📚 Ibratli Hikoyalar 📚
18K subscribers
6.95K photos
3.25K videos
44 files
16.4K links
Хаётий ва Ибратли ҳикоялар... Хикматлар хазинаси...
Инсон такдирини аччик синовлари...


Hamkorlik va reklama uchun 👇👇

@Bronzam

.



.



.



.



.





.
Download Telegram
18 ёшнинг энг гўзал қувончи бу-турмушдир!

20 ёшнинг шодлиги бу -фарзанд!

Кейин эса;
… Кўксингизда бир юракнинг уруши- дук-дук..

Қолгани яна ва яна “дук-дук” лар билан кечаверади.

Буни қаранг бир пастда мактабга чиқди, унинг оқ кўйлагини тоғорага солиб ювар экансиз, энди Сизнинг ўғлингиз бор, у тоғдек суянч бўлади. 7 ёшдаги жажжингизга , ундан кейинги полопонларга ховуч -ховуч меҳр бера олмайсиз.. чунки сиз ишлайсиз.!

Иш, уй,оила, камига оталиккагина ҳақдор бўлган -Куёв (эр)

Удаллашингиз керак. Енгилиб бўлмайди. Чунки бу боллаларни қаранг, вой - вой чироқку. Уларни одам бўлиб улғайиши учун ҳам уддаланг!

Чидаб ўтказган ҳар бир кунингизни ажри бор.

…Чархифалакни бир айлантиб юборинг, 7 ёшлик полопон 20 га тўлдия.

Биринчи олийгоҳнинг хаяжонидан юрагингиз гўё тўхтади-а. Энди сиз тоғорада эмас, кир мошинда унинг оқ кўйлакларини ювасиз.

Ўқиди, бирга улғайдингиз, кўпинча овқат қилсангиз ўзингизни “қорнингиз тўқ” бўларди, полапонлар бор..

Йиллар ҳеч қанча куттирмай, қуваламай бир болангиз иккига кўпайди. Оқ либосда унинг фариштаси келди.

✅ Уйингиз иффорга тўлди, бағрингиз қувончга, кўзларингиз нурга, қалбингиз бахтга, қадамларингиз гулга, вужудингиз хавасларга , етказганига шукр.

Ёлғиз эдингиз, ёлғизлигингиз ёнингиздагилар билан ёпилиб кетди. Ой қизим деб айланасиз, кун қизим деб ўргиласиз.

Сизнинг белингиз оғриб қилган меҳнатларни заррасини ой қизингизга раво кўрмайсиз.

Бирининг кўзига, бирининг сўзига қараб қувониб -қувониб бувилик мақомига етиб келдингиз.

Ишонинг, ҳаётингизни асл ва ҳақиқий масуми бошланди.

Ўн йиллар бўлдики димоғингиздан бола хиди узилган эди, бағрингизга босай десангиз эркак бўлиб қолган болангизни хидида болалик қолмаган, соч соқоли санчиладиган, қучай десангиз шунчаки елкасинигина тутадиган арсонлонларингиз ўрнида “бувижон” дейдиган фариштачалар келди.

Эндиям нолиб кўрингчи)

… Аммо етишдим деганда йиқиллар маррага хуш келибсиз.

Қани ўша шижоатлар, қани ерни боссангиз тупроғидан тутун чиқар ёшлик, қани соғлик..

…Уловда сизни бирон манзилга елитиб қўйишини учун уйғонишини кутиб турадиган вақтлар келиб қолди.

Аёл шундай хилқат экан. Ҳар туйғуни кўмиб, устидан тупроқ тортар экану, кўзларига тупроқ тушар маррагача Болам деб яшаркан,

Болам синма
Болам йиқилма
Болам суян
Болам ёнингдаман..

Болам,болам,болам!

Кўзларга хира тортилар палладасиз, сал совуққа совиб, сал иссиққа исиб кетар онлардасиз. Аввалги ақлингиз энди ақл эмас, ақллилар ичида ноқисроқсиз. Овқатларни танлаш ихтиёрингиз бору, иштахангиз энди ёшлик эмас.. кетди, ўтди.

Унисига , бунисига қараб қувониб ёшлигингиз сувларда оқди.

Хўрозқанд олиб беришларини кутган болалигингиздан, бир плитка шоколад олиб яйрайдиган ўспиринлик, оддий атир совун хадясини кутган ёшликда👉  Сизнинг зарра ҳаққингиз қолмади, лекин сизда ҳали ҳақлар кўп..

Энди ўзингизни озгина эҳтиёт қилинг! 

Кўпам куюниб, купам суюниб кетмай, хууу анави юракни  ардоқланг, у ошқозон эмаски, ўзини ўзи хазм қила олса.

Сиз эса буёғига , ҳаммани Ҳазм қила олишингиз учун ҳам кучлироқ бўлинг.

Тўкилиб қолманг, баҳордаги қизғалдоқ, куздаги хазонрезги барг эмас, Сиз чинорсиз.. чинорлар эса йиқилмайди..

Мадина Мўминова


📚 Ibratli Hikoyalar 📚
❤21🔥6
Оила аъзоларнинг баъзиси тушкун кайфиятда.

Ҳа, нима бўлди, тинчликми?

Учинчиси ҳам қиз. Ўғил кутгандик.

Келинни ҳафсаласизлик билан туғруқхонадан олиб тушишди. Аввалгидек хурсандчилик йўқ. Худдики келин айбдор.

Аввало, қиз кўриш айбми? Қолаверса, нима бўпти қиз бўлса? Қиз бола фарзанд эмасми?!

Кимга ўғил, кимга қиз ато этиш кимнинг қўлида?! Келиннингми?!

Йўғе, Аллоҳ таолонинг қўлида!

Унда нега хафа бўласиз?! Нега келинга хўмраясиз?! У нима айб иш қилди?! Агар қиз кўриш айб бўлса, нега ўғлингизга ҳам хўмраймаяпсиз?!

Жоҳилият даврида араблар қиз фарзанд кўрса, уятдан, ғазабдан юзи қорайиб кетарди. Ўшаларга ўхшаб қолманг!

Ахир сиз қиз кўрганда кўпроқ хурсанд бўлишга, ақиқани бўрттириб қилишга буюрган Ислом динига мансуб инсонсиз.

Хотини учинчи сафар ҳам қиз кўргани учун ундан хафа бўладиган, уни уйига олиб бориб қўядиган, унга қовоқ уядиган эр Аллоҳ таолонинг қазои қадарига норози бўлаётган, жоҳил, ўйламай иш қиладиган кимсадир.

Билиб қўйинг, фарзанднинг ўғил ёки қиз бўлишини ирода қиладиган Аллоҳ таолонинг Ўзидир!

Қолаверса, ҳадисда учта қиз кўриб, уларга чиройли одоб берган ота-онага охиратда улкан мукофот ваъда қилинган.

Аллоҳ таоло бизни ўғил кўрсак ҳам, қиз кўрсак ҳам, тақдирга таслим бўлувчи бандаларидан қилсин!

📚 Ibratli Hikoyalar 📚
❤12
Куёвнинг_онасига_мактуб
🍂🌹🍁🌸
Уйдаги оддий ишларни ўзингиз бажаринг, ҳамма нарсани келинингиз зиммасига юкламанг. Умумий ҳолатни ўз даврингиз билан қиёсламанг.
Изоҳ:
🌹Қайнона келинидан ҳурмат кутади, хизмат кутади. Албатта, бунга ҳаққи бор. Аммо бунда ҳам чегарадан ошмаслик, бўлар-бўлмас ишларни ҳам келинидан кутиб, ҳурматини йўқотмаслиги керак.
🍂Инсон ўзи қилиши керак бўлган ишларни ўзи бажариши лозим. Масалан, келини бола эмизиб турганида бориб бир стакан сув олиб келиши мумкин бўлган қайнонанинг “қизим, менга сув олиб кел”, дейиши тўғри бўлмайди. Келинининг ҳолатини тушуниб, уни қийин аҳволга солиб қўймаслиги керак. Ҳар доим қилиши мумкин бўлган ишларини келинидан кутадиган бўлса, бир куни келинининг бўғзига келади, “ўзингиз қилинг!” дейишга мажбур бўлади. Бунга қайнонанинг хатолари сабаб бўлади.
🍁Инсон оддий ишларни ўзи бажарса, ортиқча гап юзага келмайди. Акс ҳолда келин қайнонаси фақат уни чарчатиш ва қийнаш учун бу ишларни қилдиряпти, деб ўйлаб қолиши мумкин. Келин истаса, бу истакларни эътирозсиз бажариши мумкин, аммо қайнонанинг бунга ҳаққи йўқ. У уйга хизматкор эмас, келин олиб келганини билиши лозим. Инсонийлик жиҳатдан келин бу ишларни бажариши мумкин, бажарса, савоб олади, аммо бунга мажбур эмас.
🌹Қайноналарнинг алданишига сабаб бўладиган яна бир жиҳат келинини ўзи даври билан таққослашидир. Орадан ўттиз, қирқ йил ўтган. Шарт-шароит, анъаналар ва урф-одатлар ўзгарган бўлиши мумкин. “бизнинг давримизда бундай қилмасдик” сингари таққослашлар фойда бермайди. Кўп нарса ўзгарганини тан олиш зарур. Албатта, яхши анъана ва урф-одатларни келажак авлодларга етказишимиз керак. Бироқ уларнинг орасида бизнинг хатоларимиз, зарарли томонларимиз ҳам бўлиши мумкин. Уларни бугун яна такрорлаш янглишишдир. Шу сабабли ўтмишдаги нарсаларни эмас, ҳозирги кун учун энг маъқул бўлганини бажариш керак. Келинлардан ҳам ана шу гўзалликларни кутиш жоиз.

@ibratli_sozlar

📚 Ibratli Hikoyalar 📚
❤7👍3🔥1
Кеча кечқурун уйга қайтаётган эдим. Шом пайти. Қулоғимда қулоқчин. Бундоқ қарасам, йўлда нимадир ётибди. Ҳар-ҳар замон ҳаракатланиб қўяди.

У томон яқинлашдим. Одам. Йўлда одам ётибди. Аниқроқ айтадиган бўлсам, эмакламоқда. Хатти-ҳаракатлари ғайриоддий, жуда ғайриоддий.

Хаёлимга келган биринчи фикр — у маст! Иккинчи фикр — ифлос! Кеча ёмғир ёққанди. Учинчи фикр — балки ундаймасдир.Яъни, маст эмасдир?!

Ёнимиздан одамлар шошиб ўтмоқда: кеч тушди, уйга бориш керак. Ётган одамнинг ёнидан юзларини ўгирганча, ижирғаниб ўтиб кетишмоқда. Мен ҳам уйга кетишим керак. Уйдагилар кутмоқда. Хўп, лекин у маст бўлмасачи?

Ёнига яқинлашдим. Эҳтиёткорлик билан гап қотдим.

— Яхшимисан?

Қўполлигимдан ҳайрон қолдим. Бирданига “сенсираш”, гап йўқ сенга...

— Ту-риб.... о-ли-шим-га... ёрр-дам бе-ринг, — деди ерда ётган йигит ҳарфларни чайнаб. Эътибор берсам қўлларини чангаллаб олган, оёқлари ҳам шундай кўринишда. Юрагим “шувв” этиб кетди — унда ДЦП (бола мияси фалажлиги)

Қўлимни узатдим. У ифлос, балчиққа беланган қўллари билан ушлаб олди. Ундан...шўрванинг ҳиди келарди.

— Бу ерга қаердан келиб қолдинг? Ёлғиз, кўчада...

— Нон олгани чиққан эдим. Ўгай онам касал. Йиқилиб тушдим. Велосипед минган кимдир туртиб кетди. Ўзим ўрнимдан туролмайман...

У гапира туриб, қўлларимдан маҳкам ушлаганча ўрнидан турди.

— Узоқда яшайсанми? — деб сўрадим нима қиларимни билмай.

— Ҳув анави уйда. — Қўшни уйга қараб қўлини силкитди у. — Мени уйимга олиб боринг, акс ҳолда, яна йиқилиб тушаман.

— Кетдик!

Ундан ҳеч қандай хавф-хатарнинг ҳиди келмаётганди. Шўрванинг ҳиди келарди.

— Ким билан яшайсан?

— Ўгай онам билан. У касал. Унга нон керак.

— Нонга чиққан эдинг, сени туртиб юборишди ва сен ерга йиқилиб тушдингми? — воқеалар ривожини тасаввур этган бўлиб сўрайман мен.

— Ҳа.
— Одатда дўконга ким чиқарди?

— Ўгай онам.

Биз кўпподеъздли уй олдидан юрдик. Атрофдагилар қизиқиш билан ортларига қарашади. Мен ишдан қайтаётган, пўрим кийиниб олган киши ва кийими лойга ботган, судралиб бораётган ҳамроҳим — тасаввур қилинг.

Керакли подъезд олдида тўхтадик.

— 59-хонадон. Биринчи қават. Калитлар чўнтагимда.

Ичкарига кирдик. У қўлларимни қўйиб юбориб, зина тутқичларини ушлаб олди. Мана, у деярли уйда. Оёқларини эпчил судраб, зинадан кўтарилди. Ўрганиб кетганда бу йўлларда...

Хонадон эшигини у берган калитлар билан очдим. Йўлакка кирдик. Уйдан шўрванинг ҳиди келарди. Ичкаридан заиф овоз эшитилди:

— Келдингми, болам? Нон олиб келдингми?

Калитларни ойна олдида қолдириб, кўчага чиқдим.

Уйга қайтарканман, бўлиб ўтган воқеа сабаб оламга сиғмай кетаётгандим. Нафас етишмаётганди. Ажабо!..

Ҳайратда эдим, лекин нимаданлигини тушуна олмаётгандим. Эҳтимол, одамларни ўз ташвишларидан бўлак нарса қизиқтирмай қўйганидандир? Айниқса, мана бу йигитчага “ўхшашлар”. Бола туғма фалаж, у дардман ўгай онасига нон олиш учун кўчага чиққан, кимдир уни туртиб юборган ва у йиқилиб тушиб, қайтиб туролмаган. Одамлар эса унинг ёнидан шошиб ўтиб кетишмоқда: оиласи, боласи, хотини ё эри ёнига...

Лойга, тағин эмаклаб ётган одамга ким ҳам ёрдам берарди. Ҳамма бир хил ўйлайди: “ У маст!” У ифлос, у нопок...

20 дақиқадан сўнг, 59-хонадон эшик қўнғироғини босдим. Эшикни ҳеч ким очмади. Йигитча, эҳтимол ювинаётгандир. Ўгай онаси эса бетоб, ўрнидан туролмайди. Қўлимда камтар бозор-ўчар қилинган сумкани эшик тутқичига осиб, кўчага чиқдим. Шўрвадан кейин сумка ичидаги печеньелардан еб, она-бола қайноқ чой ичишар...

Ичимдан бир сўз тошади: “Бундан кейин ҳеч қачон, ҳа, ҳеч қачон йиқилма, йиқила кўрма...”

©️ Сарвар Раҳимий таржимаси

📚 Ibratli Hikoyalar 📚
❤36👍6
#КИЧИК ИШЛАР КАТТАСИДАН ДАРАК БЕРАДИ...

   Хатиб Бағдодий роҳимаҳуллоҳ "Тариху Бағдод"да, ибн Асокир роҳимаҳуллоҳ "Тариху Димашқ"да, Миззий "Ал-камол"да келтиришади:
   "Асмаъий айтади:
"Бир куни Ҳорун ар-Рашиднинг ҳузурида ўтирган эдим. Унга кишилар Офият исмли қозидан шикоят қилиб келишди. Халифа қози Офиятни чақирди. Мажлисда жуда кўп одам бор эди. Ҳорун ар-Рашид унга гапирди. Кишиларнинг шикояти ҳақида эслади. Мажлис чўзилиб кетди. Шу орада Ҳорун ар-Рашид бирдан аксириб юборди. Атрофдагиларнинг барчаси "ярҳамукаллоҳ" дейишди. Аммо қози Офият индамади. Ҳорун ар-Рашид сўради:
- Нега сен бошқалар каби менга "ярҳамукаллоҳ" демадинг?
Қози деди:
- Чунки сен "алҳамдулиллаҳ" демадинг эй мўъминлар амири. Набий саллоллоҳу алайҳи ва салламнинг ҳузурларида икки киши аксирди. Набий саллоллоҳу алайҳи ва саллам уларнинг бирига ташмит айтдилар. Иккинчисига айтмадилар. Шунда улардан бири айтди:
- Эй Аллоҳнинг Расули! Нега унга ташмит айтдингиз-у менга индамадингиз?
Набий саллоллоҳу алайҳи ва саллам дедилар:
- У аксириб Аллоҳга ҳамд айтди. Сен бўлсанг айтмадинг. Шунинг учун сенга ташмит айтмадим!
  Буни эшитган халифа қози Офиятга деди:
- Бориб ишингни давом эттиравер. Аксириб "алҳамдулиллаҳ" демаган кишини авф қилмаган инсон бошқа катта ишларда албатта адолатсизлик қилмайди!".

   #Инсонларни танишингиз учун уларнинг қалби тубида яшашингиз шарт эмас. Улар турли вазиятларда ўзликларини ошкор қилишади.
   Кишиларнинг ўзидан пастдаги инсонларга қиладиган муомаласидан кўксидаги қадриятларини, олган тарбиясини англаса бўлади. Бизнинг ҳақиқий ахлоқимиз оддий қоровулга, кўчаларда озгина нарсани сотиб ўтирган кишига, кўча тозаловчига, уйдаги хизматкорга қилган муомаламиздан билинади.
   #Катталарга, раисларга, мудирларга ҳамма ўзини одобли тутаверади.
   Ҳақиқий ахлоқ ғазаб ҳолатида билинади. Хурсандчиликда ҳамма сиёсатчи бўлади. Шунинг учун араблар айтишади: "Дўст тутмоқчи бўлган одамингни ғазабини чиқар. Агар сенга зарар бермаса дўст тутавер!".
   #Эр-хотинларнинг ахлоқи ётоқхонада эмас, ҳаёт йўлларида билинади. Ўзаро ихтилоф чиққанида, маош етмай қолганида билинади. Вазият ҳақ ва бурчларга эмас, чиройли муомалага эҳтиёж сезганида билинади!
   #Биз гоҳида келишмовчиликлар олдида қарздор бўламиз. Чунки бу ихтилофлар бизни бошқаларга, бошқаларни эса бизга фош қилади, танитади!
   #Сизнинг ҳақиқий хулқингиз масжидда билинмайди. Масжидда ҳамма ўзини тақводор ва сипо кўрсатади. Ҳақиқий хулқингиз масжиддан чиққанингизда,  дўконингизда, кўчада, машина ҳайдаганингизда, савдо қилганингизда, қарз олди-бердингизда, бемор кўрганингизда, устахонангизда, мансабда турганингизда ва қисқаси муомалотда билинади!
   #Сизнинг маданиятга эришганингизни профилингизда китоб билан қаҳва суратини қўйганингиздан эмас, истироҳат боғини қандай ҳолатда тарк қилганингиздан, сувдан бўшаган елим идишларни қаерга ташлаганингиздан, ғижимланган қоғозни машинадан улоқтирган ёки улоқтирмаганингиздан билинади!
   #Кичкина ишлар аслида катта ишлардан дарак беради, тушунинг...

📚 Ibratli Hikoyalar 📚
❤10👍4
Қандай ажойиб ризқ

Бир фақир киши бор эди. У онасини, аёлини ва зурриётини боқар эди. У бир (бойнинг) қўлида хизматкор бўлиб ишлар, ишига холис ва ишини комил суратда адо қиларди. Кунларнинг бирида у ишга келмади.

Шунда хўжайини ўзига ўзи: "У, ишга келмай қўймаслиги учун унинг маошини бир дийнорга зиёда қилишим керак. Аминманки, у маошини кўтарилиши таъма қилиб, ишга келмади. Чунки мени унга мухтож эканимни билади-да" деди. Иккинчи кун бўлгач, Хўжайин унга маошини бериб, бир дийнор зиёда қилди. Хизматкор хеч нарса демади ва хўжайиндан сабабини хам сўрамади.

Бир қанча муддатдан кейин хизматкор яна келмади. Хўжайин жуда қаттиқ ғазабланиб: "Ўша зиёда қилган бир дийнорни камайтираман" деди. Камайтирди хам, хизматкор хеч нарса демади ва маошининг камайган сабабини хам сўрамади.

Хўжайин ходимни олдинги ишини такрорлагани (маоши кўпайса хам, камайса хам индамагани)дан ажабланиб, сўради: "Маошингни зиёда қилдим сабабини сўрамадинг, камайтирдим хеч нарса демадинг"?! Хизматкор: "Биринчи марта келмаганимда Аллох менга бир чақалоқ тухфа этганди, ўшанда маошимни кўпайтириб мукофатлагандингиз. Айтдимки: "Бу чақалоғимнинг ризқи ўзи билан келди".
 
Иккинчи марта келмаганимда эса, онам вафот этгандилар, маошимни камайтирганингизда дедимки: "Бу онамнинг ризқи, онам кетди, ризқи хам . . . ! ! ! Қандай ажойиб! Аллохнинг берганига рози ва сабабини хам биляпти. Камайтирса хам рози ва нима учунлигини хам биляпти . . . ! ! !

📚 Ibratli Hikoyalar 📚
🥰8❤6👏3👍1🔥1
Бировдан раҳмат кутмагин

Оллоҳ таоло мени зикр қилсин деб бандаларини яратди, шукр қилсин деб, уларга ризқ берди. Аммо кўплар Оллоҳдан бошқага қул бўлдилар, бошқаларга шукр қилдилар, нонкўрлик, жафокашлик табиати ундай тубан нафсларга ғолиб келди. Бас улар сенинг эҳсонингни кўра олмасалар, яхшиликларингдан тонсалар, балки сен уларга яхшилик қилганинг эвазига улар сенга душманлик қилсалар, яширин адоват ўқини отсалар ларзага тушма: «Улар (мунофиқлар) фақат Оллоҳ ва Унинг Пайғамбари уларни Ўз фазлу карами билан бой-бадавлат қилиб қўйгани учунгина (шукроналар айтиш ўрнига Оллоҳ ва Унинг Пайғамбарини) ёмон кўрдилар, холос».
(Тавба сураси, 74-оят)

Одамзот тарихига назар ташласанг, ибратли воқеаларни кўрасан: Ота фарзандини тарбиялади, едириб-ичирди, одоб, таълим берди, боласининг ороми учун, тунни бедор ўтказди, боласининг тўқлиги учун очликка рози бўлди, унинг роҳати учун машаққат чекди.. фарзанд улғайиб, мўйлаби сабза уриб, билаклари кучга тўлгач, ўз отасига қопоғон ит: каби ташланиб, унга илтифот кўрсатмай, беписанд бўлиб, падари бузрукворига оқ бўлди. Тубан табиатли, иродаси парчаланган кимсаларга қилган яхшиликлари ёниб кетган кишилар хотиржам бўлсинлар ва хазиналари туганмас Зот даргоҳида оладиган ажру савобларини хуш-хурсанд ҳолда кутсинлар. Ушбу ўтли нидо ҳаргиз сени яхшиликни тарк қилишга, бошқаларга эҳсон қилмасликка чорламас, балки ўша қилган яхшилик, эҳсонингга одамлар томонидан тониш, ношукрлик келиши мумкин экани хусусида огоҳлантирар. Бас сен уларнинг бундай нонкўрликларидан ғамга тушма!Яхшиликни Оллоҳнинг юзи учун қилгин, чунки сен ҳар ҳолатда зафар топурсан, бас сенга пасткашларнинг беписандликлари, нонкўрларнинг таъналари зарар қилмас, Оллоҳга ҳамд айтгин, чунки сен эҳсонкорсан, зеро, баланд қўл паст қўлдан яхшироқдир:

«(Улар айтурлар): "Биз сизларни Ёлғиз Оллоҳнинг Юзидан таомлантирурмиз. Сизлардан (бу ишимиз учун) бирон мукофот ва миннатдорчилик истамасмиз — кутмасмиз». Кўп онгли-ақлли кишилар ҳам оломоннинг нонкўрлик табиатидан ғофилдирлар. Гўё улар ушбу табақа хусусида келган Буюк Ваҳийни эшитишмагандек: «қачон инсон зотига бирон зиён-мусибат етса, ётган ҳолида ҳам, ўтириб ҳам, туриб ҳам Бизга дуо-илтижо қилур. Энди қачонки Биз ундан зиён-мусибатини кеткизсак, гўё (ҳеч қачон) ўзига етган бало-мусибатдан Бизга дуо-илтижо қилмагандек (þз ўгириб) кетур».
(Юнус сураси, 12-оят)

Бир аҳмоққа қалам совға қилсанг, у ўша қалам билан сен ҳақингда ҳажв ёзса, ёки муҳтож бўлганида суянсин, мол-ҳолга қарашда ишлатсин деб асо ҳадя қилсанг, у ўша асо билан бошингни ёрса ҳайрон бўлмагин, чунки нонкўрлик кафанига ўралиб олган кимсалар Яратган Буюк Парвардигорнинг сон-саноқсиз неъматларигаки ношукрлик қилганларидан кейин сен билан мен – гуноҳкор бандаларга нима қилишлари мумкин?!

«Маҳзун бўлма» китобидан.

📚 Ibratli Hikoyalar 📚
❤9
Заковат соҳиби

Ҳикоя қилишларича, бир тижоратчини қароқчилар йўлини тўсиб, молини талон-тарож қилишибди. Тижоратчи Аббосийлар халифаси Маъмуннинг олдига ҳолидан шикоят қилиб борса, уни ичкарига киритишмабди. Бир йил шу аҳволда халифанинг эшиги олдида сарғайиб турибди.
Охири, бир ҳийла ишлатишга қарор қилибди.
Жума куни намоз вақтида одамларни орасига кириб шундай деб бақирибди: Эй Боғдод аҳолиси! Мени гапимга қулоқ солинглар.
Менда Аллоҳда бўлмаган нарсалар бор.
Менда Аллоҳда мавжуд бўлмаган хислатлар бор.
Менда Аллоҳ яратмаган нарса бор.
Мен фитнани яхши кўраман.
Мен ҳақни ёмон кўраман.
Мен кўрмаган нарсамга гувоҳлик бераман.
Мен таҳоратсиз ҳам намоз ўқийвераман.
Унинг бу гапларини эшитган халойиқ уни ушлаб халифа Маъмуннинг олдига олиб келишибди.
Маъмун ундан: шу гапларни айтганинг ростми?-деб сўрабди.
У: ҳа рост, дебди.
Халифа: нима учун бундай қилдинг?-деб сўради.
У: мени қароқчилар талашди, бир йилдан бери шу масалада ҳузурингизга кира олмаяпман, сизни ҳузурингизга киришга бундан бошқа чора топа олмадим, деди.
Халифа: агар айтган гапларингни маъносини тушунтириб берсанг, сенга молингни қайтариб бераман, деди.
Шунда тижоратчи айтган гапларини бирма-бир изоҳлаб берибди:
Менда Аллоҳда йўқ нарсалар бор, деганим, менда хотин, бола-чақа бор, аммо булар Аллоҳда йўқ.
Менда Аллоҳда йўқ хислат бор деганим, менда ёлғон ва алдов бор, аммо Аллоҳ булардан пок.
Менда Аллоҳ яратмаган нарса бор деганим, мен Қуръонни ёдлаганман, Қуръон эса, махлуқ эмас.
Мен фитнани яхши кўраман деганим, мол-давлат ва болаларимни яхши кўраман. Аллоҳ Қуръонда мол-давлат ва болаларни фитна деб атаган.
Мен ҳақни ёқтирмайман деганим, ўлимни ёқтирмайман, ўлим эса, ҳақ.
Мен кўрмаганимга гувоҳлик бераман деганим, Аллоҳнинг борлигига гувоҳлик бераман, аммо уни кўрмаганман.
Мен таҳоратсиз ҳам намоз ўқийвераман деганим, Пайғамбар алайҳиссаломга таҳоратсиз ҳам салавот айтавераман, деганим. (Намоз ҳам араб тилида салот дейилади).
Тижоратчининг бу гапларини эшитган Маъмун тасанно айтиб, молини тўлаб берибди.

📚 Ibratli Hikoyalar 📚
❤9👍1
СОЛИҲА АЁЛ ҚАНДАЙ БЎЛАДИ?

Кўпчилик солиҳа аёл сўзини ишлатади, лекин уни ҳамма ҳар - хил тасаввур қилади.

Солиҳа аёл:
- У, барча ишда охират манфаатини устун қўяди. Бу дегани дунёдан узилиб олади - дегани эмас.

- У, эрига ҳудди ходим подшоҳга хизмат қилганидай итоатда бўлади. Бу дегани қул дегани эмас.

- У, эрига охиратни эслатишдан чарчамайди.

- У, агар эри намоз ўқимай қўйса, ундан аразлаб олади.

- У, эри олиб келганига рози бўлади.

- У, эри ғоиб бўлганда, мол- мулкини, бола - чақасини, уй - жойини муҳофаза қилади.

- У, оиладаги сирларни мутлақо ташқарига олиб чиқмайди.

- У, эридан ўзгани сирдош тутмайди.

- У, дунё матоҳларига муккадан кетиб, ҳар нени олиб беришини талаб қилавермайди. Бу дегани ҳеч нима сўрамайди дегани эмас. Эрини имкониятидан ташқарисини талаб қилмайди.

- У, эри нотўғри иш қилаётганда, шариат билан қайтаради.

- Унга бирор ишда ихтиёр берилса, «Шариатга тўғри келадими?» дея сўраб, тўғри келганини танлайди.

- У, эрини ҳолатига қараб муомала қилади. Эркаликни кўтарадиган вақт истаганча эркалик қилади. Кўтармайдиган вақт, меҳрибон онасидай бўлиб олади.

- У, фарзандларини ёшлигиданоқ, Исломий тарбия қилади.

- У, ҳаромдан қаттиқ нафратланади.

- У, ўзгаларга ҳасад қилмайди.

- У, эрининг ота - онасига гўзал муомилада бўлади.

- У, номаҳрамларга яқин йўлашни ҳаёлига ҳам келтирмайди.

- У, ибодатларини имкон қадар, мукаммал бажаришга ҳаракат қилади.

- У, беҳуда вақт кетказадиган сериалларга ошиқ бўлмайди.

- У, ҳамиша Исломий филмларга, нашидаларга, тиловатларга мойил бўлади. Фарзандлари учун, Исломий фақат Исломий ахлоқни ўргатувчи мултфилмлар кўрсатади.

- У, қўпол, баджаҳл бўлмайди.

- У, асло аёллик назокатини йўқотмайди. Ҳеч қачон эркаклашишга яқинлашмайди.

- У, эри ҳақидаги шубҳа - гумонлардан нари бўлади.

- У, эрини қизғонади.

- У, эрига итоатни Аллоҳга итоат- деб билади.

- У, эри шодлигида эркатой қиздай, маҳзунлигида меҳрибон онадай бўлади.

-У, кечиримли бўлади.

- У, эридан ақллик эканини исботлашга урунмайди. Ақллироқ бўлган чоғида ҳам, буни унга сездирмайди. Тўғрироқ фикрни ҳикмат билан етказади.

- У, кўчага интиладиган бўлмайди.

- У, кўпроқ оиласи билан уйда қолишни хуш кўради.

- У, ҳар - ҳил ношаръий базмларга, зиёфатларга ҳирс қўймайди.

- У, эрининг рухсатисиз, кўчага қадам ранжида қилмайди.

- У, ўзини номаҳрамларга намоён этмайди. Эрини даюс кимса бўлиб қолишдан доимо асрайди. Ўзини ўраб юради.

- У, фақат эри учунгина ясанади.

- У, гарчи ўзига маъқул келмай, юзларида норозилик аломати сезилса-да, эри айтганига «Хўп» дея итоат қилади.

- У, мободо эр ғазаб қилгудай бўлса, фақат сукут қилади. Гап қайтариб, олишмайди.

- У, уй - жойини покиза тутади.

- У, ўзи учун борлиқ бу эри деб билади.

- У, жаҳли чиқса, аёлликдан чиқиб кетмай жаҳл қилади.

- У, ўта кетган қайсар бўлмайди.

- У, вазиятлар тақазосига кўра доно ва ёш гўдакдай бўла олади.

- У, эрини намозга уйғотади. Турмаганига қўймайди.

- У, фарзандларига кунлик равишда, дуолар, ҳадислар, Қуръон оятларини ёд олдириб боради.

- У, ўзи учун эридан бошқа номаҳрам эркакларни мутлақо ҳаётидан ўчириб юборади.

- У, юқоридагиларни барини ичига олади!

Агар, сизда булар топилса, демак, сиз Инша Аллоҳ солиҳалардансиз. Сиз, куёвингиз учун дунё - охиратлари жамлаб берилган яхшиликсиз.!

Muhammadloiq qori

📚 Ibratli Hikoyalar 📚
❤20
#Шайх_Нобулсий_ўгитлари

Дининг овқатингдан арзонми?

Бир марта, қиш кунларида бўлса ҳам ширин (қиммат) ловия егиси келгани сабабли, машинасида шаҳарнинг бошқа тарафига бориб, сотиб олиб келадиган кимсани айтиб берган эдим. Аммо бу кимса учун
жума намозини қаерда ўқиш муҳим бўлмас, қаер тўғри келса ўша ерда ўқиб кетаверар, қайси масжид ва маъвизачи ким бўлиши мутлақ фарқсиз, икки ракъатни ўқиб тугатса ҳисоб бўлиб, шу билан иш тугар эди.
Мен ушбу инсон (кабилар) га бундай дейман:
- Сен учун дининг бир килограм ловиядан арзонроқми? Ширин луқма ейиш учун узоқ жойлардан таом олиб келишга ҳирс қиласан. Аммо, ўзинг манфаат топадиган мавъизани қидириб топишга эса умуман қизиқмайсан.
Аксар инсонлар жума намозини қаерда бўлса ҳам бир амаллаб ўқиб олишса ҳисоб... Жума намозида қаерда ўтириши қизиқ эмас, бир амаллаб тугатиб олишса ҳисоб. (жумага аввалроқ келиш савоби улуғ).
Аммо шундай одамлар ҳам борки, улар учун жума мавъизаси жуда ҳам қийматлидир. Шу сабабли улар масжиддаги ўриндан, маъизадан ва намоздан кўплаб манфаат топишади.

Абу Саид ал-Худрий розияллоҳу анҳудан ривоят қилинади: "Набий соллаллоҳу алайҳи васаллам: "Ким бир кунда беш амални қилса, Аллоҳ уни жаннат аҳлидан қилиб ёзади: Касални зиёрат қилса, жанозага қатнашса, рўза тутса, жумага борса ва қул озод этса", деб айтдилар.

Ибн Ҳиббон ривояти.

Шайх Муҳаммад Ротиб Нобулсий

Таржимон изоҳи:
Шайх Нобулсий танбеҳларида жон бор. Ишонмайсизми? Унда қулоқ солинг. Ичимизда шаҳарни қайси бурчагида энг зўр лағмон, шашлик, бешбармоқ, норин қилинишини жуда яхши биладиган, егиси келса ўзи, оиласи ёки дўстлари билан бориб еб келадиганлар кўп. Балиқ егиси келса Чинозга, Ялламага бориб еб келадиганлар бор. Ва ҳоказолар...
Тўғри пул топганники ва қаерга сарф этиш, нима таом ейиш ҳамманинг ўз ихтиёри. Аммо, ҳудди шундайин ғайратни, қандай бўлсада топиб боришни жумага, мавъизага ҳам йўлга қўйиш лозим.
Қидирсанг баҳона кўп. Мавъиза ундай, мавъизачи бундай, менга ёқмайди ва шу кабилар...
Аммо нафсул амр шуки, ҳар жойда ҳам гўзал услубда ва талаб қилинган мавъизачилар топилади. Таом қидиргандек қидирилса бас!
Имкони бўла туриб, жумага тақаб борадиганлар бор. Жума тугашини кутиб турадиганлар бор. Бу эса агар бирон сабабли бўлса узр, ундай бўлмаса аянчли ҳол.
Ширин ва ёқимли таомлар учун қилаётган ғайратимизни, имкони бўлса жума мавъизаси ва масжидга илгарироқ боришга ҳам қаратайлик.

Кут САБР қил....

📚 Ibratli Hikoyalar 📚
❤9👍2😢1
БАҲОСИ ЙЎҚ АЁЛЛАР ЁҲУД АСРАЛМАГАН ГУЛЛАР

Эрга итоат борасида ўзбек аёлларига етадигани дунёда йўқ бўлса керак деб ўйлайман.

Малайзияда бир укам бор. Тақдир тақозоси билан Малай қизга уйланган. Шу укам айтади:

Оналаримиз, умуман ўзбек аёллари тиллога тенг,  деб бир ҳўрсиниб гапириб қолди. "Чарчаб ишдан кеч келаман, уйга келганингда суюқми-қуюқми овқат тайёр бўлса бунга нима етсин. Майли, овқат қилиб кутиб олмасин, қорним оч икки дона тухум пишириб бер десам, хотинимга эриш туюлиб кулади. Ўзим пишириб ейман. Ҳеч шу нарсаларни ўргатолмаяпман", дейди.

Дубайда ишлайдиган дўстим айтади:

Дубайда қурилиш қилдик, ишчиларга ҳар куни уйдан овқат олиб келаман. Бир куни ёнимиздаги қўшни араб сўраб қолди:
— Бу овқатни қаердан олиб келяпсан?
— Уйдан, хотиним тайёрлаб беряпти
— Қўйсангчи алдама, хотиним менга овқат пишириб бермайди-ю, сени хотининг бутун жамоангга овқат қилиб берадими?. "Машааллоҳ, субҳаналлоҳ" деб такрорлашдан бошқа гапга ўтолмай қолди, дейди.

Туркиядаги танишим айтади:

Турклар аёлидан ҳасрат қилганини кўп эшитиб қоламан. Эрини қўлида пули борми-йўқми умуман қизиқтирмас экан. Эр ишдан келишига "бизни палон ресторанга олиб бор, шунақа овқат егимиз келяпти" деб, фарзандларини кийинтириб тайёр бўлиб олар экан. "Қўлимда пулим йўқ ойлигим чиқса — борамиз" деса, мен билмайман деб, қайсарлик қилиб туриб олар экан.

Буларни ёзиб бошқа миллат аёлларини ёмонлаш эмас мақсадим.

Балки, ўзбек аёлларимиз қадрини  билмаётганимиз ва биздагидек аёллар ҳеч ерда йўқлигини эслатмоқчиман холос.

Эрталаб намозга уйғотса, нонушта тайёрласа, фарзандларингизни оқ ювиб, оқ тараб мактабга жўнатса,  кийимларингизни дазмоллаб тахт қилиб қўйса, айтганингизни қилса, гап қайтармаса, ишдан келишингизга жилмайиб кутиб олса, уйда доим мазали иссиқ овқатингиз тайёр бўлса. Бунақанги аёллар қаерда бор?

Аёлингиз меҳнатини қадрланг, ҳадялар бериб хурсанд қилиб туринг.

Инсон неъмат қадрини фақат йўқотгандагина ҳис қилар экан. Кейин кеч бўлиб афсус қилиб қолманг, дейман-да...

📚 Ibratli Hikoyalar 📚
❤24👏5🥰2
Бир одам иккинчисидан қасос олиш мақсадида илон сотиб олишга қарор  қилибди. Нияти шундай  қилиш эканки – илон ўша айбдорни чақиб олсин.  Бунинг учун у тунда, ҳамма  уйқуга кетган пайтда, ҳеч ким кўриб қолмаслиги учун илон овчисининг ҳузурига  борибди. Шоша-пиша дуч  келган илонни танлабдида  пулини бериб, уни қўйнига  солиб қўйибди. Ўч олиш  ниятини ўзгалар кўзидан  махфий тутиш мақсадида шу ҳолида уйига равона  бўлибди. У тез орада айбдор  билан учрашиб, уни илонга  чақтиришни уюштиришга  умид қилибди. Бироқ насиб  қилмаган экан, интизорлик  билан кутилган учрашув  чўзилиб кетибди. Натижада  аламзада одам режасини  амалга оширишга пайт  пойлаб, қаерга борса ҳам,  илонни қўйнида олиб юришга мажбур бўлибди. Ва ниҳоят улар учрашгач одам  ўйлаганини амалга  оширибди. Қаршисидаги  айбдор оғриқдан "дод” деб  юборибди.
- Нега бақирасан? - деб  сўрабди аламзада, - мен  йиғламаяпман-ку!
- Сен нимага йиғлашинг  керак? Илон сени  чақмади-ку! - деб қўлини  ушлаганча таъна қилибди айбдор.
- Нима?! Баданимни қарагин. Сени жазолаш учун илонни  ёнимда олиб юрганимда  танамни тишлайвериб қай  аҳволга келтирди. Яхшиямки заҳарли эмас экан...

Шу сўзларни айтиб  аламзада одам кўйлагини  очиб, яраларини кўрсатибди. Айбдор унга тикилиб ўйга  толибди.
- Нега индамайсан? - дебди  аламзада.
- Ўйлаб қолдим. Биргина  кичик қасос олишга ўзингни  шунчалик қийнашинг  шартмиди? Арзирканми  шунга шунча азобланиш?  Энди ўйланиш навбати  қўйнида илон олиб юрган  одамга келибди....

P. S.: Кимдандир аламзада бўлиб, буни ичимизда сақлаб юрсак, фақат ва фақат ўзимизга жабр қиламиз. Алам ва қасос олиш нияти бизни  кемирмаслиги учун энг яхши йўл – кечириб кетишлик. Агар кечириш қўлимиздан келмаса, барчасини Аллоҳга ҳавола қилиб, унутишга ҳаракат  қилганимиз яхши. Аламларимиз қўйнимиздаги  илонга айланиб қолмасин...

📚 Ibratli Hikoyalar 📚
❤10👍3
- Дадаси, тахоратингизга сув тайёрлаб қўйдим.
- Дадаси, нонушта тайёр, турақолинг.
- Дадаси, ташқарида совуқ бўляпти, қалин курткангизни кияқолинг.
- Дадаси, йўлларда эҳтиёт бўлинг.
- Дадаси, тушлик қилиб олинг.
- Дадаси, кеч қолмай келинг.
- Дадаси, келяпсизми, таом тайёр бўлди.
- Дадаси, чарчамадингизми.

Булар аёлнинг эрига “Дадаси, мен сизни яхши кўраман” деган гапининг турли услубдаги изҳорлари.

- Онаси, яхши ўтиринглар, Ўзига омонат.
- Онаси, рўзғорда нима кам, келишимда нима олиб келай?
- Онаси, болаларимиз сени қийнамадими?
- Онаси, кун бўйи чарчамадингми?
- Онаси, пиширган таоминг жуда мазали бўпти.
- Онаси, кийининглар, кўчани айланиб келамиз.
- Онаси, узр, кел ярашайлик.
- Онаси, қанақа кўйлак оберай?
- Онаси, мени дуо қил.

Булар эрнинг аёлига “Онаси, сени яхши кўраман” деган гапининг турлича изхорлари.

Яратган Эгам ҳамма оилаларни тотув, саодатли қилсин, жанжалдан асрасин. Оила неъматига эришмаганларга солиҳ-солиҳа жуфтлар ато этсин...

📚 Ibratli Hikoyalar 📚
❤17🥰4
....Ҳавасим келяпти

🔸️Уйланиш ташвишида юрган 25 яшар йигит, тинмай йиғлаётган 4 яшар болага деди: - “Бунча йиғлайсан, маза қилиб овқатланиб, мултфилм кўриб ётмайсанми? Бирор ўйловинг бўлмаса. Сенга ҳавасим келяпти...“.

🔸️Маошини у ойдан бу ойга етказаётган 35 яшар эркак, уйланиш ташвишида юрган 25 яшар бўйдоққа деди: “Бунча сиқиласан? Уйланарсанам, жонинга ҳам тегар. Мана, қарагин, аҳволимни. Сенга жуда ҳавасим келяпти...“.

🔸️Бизнеси ўхшамаган ва банкрот бўлиб боши ташвишдан чиқмаётган 55 яшар киши, 35 яшарга деди: “Борига шукур қилинг. Кам маош олсангизам, қулоғиз тинч. Мана, умрим бўйи боримни берган бизнесим касодга учраб, қулоғимгача қарзга ботиб кетдим. Сизга қанчалик ҳавас қилаётганимни тасаввур ҳам қилолмайсиз..“.

🔸️Унинг гапини эшитиб турган 70 яшар чол деди: “Бунча сиқиласан? Менга ўхшаб, белинг қақшаб, оёғинг қалтирамаяптику, ўрнингда бўлганимда тоғни уриб, талқон қилардим. Ҳавасимни келтирма...“.

🔸️Қабрда ётган марҳум уларга қараб нидо қилди: “Барчангизга ҳавасим келяпти, чунки сизда тавба қилиш имконияти бор. Қани эди менда шундай имконият бўлганида эди, бутун ҳаётимни унга фидо қилардим...“.

📚 Ibratli Hikoyalar 📚
❤6❤‍🔥3👍3🤔1
Кунларнинг бирида бир инсон ўзининг хотини ва фарзандлари билан кўп ўринли машинасида узоқ сафарга чиқишди. Йўлда кетаётиб улар йўл ёқасида турган бир шахсга дуч келишди ва ундан сўрашди:
– Сен кимсан?
– Мен Пулман, – деб жавоб берди ҳалиги шахс.
У хотини ва болаларидан сўради:
– Бу шахс биз билан бирга боришига нима дейсизлар?
– Ҳа, албатта. Чунки биз Пул билан ўзимиз хоҳлаган ҳамма нарсани қила оламиз ва ўзимизга ёққан ҳамма нарсани ола биламиз, – биргаликда жавоб беришди хотини ва болалари.

Улар Пулни олиб сафарларини давом эттиришди. Машина йўлида давом этар, улар эса ўзларини янада бахтиёр ҳис қилиб боришарди. Шу пайт ҳалиги одам йўл ёқасида яна бир шахсга дуч келди ва ундан сўради?
– Сен кимсан?
– Мен Куч-қудратман, – деб жавоб берди ҳалиги шахс.

У хотини ва болаларидан сўради:
– Бу шахс биз билан бирга боришига нима дейсизлар?
– Ҳа, албатта. Чунки Куч-қудрат билан ўзимиз хоҳлаган ҳамма нарсани қила оламиз ва ўзимизга ёққан ҳамма нарсани ола биламиз, – биргаликда жавоб беришди хотини ва болалари. Улар Куч-қудратни олиб сафарларини давом эттиришди. Шу тарзда улар йўлларида давом этишди ва ўзлари билан Роҳат, Орзу-ҳавас ва Ҳавойи нафс каби шахсларни йўлдан бирма- бир олиб кетишди. Йўлда улар яна бир шахсга дуч келишди. Отаси у шахсдан сўради:
– Сен кимсан?
– Мен Иймонман, – жавоб берди ҳалиги шахс.
Ҳалиги одам, хотини ва болалари бир овоз билан жавоб қайтаришди:
– Йўқ, ҳали вақти эмас. Биз бу сафаримиздан маза қилиб роҳатланишни хоҳлаймиз. Сен эса бизларни бу нарсалардан чеклайсан. Биз эса бунга дош бера олмаймиз ва натижада сенга садоқатли бўла олмаймиз. Бу - биз учун оғир юк. Машинамизда эса сенга етарли жой йўқ. Лекин сенга ваъда бериб айтамизки, биз кўп ўтмай сени олиб кетиш учун олдингга қайтиб келамиз.

Улар уни йўлда қолдириб сафарларини давом эттиришди. Ҳеч қанча юрмасларидан туриб, йўл четида “Тўхта” деб ёзилган белгига дуч келишди. Белги ёнида бир шахс турарди. У шахс машинадаги одамга туш дегандек ишора қилди ва олдига чақириб деди!
– Сеннинг сафаринг тугади. Қани, мен билан
юр!

У одам қўрқувдан дағ-дағ титради ва бир сўз ҳам айта олмади.
– Мен сенинг машинангдан Иймонни излаяпман. У сизлар биланми? –
гапини давом эттирди ҳалиги шахс.
– Йўқ, биз уни сал орқароқда қолдирдик, агар рухсат бера олсанг, биз уни бориб олиб келардик. – Сенда орқага қайтишнинг имкони йўқ. Сафар тугади!
– Лекин менда Пул, Куч-қудрат, Роҳат, Орзу- ҳавас бор…
– Улар сенга фойда келтира олмайди ва сени Унинг олдида ҳимоя қилолмайди. Ақалли биттаси ҳам! Сен бу сафаринг ниҳоясида уларнинг ҳаммасини ташлаб кетасан, фақат Иймондан ташқари! Ҳа! Сал орқада ташлаб кетганинг – Иймондан ташқари.
– Сен ўзи кимсан?
– Мен Ўлимман! Сен сафар давомида ёдга олмаган ва эътибор бермаган
– Ўлимман!

У одам тўрт-беш қадам ташлаб машинасига қаради. Машинада сафарни давом эттиришга ҳозирлик кўраётган хотини болалари ва “содиқ” ҳамроҳларини кўрди-ю, қўлидан ҳеч бир иш кела олмаслигини ўйлаб, Ўлим билан бирга кетди…

📚 Ibratli Hikoyalar 📚
❤22🏆2😢1
#ИШГА_ОЛАМИЗ

📣📣18 ёшдан 45 ёшгача бўлганлар 👨‍💼👩‍💼учун уйдан чиқмай кунига
7⃣0⃣.0⃣0⃣0⃣мингдан 1⃣5⃣0⃣.0⃣0⃣0⃣ мингача💰 пул топинг.

⏰Иш вақти: Кунига 2 - 3 соат.
Бизда хеч қандай алдов йўқ❗️

✅Пул тикмасдан уйдан чиқмасдан туриб ишлашни хоҳласангиз

✅Ойига 1⃣0⃣-2⃣0⃣ Млн. ойлик олишни хоҳласангиз бизга мурожаат қилинг

❗️Жойлар Сони чегараланган

https://t.me/+vHr2320bFNQxY2M6
❤4👍1
Зайнул Обидин раҳимаҳуллоҳ бир аёлга уйланмоқчи бўлиб унга никоҳ мажлисида шундай деди:
- Мен ёмон хулқли, дақиқ мулоҳазали, қаттиққўл, ғазаби тез чиқиб секин қайтадиган кишиман.
Аёл шундай деди:
- Сизни ёмон хулққа муҳтож қиладиган аёл сиз айтганлардан ҳам ёмондир.
- Каъбанинг Роббига қасамки, сенга уйланганим бўлсин,; - деди.
 
Улар йигирма йил турмуш кечиришди. Бирор-бир ҳодиса содир бўлмади. Бир-бирларидан фақат яхшилик кўришди. Кунларнинг бирида ораларида хилоф пайдо бўлиб Зайнул Обидин унга "ишинг ўз қўлингда" деб юборди (яъни бу, ҳоҳласанг кетишинг мумкин, талоғинг ўз қўлингда, дегани эди). Шунда хотини деди:
- Ўнлаб йиллар ишим сизнинг қўлингизда бўлди. Уни чиройли муҳофаза қилдингиз. Энди мен уни зое қилиб қўймасимдан бурун яна сизга қайтараман.
 
Шунда Зайнул Обидин раҳимаҳуллоҳ деди:
- Аллоҳга қасамки, сен менга Аллоҳ берган неъматларнинг энг буюгисан!
  
Мушкулотлар ечими аёлнинг қўлида. Эркакнинг табиати қандай бўлмасин аёл унга эга чиқа олади. У ўзининг закийлиги билан эркакни юмшата олади. У ўзининг муҳаббати билан эркакни асир қилиши мумкин. У ўзининг сабри, тасарруфи, ширин сўзлари билан эркакни яхши томонга ўзгартира олади.
 
• Эй эркаклар! Биллурларга эҳтиёт бўлинг.
• Эй биллурлар! Сизни кўтариб юрганларга юмшоқ муомалада бўлинг!

📚 Ibratli Hikoyalar 📚
❤6👍5
Албатта, Роббингнинг чангали жуда шиддатлидир

Бир киши ғарб мамлакатларидан бирига сафар қилди. У ерда бузуқчилик қилди. Унинг хотини, фарзандлари бор эди. У сафардан бемор бўлиб қайтди. Хотинига айтишга хижолат қилди. Чунки у хотинига хиёнат қилган эди. У бориб-келиб муолажа олиб олти йил юрди. Шифо топгунича беҳисоб пули кетди. Ўзининг дўстига шундай дейди:
"Аллоҳга қасамки, шу гуноҳимни эсласам қалбим ёнади".
"Албатта Роббингнинг чангали жуда ҳам шиддатлидир!".
Бир киши зинокорлик қилар эди. Қаерда чиройли аёл борлигини эшитса уни тузоғига туширишга ҳаракат қилар эди. Аллоҳ таоло унинг жинсий аъзосини ифлос бир касалликка мубтало қилди.
"Албатта Роббингнинг чангали жуда ҳам шиддатлидир!".
Бир йигитни биламан. Ёшликнинг авжида у. Уйи бор, машинаси бор. Жуда катта фойда келиб турадиган иши ҳам бор. Аммо Аллоҳни танимайди. Араб шаҳарларидан бирига борибди. Пляжга чўмилгани борибди. Унинг қулоғига вирус кириб кар қилибди. Умуман эшитмайдиган бўлди. Ўзини ерга отиб "кар бўлиб қолдим" деб гўдаклардай йиғлайди.
"Албатта Роббингнинг чангали жуда ҳам шиддатлидир!".
Бир киши яхши, тўғри юрадиган, диёнатли ва мастура аёлга уйланди. Аёлнинг бу кўриниши эрига ёқмади. Уни ўз дўстлари билан аралаш ўтиришга, ўйнаб кулишга мажбурлади. Охири диндан чиқарди. Унинг кўзига Аллоҳ чидаб бўлмас дард берди. Бир табибдан иккинчисига қатнайверди. Фойда бўлмади. Охири бир табиб унинг кўзини олиб ташлаш лозимлигини айтди. Унинг кўзи ўйиб олинди.
"Албатта Роббингнинг чангали жуда ҳам шиддатлидир!".
Бир киши хотинига талоқ бермоқчи бўлди. Хотинининг айби еттита қиз туққани эди. Саккизинчисига ҳомиладор эди. У бунинг ҳам қизлигини билиб қўрққанидан эрига айтмади. Туғиш соати яқинлашгач аёлнинг синглиси опасига поччаси ҳам шифохонага кетаётганини, қиз туғса уни талоқ қилишини айтди. Аёл қаттиқ йиғлади. Ўша кун ёмғир ёғаётган эди. Эрининг машинаси ёмғирда сирғаниб эр ҳалок бўлди.
"Албатта Роббингнинг чангали жуда шиддатлидир!".
Бир йигит хотини билан тортишиб уни қаттиқ урди. Хотини қаттиқ жароҳатланди. Аммо ҳеч қаерга шикоят қила олмади. Фарзандлари тақдиридан хавотирланди.
Эр иккинчи хотинга уйланишга қарор қилди. Никоҳдан олдин дўстлари уни ҳаммомга олиб боришди. Ярим соатдан сўнг у ҳаммомда жон берди. Ташхис инфаркт.
"Албатта Роббингнинг чангали жуда шиддатлидир!".
Димашқда бир киши яшар эди. Ёз кунлари уёқдан-буёққа юришни яхши кўрар эди. Унинг аёлларга термилишдан бошқа иши йўқ эди. Ўзича: "Аллоҳ гўзал. Гўзалликни севади", дер эди. Менинг бир дўстим унга қўшни эди. Унга насиҳат қилибди:
-Сен ҳам эркаксан-ку! Сенинг ҳам қизларинг бор-ку!
У дебди:
- Ҳеч нарса қилаётганим йўқ-ку! Фақат қараяпман.
Аллоҳ бу инсонни қовоқ заифлиги касаллигига мубтало қилибди. Кўз қовоғи ўзи очилмайди. Сени кўрмоқчи бўлса қўли билан қовоғини кўтариб сени кўради.
"Албатта Роббингнинг чангали жуда шиддатлидир!".
Ливанда бир киши бор. Унинг ширинликлар ва пишириқлар ишлаб чиқарадиган корхонаси бор. У Ливандаги энг машҳур корхоналардан ҳисобланади.
Унинг маҳсулотларини ҳар куни бир юк самолёти Амирликларга етказиб беришини эшитган эдим. Хуллас у пишириқ ва ширинликлар қироли экан.
Бир куни корхонага кирибди. Бир ишчининг иши ёқмасдан хамирни ерга ташлаб оёқлари остига ташлаб топтабди. Ишчи: "Хамирни босманг хўжайин" деса кибр билан: "Одамлар менинг оёғим остидан ейишади", дебди. Ана шу ҳодисадан бир ой ўтиб унинг оёғи қорасон бўлди. Тиззасидан икки оёғи кесиб ташланди. У ҳозир ҳам тирик. Мамлакатнинг ғарбий томонида яшайди.
"Албатта Роббингнинг чангали жуда шиддатлидир!".
Бир аёл туғмаган эди. Эрига бошқа хотин олиб берди. Янги кундош иккита бола туғди. Бир куни икки кундошнинг гапи қочиб болали хотин кундошига деди:
"Ичинг куйиб ўл! Мен яна ҳомиладорман. Олдимда бола, қўлимда бола" деди.
Ишонасизми, ўша хотиннинг учта боласи ҳам бирин-кетин ўлди. Туғмаган аёлнинг эса ҳозир бешта боласи бор.
"Албатта Роббингнинг чангали жуда шиддатлидир!".
(Муҳаммад Ротиб Нобулсий)
Манба: xatibuz

📚 Ibratli Hikoyalar 📚
❤16👍7🔥5
Ilm bu seni ohirating va dunyoying go'zal qiluvchi omil )

📚 Ibratli Hikoyalar 📚
❤1
This media is not supported in your browser
VIEW IN TELEGRAM
Мусулмон киши 3 кундан зиёд аразлаб юришга ҳаққи йўқ.

✅ Албатта яқинларингизга ҳам юборинг.

📚 Ibratli Hikoyalar 📚