ҚАРҒИШ...

Табиатан ювош Самиғ отанинг ҳовлисидан эшитилган шовқин-сурон қўшниларга эриш туюлди. Ён қўшнилар ва уларнинг фарзандлари ҳам Самиғ отани ўзларига яқин олиб "бобо" деб аташарди. "Бобо"нинг хонадони тинч ва осойишталиги билан ажралиб турарди. Аммо Ҳилолани турмушга беришди-ю, ана шу осойишталик барҳам топди. Қўшни қишлоққа келин бўлиб тушган қизи куёв билан ҳар келганида ота юрак ҳовучлаб турадиган бўлиб қолди. Алҳол, куёвбола бирор нарсани баҳона қилиб жанжал чиқаришни одатга айлантирганди. Аслида у хотинининг уйига ҳам келар, аммо ҳар келганида қайнотасининг дилини ранжитиб кетарди. Бугун ҳам ўрганган кўнгил, ўртанса қўймас, деганларидек бўлди. Арзимаган нарсани баҳона қилиб, хотинини ҳақоратлади. Кейин қайнотасига ўда ғайлади. Дарвоза тагида тўпланган қўшниларни кўриб, ҳижолат чеккан Сами ғ ота бошини солинтирганича ичкари кириб кетди.

... Ҳилолага Жамшиддан совчилар келганида розилик беришга Самиғ отанинг негадир кўнгли чопмаган эди. Аммо ўртага қишлоқ оқсоқоллари тушгач, уларнинг сўзларини қайтара олмади. Одам оласи ичида деганлари рост экан. Дастлаб мўмингина бўлиб кўринган йигит кейинчалик қилиқ чиқара бошлади. Нобоп шерикларга қўшилиб қолди. Ичкиликка берилди. Кейин нашага ружу қўйди. Ана шу касофат туфайли бинойидек ишлаб турган корхонасидан ҳайдалди. Ҳамқишлоқлари орасида обрўсини йўқотди. Хурмача қилиқларидан безиган таниш-билишлари ҳам иложи борича унга рўбарў келмасликка уринадиган бўлиб қолди. Чунки Жамшид маст бўлди дегунча, учраган одамга осилиб, кайфиятни бузарди.

Жамшид энди кайф-сафо учун пул тополмай қийнала бошлади. Ошна-о ғайниси ҳам қарз бермай қўйди. Қўли гул чевар Ҳилола тиним билмай ишлаб топаётган пулнинг ҳам баракаси учди. Хумор тутган пайтда Жамшиднинг кўзига ҳеч нарса кўринмай қолар, аламини хотинидан оларди. Топган-тутганини юлқиб кетарди. Эри кайф бўлиб келган кунлари Ҳилола ўзини қўярга жой тополмасди. Аммо ундан қочиб қутулишнинг иложи бўлмасди. Шу боис кейинги пайтларда Ҳилоланинг афт-башараси, танаси тез-тез моматалоқ бўлиб турарди. Бемаврид калтакланиши таъсирида бир эмас, икки марта ҳомиласи тушди. Кейин эса бўйида бўлмай қолди.

Энди Ҳилоланинг нафақат со ғли ғи ва ороми, балки тилла-тақинчоқлари ва қимматбаҳо буюмлари йўқола бошлади. Жамшид айримларини хотинига билдириб олса, айримларини билинтирмай оладиган бўлди. Оқибатда хонадонда ҳафталаб қора қозон қайнамайдиган пайтлар ҳам бўлди. Аммо оила сирини ташқарига чиқармасликка аҳд қилган Ҳилола бу ҳақида ҳеч кимга о ғиз очмади.

Бир куни қизининг анча вақт жимиб кетганидан хавотирланган ота кечга томон бозорлик қилиб, уникига йўл олди. Кўча эшикдан кириши билан куёвнинг бўралаб сўкаётганини эшитиб, бир зум тўхтаб қолди. "Сизга нима ёмонлик қилдим" дея ингранаётган овоз қизиники эканлигини сезиб, юраги хаприққанча уй томон шошилди. Аммо бостириб киришга ботина олмади. Куёвнинг "Тез бўл дедим сенга" деб ўда ғайлаши, қизининг "Йўқ пулни қаердан оламан" дея зорланиши отанинг кўнглини дилгир қилиб юборди. Андишани йи ғиштириб қўйиб, уй эшигини шахд билан очди. "Ҳа, тинчликми?" Бурчакдаги тахланган кўрпачалар устига мук тушган қизи ҳам, унинг чап қўлини билагидан қайириб турган куёви ҳам бир зум қотиб қолишди. Жамшид хотинининг қўлини силтаб қўйиб юборганча қайнотасига салом ҳам бермай, ғудраниб ташқарига чиқиб кетди. Самиғ ота дастлаб "Эр-хотиннинг орасига эси кетган тушади" деган ҳикматга амал қилмоқчи бўлди. Аммо қизининг аҳволини кўриб, юрак-ба ғри эзилиб кетди. "Кийин, қизим, уйга кетамиз".

Онаси ўлганидан бери отасига суяниб қолган Ҳилола уйига келгач, барча воқеани сўзлаб берди. Куёвнинг бунчалик олчоқлигидан дар ғазаб бўлган ота дастлаб, у билан эркакчасига гаплашиб қўйишни ният қилди. Орадан бир ой ўтса ҳамки, куёвдан дарак бўлмади. Энди Сами ғ отанинг юрагига ғул ғула тушди. Эшитганлар нима дейди? Фалончи қизини уйига келтириб олибди, деган иснодга қандай чидайди? Кейин орага одам қўйди. Гарчи айб бўлмаса-да, куёвидан узр сўраб, маҳалла оқсоқолларидан икки кишини жўнатди. Эртаси куни Жамшид гўё ҳеч нарса бўлмагандек кириб келди. Аммо ичиб олгани яққол сезилиб турарди. Сами ғ ака ўзи ош дамлади........

ЕТИМНИНГ ХАҚҚИ!

Бир киши вафот этди, аёли - ёш жувон қўлидаги гўдаги етим қолди. Унинг акаси бу бева аёлни кўмаксиз, болакайни тарбиясиз қолмаслиги учун ҳозир бўлди. Аёл эридан қолган барча мулкни қайнакасига ишониб, унининг тасарруфига топширди. Кўзлари хасаддан қорайган ака жиянининг ҳаққи бўлган ҳамма мол-мулкни сотиб, Америкага қараб жуфтакни ростлади. Унинг омади чопди. У ердан яхши иш топиб, оқ танли аёлга уйланди. Бола - чақали бўлди. Улар автомабиль олди - сотдисида моҳир савдогарларга айланишди. Аёли ҳам эрига пулни кўпайтиришда қарашарди. Кун сайин бойишарди. Укасининг беваси эса, қашшоқлашиб борарди. Аёл боласининг гўзал ахлоқли, ўқимишли бўлиши учун бор кучини сарф этди.
Орадан 15 йил ўтиб, ака ўз юртига қайтди. Катта ер сотиб олиб, ҳашаматли қаср қурди. У ўз савдосини давом эттирди. Укасининг ўғли йигит ёшига етган эди. Амакисининг олдига отасидан қолган меросдан ҳисса талаб қилгани борди.

- Сенга берадиган бир чақам ҳам йўқ! Йўқол, кўзимга кўринма, яна уйимга қадам боссанг, ўзингдан ўпкала! - деди амаки.
Йигит синиқ ҳолда волидасининг ёнига қайтди.

Амаки ўз қасрини энг янги, сара жиҳозлар билан безатди. Америкадаги оиласини чақирди. Уларни ўзи кутиб олишга қарор қилди. Лекин уйга қайтиш чоғида автоҳалокатга учрашди. Амаки, унинг аёли, фарзандлари; барчалари вафот этишди.

Ажабланарлиси шунда эдики, бу етим йигит амакисининг ёлғиз, расмий меросхўрига айланганди.

У энг қийин, энг машаққатли дамларни яшаётганида 15 йил ўтиб, Аллоҳ унинг амакисини мулкини кўпайтириб беришига сабабчи, ҳақиқий эгасига зиёдаси билан қайтаришни тақдир қилганини билмасди.

Эҳтимол бу шўрлик, мазлума онанинг тўсиқсиз ижобат бўлган дуоларининг самарасидир.

Хулоса
Инсон бировга зулм қилиши, унинг ҳаққини осонгина **** кетиб, унутиши мумкин! Аммо...
«Роббингиз унутувчи эмасдир!»
( Марям сураси, 64-оят).
«Мазлумнинг дуосидан эҳтиёт бўл! Сабаби, у билан Аллоҳ ўртасида тўсиқ йўқ!»

Бухорий, Муслим, Сунан соҳиблари ва Аҳмад ривояти.


@IBRATLY

Савол: Қандай қилиб Жаннатда уйингиз бўлиши мумкин?
Жавоб: Ихлос сурасини 10 марта ўқинг.

Савол: Қандай қилиб Жаннатда хазинангиз бўлиши мумкин?
Жавоб: “Лаа ҳавла ва лаа қуввата илла биллаҳ” ни айтинг.

Савол: Қандай қилиб сизга Жаннатда хурмо дарахти экилиши мумкин?
Жавоб: “Субҳаналлоҳил Азим ва биҳамдиҳ” деб айтинг.

Савол: Қандай қилиб ҳар бир калима учун сизга Жаннатда дарахт бўлиши мумкин?
Жавоб: “Субҳаналлоҳи валҳамдулиллаҳи ва лаа илаҳа иллаллоҳу валлоҳу Акбар”ни айтинг.

Савол: Қандай қилиб гуноҳингиз денгиз кўпигича бўлсада мағфират қилинади?
Жавоб: “Субҳаналлоҳи вабиҳамдиҳи”ни 100 бора айтинг. (ва гуноҳларга қайтманг)

Савол: Қандай қилиб Аллоҳ таоло ғам-қайғуларингизга кифоя қилиши мумкин?
Жавоб: “Ҳасбияллоҳу лаа илаҳа илла ҳува Алaйҳи таваккалту ва ҳува Роббул АршилАзим” ни 7 марта айтинг.

Савол: Аллоҳ сиздан қандай рози бўлиши мумкин?
Жавоб: “Розийту биллаҳи Роббан Ва бил Ислами дийнан Ва би-Муҳаммадин соллоллоҳу алайҳи васаллама набиййан ва росулан” деб 3 марта айтинг.

Савол: Аллоҳ қандай қилиб гуноҳингизни мағфират этишимумкин?
Жавоб: “Астағфируллоҳал Азималлази лаа илаҳа илла ҳувал Ҳаййул Қойюм ва атубуилайҳ”ни 3 марта айтинг.

Савол: Қандай қилиб 1000 яхшиликка эришиб, сиздан 1000 ёмонлик ўчирилиши мумкин?
Жавоб: “Субҳаналлоҳ”ни 100марта айтинг.

Савол: Қандай қилиб Роҳманнинг арши мисолидек ҳасанотга эришиш мумкин?
Жавоб: “Субҳаналлоҳи ва биҳамдиҳи ва зината аршиҳи” деб айтинг.

Савол: Қандай қилиб махлуқотлар ададича, арш оғирлигича, Аллоҳнинг ризоси ва У Зотнинг сўзларининг сиёҳи мисолича ажрга эришиш мумкин?
Жавоб: “Субҳаналлоҳи вабиҳамдиҳ адада холқиҳи ва ризо нафсиҳи ва зината аршиҳи ва мидада калиматиҳи” ни 3 марта айтинг.

Савол: Қандай қилиб ҳар бир муслим ва муслима, мўмин ва мўмина учун яхшилик қила олишингиз мумкин?
Жавоб: “Аллоҳуммағфир лий валил муслимина вал муслимат вал муъминина вал муъминат ал-аҳяу минҳум мамат” ни ўқинг.

Савол: Қандай қилиб Қуръони каримни тўлиқ қироат қилганнинг ажрини олиш мумкин?
Жавоб: Яна Ихлос сурасини 3 марта ўқинг.

Савол: Қандай қилиб шу амалларни ҳаммасини бир неча баробари савобига эришиш мукин.
Жавоб: Шу рисолани тарқатинг. Ҳар бир ўқиб амал қилганнинг савоби сизга келиб туради.


@IBRATLY

Бу дунёда ўзинг учун ўзинг харакат қилмасанг бўлмайди!

@IBRATLY

Мева

Мевали дарахтга ўтган ҳам тош отади, кетган ҳам. Ногаҳон тошлардан бири мевага тегиб узилиб тушди. Тош теккан жойи бир зада бўлса, ерга тушган жойи яна бир зада бўлди — кўркини йўқотди. Энди унга ҳеч ким қарамай қўйди: тош теккан дейишди, зада бўлган дейишди. У дарахт соясида, оёқ остида қолиб кетди. Отилган тошдан эҳтиёт бўлмаганидан пушаймон мева...


@IBRATLY

​​​​“АНА, РИСОЛАТНИНГ ЭРИ...”

Беш йил аввал...
“Дадаси, ана, чопиққа чиқма, дейсиз, кеча Жума фермер уч юз минг сўм берди. Шу пулга иккита қўзи олиб боқмоқчиман. Кузда сотсам, пулини шифернинг пулига қўшиб қўяман. Яна қирқта жўжа ҳам очирдим. Бу ёқда сигиримиз туғади яқинда... Бу йил худо хоҳласа, томни ёпиб олармиз. Чакканинг тагида қишламаймиз энди... Худога минг шукур. Кимдан камимиз бор? Ана, Рисолатнинг эри...”
Уч йил аввал...
“Олий маълумотлиман, домулламан, деб кўкрак кериб юраверсангиз, биров бир сўм берадими? Бир миллион сўм ойлигингизга рўзғор ўтмайдию, орттириб бўларканми? Ана, Рисолатнинг эри у ёқда икки йил ишлаб, участкасини қаср қилиб олди. Эртадан кейин қайнингиз Питерга кетаяпти. “Поччамниям менга қўшиб юборинг, йўл пули мендан”, – дейди. Ҳатто жигарингиз ҳам бундай яхшилик қилолмайди. Гап шу! Кетасиз, дедимми, кетасиз! Менинг ҳам қанчадан-қанча орзу-ҳавасим бор...”
Бир йил аввал...
“Алло! Қанча жўнатдингиз? Беш юз доллар ҳам пулми? Ана, Рисолатнинг эри... Э-э-э, мен билмайман, йиғиштиринг баҳонани... Ўтган ойнинг пулими? Ҳа, тилла “тросс” олдим. Жума фермернинг хотинидан кам жойми борми?”
Олти ой аввал...
“Нима, мен далага, чопиққа чиқаманми? Мен-а? Ковушимнинг пулини берадими? Нима, қайтаяпсиз? Шундай ишни ташлаб-а? Бу ёқда нима бор? Яна юрасиз-да фермернинг ерида судралиб... Нима, “йиқилдим”, “оёғим қайрилди”? НимагаМ йиқиласиз? Бу ёқда қизингизнинг тўйи бўлай турипти... Шунинг учун уйга чопиб келиш шартми? Ўша ерда даволанаверинг...Ана, Рисолатнинг эри...”
Кеча...
“Ука, нималар деяяпсан? Нима бўлди поччангга? Қандай тушиб кетади? Алло, алло... Иккинчи қаватдан?! Синди? Оёқми? Кўзларингга қарасанглар бўлмайдими? Э-э-э, эркак кишиям шундай латта бўладими? Тузукмилар?! Иш жойидан товон пули беришарканми? Нимага энди... ана, Рисолатнинг эри...”
Нуриддин ЭГАМОВ.

https://t.me/IBRATLY

☀️ Aссалому алайкум! Якшанба тонги муборак бўлсин!

🤲 Соғ–саломат уйғотган Роббимизга ҳамдлар бўлсин!

✨Асл саодат нафас олиб турган ҳар онимизга шукр қила олишдир...
✨Шукр ва зикрга бой кун бўлсин!

😇 Дам олиш кунингиз мазмунли ўтсин!

👉 @IBRATLY

❗️Намознинг жисмоний фойдалари

Қиём — тик туриш:
➖ белдаги оғриқларни 25%;
➖ тиззалардаги оғриқларни 52%;
➖ кафтдаги оғриқларни 32%;
➖ оёқ бармоқларидаги оғриқларни 22% камайтиради.

Рукуъ ҳолати:
➖ белдаги оғриқларни 18%;
➖ тиззадаги оғриқларни 63%;
➖ кафтдаги оғриқларни 32%;
➖ оёқ бармоқларидаги оғриқларни 22% камайтиради.

Сажда ҳолати:
➖ белдаги оғриқларни 24%;
➖ оёқ бармоқларидаги оғриқларни 13%;
➖ тиззадаги оғриқларни 53%;
➖ билаклардаги оғриқни 28% камайтиради.

Қаъда ҳолати:
➖ белдаги оғриқларни 37%;
➖ оёқ бармоқларидаги оғриқларни 17% камайтиради.


@IBRATLY

Аёллар, албатта, ўқисинлар ва амал қилсинлар!!!

1. Эрингизга ёқадиган исм ва сифатлар билан мурожаат қилинг;
2. Эрингиз яхши кўрадиган таомларни ширин килиб пиширинг, у уйини соғинсин;
3. Эрингиз уйдан чиқаётганида уни кузатиб қўйинг, кечқурун ишдан қайтаётганида эса очиқ юз билан кутиб олинг;
4. Эрингизга гўзал кўринишга харакат қилинг.
5. Эрингизга доимо ташаккур айтишни унутманг. Кучи етмайдиган ишларга ундаманг, бошқаларга шикоят қилманг;
6. Камхарж бўлинг, исрофгар бўлманг. Оғир дамларда хам эрингизга қарши бош кўтарманг;
7. Эрингизнинг қариндошларига ва яқинларига яхши муомалада бўлинг.
8. Сиздан хамиша муаттар хид таралсин;
9. Қайнонангизни тажрибали она сифатида кўриб, хурмат қилинг. Эрингизнинг сизга нисбатан мехри ошсин;
10. Фарзандларингизни одоб-ахлоқли қилиб вояга етказинг, бошқалар хам сизни яхши инсон сифатида тилга олсин.

Ана шу оддийгина кўринган амалларга амал қилсангиз, сиз бахт-саодат, тинчлик-хотиржамлик, фаровонликка эришасиз.


@IBRATLY

ҚАРҒИШ...

Табиатан ювош Самиғ отанинг ҳовлисидан эшитилган шовқин-сурон қўшниларга эриш туюлди. Ён қўшнилар ва уларнинг фарзандлари ҳам Самиғ отани ўзларига яқин олиб "бобо" деб аташарди. "Бобо"нинг хонадони тинч ва осойишталиги билан ажралиб турарди. Аммо Ҳилолани турмушга беришди-ю, ана шу осойишталик барҳам топди. Қўшни қишлоққа келин бўлиб тушган қизи куёв билан ҳар келганида ота юрак ҳовучлаб турадиган бўлиб қолди. Алҳол, куёвбола бирор нарсани баҳона қилиб жанжал чиқаришни одатга айлантирганди. Аслида у хотинининг уйига ҳам келар, аммо ҳар келганида қайнотасининг дилини ранжитиб кетарди. Бугун ҳам ўрганган кўнгил, ўртанса қўймас, деганларидек бўлди. Арзимаган нарсани баҳона қилиб, хотинини ҳақоратлади. Кейин қайнотасига ўда ғайлади. Дарвоза тагида тўпланган қўшниларни кўриб, ҳижолат чеккан Сами ғ ота бошини солинтирганича ичкари кириб кетди.

... Ҳилолага Жамшиддан совчилар келганида розилик беришга Самиғ отанинг негадир кўнгли чопмаган эди. Аммо ўртага қишлоқ оқсоқоллари тушгач, уларнинг сўзларини қайтара олмади. Одам оласи ичида деганлари рост экан. Дастлаб мўмингина бўлиб кўринган йигит кейинчалик қилиқ чиқара бошлади. Нобоп шерикларга қўшилиб қолди. Ичкиликка берилди. Кейин нашага ружу қўйди. Ана шу касофат туфайли бинойидек ишлаб турган корхонасидан ҳайдалди. Ҳамқишлоқлари орасида обрўсини йўқотди. Хурмача қилиқларидан безиган таниш-билишлари ҳам иложи борича унга рўбарў келмасликка уринадиган бўлиб қолди. Чунки Жамшид маст бўлди дегунча, учраган одамга осилиб, кайфиятни бузарди.

Жамшид энди кайф-сафо учун пул тополмай қийнала бошлади. Ошна-о ғайниси ҳам қарз бермай қўйди. Қўли гул чевар Ҳилола тиним билмай ишлаб топаётган пулнинг ҳам баракаси учди. Хумор тутган пайтда Жамшиднинг кўзига ҳеч нарса кўринмай қолар, аламини хотинидан оларди. Топган-тутганини юлқиб кетарди. Эри кайф бўлиб келган кунлари Ҳилола ўзини қўярга жой тополмасди. Аммо ундан қочиб қутулишнинг иложи бўлмасди. Шу боис кейинги пайтларда Ҳилоланинг афт-башараси, танаси тез-тез моматалоқ бўлиб турарди. Бемаврид калтакланиши таъсирида бир эмас, икки марта ҳомиласи тушди. Кейин эса бўйида бўлмай қолди.

Энди Ҳилоланинг нафақат со ғли ғи ва ороми, балки тилла-тақинчоқлари ва қимматбаҳо буюмлари йўқола бошлади. Жамшид айримларини хотинига билдириб олса, айримларини билинтирмай оладиган бўлди. Оқибатда хонадонда ҳафталаб қора қозон қайнамайдиган пайтлар ҳам бўлди. Аммо оила сирини ташқарига чиқармасликка аҳд қилган Ҳилола бу ҳақида ҳеч кимга о ғиз очмади.

Бир куни қизининг анча вақт жимиб кетганидан хавотирланган ота кечга томон бозорлик қилиб, уникига йўл олди. Кўча эшикдан кириши билан куёвнинг бўралаб сўкаётганини эшитиб, бир зум тўхтаб қолди. "Сизга нима ёмонлик қилдим" дея ингранаётган овоз қизиники эканлигини сезиб, юраги хаприққанча уй томон шошилди. Аммо бостириб киришга ботина олмади. Куёвнинг "Тез бўл дедим сенга" деб ўда ғайлаши, қизининг "Йўқ пулни қаердан оламан" дея зорланиши отанинг кўнглини дилгир қилиб юборди. Андишани йи ғиштириб қўйиб, уй эшигини шахд билан очди. "Ҳа, тинчликми?" Бурчакдаги тахланган кўрпачалар устига мук тушган қизи ҳам, унинг чап қўлини билагидан қайириб турган куёви ҳам бир зум қотиб қолишди. Жамшид хотинининг қўлини силтаб қўйиб юборганча қайнотасига салом ҳам бермай, ғудраниб ташқарига чиқиб кетди. Самиғ ота дастлаб "Эр-хотиннинг орасига эси кетган тушади" деган ҳикматга амал қилмоқчи бўлди. Аммо қизининг аҳволини кўриб, юрак-ба ғри эзилиб кетди. "Кийин, қизим, уйга кетамиз".

Онаси ўлганидан бери отасига суяниб қолган Ҳилола уйига келгач, барча воқеани сўзлаб берди. Куёвнинг бунчалик олчоқлигидан дар ғазаб бўлган ота дастлаб, у билан эркакчасига гаплашиб қўйишни ният қилди. Орадан бир ой ўтса ҳамки, куёвдан дарак бўлмади. Энди Сами ғ отанинг юрагига ғул ғула тушди. Эшитганлар нима дейди? Фалончи қизини уйига келтириб олибди, деган иснодга қандай чидайди? Кейин орага одам қўйди. Гарчи айб бўлмаса-да, куёвидан узр сўраб, маҳалла оқсоқолларидан икки кишини жўнатди. Эртаси куни Жамшид гўё ҳеч нарса бўлмагандек кириб келди. Аммо ичиб олгани яққол сезилиб турарди. Сами ғ ака ўзи ош дамлади........

​​Овқатдан сўнг тарвуз сўйиб келди. Кейин куёвга аста ёти ғи билан насиҳат қилишга киришди. Аммо отанинг икки ёшнинг турмуши бузилиб кетмаслиги учун қилаётган насиҳатлари куёвга қаттиқ ботди. Унга яхши гапириш билан таъсир кўрсатишнинг иложи йўқлигидан отанинг хуноби ошди. Асаби қўз ғаб, тутоқиб кетди.

- Ҳей, ношукр банда, шундоқ хотиннинг қадрини билмасанг кўр бўласанку ахир.

- Нималар деп валдираяпсиз? Сизнинг сўзингиз билан кўр бўлсам бўлақолай.

- Билиб қўй, Худога соламан.

- Қўлингдан келганини қилмайсанми? - Жамшид энди сенсирашга ўтди. Бу ҳам етмагандек, қайнотасининг кўксидан қаттиқ итариб юборди. Ота чайқалиб бориб боши билан деворга урилди. У пастки лабини тишлаганча, кўзларидан оқаётган алам ёшларини артаркан, қайта-қайта "Худога солдим" дейишдан нарига ўтмади.

Шу куни Ҳилола эри билан бирга кетди. Бироқ қайнота-куёв шундан кейин юз кўрмас бўлишди. Қиз гоҳо-гоҳо бирров келиб отасидан хабар олиб кетарди. Кўнгли қаттиқ ранжиган Сами ғ ота қизидан куёвнинг аҳволини сўраб қўяр, аммо у билан учрашишни хаёлига келтирмасди. Ҳилола эса эрининг барча зу ғумларига дош бериб, иложи борича унинг кўнглини олишга уринарди. Тик боқишга журъат қилолмасди ҳам. Зеро, онаси раҳматлик ўлими олдидан "Турмушга чиққанингда, эрингнинг ҳурматини ўрнига қўй, чунки эр пир бўлади", дея насиҳат қилганди. Гарчи, бундай эр ҳеч қачон пир бўлолмаслигини яхши билса ҳам, унга қарши чиқиб онасининг руҳини чирқиратишдан чўчирди. Жамшид эса индамас хотинни хўрлашни тобора кучайтирди.

Ота қизини кўп со ғинар, лекин бориб кўришга юраги дов бермасди. Ношукр куёви билан бақамти келиш унинг учун жуда азоб эди. Ҳилола ҳам фарзандсизлик азоби, оила ташвиши, эрининг зу ғуми туфайли барвақт қариди. У бора-бора руҳий касалликка чалинди. Қўни-қўшнилар унинг гоҳ ёш болалардек ҳўнграб йи ғлашини, гоҳ қаҳ-қаҳ отиб кулишини эшитиб эзилиб кетишарди. Аммо унга бирор ёрдам беришдан ожиз эдилар. Баъзи кунлари кўчага чиқиб кетаётган эрининг этакларига осилиб олган хотин "Худога солдик... худога солдик" дея қичқириб қоларди. Бундай пайтларда эри унинг қўлидан силтаниб қутулиб кетишга уринар, баъзида тепиб ҳам юборарди. Қизининг аҳволидан хабар топган ота бир неча бор келиб, ташқаридан қулфланган кўча эшик тирқишидан мўралаб, қизини чақириб кўрди. Аммо у отасини таниш даражасида эмас эди. Ҳилола бир неча йил шу йўсин азобланиб, бу дунёни тарк этди. Қизининг вафоти отани янада ўртаб юборди. У ҳар куни намоздан кейин кўзларидан шашқатор ёш тўкиб, қизининг умрига зомин бўлган куёвининг жазоланишини Аллоҳдан ўтиниб сўрарди.

Ёл ғиз қизидан барвақт ажралган отанинг юраги айрилиққа бардош бера олмади. Бир неча ойдан сўнг қишлоқ аҳли Сами ғ отани ҳам сўнгги йўлга кузатди. Орадан кўп ўтмай қўшни қишлоққа борган кишилар "Жамшид ака йиқилиб тушибди, иккала кўзи кўрмай қолганмиш. Кўчада етаклаб юришибди", деган гап топиб келишди.

Бахтиёр МАНСУРОВ.


https://t.me/IBRATLY

Ҳаёт, моҳир муаллим, гарчи гапира олмасада жуда яхши тушунтиради...

- Ҳаёт, одил ҳакам, унда ҳеч ким ғирром ўйнай олмайди...
- Ҳаёт, уста тарозибон, нимага лойиқ бўлсангиз фақат ўшани беради...
- Ҳаёт, шундай хонандаки, одамларни хоҳлаган куйига ўйната олади...
- Ҳаёт, оқил донишманд, сизга нима яхши, нима ёмонлигини эслатиб туради...
- Ҳаёт, бахт ва бахтсизлик, орзу ва армон, муҳаббат ва нафрат, ҳурмат ва иллат, доно ва нодон оқибат ва ғафлат каби жуфтликлар йиғиндисидир...
- Ҳаёт, баҳоларингиз жамланиб борадиган кундалик дафтардир...
- Ҳаёт, кичкина ховли, ховлингизга хоҳласангиз гул экасиз... хоҳласангиз тиконзорга айлантирасиз.!

@IBRATLY

Оиладаги мувозанатни тутиб туриш эркакка боғлиқ!

@IBRATLY

ИККИ ХИЛ ДУНЁҚАРАШ.

Бир киши иш столига ўтириб, қўлига қалам олди ва:

«Ўтган йили ўт пуфагим жарроҳлик йўли билан олиб ташланди.
Бир неча ой ётиб қолдим.

Олтмиш ёшга етдим.
Ўттиз йил давомида ишлаган нашриёт уйидаги вазифамни тарк этдим.

Отам вафот этди.

Ўғлим автоҳалокатга учрагани, бир неча ой ўқишга боролмагани боис бакалаврлик даражасидан маҳрум бўлди» , вароқнинг охирига «Ўтган йили жуда ҳам ёмон йил бўлди» деб ёзди.

Аёли кириб келди. Эрининг кайфиятсиз ўтирганини кўриб, унга яқинлашди. Елкаси узра ёзган хатини ўқиди. Ҳеч нарса демай оҳиста хонани тарк этди.

Бир неча дақиқадан сўнг, қўлига қоғоз ушлаб кириб келди. Индамасдан эри ёзган хатнинг олдига қўйди. Эри унга қараб ўқий бошлади:

«Ўтган йили узоқ йиллар азоб тортиб келаётган ўт пуфагингиз оғриқларидан халос бўлдингиз. Олтмиш ёшни қаршилаган бўлсангиз ҳам, Аллоҳнинг изни ила соғ-саломатсиз. Ишингизни тарк этганингиз, уйда ўтириб ажойиб асарлар ёзишингизга имкон яратиб берди. Отангиз тўқсон беш йил яшадилар. Ҳеч кимга суяниб, муҳтож бўлмадилар. Қийналмасдан тез ва осон жон бердилар. Ўғлингиз автоҳалокатда ўлимдан омон қолди. Ногирон бўлиб қолмасдан, машаққатсиз тузалди»

Вароқ сўнгига

«Аллоҳ бизга ўтган йилни нақадар хайрли қилди. Ҳаммаси яхшилик билан якун топди» деб ёзилганди.

Уларнинг икковлари ҳам бир хил ҳодисани бошдан кечиришди. Лекин хар хил мулоҳаза қилишди.

ХУЛОСА

Биз доим камчиликларни кўрамиз. Шу сабаб Аллоҳнинг берган неъматлари учун шукр қилмаймиз. Биздан олиб қўйилган нарсаларни ўйлаб, бутун эътиборимизни шунга қаратамиз. Бизда ҳали ҳам бор бўлган неъматларни унутамиз, эсимизга ҳам келмайди.

https://t.me/IBRATLY

Қабрда ҳам рашк қиламан
(Ҳаётий ҳикоя)


Бир йигит дину диёнатли ва гўзал хулқли қизга уйланди. Икки ёш бахтли ҳаёт кечира бошлади...
Орадан уч йил ўтди. Аммо тақдир тақозоси билан Аллоҳ таоло фарзанд бермади. Қатор шифокорлар ҳузурига боришди. Охир оқибат текширувлар хулосасига кўра аёл фарзанд кўра олмаслиги маълум бўлди. Бундан хабар топган куёвнинг яқинлари унга оиласи билан ажрашиб, бошқа бир аёл ила ҳаёт кечириши зарурлигини айтишди.
Икки ўт орасида қолган йигит онаси ва яқинларига қатъият ила: “Аёлимни туғмайдиган пуштсиз деб ўйлайсизми? Аслида, ҳақиқий бепуштлик фарзанд кўрмасликда эмас, балки эр-хотин ўртасида мустаҳкам туйғу ва покиза муҳаббатнинг йўқлигидадир. Мен ундан розиман. У ҳам мендан рози. Бошқа бу мавзу ҳақида сўз очманглар”, деди. Орада фарзанд бўлмаслиги икки ёшнинг бир-бирига нисбатан меҳр-муҳаббатнинг янада зиёда бўлишига сабаб бўлди.
Шу зайлда орадан тўққиз йил ўтди. Кунларнинг бирида аёл ўзида баъзи бир ўзгаришларни сезди. Шифокорга мурожаат қилишганда, унда оғир ҳасталик борлиги, узоғи билан яна беш йил умри қолганини айтишди. Аёлнинг ҳолати борган сари оғирлашиб борарди. Шифокорлар аёлнинг турмуш ўртоғига: “Аёлингиз шифохонада бўлгани яхши. Доимо шифокорлар назоратида бўлади дейишди”. Бироқ эр бу таклифга рози бўлмасдан, тиббий муолажа учун керак бўладиган барча нарсани уйда муҳайё қилишини айтди. Уйида аёлининг тиббий даволаниши учун зарур бўлган барча нарсаларни тайёрлади ва битта ҳамширани унга қараши учун ёллади.
Йигит ишхонасининг раҳбари мазкур воқеадан хабар топиб, унга ҳар куни ишга икки соатга келиб, қолган вақтда эса, оиласига қараши учун рухсат берди. Эр ишдан қайтгандан сўнг аёлига таом пишириб, унга ўз қўли билан едирар, сўнгра уни бағрига босиб, кўнлини кўтарадиган нарсалар айтиб берарди.
Аёли вафотидан олдин бирор кишига билдирмасдан ҳамширага кичкина қути бериб, уни фақатгина оламдан ўтганидан кейингина эрига беришини тайинлади.
Аёлнинг аҳволи оғирлашиб, ҳаётдан кўз юмди. Эртаси куни ҳамшира келиб, ўзига топширилган омонатни йигитга топширди.
Эр қутини очганда унинг ичида тўйдан кейин аёлига ҳадя қилган атирнинг бўш идиши, тўй куни бирга тушган расми ва сизни Аллоҳ учун яхши кўраман деб ёзилган кумуш узук турарди.
Унинг остида хат бўлиб унда қуйидагилар ёзилган эди: “Суюкли меҳрибон жуфти ҳалолим! Мендан айрилиб қолганизга маҳзун бўлманг. Аллоҳга қасамки, агар менга иккинчи маротаба умр берилганида ҳам ҳеч иккиланмасдан албатта сиз билан яшашни танлардим. Лекин сиз хоҳлайсиз, мен ҳам хоҳлайман. Бироқ, Аллоҳ таоло нимани хоҳласа шу бўлади. Суюкли меҳрибоним! Сизга мени охирги айтадиган сўзим, вафотимдан кейин бирор солиҳа аёлга уйланинг. Сиз вазифангизни аъло даражада бажардингиз. Умид қиламанки, қиз фарзанд кўрсангиз мени исмимни қўясиз. Шуни билинг-ки, қабрда бўлсам ҳам сизни янги оилангиздан рашк қиламан!...”.

Доктор Ҳасан Бошанинг “Эр-хотин иккисига айтиладиган насиҳатлар” китобидан
Абдушукур МУРАДОВ таржимаси

Каналга аъзо бўлинг
👇👇👇
https://t.me/IBRATLY

ХАЙРЛИ ТУН!

Ўзингизни ва яқинларингизни эҳтиёт қилинг. Билингки дунё эмас, биз ўткинчимиз !

Мурувватли бўлайлик.
Уйқуга ётишдан олдин, бугун ким сизни хафа қилган бўлса, кечиринг.
Хафагарчиликларингизни унутинг. Руҳингиз енгил бўлган холда ором олишга ётинг !

Юрагингизга яқин олманг!

Тунингиз осуда ўтсин.
Ширин тушлар ҳамроҳингиз бўлсин.

https://t.me/IBRATLY

☀️ ХАЙРЛИ ТОНГ!

Ассалому алайкум! Ҳафтанинг биринчи куни, Душанба тонги муборак бўлсин!

Сиз ва бизларни соғ–саломат уйғотган Роббимизга ҳамдлар бўлсин!

Ҳамиша Аллоҳнинг паноҳида бўлинг 🤲

👉 @IBRATLY

— Ойи, сиз ҳам нимдандир қўрққанмисиз?
— Албатта. Ҳозир ҳам қўрқаман.
—Аммо сиз…
— Шундай, фақат мен қўрқув вақтида ҳам куламан.
— Ҳеч хато қилганмисиз?
— Қилганда қандоқ. Хатолар менинг кўкрак нишонларим — ўзи кичик, лекин жуда қимматга тушган.
— Сиз ҳам кичиклигингида ойингизни яхши кўрганингиз ростми?
— Ҳозир улғайганимда ҳам яхши кўраман. Муҳаббат бу — куч ва қанотдир.
— Ойи, сиз мен билан мангу яшайсизми?
— Афсус! Лекин имконим бўлса, яшаган бўлардим. Лекин, болажоним, менинг муҳаббатим туганмасдир. У доим сен билан қолади.
— Ойи, мен муҳаббатимни тушуна оламанми? У нима ўзи?..
Ойи, нега кўзингиздан ёш оқаяпти?
— Чунки болажоним, муҳаббатим ичимга сиғмаяпти!..

https://t.me/IBRATLY

ЎҚИНГ, ЙИҒЛАНГ...

Онасининг вафотидан кейин "Биз эр-хотин ишлаймиз, сизга қарай олмаймиз" деган важ билан саксон ёшли отасини "Қариялар уйи"га жойлаштирган ўғил, гоҳида уни кўргани келиб турарди.

Ўғли туғилганида ота қирқ ёшда эди. Аввалги болалари яшаб қолмаган, шу ўғлини қурбонликлар сўйиб, устида жони титраб ўстирганди. Якка-ёлғиз фарзанд бўлгани учун уни асраб-авайлаб катта қилгандилар.

Бир куни ўғилга "Қариялар уйи"дан қўнғироқ бўлди.
— Отанг оғир хаста. Умрининг сўнгги кунларини яшаяпти. Сени кўрмоқчи,- дедилар. Ўғил отасининг кўргани борганида, ота оғир-оғир нафас оларди. Отасининг қўлидан ушлаб:
— Сиз учун бирор нима қила оламанми? Кўнглингиз нима тусаяпти?- дея сўради.

Ота сўник нигоҳлари билан ўғлининг кўзларига қараб, инқиллаган товушда:
— Энди жуда кеч бўлди. Лекин хоҳласанг жуда кўп нарса қилишинг мумкин эди...- Кечалари овқат етмагани учун оч ётдим,- дея давом этди бемор ота.- Ҳаво совутгични ёқмадилар, иссиқда беҳол бўлдим. Музлатгичим йўқ эди, бир пиёла совуқ сув ичолмадим. Сиқилганимда тоза ҳавода сайр қилдирадиган кишим йўқ эди. Тагимни ҳўл қилиб қўйганимда тарсаки туширдилар. Бир ойда бир марта чўмилтирдилар. Кирдан баданимда яралар тошиб кетди. Менга қилинган бу қўполликларни орқасида кишиси борларга қилишмади. Уларга қарайдиган, ғамхўрлик қиладиган одамлари бор эди. Менинг ҳеч кимим йўқ эди.

Биласанми, нима?

Ҳаммасидан ҳам меҳрга зорлик оғринтирди. Сен тарк қилинганлик нималигини биласанми, ўғлим? Тарк қилиниш ўлмасдан туриб қабрга қўйилишдир. Буни ҳеч қачон унутма.

Хуллас, энди ҳаммаси учун жуда кеч ва мен учун бирор нима қилишга имконинг қолмади. Мен ҳамма нарсага кўникдим, лекин сенинг соғинчинга кўниколмадим. - Ота шундай деди ва сўник кўзларидан икки томчи ёш думалаб юзига тушди...

Ўғил тошдай қотиб қолганди.
— Нега буларни энди айтяпсиз? Нега аввал айтмадингиз?- деди.
— Қандай айтаман?- деди ота.- Сен мени ҳайҳотдай уйингнинг бир бурчагига сиғдирмай, бу ерга лойиқ кўрдинг. Сени безовта қилишни хоҳламадим, ўғлим. Мен учун энди жуда кеч бўлди. Аслида мен сендан хавотирдаман, сен учун қайғудаман. Қариганингда болаларинг сени бу ерга ташлаб кетса, мен чидаган нарсаларга сенинг тоқатинг етмайди. Унутма, ўғлим, нима берсанг шуни оласан.

Ота шуларни айтиб кўзларини мангуга юмди. Аён эдики, бу суҳбат ота бояқишнинг сўнгги мадорини ҳам қуритганди. Бир соатдан кейин ўғлининг қўлларидан маҳкам тутган қўллари жонсиз сирғалиб тушди. Ота юрак-бағри ўртаниб бу дунёни тарк этди.

Аллоҳ ҳар биримизга хайрли, солиҳ ва вафодор фарзандлар насиб этсин!

https://t.me/IBRATLY