning och qolishi, inqirozga uchrashi demakdir. Cho‘ponlar keyin nima qilardi, bilasizmi? Bo‘rini tiriklay tutish uchun yo‘lga tushardi. Usullarini bilar, tutardi ham. Bo‘rini ushlaganidan keyin uni urib, qiynab, o‘chini olmasdi.
Silab-siypab o‘pardi, faqat bo‘yniga bitta serkaning qo‘ng‘irog‘ini taqib, ko‘yib yuborar edi. Bo‘ri ham xursand bo‘lib qochib qolgan. Qo‘ng‘iroqli bo‘ri bundan keyin hech qaysi jonliga yaqinlasha olmaydi, chunki qo‘ng‘iroq ovozini eshitgan hayvon undan qochadi. Bo‘ri tog‘-adirda behuda yugurib, hech nima ovlay olmasdan ozib-to‘zib, oxiri ochlikdan bo‘kirib-bo‘kirib o‘lib ketardi. Bu inson xayoliga kelgan iskanja va zulmdan eng qo‘rqinchlisi edi. Zulm turlari aslida hech qachon eskirmaydi...

Bo‘ri faqat ochlikdan o‘layotganida tushunib yetardi bo‘yniga qo‘ng‘iroq taqqanlarning va uni silab-siypab, o‘pganlarning niyatini.
❤21😢6🥰1
🌿 Teshilgan qozon...

2006 yillar edi. Yangi oila qurgan paytlarimiz. Toshkentda ijarada yashar edik. Ishlarim ham birida bor birida yo‘q edi. Qiynalib yashar edik. Qambag‘alni tuyani ustida it qopar deganday, bisotimizdagi bittayu bitta kichkina qozoncha ham moshday bo‘lib, teshilib qolibdi.
Teshik qozonni tashlab yuborib, yangi qozon sotib olishga, cho‘ntak kasal. Qozonsiz o‘tirishga, tomoq qurg‘ur ham teshik. Yeyman deydi. Oxiri, o‘ylab o‘ylab, svarchik topib, qozonni yamatishga qaror qildim. Mashinalarni ta’mir qiladigan joyga bordim. Usta qozonni ko‘rib,- uka, biz bu qozonni svarka qilib, yamay olmaymiz dedi. Kayfiyatim tushib ketdi. Endi nima qilaman?
Usta menga, bu qozonni yamasa kemping yoki argon svarka qiladiganlar yamaydi dedi. Ko‘chama ko‘cha yurib, kemping qidirishga tushdim. Faqirlik fitnasidan o‘zing saqla yo Allohim deb, ichimda duo qilib, xorligim kelib, ezilib ketardim.
Va nihoyat, kemping degan svarkani ham topdim. Ikki ming so‘m berib yamatdim.
Juda xursand bo‘ldim. Usta akani ham duo qilib ketdim.
Uyga kelib, og‘zim qulog‘imda, yamalgan qozonni turmush o‘rtog‘imga ko‘rsatdim. Ikkimiz ham faqirlarcha xursand edik.
O‘sha kechasi tush ko‘rdim. Muysafid bir kishi yaqinimga kelib, atrofimdagi odamlarga eshitdirmay, o‘zim eshitadigan qilib past ovozda, - o‘g‘lim, faqirlik ko‘rmay desang, Voqea surasini o‘qib yurgin,--dedida mendan uzoqlashib ketib qoldi.
Uyqudan uyg‘onib, tushimni xotinimga aytdim. Qur’onda bu nomdagi sura bor yoki yo‘qligini ham bilmasdim. Qur’oni karimni olib izlashga tushdim. Voqea surasi bor ekan. Topdimu o‘qishga tushdim.
Har kuni bir marta bo‘lsa ham o‘qib qo‘yardim. Allohning inoyati bilan ishlarim iziga tushib ketdi.
Yangi qozon ham sotib oldik. Teshik qozonni tashlab yubormadim. Uzoq yillar saqlab yurdim. Voqea surasi bilan bog‘liq bu sinoatni unutibman. Kecha bir do‘stim kelib, kompyuteringizda bo‘lsa, menga Voqea surasini ko‘chirib bering dedi va voqea surasi xaqida va o‘qib yurgan kishiga Allohning ne’matlari kesilmasligi xaqida aytib qoldi...
Unutilgan xotiralar esimga tushdi. Voqea surasi fazilatlari xaqida topib o‘qidim.
Allohning kalomi Qur’on karimda biz bilmagan sir-sinoat qancha?
Har qanday holatda ham, Allohning rahmatidan umid uzmasligimiz kerak ekan.

📚 Ibratli Hikoyalar 📚
❤33🔥4😢1
🌿 – Ketyabman... - dedi erkak. Ayol yig'ladi.
Xojasining bo'ynidan quchdi.
– Qaramang!.. - dedi qat'iy, ammo past tovushda.
– Kimga, jonim? - deya so'radi erkak. Titroq ovozda ohista shivirladi ayol:
– Jannatdagi hurlarga!
Er tishini-tishiga qo'yib chuqur "uh" tortdi.
Og'ir-og'ir so'zladi:
– Sen mening jufti halolimsan. Boshqalar birodarim!.. Seni jannatda kutaman!

©️"Seni jannatda kutaman" kitobidan.


📚 Ibratli Hikoyalar 📚
❤18🥰2
🌿 Anor donachalarini shunday chiroyli tartibga solib yaratib qo‘ygan Zot, sizning hayotingizni ham eng go‘zal holda tartib va tadbir qilib qo‘yishga qodir emasmi?! Shunday ekan, xotirjam bo‘ling!

📚 Ibratli Hikoyalar 📚
❤15🥰4👏1
🌿 Yong‘oq qurti o‘zi sig‘adigan teshik ochib, yong‘oqni ichiga kirib nima bo‘lsa yeydi. Yegan sari semiradi va to‘yadi. Yong‘oq ichida hech narsa qolmagandan so‘ng, tashqariga chiqishga intiladi. Teshik kichik bo‘lgani uchun tashqariga chiqolmaydi. Undan ham yomoni yong‘oqning ichi quriy boshlaydi, endi teshikni kengaytirishni imkoni qolmaydi. Birgina chora ozmoq bo‘ladi. Yong‘oq ichida majbur ochlikdan ozib, eski zaif holiga qaytib tashqariga chiqadi. Qarasaki uning uchun mavsum tugab ortda qurigan yong‘oqdan boshqa hech narsa qolmagan bo‘ladi...

Ba’zi insonlarning yashash tarzi xuddi yong‘oq qurti kabidir.
Mol-dunyo dardida umrini behuda narsalar bilan xabada qilib o‘tkazib yuboradi. Endi bo‘ldi munosib shaklda buyurilaganday yashay deganda umrining so‘nggi damlarini yashayotgan boʻladii....


📚 Ibratli Hikoyalar 📚
❤14💯6🥰2🤔2👍1😢1
Hech o‘ylab ko‘rmagan ekanman, munis qalbligim... Balki mening muvaffaqiyatlarim, sening duolaring ijobatidir...

📚 Ibratli Hikoyalar 📚
❤5
🌿 Hatto quloqchin (naushnik) simlari ham chalkashib ketadigan bu dunyoda, Alloh taolo 97 000 km tomirlarni chalkashtirib yubormaydi.

U (Alloh) har qanday xato va kamchiliklardan pokdir!


📚 Ibratli Hikoyalar 📚
😢12❤9👏2
"Yaxshi pishmapti,
Tuzi koʻp boʻlipti,
Limonsiz bemaza,
Qiymasi oz boʻlipti..." deb yoqtirmaganingiz nima bor boʻlsa, bu idishga qoʻying. BIZ OCHMIZ...

☝️ Darhaqiqat inson zoti oʻta noshukurdir...


📚 Ibratli Hikoyalar 📚
😢30❤10
🌿 Islomni yaxshilab o‘rganib chiqqan rohib Islomni qabul qilganidan keyin shunday deydi:

- Tabbat (ya’ni Masad) surasida juda g‘aroyib moʻjizaga guvoh bo‘ldim. Alloh taolo bu surada Abu Lahabning iymon keltirmasligini bildirgan edi. Bu sura nozil bo‘lganidan keyin yana 8 yil yashadi. Agar Abu Lahab xohlaganida yolg‘ondan bo‘lsa ham iymon keltirib, bu surani yolg‘onga chiqarishi mumkin edi. Lekin shunda ham Abu Lahab iymonsiz o‘lib ketdi. Agar Qur’oni Karimni Muhammad sollallohu alayhi vasallam o‘ylab topganida edi, bunday katta xavfga (Abu Lahabga tuhmat qilish xavfiga) yaqinlashmagan bo‘lardi.
Bu shuni anglatadiki, Alloh taolo qadimni ham, kelajakni ham kamchiliksiz, mukammal tarzda biladi. Mana shuning uchun ham men Islomni qabul qildim.

© Abdulloh Rahimboyev tarjimasi


📚 Ibratli Hikoyalar 📚
❤20👏7👍3😢3
Qorabog‘da shahid ketgan bir do‘stimning uyiga borgandim... Uning besh yoshli qizi tizzamga kelib o‘tirdi. Uning qo‘lida pufagi bor edi... 🎈

— Qizim, kel shu pufakni birga o‘ynaymiz...
—Yo‘q, yorilib ketadi...
— U yorilsa senga minglarcha pufak olib beraman.
— Yo‘q, amaki. U yorilsa men o‘laman. Bu pufakni dadam shishirgan. Uning ichida dadamning nafasi bor.... 😔😞


📚 Ibratli Hikoyalar 📚
😢29❤7🥰1🤔1
Bilasizmi, men dunyodagi eng goʻzal baxtga loyiq inson kim ekanligini bildim. Bu inson kimligini siz ham bilib olishingiz uchun quyidagi olmalar ustiga bosing))

📚 Ibratli Hikoyalar 📚
😁6❤4🤔4👏1
🌿 Gul gul sotuvchisida bo'ladi... Non esa nonvoyda... Baxtni ham o'sha baxtni taqsim qiluvchidan so'rang, manzilni esa mendan ham yaxshi bilasiz...! 🤲🏻🙂

🍀 Niyatlaringizni eng hayrlilariga eng afzal vaqtda yetishtirsin Allohim ☺️


📚 Ibratli Hikoyalar 📚
🥰9❤7🤔1
🍀 Saboq...

Bir kuni bir dahriy va dono zot uchrashib qolishibdi. Dahriy bu dunyoni Alloh yaratgani yolgʻonligi, hamma narsa oʻz-oʻzidan rivojlanganini aytib, donishmandni mot qilmoqchi boʻlibdi. Donishmand eʼtiroz bildirmadi va faqatgina, ikki kundan soʻng kelishini aytib, uyiga ketdi.
ikki kundan soʻng donishmand dahriyning uyiga keldi. Sovgʻa qilib ajoyib tabiat manzarasi chizilgan suratni olib keldi. Dahriy suratning goʻzalligiga qoyil qoldi. U hech qachon bu kabi suroatni koʻrmagan ekan.
— Moʻjiza-ku! — qichqirdi u. — Bu ajoyib asar kimning qalamiga mansub?
— Hech kimning! — dedi donishmand. — Omborxonamda bir necha quti boʻyoq va mato bor edi. Kecha boʻyoqni bilmasdan toʻkib yuboribman. Qarasam, boʻyoqlar toʻkilib, shu surat paydo boʻlib qoldi!
— Meni mazax qilyapsizmi! — hayqirdi dahriy. — Qanday toʻkiladi? Boʻlishi mumkin emas. Axir buni qarang: qanaqa kompozitsiya, maʼnolarning teranligi, mayda detallarigacha aniq berilgan... Bu suratni qaysidir buyuk yaratuvchi chizganligi aniq!
— Koʻryapsizmi,— dedi donishmand, — siz hatto bu surat birovning koʻmagisiz oʻz-oʻzidan paydo boʻlishi mumkinligini oʻylab ham koʻrmaysiz. Men qanday qilib boshim ustidagi osmon, oyogʻim ostidagi oʻtloqlar, daraxtlar, daryolar, koʻllar, oʻrmonlar, togʻlar va vodiylarni oʻz-oʻzidan, Buyuk Yaratuvchining irodasisiz paydo boʻlganiga ishonay
...?!

📚 Ibratli Hikoyalar 📚
❤20👍8🥰1😢1