ТОВУҚЛАР

Шайх Али Тантовий роҳимаҳуллоҳ ўзининг "Зикрият" китобида келтиради:
"Мисрдаги Афғонистоннинг собиқ элчиси Содиқ Мажидий менга бу воқеани айтиб берган эди. Унга Афғонистон ҳукумати Совет иттифоқига бориб бир ишни бажариб келишни юклайди. Мажидий шаръий йўл билан ҳайвон сўйилмайдиган худосиз давлатга бораётганидан хавотирланиб уйидаги иккита товуғини сўйдиради. Хотини уларни пишириб дастурхонга у-бу нарса билан ўраб беради. У Тошкентга келганида уни бир мусулмон шайх меҳмонга чақиради. У шайхнинг уйига иккита товуқни кўтариб боришни истамай йўлда болалари билан тиланиб турган бир аёлни кўриб қолиб  товуқларни уларга садақа қилади. Чунки уларнинг очлиги юзидан кўриниб турган экан. Бу воқеадан бир соат ўтар-ўтмас унга Афғонистондан телеграмма келади. Аён бўлишича, бажариши керак бўлган юмуш бекор қилинибди.

Бундан хулоса шу бўлибдики, унинг уйида боқиб юрган иккита товуғи уларники эмас экан. У товуқлар тошкентлик ўша аёл ва унинг болаларининг ризқи экан. Элчи шунча километр йўл юриб шу товуқларни эгаларига келтириб берган экан...


@IBRATLY

Хасад ва манманлик инсонни ўлимга олиб келиши мумкин.

Бир замонлар эл орасида хурмат топган Лукмони хаким деган
табиб утган экан.
Бир кун кучаларда айланиб юрганида очликдан озиб кетган юпун кийинган бир болани куриб колибди. Рахми келиб уйига олиб келиб овкатлантирди, етимлигини билгач колиб бирга яшаши мумкинлигини айтибди.

Бола Лукмони хаким билан уйида яшаб аста секин шогирд булиб йиллар утиб у хам анча табиблик сирларидан хабардор булибди.
Бир кун шу юртнинг подшохи огир касалликга дучор булиб табибни чакиртирибди...

Аммо Лукмони хаким узок бир сафарга чикканлиги учун шохнинг
олдига шогирди борибди. Берган дорилари ердам бериб, шох оёкка турибди. Шох миннатдорчилик сифатида унга саройда колишга рухсат берибди.

Лукмони хаким сафардан кайтгач, шогирди билан учрашибди, унга богланиб колганлигини айтиб, уйга кайтишни сурабди.

Шогирди эса Лукмони хакимга саройда колишини маслахат берибди.

Лукмони хаким эса агар у саройда колса оддий халк кела олмаслигини айтибди. Шунда шогирди шундай гузал хаётдан эски хаётига кайтиб, каланги-касангилани даволаб юришни истамаслигини айтибди.

Лукмони хаким унга узи хам ушалардан эканлигини эслатгач, бир канча тилла бериб, бу пуллар унинг шогирдига сарф килган харажатини 10 баробар коплашини айтибди.

Бу гаплар Лукмони хакимга огир ботиб хафа булганича уйга кайтибди...

Шу тарика шогирд саройда, устоз оддий халк орасида яшай бошлашибди.

Орадан йиллар утибди...

Бир кун шох зиёфатларининг бирида амалдорлардан бири Лукмони хаким хакида гап очиб колди. Халк орасида машхурлигини, хамма уни "дунёдаги энг зур табиб" деб хисоблашлигини айтгач, шогирднинг ичини мушук тирнагандек булди.
Амалдорлар Лукмони хаким хакида гаплашган хар бир сузи, унинг манманлигига зарба бериб, ундаги устозига булган хавас хасадга айланиб борарди.

Амалдорларга карата Лукмони хаким анча кексайганини энди у устозидан хам кучлирок эканини айтди.

Шунда шох нима билан исбот кила олишини суради.
Шунда у устоз ва шогирд бир бирига захар таёрлашини, ким тирик колса уша энг кучли табиб хисобланишини айтди
Шохга бу маъкул келди ва Лукмони хакимни саройга келтириб, шогирди билан мусобакалашини айтди.

Лукмони хаким бундан бош тортганда, ундай холатда шох амрига буйсунмаганлиги учун катл этилишлигини айтдилар.
Шунда у захар таёрлаш учун 40 кун мухлат суради.

Бозорга бориб бир ховвонча ва бир хизматкор сотиб олди ва унга 40 кун давомида ховвончани таккиллатиб туришлигини буюрди.

Шогирд хар кун пинхона устоз уйини атрофини айланиб, кузатиб кетарди. Ховвончани овозини эшитиб, устози жуда кучли захар таёрлаётганини тушунди ва уни куркув босди.

Кечаю кундуз уз захари устида ишлади ва нихоят 40чи кун устоз ва шогирд саройга келишди.

Биринчи булиб шогирд таёрлаган захарини устози Лукмони хакимга берди. Устоз захарни ичиб, кетидан олдиндан таёрлаб куйган маъжунини ичди ва эртага келишини айтиб чикиб кетти...

Эртаси кун шогирд устозини сог-саломат куриб куркувга тушди.
Устози берган идишни курка-писа олиб калтирраганча ичдию, шу
захот тил тортмай улди.

Буни курган шох Лукмони хакимни шундай ёш истеъдодли йигитни улдирганлини маломат килди. Шунда у хеч кандай захар таёрламаганлигини хизматкор курук ховвончани такиллатганлигини идишда захар эмас оддий сув эканлигини айтиб, узи ва бошкаларга ичириб, исботлади.

Шох хайрон колиб шогирд нима учун улганини суради.
Шунда устоз уни манманлик, хасад, ва куркув улдирганлигини айтди.


@IBRATLY

• Фарзандингиз ёлғон гапиряптими? Демак, сиз уни қаттиқ назорат остига олган экансиз.
• Фарзандингиз ўзига ишонмаяптими? Демак, сиз уни шижоатлантирмас (рухлантирмас) экансиз.
• Фарзандингиз яхши гапира олмаяптими? Демак, сиз у билан сухбатлашмас экансиз.
• Фарзандингиз ўғрилик қиляптими? Демак, сиз унга совға-салом бермаётган экансиз.
• Фарзандингиз қўрқоқми? Демак, сиз уни кўп химоя қилар экансиз.
• Фарзандингиз бошқаларни хурмат қилмаяптими? Демак, сиз нисбатан тажовуз қиляптими? Демак, сиз унга нисбатан қўпол (дағал) муносабатда бўлар экансиз.
• Фарзандингиз заифми? Демак, сиз унга кўп дўқ-пўписа қилар экансиз.
• Фарзандингиз сизни қизғонаяптими? Демак, сиз унга нисбатан беэътибор экансиз.
• Фарзандингиз сизни безовта қилиб, тинчингизни бузяптими? Демак, сиз уни бағрингизга босиб, юзларидан ўпмас экансиз.
• Фарзандингиз сизга итоат қилмаяптими? Демак, сиз ундан кўп нарсаларни талаб қилар экансиз.
• Фарзандингиз одамови бўлиб қолганми? Демак, сиз ўзингиз билан ўзингиз овора экансиз.

©️ Ториқ ал-Хабиб

Фарзанд тарбиясига эътиборли бўлинг!

@IBRATLY

Бир киши  айтади: «Аллоҳу Акбар»
Яна бир киши айтади: «Лаа илаҳа иллаллоҳ  Муҳаммадур  росулуллоҳ»
Яна айтади: «Субҳаналлоҳи ва биҳамдиҳи субҳаналлоҳил азийм»
Яна «Лаа илаҳа илла анта субҳанака инний кунту миназ золимин»

Бу киши  70.000 савобни қўлга киритди ва бу киши «Сизсиз»

@IBRATLY

Балки ота-онанг сен хоҳлаганингни бера олмаётгандир. Лекин улар ўзида борини сенга беряпти...

Ота-оналарни қадрлайлик, азизлар!

@IBRATLY

Тиллодан қиммат сўзлар!

1. Китоб ўқишни одат қилган шахслар телевизор экранидан нари кетмайдиган кишиларни бошқара олишади.
2. Қанча кўп китоб ўқисанг, бировларга шунча кам тақлид қиласан.
3. Одамлар икки тоифага, хусусан: китоб ўқийдиганлар ва китоб ўқийдиганларнинг оғзига қараб юрадиганларга бўлинади.
4. Киши ақлли бўлиб қолиши учун 10 та китоб кифоя. Ўша ўнтани топиш учун эса минглаб китобларни ўқиб чиқиши керак бўлади.
5. Ўрта ҳол инсонларнинг уйида катта телевизори бор. Бойларнинг уйида эса, катта кутубхона.


@IBRATLY

Балки, бирор куни катта бўлиб кетарсан. Лекин доим ота-онанг учун ёш бола бўлиб қолаверасан...


@IBRATLY

Мардикор (бўлган воқеалар асосидаги кичик ибратли xикоя)

Янги уйга кучиш арафасида ховлини тартибга солиш ишлари купайиб кетганлиги сабабли уйга МАРДИКОР олиб келиб, ишларни бажаришни ният қилдим ва мардикор бозорига, мардикор ёллаш учун бордим...
Одам кўп, ҳамма маркдикор бозорга ТИРИКЧИЛИК мақсадида чиққанлар ўзини таклиф килган. Шуларнинг орасида бир одам турар эди. Кўринишидан яхши кийинган, сиртдан эътибор бериб қараганда эса кўринишидан умуман мардикорга ўхшамайди...
Билмайман нима, ўша одамнинг олдига Бориб қандай қилиб “сиз ҳам ишлайсизми” деб сўраганимни ўзим ҳам билмай қолибман.У киши эса “ха, мен ҳам ишлайман”~ деди ва мен у кишини ишга таклиф қилдим. Биз ўша киши билан уйга келдик, ишларни келишиб олдик...
Ёлланган киши ўзаро келишилган ишини бажаришга киришди. Иш хажми камида 4 кунлик бўлсада, у 2 кун ичида белгиланган ишларни ниҳоясига етказди.,.
Иш давомида у кишидан қаерлик эканлигини ва аниқ яшаш манзилини сўрадим. Мақсад эса, келажакда яна бошқа шу каби ишлар чиқса ёллаш эди. У киши ўзининг <<МАНЗИЛИНИ>> берди...
Орадан бир қанча вақт ўтди. Уйимда яна мардикор ёлланадиган иш чиқиб қолди. Шунда мен ўша кишини -> ЭСЛАБ ва ўзи берган манзил бўйича излаб бордим. Астағфируллох, қайси кўз билан кўрайки у берган манзилда мен кутмаган манзара пайдо бўлди ва унинг уйини кўриб хайратга тушиб қолдим !
Аввалига, ишонқирамай турдим, аммо кейин эса ўша одамнинг худди шу уйдан чиқиб келгач ғалати ҳолатга тушиб қолдим. Сабаби бу одамнинг уйи оддий ўрта ҳол аҳоли яшайдиган уйларга нисбатан бир неча бора хашаматли, чиройли ва хайбатли эди. Менга пешвоз чиқибоқ у киши:
---“Э…Э. келинг, келинг” дея қарши олди ва ичкарига таклиф қилди. Уйнинг ичи эса янада чиройли ва бекамикўст даржада эди. У менинг хайратга тушганимни сезгандай, бир пиёла чой узатиб,
----“ХАЙРОН бўлманг биродар” деб гап бошлади. Аслида менга қарашли бўлган неча фирмаларим, қўшимча савдо дўконларим фаолият кўрсатиб турибди. Аллоҳга шукур, пулга мухтожлигим йўқ. Лекин, отамиз бу дунёдан ўтишларидан олдин бир насиҳат қилган эдилар. Отам:
----“...ўғлим, агар мен учун эҳсон қилсанг пешона терингни тўкиб, меҳнат қилиб топган пулингдан эҳсон килгин” дея насиҳат қилган эдилар...
"ПЕШОНА ТЕРИНГ" билан топган пулингга қилган эҳсонинг мен учун манфаати тегишининг эҳтимоли, бошқа қилган эҳсонларингдан афзалроқдир деган эдилар. Буни тинглаб ўтириб нима дейишга тилим ЛОЛ бўлди. Фақатгина юзага чиққани кейинчалик Субаханоллох, Алхамдулилах, Аллаху Акбар тасбеҳу, истиғфор калималари бўлди...


@IBRATLY

Бир аёл турмуш қурганидан 17 йил ўтиб, қуйидаги гапларни айтиб қолдирмоқда:
“Ишончим комил бўлди, эркаклар Аллоҳ яратганларининг ичида энг чиройли суратда яратилган хилқат экан.
– У қўлида борини опа-синглиси, қизи, онаси, аёли, набиралари учун сарфлаб юбораверар экан.
– Ўзининг навқирон йигитлигини, соғлигини аёли ва болалари учун қурбон қилар экан.  Ҳар куни меҳнат қилиб, гоҳида жуда кечга қолиб ишлайди-ю, шикоят хам қилмас экан.
– Эркак, гарчи тирикчилик ишлари билан машғул бўлса хам, болаларининг келажагини қуруш учун тинмай меҳнат қилар экан, тиришар экан.
– Оиласини мустаҳкамлашга уринар экан. Шундай бўлса-да, турли-туман маломатларга қолар эканлар.
– У ишида хўжайинидан ёқимсиз гапларни эшитиб келиб, гоҳида ота-онасидан, гоҳида аёлидан даккилар хам эшитар экан. 
– Агар ўзини чалғитиш учун айлангани чиқиб кетса, масъулиятсиз эр,  уйда қолса, дангаса ва ялқов!
– Фарзандларини тарбиялаш учун қаттиқ тегса уларга, миннатчи ёки, ваҳший. Агар бироз эркин қўйса, болаларининг тарбиясига бепарво.
– Аёлини ишлашдан қайтарса, оилада диктатор. Ишлашига рухсат берса, текинхўр. Шундай бўлса хам, болларини ўзидан яхшироқ бўлишига умид билан, тинмай шикоятсиз меҳнат қилар экан. Болалари учун дунёдаги энг зўр мукофотларни олиб беролмаса ҳам, ўзи қодир бўлган энг яхши совғаларни ҳадя этар экан.
– Она 9 ой фарзандини кўтариб юрса, ота бир умр  уни масъулиятини кўтариб ўтар экан.

Билдимки, агар уйнинг эркаги саломат бўлса, дунё саломат қолар экан. 
Хар бир ота ва ҳар бир эрни ҳурматини жойига қўйинглар, азиз аёллар.
Сизлар учун қанча қурбонликлар қилганини билмайсизлар.”

@IBRATLY

Кичик тадқиқот!

Биринчи суратда бир кунда бир соатдан кам телевизор томоша қиладиган 5-6 ёши болакайлар чизган расмлар акс этган.

Иккинчи суратда бир кунда уч соатдан ортиқ телевизор томоша қиладиган 5-6 ёши болакайлар чизган расмлар акс этган.

Хулоса ўзингиздан, муҳтарам ота-оналар!

©️ Дилфуза Комил

@IBRATLY

АЁЛ ЭРИНИНГ ЯҚИНЛАРИНИ ҲУРМАТ ҚИЛМАСА, НИМА ҚИЛИШ КЕРАК?

Эр қандай йўл тутади?

Эр-хотин суҳбатлашиб ўтирар эканлар гап орасида эр хотинига:
– Яқинларимни, ака-укаларим, жиянларимни соғиндим. Сиздан илтимос Хоним, эртага ширин овқат пишириб, дастурхон безасангиз. Бугун уларга қўнғироқ қилиб, таклиф қиламан. Йиғилмаганимизга ҳам анча бўлибди, - дебди.
Аёл норози оҳангда хушламай:
– Майли, келаверишсин-чи, Худо хоҳласа, бир гап бўлар! – дебди.
Эри:
– Ундай бўлса, уларни эртага чақираман... – дебди.

Эр ишдан уйига қайтиб келиб, аёлидан:
– Дастурхон тайёрми? Яқинларим бироздан сўнг келиб қолишади? – деб сўрабди.
Аёл:
– Йўқ, тайёрламадим. Бегона эмаслар-ку, яқинларингиз ахир, уйдаги бор нарсадан еяверишади, – дебди.
Эр:
– Аллоҳ сизни кечирсин, Хоним! Нима учун бирон нарса пишириш ниятингиз йўқлигини кеча айтиб қўймадингиз, ҳозир келиб қолишади нима қиламиз энди?! - дебди.
Аёл:
– Уларга қўнғироқ қилиб келмасликларини айтинг, узр сўранг, вассалом. Ахир, бегона эмаслар, сизнинг яқинларингиз-ку? Тўғри тушунишади! – дебди.

Эр ғазабланиб уйдан чиқиб кетибди. Бир неча дақиқа ўтар-ўтмас эшик тақиллабди. Аёл бориб эшикни очиб, ҳайратдан донг қотибди...
Чунки қаршисида ўзининг ота-онаси, ака-укалари, опа-сингиллари, жиянлари турар эдилар.
Отаси қизидан:
– Куёвим қани? – деб сўрабди.
Қизи:
– Бироз олдин чиқиб кетгандилар... – дебди зўрға.
Отаси:
– Кеча эринг бизларни бугунги тушликка таклиф қилганди. Барака топгур, бизларни чақириб ўзи кетиб қолдими, а? – дебди.

Аёлни чақмоқ ургандек бўлибди. Терлаб кетган қўлларини бир-бирига ишқалар экан, ўйлай кетибди: “Ахир, уйдаги нарсалар билан яқинларини кутиб ололмайди, йўқ-йўқ уларга тўғри келмайди! Эрининг яқинларига бўлаверади-ю лекин, ўзининг уйидагиларига бўлмайди, ахир... Қандай қилиб, уларга оддий, кўримсиз дастурхон қилиши мумкин?”

Аёл эрига қўнғироқ қилиб:
– Нимага меҳмонга менинг яқинларимни чақирганингизни айтмадингиз? – дея сўрабди.
Эри:
– Менинг яқинларимми, сизникими нима фарқи бор? – дебди.
Аёл:
– Сиздан ўтинаман Хожам! Уйда тайинли нарса йўқ, овқат қилмаганман. Бирон тайёр таом келтира қоли-и-инг... – дебди.
Эри:
– Мен ҳозир уйдан узоқдаман. Устига устак улар бегона эмас “сизнинг яқинларингиз”! Уларга ҳам менинг яқинларимга бермоқчи бўлганингиз, уйдаги бор нарсалар билан меҳмон қила қолинг! Токи бу сенга дарс бўлсин. Менинг яқинларимни ҳам ҳурмат қилишни ўрган! – дебди.


@IBRATLY

Отанинг қизига насиҳати

Қизим, Аллоҳ сенга муносиб кўрганни севиб, қадрига ет. Аёл кишининг энг катта хатоси – эри билан бошқанинг эрини солиштирмоғидир.

Қизим, шуни билгинки, кимларнидир сенинг эрингга ҳам ҳаваси келади. Эрингнинг бошқаларда йўқ яхши сифатлари ҳам борлигини унутма!

Қизим, саҳобия аёллардан ўрнак ол. Улар "Биз эрларимизга сизлар амирларингга муомала қилганингиздек муомала қиламиз", дер эдилар.

Қизим, рашк бобида ҳаддан ошмагин! Ноўрин рашк – оила бахтига рахна солувчи ва ортиқча рашк талоқнинг калитидир.

Қизим, ақлли аёл эрининг қалбидаги муҳаббатни уйғота олади ва эри нималардан рози бўлиши ва нималардан ғазабланишини яхши билади.

Қизим, эрингни хобхонада ўн йиллик турмуш ўртоғим, деб бил. Ҳаётда эса унга ўн кунлик куёвга муомала қилгандек муносабатда бўл.

Қизим, эринг учун зийнатланишни зинҳор тарк қилмагин! Энг яхши зийнат – сурма ва энг яхши атир сувдир.

Қизим, мана бу ҳадисни доим ёдингда тут: "Қайси аёл эри ундан рози бўлган ҳолда вафот топса, жаннатга киради" (Термизий ривояти).

Агар одамлар ўзаро муносабатларида бир-бирларига меҳр-шафқат кўрсатсалар, уларга Аллоҳнинг раҳмати тушади. Уларни энг кўп ҳалок қиладиган нарса ҳасаддир. Ҳасад ва меҳр-шафқат бирга жамланмайди. Набий соллаллоҳу алайҳи васаллам: "Раҳм қилинглар, шунда раҳм қилинасизлар", дедилар.


@IBRATLY

Японияда ишлаб юрган кезларим бир куни ҳамкасбим — ўқитувчи Ямамотодан сўрадим:

— Японияда ўқитувчилар куни қачон? Сизларда уни қандай нишонлашади?

У менинг саволимга ҳайрон бўлди ва шундай жавоб берди:
— Бизда ўқитувчилар учун махсус байрам куни йўқ.

Унинг жавобини эшитиб, бунга ишониш-ишонмасликни билмай қолдим. Хаёлимдан бир фикр ўтди: Иқтисодиёти, фан-техникаси ривожланган мамлакат бўлса, ўқитувчини, унинг меҳнатини қадрлашмайди?

Кунларнинг бирида ишдан сўнг Ямамото мени уйига таклиф қилди. У мактабдан узоқда яшагани сабабли биз метрога тушдик. Кечқурун, "тиғиз вақт" бўлгани учун метро поездлари йўловчилар билан тўлган. Тиқилинчда бироз қийналиб, тутқични маҳкам ушлаб туришга тўғри келди. Тўсатдан ёнимда ўтирган бобо ўрнидан туриб менга жой бўшатди. Кекса одамнинг менга бундай муносабатини тушунмай, унинг таклифини қабул қила олмаслигимни айтдим. Аммо, у қарорида қатъий эди, мен ўтиришга мажбур бўлдим.

Метродан чиққандан кейин Ямамотодан оқсоқолнинг ҳаракатини тушунтиришини сўрадим. Ямамота табассум билан костюмимга қадалган ўқитувчи нишонига ишора қилиб деди:
— Бу чол сенинг ўқитувчи эканингни кўрди ва айнан шу мақоминг ҳурмати, сенга жой бўшатди.

Ямамотонинг уйига илк марта ташриф буюраётганим учун бўш қўл билан бориш ноқулай эди. Мен бирор-бир совға олишга қарор қилдим. Ўз фикримни унга айтдим. У рози бўлди ва шу атрофда ўқитувчилар учун махсус дўкон борлигини, у ерда чегирма нархларда истаган нарсани сотиб олиш мумкинлигини айтди. Ҳайратимни яшира олмай:
— Имтиёзлар фақат ўқитувчиларга бериладими, — дедим.

Ямамото тасдиқ ишорасида бошини қимирлатди:
— Японияда ўқитувчи энг ҳурматли касб эгаси, энг ҳурматли инсон. Агар ўз дўконига ўқитувчи кирганини кўрса, япониялик тадбиркорлар жуда хурсанд бўлади, буни ўзлари учун катта шараф деб билади.

Япон ўқитувчиларининг ҳар куни байрамдек экан...

Рустам Бисенев

@IBRATLY

Бир зиёфатда бир киши ўзининг бошланғич синф устозини кўриб қолди. У устозига мутлақ ҳурмат ва эҳтиром билан боқиб:
– Устоз! Мени танидингизми? Мени эсладингизми? – деди.
Устоз:
– Афсус, эслай олмадим, – деди.
У киши деди:
– Қандай эслай олмайсиз?! Ахир мен синфдошларимдан бирининг соатини ўғирлаган эдим. Соатини ўғирлатган синфдошим йиғлай бошлади. Сиз бизнинг барчамизни ўрнимиздан турғизиб чўнтакларимизни текширмоқчи бўлдингиз. Мен энди синфдошларим ва устозлар олдида шарманда бўлишимга ишондим. Энди улар мени доимо масхара қилишади, шахсиятим бутунлай барбод бўлади деб ўйладим.
Сиз ўшанда биздан деворга қараб кўзимизни юмиб туришимизни сўраган эдингиз. Сиз чўнтакларни текшира бошладингиз. Менинг навбатим келганида чўнтагимдан соатни олдингиз ва текширишни давом эттирдингиз. Охирги болани ҳам текшириб сўнгра бизни ўтиришимизни айтдингиз.
Мен ҳамон шарманда бўлишдан қўрқиб дағ-дағ титрар эдим. Сиз соатни эгасига қайтардингиз. У бола шодликдан йиғлаб юборди, соатини ким ўғирлаганини билмай қолди. Бутун ўқишим мобайнида ўғирлик ҳақида менга гапирмадингиз. Бошқа устозлар ҳам ўғирликни эслашмади. Эсладингизми устоз? Қандай эсламаслигингиз мумкин? Буни унутишингиз мумкин эмас!

Устоз бутунлай хотиржамлик билан деди:
– Йўқ, эслай олмадим. Ўшанда мен сизларни кўзларимни юмган ҳолатда текширганман!

@IBRATLY

Намоз оғир келган жасадга, гуноҳ осон киради. Бомдодга ухлаб қолманг!

@IBRATLY

Юракка иймонни, ихлосни солиб,
Кўзлардан уйқуни, ғафлатни олиб,
Энг ширин ором ҳам биp четда қолиб,
Бомдодда уйғотган ўзингга шукур!

Aзон садолари шундайин саским,
Беҳаловат руҳга беради таскин,
Намозга турмаган - ҳақиқий мискин,
Бомдодда уйғотган ўзингга шукур!

Барвақт турмоқ, асли, вужудга даво,
Aтрофда кезади энг тоза ҳаво,
Энг буюк табобат, энг буюк сафо,
Бомдодда уйғотган ўзингга шукур!

Хаёлларни узиб дунё ўйидан,
Этакларни силтаб дунё уйидан,
Сақлабон шайтоннинг базму тўйидан,
Бомдодда уйғотган ўзингга шукур!

Ризқимизга хайр барак бериб,
Кибримиз эзғилаб, тупроққа қориб,
Энг сара тақдирни муносиб кўриб,
Бомдодда уйғотган ўзингга шукур!

Саждага теккан бош мағрур бўларкан,
Юрак шафоатга, бахтга тўларкан,
Ҳар саҳар неча минг ҳаёт сўларкан...
Бомдодда уйғотган ўзингга шукур!

©Vafo Momin

@IBRATLY

Ҳеч бир инсон ҳаётингизга бекордан бекорга келмайди...

— Кимларнингдир айтган эртагига "Раҳмат" денг, сизни хушёрликка чорлаб уйғотиб кетди.
— Кимларнингдир аччиқ ҳақиқатни сўзлаганига "Раҳмат" денг, ақл кўзингизни очиб кетди.
— Кимларнингдир қалбингизни яралаб, тирнаб кетганига "Раҳмат" денг, сизга оғриқ бериб, сабрни ўргатиб кетди.
— Кимларнингдир сизга душманлик қилганига "Раҳмат" денг, кучлилар қаторига қўшиб кетди.
— Сизга меҳр, қувонч улашганларга "Раҳмат" денг, ҳаётнинг гўзаллигини кўрсатиб кетди...


@IBRATLY

ҚИЁМАТ КУНИ ЎҒЛИНГИЗ АЛЛОҲ ҲУЗУРИДА ТУРИБ:
— Отажон, нима учун мени чет элга саёҳатга олиб бормагансиз, деб даъво қилмайди.
— Отажон, нима учун менга компьютер ва уяли телефон олиб бермагансиз, деб даъво қилмайди.
— Отажон, нима учун менга данғиллама ҳовли қуриб бермагансиз, мазали таомлар билан сийламагансиз, — деб даъво қилмайди.

ЛЕКИН ҚИЁМАТ КУНИ:
— Отажон, Аллоҳга қандай ибодат қилишни нима учун ўргатмагансиз?!
— Отажон, нима учун менга Қуръон ўқишни ўргатмагансиз?!
— Отажон, нима учун намоз ўқимаганимда мени бундан қайтармагансиз?! — деб даъво қилиши аниқдир.


@IBRATLY

Бир киши шайхнинг олдига кирди. Қараса, шайх шогирдларига Саҳиҳул Бухорийни шарҳлаб бераётган экан. У одам шайхга "Ғарбда одамлар Ойга етишди. Сиз бўлсангиз Саҳиҳул Бухорийни шарҳлаб ўтирибсиз" деди.

Шунда шайх "Бунинг нимаси ажабланарли? Махлуқ махлуққа етибди-да. Биз эса Холиққа етишни истаймиз. Лекин ичимизда қуруқ қолган кимса фақат сенсан. На Ойга етдинг, на биз билан Саҳиҳул Бухорийни ўргандинг" деди.


@IBRATLY