📚 Ibratli Hikoyalar 📚

ОНАСИЗ ҚОЛГАН ЧАҚАЛОҚ ✍

31 - қисм .

Сабрия кўзини очганида деразадан оппоқ тонг отиб келарди .
Ғира шира ёруғда ёнидаги каравотда оппоқ халатини ечмасдан дам олишга ётган ҳамширага кўзи тушди .
Салгина қимирлаган эди оёқларида симмиллаган оғриқ турди .
Шундагина Сабрия бошига тушган кўргуликларни эслади .
---- Қизим , қизим , - устига ёпилган чойшабни шарт олиб ташлаб ўрнидан туришга ҳаракат қиларкан хирқироқ овозда тинмай қизимларди .
Унинг шарпасига уйғонган ҳамшира тезда туриб Сабрияни ушлади . Ётинг синглим , сизга юриш мумкинмас .
Сабрияни мажбур жойига ётқизиб шифокорни чақириб келишга кетди ҳамшира .

Шифокор аёл хотиржам юриб келиб Сабриянинг каравотини четига ўтирди .
--- Онажониси йиғламанг ҳаммаси яхши . Қизингиз тинч ухлаяпти . Сизга йиғлаш , сиқилиш мумкин эмас . Сиз энди 3 киши учун ҳам ўзингизни асрашингиз керак .
Ҳиққиллаб йиғисини тўхтата олмаётган Сабриянинг хаёли қизи Умидага кетди .
,, Онаси уни олиб кетдими экан . Эри қаёқда юрибдийкин ,, .

Унинг хаёлларини сезганидек
--- Уйдагиларингиз кечаси билан етиб келишди . Ташқарида сизни , қизчамизни уйғонишингизни кутишяпти , - деди шифокор жилмайиб .
Сабрия шифокорга ҳайрон қаради .
--- Ким келди .
--- Ота - онангиз , қайнотангиз , эрингиз келишди .
Ҳадемай қизингизни шифокори киради олдингизга .Ундан олдин уйдагиларингиз билан кўришиб олинг .
Сабрия бош силкиб қўяр экан ,
--- Ҳамшира манга қараб юборсин ,- деди ийманибгина .
Сабрия яна ўрнидан турмоқчи эди , ҳамшира келиб уни қайтарди .
--- Сизга ўзим ёрдам бераман , ўрнингиздан қимирламанг . Оёқларингиз билан юришингиз мумкин эмас . Шундоқ ҳам анча сиқилганингиз ҳомилага ёмон таъсир қилган . Яна йиқилиб тушиб болага зарар етказиб қўйманг .
---Нима , ҳомила , бола ...
Сабрия ҳуши бошидан учгудек ҳайрон бўлиб , кўзларини катта катта очиб ҳамширага қаради .
---Ҳа онажониси сиз ҳомиладорсиз . Бу қизчангизни яхши қилиб , оёққа турғизиб олгунингизча ўғлингиз ҳам туғулади .
---Нима , ўғил ...
Сабриянинг қаттиқ чиққан овозига ярқ этиб қараган ҳамшира унинг ранги оқариб , титрай бошлаганини кўриб кўп гапириб юборганини тушундию қўрқиб кетди .
---Сизга нима бўлди синглим , ҳозир ҳозир дўхтирни чақираман .
Ҳамшира югуриб чиқиб кетди .

Боягина келиб кетган шифокор яна кириб келди .
--- Нима бўлди синглим .
--- Дўхтир , ман ҳомиладорманми ?- Сабрия сўзини охирига етказмаси томоғига йиғи тиқилиб бўғилиб қолди .
--- Ҳа синглим , нега хафа бўласиз , буни нимаси ёмон . Ҳомила 6 ҳафталик , ўғил бола . Қизчангиз ҳам яхши бўлиб кетади , буниси туғилгунича ,- шифокор Сабриянинг қўлидан тутиб таскин берди .
--- Ахир мани катта қизим ҳам борку ,- баттар ҳиққиллади Сабрия .
--- Ҳаммаси ўз йўлида катта бўлади , - шифокор Сабриянинг кичик жуссасига ачиниб қарасада , ҳозир беморини тинчлантиришни муҳим деб билди .

Ҳамширанинг ёрдами билан бир оз ўзига келиб олган Сабрия беҳолгина ёстиққа суянди .

Ҳамшира чиқиб кетиши билан рўмолининг учини оғзига босиб олган онаси кўзлари қизариб кириб келди . Ортидан отаси кўринди .
Онаси билан йиғлаб кўришаётган қизига қараб юраги эзилди .
Ўзи шундоғам жуссаси кичгина , озғингина қизи бир бурда бўлиб қолибди ...

----Ассалому алайкум отажон , паст овозда шивирлаган Сабрия кўз ёшлари дарё бўлиб , уятни ҳам унутиб отасига қучоқ очди .
Қизи илк бор бағрига отилган ота аввалига шошиб қолди ...
Кейин эса ўзи хам меҳр билан биринчи бор қизини маҳкам бағрига босди .

Ҳаа , 22 ёшигача шу отасининг ори ғурури деб бутун ҳаётини яшаб қўйган қизини туғулганидан бери биринчи марта қучоқлади отаси .
Қизини қучоқлаб турар экан унинг болалиги кўз олдига келди . Сочлари қирқ кокил қилиб ўрилган , жамалаклар тақилган қизалоқ . У отасига қараб бирор марта югурмасди .
Доим қовоқ уйиб юрадиган , жахлдор отасидан ҳайиқарди .
Ёлғиз қиз бўлиб бирор марта отасига эркалик қилмаган эди .
Ҳозир бағрига бош қўйиб ўксиб ўксиб йиғлаётган қизини ўша болалигига қайтиб қолишини шунчалик истардики , отаси ...

Қизини сочларини силаб турар экан афсусдан юраги ачишиб , кўзидан шошқатор ёши оқиб соқолини ҳўл қилди ....

давоми бор ...

ШАХЗОДА САТТОРОВА ✍

https://t.me/shahzodangizdan

❤59😢43👍4🥰4🔥2

3.51K viewsAbdulatif, 08:54