Ғурурдан баланд меҳр

Бугун шундай бўлди. Сўнгги русумдаги учта уловни эшигига қаторлаб қўйган, муҳташам ҳовлиларида даврон сураётган бир қадрдоним телефон қилиб қолди.
— Бир кўришайлик, — деди овозида одатдагидан фарқли бир оғирлик билан. — Фалончи ака анчадан бери хаста эмиш. Бир хабар олайлик... Фақат, иложи бўлса, сизнинг мошинангизда борайлик.
Телефонни ўчирдиму, ичимда бир нарса узилгандай бўлди. «Ижирғаниш» деймизми, «ғашлик» деймизми — кўксимни чимчилаб ўтди. «Тавба, учта "иномарканг" бор-ку! Кунинг менинг унча-мунча ишга ярамай қолган эски «Кобалт»имга қолдими?» деб хаёлимдан ўтказдим. Хасисликка йўйдим, кўнглим ғашланди. Эътироз билдирмадим-у, лекин ичимдаги ўша совуқ ўй билан йўлга чиқдим.
У билан бозор атрофида учрашдик. Катта бозорлик қилдик. Аммо мени бир сўм ишлатишга қўймади, ҳамма харажатни ўзи кўтарди. Лекин менинг хаёлимда ҳали ҳам ўша — мошина масаласи соя солиб турган эди.
Хаста танишимизнинг дарвозаси олдига келиб тўхтадик. Ичкарига кириб, уни кўрдим-у, юрагим орқага тортиб кетди. Қачонлардир тоғни урса талқон қиладиган, моддий томондан ҳам, жисмоний томондан ҳам бақувват бўлган одамнинг ўрнида бир сиқим суяк ўтирарди. Чўкибти, жуда озиб кетибди. Кўзларида мажолсиз бир ҳасрат. Суҳбат асносида билдикки, бошига тушган бу хасталик камдай, бизнеслари синиб, ҳатто уйини сотувга қўйишга мажбур бўлибди.
Дўстим унинг ёнига ўтирди. Елкасидан қучди, сўзларида шунчалар самимият ва илиқлик бор эдики, хаста одамнинг кўзларида йиллар давомида сўнган умид учқунлари қайта ёнгандай бўлди.
— Уйни сотманг, — деди у босиқлик билан. — Фарзандларингиз бўй етиб қолди, уларнинг кўнгли ўксимасин. Муаммолар ўтиб кетади, ҳаммаси жойига тушади.
Чиқиб кетаётганимизда, у беморнинг кафтига оҳиста бир даста пул тутқазди. Шундай қилдики, гўё ёрдам бераётгандай эмас, балки қарзини қайтараётгандай тавозе билан.
Ташқарига чиқдик. Кўчага етганимизда дўстим тўхтаб, қўлимдан калитни олди. Бизни кузатиб чиққан бемор бой дўстининг оддий мошина рулига ўтирганини кўриб, ғалати қараб қўйди. Иккии километрлар юргач, дўстим калитни узатди:
— Мошинани энди ўзингиз ҳайданг.
Яна ҳайрон қолдим. Миямда мингта савол чарх урарди. Узоқроқ кетгач, у чуқур хўрсинди-да, менинг аҳволимни сезгандай изоҳ берди:
— Бемор одамнинг кўнгли жуда нозик бўлади, — деди у паст овозда. — Ҳозир у жисмонан қийналяпти, устига-устак иши юришмай, моддий аҳволи ҳам хароб бўлиб турибди. Агар биз унинг эшиги олдига ҳашаматли уловда борганимизда, унинг кўнгли ўксир эди. "Булар маза қилиб юрибди, мен эса..." деб ич-этини ерди. Шунинг учун унга «ҳаммаси жойида» эканини кўз-кўз қилгим келмади. Оддийроқ борайлик деганим шундан...

У гапирар эди, мен эса машина рулини чангаллаб, пешонамдан чиқаётган совуқ терни сезмай қолибман. Томчи-томчи тер эмас, ичимдаги торлик ва инжиқона хаёлларимнинг уяти эди бу.
Бир-бирини сотишга тайёр, бировнинг йиқилганидан ҳузур қиладиганлар ҳозиру нозир бу замонда... ўз дўстининг, ҳатто унинг нозик қалбини асраш учун шунчалик теран ўйлайдиган одамлар бор-а!

Ҳилвираб қолган бу дунёни аслида шундай, ўз манфаатидан кечиб, ўзгаларнинг шаъни ва кўнглини ҳар нарсадан баланд қўя оладиган "чин ИНСОНлар" ушлаб турган бўлса, ажаб эмас.

Мақсуд Жонихонов

📚 Ibratli Hikoyalar 📚

​​#СУБҲИДАМ
-43-

ўшнақа "коничва" ! Бу менинг алигим.

- Бир илтимосим бор деяптувмидинг ?!

- Ҳа , малол келмаса

- Айтчи , қўлимдан келса , бемалол ...

- Суюма , очиғини айтсам, шу харф териб вақтим кетиб қолади . Қўнғироқ қилсам, овозингни эшитсам, кейин сени кўрмаганимгаям олти ойдан ошди... Ҳеч бўлмаса овозингни эшитай деган эдим...

- Фозил ...

- Ҳа

- Гаплаша олмайман. Робия тиқ этса туриб олади . Жуда сезгир. Сен билан гаплашиш учун эса уни ташлаб бошқа хонага чиқа олмайман.

- Ундай бўлса майли. Ўтган сафар расмини кўрганимдан буён кўз ўнгимдан кетмай қолган . Кўз тегмасин, ўзиям роса ширин қиз бўлибди.

- Ҳа нимасини айтасан?! Бир зум кўрмасам соғиниб қоладиган бўлганман.

- Суюма... Суюма- юююю?!

- Шеттаман , Фозил . Нима дейсан?!

- Биз Фотима- Зуҳра опамизни фотиҳа қилдик , насиб қилса баҳорда тўй... Улар ўзларига ўхшаган эгизакларга турмушга чиқишяпти. Қизиғи Фотима опам - Ҳусанга, Зуҳра опам - Ҳасанга тегаяпти. Учрашувга чиқишганда адашиб кетишган экан. Тақдирлиги шунақа ёзилиб қолибди . Энди Зуҳра опам ҳар куни Фотима опамни жиғига тегаяпти: "Мен катта келин бўламан, опа дейсан" деб .

Кейинги баҳорда эса мени уйлантиришмоқчи ...

- Опаларинг бахтли бўлишсин.
Борган жойларида туп қўйиб палак ёзишсин. Тақдирлиги асли ўзи туғилганларидан шундай ёзилган ... Шунинг учун ҳаётларида "адашиш" саҳнасининг ценарийси ёзилиб қолган...

Сен эса ...ҳммм , майли сенгаям бахтли бўлишга руҳсат ...

- Йўғееей , ҳақиқатдан руҳсатми ?! Ҳайрият , Суюма бахтли бўлишимга руҳсат берармикан деб юрагим роса така- пука бўлаётган эди. Энди кўнглим жойига тушди... Сен айтасан- у , мен бахтли бўлмас эканман-ми ?

Уларниинг суҳбатлари ҳали - бери тугай демас эди ...

* * *

Абдумажид сафарга кетганига беш ойдан ошди . У кунда-кунора фарзандларидан хабар олишга эринмас, белгиланган вақтда улар билан интернет орқали боғланиш одат тусига кириб қолган эди .
Аммо бугун иш билан банд вақтида унга Тошкентдан чақириқ бўлиб қолганига ҳайрон бўлди , сўнг кўнглига ҳавотир оралаб у ҳам жавобан алоқага чиқди.

"Мана гап қаерда экан?!"

Планшет Шаҳзоджоннинг қўлига тушибди. Боласи тушмагур адасига хабар етказиш йўлини уддалабди.

Шаҳзод экрандаги адасига кўзи тушиши билан дарҳол саломга ошиқди :

- Ассалому алайкум , адажон .

- Ваалейкум ассалом , ўғлим. Уйда бир ўзингмисан ?! Қолганлар қани ?!

- Улар телевизор кўришаяпти. Мени сизга алё қилганимни билишмайди .

- Болам , ўзинг яхши бола бўлиб юргин. Менгачи , тоғанг , бувинг ёки буванг борларида алё қилгин, хўпми ?

- Холам бўлсалар-чи ?! Ўзи сизга алё қилганимда доим холам бўладилар- ку?! Улар сизга Робишни кўрсатадилар- ку ?!

- Ҳа холанг борида ҳам алё қилавер, майли ...

- Адажооооон , ада ! Ҳоламничи ...

давоми бор

Муаллиф: Хазонрезги

Каналимизга обуна бўлинг 👇

ТОЖИК ПОЕЗДИ

1995 йил. Жиззах шаҳри. Темир йўл вокзали.

Ўшанда мен 15 ёшли ўсмир эдим. Икки ёш катта қариндошим билан бирга йўловчиларга пиво сотиш учун вокзалга келгандик. Вокзал олди гавжум: кимдир нон, кимдир майиз, яна кимдир бизга ўхшаб пиво сотарди. Ҳамманинг мақсади битта — бир парча ризқ топиш.

Соат бешлар атрофида вокзалга поезд кириб келди. Бу Тожикистондан Москвага йўл олган йўловчи поезди эди. Тожикистонда давом этаётган фуқаролар уруши сабаб юртини тарк этаётган, асосан рус қочқинлари билан тўла эди.

Поезд тўхташи билан йўловчилар вагон эшиклари ва деразаларига ёпирилишди. Мен эса пиво сотаман, деб кутардим. Аммо ҳеч ким пиво сўрамади. Ҳамма фақат бир нарсани такрорларди:

— Сув борми? Нон борми?

Вагонлар одамга лиқ тўла. Кўпчиликнинг кийимлари юпун, юзларида эса урушнинг азоби, очлик ва умидсизлик акс этарди.

Бир неча дақиқада нон сотувчиларнинг бор маҳсулоти тугаб кетди. Ҳатто кўпчиликка етмай қолди. Энг оғири эса шунда эдики, айрим йўловчиларнинг қўлида бир сўм ҳам йўқ эди. Улар ҳеч нарса талаб қилмас, фақат умид билан нонга қараб турарди.

Шунда шеригим чўнтагидан пул чиқариб:

— Югур, дўкондан нон олиб кел, — деди.

Мен ўнтача буханка нон олиб келдим. Ичимда: «Энди сотамиз», деб ўйлагандим. Аммо у ҳеч иккиланмасдан, термулиб турган бир рус кишисини чақирди-да, нонни қўлига тутқазди.

Аввалига у ҳайрон бўлиб турди. Кейин нон текинга берилаётганини тушуниб, уни аста олди, «раҳмат» деди-ю, вагон томон югурди.

Бу манзарани кўрган бошқа пулсиз йўловчилар ҳам кела бошлашди. Бирпасда қўлимиздаги нонлар тарқаб кетди. Лекин нон сўраётган қўллар ҳали ҳам жуда кўп эди.

Бу ҳолатни кўрган бошқа сотувчилар ҳам бефарқ туролмади. Кимдир дўкондан яна нон олиб келди, кимдир сув, кимдир бошқа егулик. Дўконларда нон тугагунча одамлар оч йўловчиларга озиқ-овқат тарқатишди.

Кимгадир насиб қилди, кимгадир эса йўқ...

Поезд жойидан қўзғалиб, секин ҳаракатлана бошлади.

Шу пайт тахминан 60–70 ёшлардаги бир рус чол темир панжара ёнига келиб зорланди:

— Илтимос... Нон беринглар. Вагонда кампирим оч...

Аммо ҳеч кимда нон қолмаган эди.

Поезд тезлигини ошира бошлади. Чол ортига ўгирилиб, ҳаракатланаётган поезд ортидан югурди. Очиқ турган вагон эшигига чиқмоқчи бўлди. Шу онда оёғидаги калиши поезд тагига тушиб кетди. Уни олиш учун энгашди...

Ва ўзи ҳам поезд тагига йиқилди.

Қий-чув кўтарилди.

Поезд тўхтади.

Чол поезд тагида қолди...

Вагонда эса оч-наҳор, чорасиз кампири...

Мен эса қотиб қолгандим. Шеригим елкамга қўлини қўйиб:

— Кетдик... Милиция келяпти, — деди.

Шунда ўзимга келдим.

Биз жимгина кетдик...

Орадан ўттиз йилдан ошди. Лекин ўша манзара ҳали ҳам кўз олдимдан кетмайди.

Баъзан ўзимдан сўрайман:

«Агар биз текинга нон тарқатмаганимизда, ўша чол тирик қолармиди?»

Бу саволга ҳеч қачон жавоб тополмадим.

Аммо йиллар ўтиб яна бир савол туғилди:

«Агар ўша куни ҳеч ким текинга нон тарқатмаганида, қанча одам яна бир кунни очлик билан ўтказарди?»

Буни ҳам билмайман.

Лекин бир нарсани аниқ биламан: инсон қўлидан келган яхшиликни қилишдан тўхтамаслиги керак. Чунки яхшиликнинг оқибати ҳамиша бизнинг қўлимизда бўлмайди.

📚 Ibratli Hikoyalar 📚

Яхши ҳам сиз борсиз опажон...

Дард келса бошимга, сирдошим,
Дардларга етади бардошим.
Жонимсиз, жигарим, жондошим
Яхшиям сиз борсиз опажон...

Укам деб, эркалаб, суясиз,
Меҳрибон, ягонам бўласиз,
Қалбимга нур бўлиб тўласиз,
Яхшиям сиз борсиз опажон...

🤍❤️🤍❤️🤍❤️🤍❤️🤍
Яқинларга Улашинг.. 🌸

Каналимизга обуна
бўлинг👇💖

1999-yilda Otajon Xudoyshukurov xotirasiga bag’ishlangan ko’rik tanlovidagi chiqishimiz 1-qism
Сойибжон Ниёзов
Эгамберган хожи Машарипов тавсияси

📚 Ibratli Hikoyalar 📚

#МУТОАЛАА_ЗАВҚИ

#СУБҲИДАМ
(давоми)

-44-

- Шаҳзод ! Нима қилаяпсан бу ерда ?

Абдумажид Жалолиддиннинг юзини кўрмаса ҳам овозидан таниди, у ҳой дейишга улгурмай Шаҳзод тармоқдан узилди

* * *

Май ойининг охирги кунлари...
Кунлар илиқдан иссиқга ўтган , кечаларга ҳам бошқача бир тароват кириб қолган кунлар.
Ҳавода атиргул ва райҳон ҳиди кезади. Бу йил баҳор эрта келди. Ўзбегимнинг қўли гул миришкор инсонлари бор бўлсин. Улар ҳатто райҳонни ҳам иссиқхонада эрта баҳордан барқ уриб ўсишга , ўз хушбўй ҳиди билан инсонларнинг ҳаётида ҳарна эртароқ меҳмон бўлишга ундаб қўядиган бўлдилар.
Йўлдош ака ҳам икки хафта аввал Шаҳло опанинг "Ҳали эрта , бундай вақтларда яна бир кун совуғининг келиши бор" деганига қарамай , гул бозоридаги энг мунис чечаклардан саралаб келганди. Уларни ўзи астойдил хавас билан ҳовлига қадади. Шаҳло опа айтган "куннинг совуғи" келмади . Қайтага кун кун сари исиди. Мана икки хафтадаёқ хушбўй райҳон- у жамбиллар бўй таратиш , анвойи капалакгуллар ўз гуллари ила киши кўнглига завқ улашиш тараддудига тушиб қолдилар.
Суюма ҳар кунгидек бугун ҳам барвақт уйғонди . У ўзини қучганча беозор пишиллаётган Робияни секин ўзидан ажратди. Устига енгил қилиб юмшоқ пар кўрпани ташлади. Унга меҳр билан тикилар экан , лабларидан кунига юз бора такрорлайдиган сўзлар оҳиста учди : "Шакарим ўзимни"
Баҳорнинг охирги ойида Робияга оёқ битганди . У антак - тантак юришни ўрганиб олди .
Суюма ширинтойининг бу ютуғидан боши осмонга етган эди. Энди ҳар кунги эркалашларнинг асоси "ачалом" бўлиб қолган эди.
Суюма бўш қолди дегунча ерга тиззалаб олганча қулочини кенг очар ва "ачалом" ни бошлар эди:

- Ачалом, ачалом ...

Робия эса бошқаларни кўзини куйдирганча Суюмага ачаломга ошиқар эди . Унинг гандираклаганча юришига маст бўлган бошқа инсонлар учун "ачалом" эшиклари негадир берк эди.
Бунга сари Суюманинг "ачалом" бозори қизир эди.

Суюма ўзи суюгани субҳидамга ошна бўлиб кўча ва ҳовлиларга сув сепди. Сўнг ошхонага кириб , човгумга тўлдириб сув солди. Уни газга қўйиб , тагини паст қилиб ёқди- ю , аста хонасига йўл олди.
Суюма овоз чиқармасликка ҳаракат қилганча Робиянинг ёнига чўзилди.
"Робиянинг кетма - кет қилиқлари чиқаяпти" ўйлади Суюма унга тикилиб . У ҳали ҳам кечалари бир бор туришини канда қилгани йўқ. Аммо энди сув сўрамайди . Суюманинг ётоғига тиркаб қўйилган тебранма беланчагидан секин осилиб тушиб Суюмани бағрига жойлашишни , унинг кўксига бош қўйиб уйқусини келган жойидан давом эттиришни ўрганиб олган.
Суюма Робиянинг шириндан ширин қилиқларини бир- бир кўз ўнгига келтирганча кўзлари уйқуга асир тушганини билмай қолди .
Орадан бир мунча фурсат ўтгач Робия уйғонди. Унинг уйғониши ўзидан ҳам ширин. Ётган жойида аввал Суюмани тур дегандек бироз таталади. Суюма ўзини Робияни маҳкам қучиб олишдан зўрға тийиб ётарди. Бироздан сўнг ҳар тонгги томошанинг энг қизиқ ва севимли жойи келди.
Робия Суюмани юзларидан ўпишга тушди : Чалп, чалп . Чалп, чалп...
Суюма бу дақиқалар ҳеч қачон тугашини истамайди. Аммо начора?! Ўрнидан туриши, Робияни қорнини тўйғазиши керак.
Суюма шуларни ўйлаб энди "уйғонмоқчи" бўлганида бирдан ўқ еган оҳудек бемажол ҳолга тушди. Сабаби Робия уни дунёдаги энг буюк совға билан сийлаган эди. Бу совғанинг ўзига бутун дунё сиғиб кетган эди .

- Ааййяяя! Аааййяя!

Суюма даставвал Робия бу сўзни тасодиф билан талаффуз қилиб қўйди деб ўйлади. Аммо Робия унинг гумонини тезда йўққа чиқарди . У Суюмани дамба- дам ўпар ва дамба- дам "ая"лар эди

- Аайййяяя! Аайййяяя!

Суюма қўлларидан ҳаракатга тушишни ва бир парча эт ҳолидан гоҳ йиғлаб , гоҳ кулиб ўзи парвариш қилган ушбу мўъжиза жонни маҳкам қучоқлашни сўради. Қўллар ўз эгасига ҳиёнат қилмадилар. Шу топдаги энг қийин иш Робияни бағрига босишни уддаладилар.
Бирдан кутилмаган ҳолат юз берди. Суюма қон томирларидаги қандайдир тугунлар кетма- кет ва бирма- бир ечилаётганини туя бошлади. Бу жараён шунчалик қайноқ эди-ки, Суюманинг боши айланиб ўзини яна ёстиққа беҳол ташлади.
Робия эса бугунги тонг

ХазонРезги

АССАЛОМУ АЛАЙКУМ .

Яхши ётиб турдингизми . Турмуш ташвишларидан бир зум тин олиб , янги , янги орзу - ниятлар руёбига умид к,илиб , марок,ли хордик, олдингизми .

Яна харажатлар усадиган ой келди .
Болаларни мактаб учун кийинтириш бир томондан к,увончли булсада , бир томондан асабийликдир . Чунки куёвлардек ясанган углингизга к,араб бир кукрак керасиз .
Оппок, кофтада куз сузиб , к,ош чимириб турган к,изингизга к,араб бир энтикасиз .
Лекин нарх навони эшитиб тепа сочингиз тикка булса , матерялидан к,ат'ий назар чиройлисини танлаб араз к,илган к,изингизга к,араб асаб буласиз .
Мактаб илм олинадиган жиддий даргох , унга кийиладиган кийимлар хам к,улай ва одми булиши керак .
Усмир ёшидаги углингиз эса бели резинкали , олдида ипи бобосининг шалвариниг ипидай осилиб турган пол класс шимни танлаб к,онингизга ташна к,илади . Модасига ут тушсин дейсиз тишингизни гижирлатиб .😄😁
Отаси эса худди к,изларникидек олди калта , орқаси нисбатан узунроқ оқ кўйлакни кийиб кўраётган ўғлини уриб юборишдан ўзини зўрга тийиб туради 😄😁 .
К,изларку кўзи тўла ёш билан тескари қараса отаси олиб берадикуя .
Ўғил болага к,ийин . Йиғлай деса ,, ют , ўч , ўғил боласан ,, дейди , отаси хам онаси хам . 😄😁

Эркакларга қийин ... Чўнтагидаги пул хисобли . Аёллар тадбиркоррок, бўлиши керакда .
Сичк,он сиғмас инига , ғалвир боғлар думига дегандай ба'зи оналар Голланд борми деб келади , димоғида гапириб .
Бор 200 минг десангиз , вооой арзон қилиб беринг дейди .
Пулига мос шим кўрсатсангиз , ёқмайди . Йук, шуни беринг деб турволади .
Чунтагига қараб хисоб китоб қилса харидорлар .
Сотувчи хам одам унда хам асаб бор .
Кўрпангга қараб оёк, узат десамда .😳

Болани ахволику йиғлагулик . Буйи к,атори ўғлига труси кийдирмаган . Ёк,тирмайдида кийишни дейди она бўлгич .
Хой инсон бу гигиенага хам , соғлиққа хам тўғри келмайди , кийдир , ўргансин десангда .
Ёки коп котта мурти сабза урган ўғлига бели айлана резинкали шим беринг дейди . Нимаймиш камар тақа олмасмиш , эплолмасмиш . Ўғли 6 чи синфга ўқиётганидан хабари бормикин бу онани деб ўйланасизда . 😳

Энг ёмони нима айтайми , тўғриси истихола қилаяпман айтишга , аммо ман айтмасам , бошк,алар айтмаса холат аввал кулгили , кейин ачинарли бўлади деб ўйлаб айтишга к,арор к,илдим .

Онажонлар болаларининг тозалигини тергаб турса яхши бўларди .
Бозорга борвмиз , шим олиб бераман , кийиб кўради тозалигига қараб қўяй десада оналар .
Кичик болачалар майли энди ўзини хали эплолмайди .
Қўйиб берсанг уйланаман дейдиган юқори синф болаларининг хидига дўконга туриб бўлмайди . Кий иштонингни тезрок, дегим кеп кетади . 😄

Ахир беш вак,т тахаротда покиза юрадиган миллат авлодларимизку .
Оналарда , керак булса оталарда фаросат булиши керакку .
Дардимиз пул топиш , юр деб дингиллатиб олиб келиб устига кийим кийдириш эмаску .

Тўғри пул топиш осонмас , уни сарфлаб болаларни кийинтириш осонмас . Аммо тозалик ва соғлик биринчи ўринда , ювинтириб тарантириб олиб юриш кереда болаларни .

Гапим купайиб кетди , ғашингизга теккан бўлсам узр
Кимгадир ёқмасада ,энсалар к,отсада ман ёзавераман .😘

Ваъдам эса ўша ўша ...
-- Шамсинур ижод каналидан келдим , --деган мухлисларга , кийимларни ўз нархига бераман .

Тонги саломда сизни бошингизни к,отирган ШАХЗОДАнгизга халол баракали ризк, тилаб дуо к,илишни унутманг .
😘

📚 Ibratli Hikoyalar 📚

Ko'paydi... ☝️

KANALGA OBUNA BO'LING✅

Бизлардан узоқлашманг каналимиз СИЗЛАР билан файзли
🌹🌱꧁꧂‎‌♥️♥️꧁꧂🌹🌱

Дўстларингизга улашинг!
💞💞💞💞💞💞💞💞💞

𝕂𝕒𝕟𝕒𝕝𝕚𝕞𝕚𝕫𝕘𝕒 𝕆𝕓𝕦𝕟𝕒 𝔹𝕠'𝕝𝕚𝕟𝕘

📚 Ibratli Hikoyalar 📚

#СУБҲИДАМ
-45-

яна бир мислсиз мукофот ҳозирлаганини ҳали англаган эмас, аммо ўзининг ҳозирги ҳаракати бу дунёга келганидан бери энг яқин деб ҳисоблагани , фақат унинг иссиқ бағридагина ҳаловат туя олишини билганини - исмини айта олаётганидан беҳад шод эди ...

- Ааайййяяя....Аайййяяя...Аайййяяя!!!

* * *

Бу ёғи тезлашиб кетди. Робия анча уқувли шогирд чиқиб қолди. Аммо ўзига етгунча ҳам эканлигини инкор қилиб бўлмас эди. У ўзига тегишли инсон ва нарсаларни тез саралай бошлади...

"Айя"дан сўнг акани ака демаса бўлмаслигини тушунди, чунки жигар жигар эканда ?! Ё бўлмасам, унинг айтганларини беминнат бажарадиган , доим кўнглига қарайдиган иккинчи одам акаси Шаҳзод эканлигини тўғри тушуниб олганмиди , буни ёлғиз ўзи билса керак .
- Атта , атта ! ,- бу Робиянинг акасини чақиргани эди.
Аста - секин буюм ва жараёнлар номлана бошланди .
"Нанна" - нон, "Ув" - сув, йуй-юр , "та"- қаерда , қани каби.
Бу уйдаги Суюма сал кўринмай қолганда оғиздан тушмай қоладиган ибора - "Аййяя та ?! "- "аям қани ?!" эди.

Бир куни қизиқ бўлди. Июннинг бошларида Суюмани синфдоши Наиманинг тўйи бўлди. Суюма ҳам сал кам бир йил деганда уйдан кўчага чиқди. У ҳам қатордан қолмай қиз дугона бўлиб , Наимани "узатишиб" кетди. Аммо кўркам ресторанга бориб етмасидан ортидан ўз машиналарида Йўлдош ака билан Шаҳло опалар Робияни қучганларича изма - из етиб бордилар. Улар ресторандан тез Суюмани чақиртиришга мажбур бўлганларигинг сабаби Робия эди .
У Суюма тўйга отланганидан хархашасини бошлаган, Шаҳло опа "Тўйга бемалол боравер, қизим, Робияни ўзим амаллаб овутиб оламан" деб кўнглини ҳотиржам қилиб жўнатган эди. Аммо Робияни хархашаси бора- бора йиғига айланган, уни "Аййя та, Аййя та?" лаб йиғлайверганига ҳеч овутишни иложини топа олишмагач, ноиложликдан йўлга тушишган эди.
Робия Суюмани кўргач дарҳол овунди, аммо анчагача ҳиқиллаб ўпкасини боса олмади.
У қучоғидаги Робиянинг "аййя, аййя"сига "ҳа асалим"дер эди-ю, қўйиб берса ўзи ҳам ўзи унга қўшилиб йиғлашдан ўзини зўрға тўхтатиб турар эди .

* * *

Июнь ойининг ўн бешинчи числосида Абдумажид Париждан қайтиб келди. Аввал ота- онасини зиёрат қилган Абдумажид фарзандларини кўришга ошиқар эди. Ундаги бу ҳолатни кўрган Мусахон ака ва Дилбар опалар набираларини бирга йўқлаш учун ўғилларининг ёнига тушдилар. .
Улар қудалариникига борганларида Шаҳзодбек дарровда отасининг қучоғига отилди. Аммо Робия отасининг қўлидан чириллаб Суюмага интилди : "Аааййййяяяя!"

Мусахон ака ҳам , Дилбар опа ҳам , хаттоки Абдумажид ҳам Робиянинг тили "ая" деб чиққанидан , ундан ҳам кўра Суюмани она ўрнида қабул қилганидан бехабар эдилар ...
Абдумажид қизи анча катта қиз бўлиб қолганига бир суюнса , ўзини бегона олаётганига , ўзидан кўра Суюмага қаттиқроқ боғланиб қолганлигига ўнғайсиз аҳволга тушиб қолган эди. Салкам қирқ йиллик қурган турмушлари сабабли Мусахон ака ва Дилбар опа бир - бирларини кўз қарашларидан тушунадиган бўлиб қолган эдилар. Улар Робия Суюмани ая деб атаб , юзини унинг бағрига яширган онидаёқ бир- бирларига маъноли нигоҳ ташлашга улгурган эдилар. Ушбу ташланган биргина нигоҳ жуда кўп нарсадан хабар берар эди...

Абдумажид сафардан қайтганига икки хафта бўлганида Мусахон ака қўнғироқ қилиб уйга чақирди. Дадаси Абдумажидни анчадан бери бундай атайин йўқламагани учун у даставвал ажабланди, аммо отасининг ҳукмини вожиб ҳисоблагани итоат билан чақирилган вақтда унинг қошида ҳозир бўлди .
Дадаси Абдумажидни бир ўзи кутмаётган экан. Унинг ёнида ўтирган онасининг қатъиятли нигоҳига кўзи тушгач, Абдумажид бугунги суҳбат анча жиддий эканлигига кўзи етди.

- Йўқ , ҳеч қачон! Мендан буни сўраманг ?!

Абдумажид йиғламоқдан бери бўлган ҳолда ота- онасига қаршилик қилишга интилар эди - мен ахир Райҳондан бошқа ҳеч кимни ... Мен бошқа аёлнинг қорасини уйимда кўришни истамайман. Илтимос , мени ҳам тушунинг , ўрнимга ўзингизни бир сонияга қўйиб кўринг. Ахир Райҳон мени деб бу дунёдан кетишга мажбур бўлди. У энди йигирма беш ёшга кирган эди . Ахир дунёга келиб нимани кўришга улгурди, айтинг ?!

ХазонРезги

Ташвишингиз инсонларнинг муҳаббатини қозониш бўлиб қолишига йўл қўйманг... Инсонларнинг қалблари ўзгарувчандир, бугун жонидан ортиқ кўриб, эртага нафратланиб ҳам қолаверади... Ташвишингиз қандай қилиб бўлса ҳам, инсонлар Роббиси муҳаббатига сазовор бўлиш бўлсин.... Агар У сизни яхши кўрса, инсонлар қалбларини сизга талпинадиган қилиб қўяди...!
Шайх Шаъровий

📚 Ibratli Hikoyalar 📚

🎁 Сеҳр жоду қилиш кундан кунга авж олиб бормоқда!

💔 Cехр жодуланган одам аломатлари қандай бўлади?

- Уйқусизлик.
- Асабийлик.
- Чарчоқ.
- Овозлар ва ёруғликнинг ёқмаслиги.
- Бош, елка, суякларда оғирлик.
- Кўп эснаш, унга яқин турганларнинг ҳам эснаши.
- Кўнгил айниши,бош айланиши.
- Хаётдан, яшашдан тўйиш.
- Кучли маҳзунлик.
- Бесабаб юрак сиқилиши.
- Бошда кучли оғриқ.....

Сизда ҳам шундай аломатлар кузатиладими?

😱Батафсил давомини пастдаги тугмани босиб кўришингиз мумкин👇👇👇

ОНАЖОНИМНИ СОҒИНДИМ 👍

Эс билибманки елиб югурган ,
Рўзғорим деб саҳарлаб турган ,
Отам билан уйлар қурган
Онажонимни соғиндим .

Тонг саҳарда сигир соққан ,
Тандирига олов ёққан ,
Ёғли патирлар ёпган ,
Онажонимни соғиндим .

Пардоз андозин кўрмадим ,
Ортиқча кийим созин кўрмадим ,
Жанжал тўполон кўп озин кўрмадим ,
Онажонимни соғиндим .

Ҳовлисида қатор райҳон ,
Атиргули очилган қуёш томон
Ифорлари таралгандир ҳар ён , ҳар ён ,
Онажонимни соғиндим .

Қатиқ ийлаган муз сувига ,
Сарёғ олган пишиб кувига ,
Йиғар эди топганини тўйига ,
Онажонимни соғиндим .

Пахта чувиб , жун таратган ,
Сўриларда пилла ўратган ,
Гилам тўқиб санаът яратган
Онажонимни соғиндим .

Номозликни ёдлаб бирга ,
Қўй боқардик тоғу қирга ,
Наҳот бердим сизни ерга ,
Онажонимни соғиндим .

Канда қилмай номозин ўқиб ётган ,
Тинмайин саловатлар айтган ,
Болаларини интизор кутган ,
Онажонимни соғиндим .

Қабрлари нурга тўлсин ,
Таралсин мушку анбарлар ,
Жойлари жаннат бўлсин ,
Қўшни бўлсин Пайғамбарлар .
ОНАЖОНИМНИ СОҒИНДИМ ....
ОТАЖОНИМНИ СОҒИНДИМ ....

ШАХЗОДА САТТОРОВА ✍

https://t.me/shahzodangizdan

📚 Ibratli Hikoyalar 📚

#СУБҲИДАМ
-46-

Ойижон, ўзингиз она бўлиб наҳот мени дардимни тушунгингиз келмайди ? Мен ахир қандоқ қилиб фарзандларимга ўгай фарзанд бўлиш қисматини раво кўраман ?! Қандай қилиб ?! Фарзандларим битта оҳ урса раҳматли келинингиз гўрида тикка турмайдими ?! Келгусида фарзанд кўрсам , уларнинг пешонасига ўгай ака - сингиллар деган тамға босилмайдими ?!

- Болам, - Мусахон салобатли овози билан Абдумажиднинг сўзларини шарт кесди,- болам , сен нима учун инсонларга бунчалик ишончсиз бўлиб кетдинг ?! Нима учун " Яна оила қурсам ҳаётим беш бадтар бўлади" деб ҳалитдан зада бўлаяпсан ? Аввало , ёлғизлик ёлғиз Аллоҳга хос . Қолаверса , иккинчи оила қуриб бахтли бўлганлар камми дунёда ?! Ҳар бир ниятни тоза сўраш керак ахир ?!
Энди асосий ҳақиқатни эшит . Шундай кейин ҳам фикринг ўзгармаса ... Унда билмадим.

Сен шу туришда фарзандларингдан аста- секин ажралиб бораяпсан. Шаҳзоджондан, Робиядан... Айниқса қизингдан ...
Бояқишнинг тили "ая" деб чиқибди- ю , аяликка холасини сайлаб олганини қара... Унинг ёнидан бир қадам жилмаётганлигини қара.
Ўша қиз шундай ўтмаслиги аниқ. Яъни бир умр сени фарзандларингни боқиб бериш кафилини олмаган. Эрта бир кун турмуш қурса , болаларинг аросатда қолиб кетишини ўйладингми ҳеч. Ё "Суюма турмушга чиққан жойига болаларимни олиб кетади- ю , мен ўша хонадонга қатнаб улардан хабардор бўла оламан" деб ўйлаяпсанми ?!
Сени болаларинг ёш бошига шунча синов кўришди . Ўзингдан қиёс қилгин, болам ... Райҳондан ажралганда эзилган, куйган битта сенмасдирсан ?!
Фарзандларинг энди Суюмадан ҳам ажралиб бир йўла ҳаётдан безиши керакми ?!
Қайнона, қайнотангни , яна бизларни ҳам Аллоҳ сенга бир умрга боғлаб бермаган ахир.
Кези келганда ўз йўлингда давом этаётган вақтингда ёнингдаги керакли инсонларнинг ҳамма вақт ҳам бўла олмаслигини ҳам бир ўйлаб қўйгин. Ахир инсон зоти ҳеч қачон дунёга устун бўлган эмас.

Ўғлим, сен эрлик вазифасини жойига қўйдинг, энди буни бутун умр исботлаб ўтишга ҳожат йўқ . Менимча , сен буёғига оталик вазифасини бажаришинг , ота номини оқлашинг керак бўладиган вақт келди.
Фарзандларинг қўлма- қўл бўлиб юрса, ўзи ҳақдор бўлган уйи бўла туриб бошқа ерларда тентирашга мажбур бўлса , айтчи , марҳума келиним қабрида сендан рози бўлиб ётармикан ?!

Жавобинг "ҳа " бўлса унда ... унда билганингни қилавер , болам ...

Абдумажид отасига қарши бир сўз айтмади . Айта олмади... Фикрларига жўяли эътироз билдира олмади. Мусахон ака унга ҳозир ҳақиқат ойнасини тутган, унда ўзини кўришга мажбур қилган эди.
Ҳақиқатга тик қараш эса , шунчалик азобли экан-ки ...
Буни Абдумажиднинг қаттиқ қисилган муштларидан, юзининг чекка қисмларида ўқлоқдек қабариб чиққан қон томирларидан билса бўлар эди...

* * *

- Суюма , нима учундир жуда хафадексан?!

- Йўғей , Фозил , қаердан олдинг бу гапни?!

- Билмадим, шундай туюлди . Юрагим кун бўйи "Суюмадан хабар ол , Суюма йиғлаяпти" деяверди . Эсингдами , Суюма менга бир шеър ёзиб жўнатган эдинг ...

"Мени эсла" деган шеър эди.

Ботаётган қуёш хаёлинг олса,
Оловранг шафақ дод солиб қолса,
Ой недан аразда ёнбошлаб қолса,
Мен йиғлаяпман - мени эсла...

Ёмғирнинг шивири билинмаса ҳам,
Тўрт тараф зах тортиб , бўлиб кетса нам,
Юрагинг тўлса-ю, аммо недир кам,
Мен йиғлаяпман - мени эсла...

Тушларингда кўриб қўлимни тутсанг,
Хаёлингда бир бор йўлимни кутсанг,
Хуш ўзингда , ва лек ўзни унутсанг,
Мен йиғлаяпман - мени эсла ...

Мунғайиб қолган тоғни ҳис қилсанг,
Аёзлар қақшатган боғни ҳис қилсанг,
Соғинчим тўзон бўлди-я билсанг,
Мен йиғлаяпман- мени эсла...

Мана ўша шеър. Ҳозир мен шундай аҳволдаман. Ҳудди ўша шеърда ёзилгани каби . Мен шу ҳолатда бўлсам, демак ... сен йиғлаяпсан ?

ХазонРезги

📚 Ibratli Hikoyalar 📚

​​#СУБҲИДАМ
-47-

- Фозииииил...

- Суюма, нима бўлди ?!
Суюма ... Бир сўз демай мени ўлдирма , нимадир де... Илтимос... Яхши гап бўлмаса , ёмон бўлсаям, айтавер , ахир ҳар нарсанинг чораси бор ...

- Фозиииил, одамлар нега бунчалар ёмоооон , айт нега бунчалар ёмоооон ?! Мен нима ёмонлик қилувдим уларга ?! Айбим нима ?! Бор айбим итоатми?! Бор айбим ...

- Суюма , ўзингни қўлга ол, илтимос ...
Ҳаммасини бир бошидан ёза оласанми ?!

- Фозил , менга анчадан бери совчилар келаяпти . Келганлари майли, нонимизни еб , чойимизни ичганлари майли . Аммо , аммо кўксимизга ҳанжар санчиб кетаётганлари ёмон. Ўтмас пичоқда сўйиб , сўйиб кетаётганлари ёмон.
Айт , ойижонимни айблари нима ?! Айблари қиз туққанларими ?! Адамларни- чи ?! Гулдек қизларини ўз қўллари билан қабрга берганларими?! Ҳар дуои фотиҳаларида "Қизим Райҳонни жаннат ҳурларига йўлдош қилгин, ё Аллоҳ! " деб дуо қилишларими?! Ё опамдан қолган зурриёдларни бағриларига олганларида уларда бевақт жувонмарг бўлган опамни изларини кўриб соғинчдан ўртаниб кўз ёшлари соқолларини ювишими айблари ?! Айт , Фозил , айт !
Мени , мени айбим нима Фозил !? Мен ўқишни , институтга имтиҳон топширишни орзу ҳам қилмай қўйдим?! Биласанми , нимага ?! Нимага-ки , Робияни ташлаб кетолмайман. Айни дақиқалар-да у менсиз бир зум тура олмаганидек, мен ҳам усиз бир лаҳза яшай олмайман. Сен , яна Суюма ўқишга кира олмаяпганидан ўксияпти деб ўйлама! Сира ўксияпганим йўқ, асло ! Ахир мен журналист бўлиб инсонларнинг дардига малҳам қўймоқчи эдим . Бугун эса... Бугун эса бу ишни уддасидан чиқа олдим деб ўйлайман. Мен аллақачон олий таълим тўғрисидаги дипломни олиб бўлдим . Қаерда ўқидинг деб бир сўрагин-чи ?! Мен ҳаёт мактабида ўқиб бўлдим. Устозим ҳам ўша ҳаётнинг ўзи бўлди , ҳа нақд ҳаётнинг ўзи бўлди ...
Унда нима учун хафасан деб ўйлаяпсанми ?!
Сўзларимни охиригача ўқишга кучинг етармикан , Фозил ...
Етармикан - а?!

- Суюмаааа ...

- Ҳалиям тармоқдасан- а , демак етади ...
Хуллас ўтган хафта келган совчи хоним нима дебди дегин?! Мен бола боқишга уста бўлиб қолганмишман, ҳаёт мени обдон пиширибди . Бу айни муддао эмиш. Сабаби у аёл боладан чиқиб қолган экан. Ёш бўлиб туриб ўзини буви деб аташларига қарши эмиш . Мен эса фарзандли бўлсам, ўз бошимга ёққан қорни ўзим кураб , ўз боламни ўзим боқиб олар эмишман. Мен бу "ўз"лари кўп аёл учун ўзимни зўрға тўхтадим. Бўлмаса ...

Уч кун эса яна аввал биттаси келди . У аёл куйдирган калладек тиржайиб айтдиб-ки , "мен кўча гапларига ишонмайман , кўпчилик қизингиз боқиб ўтирган қизалоқ ... ... .... ўзини қизи дейишсаям , қизни отаси , поччаси бўлсаям ... , опам бу иснодни кўтара олмай , ўз жонига қасд қилган дейишсаям , хеч нарсага "ишонмаганмиш" ! Олижанобликни қара-я , Фозил , ишонмаганмиш ? ! ! ! !

Айт , Фозил , мен нима қилай ?!

Бугун яна совчи келди . У камгап аёл экан ... Кўп гапириб ўтирмади. Аммо етарли гапирди. У мени ўзимга совчи бўлиб келибди. Унинг ўғлига турмушга чиқишни истасам , ўғлининг фарзандларини кам кўрмаслигим учун Робияни уйда , онамни тарбиясида қолдирар эмишман ва шундан кейин бағоят савобли иш - уч етим болани бошини силаш бахтига муяссар бўлар эмишман.
Ана шунақа гаплар , Фозил , ана шунақа гаплар ...

- Суюма , мен сен ҳақингда ота- онамга айтдим ...
Улар сени аллақачон аллақачон Ёрқин ва Шавкатдан эшитиб, таниб бўлган эканлар...

Биласанми , ойим нима дедилар ?!
Ойим "Фозил , аввалам у қизни поччаси фарзандларини унга бериб қўймаса керак, агар берган тақдирда мен жон деб уларни қабул қиламан" дедилар. Мен аввалига ойим бу гапларини жиддий айтмаяптилар деб ўйладим, қайта- қайта сўрадим , шунда улар нима дедилар биласанми ? !
Улар айтдиларки:
"Бир етимни бошини силаш бир неча ҳаж қилиш ибодати билан баробар . Аллох , мени шундай савоб топиш имконига эга қилса , нима учун бу имкондан юз ўгиришим керак ?! " дедилар ...

- Фозил...

- Ҳа , Суюма ...

- Бир гап сўрасам жавоб берасанми ?!

- Албатта , албатта жавоб бераман ..

- Унда айт-чи , ойинглар ...

давоми бор

Муаллиф : Хазонрезги

Каналга уланиш 👇

📚 Ibratli Hikoyalar 📚