8 Noyabr – #Zəfər Günü ölkəmizdə böyük təntənə ilə qeyd olunur.

Bu münasibətlə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin kollektivi Zəfər parkını ziyarət edib.

Ziyarət zamanı Zəfər abidəsi önünə gül dəstələri qoyulub, Vətənimizin azadlığı və ərazi bütövlüyü uğrunda canlarından keçmiş şəhidlərimizin əziz xatirəsi dərin ehtiramla yad edilib.

#Azərbaycan #8Noyabr #ZəfərGünü #Azerbaijan #8November #VictoryDay

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi ilə #BMT-nin Qərbi Asiya üzrə İqtisadi və Sosial Komissiyası, Cibuti Respublikasının Rəsmiləşdirmə və Sosial Müdafiə üzrə Əmək Nazirliyi, eləcə də Şri-Lanka Demokratik Sosialist Respublikasının Dövlət İdarəçiliyi, Əyalət Şuraları və Yerli Özünüidarəetmə Nazirliyi arasında dövlət xidmətlərinin göstərilməsi sahəsində əməkdaşlığa dair anlaşma memorandumları imzalanıb.

BMT tərəfi ilə imzalanmış Memorandum ASAN Xidmət təcrübəsinin Komissiyaya üzv 21 dövlətlə paylaşılmasını, eləcə də bu istiqamətdə əməkdaşlığın təşviqini nəzərdə tutur.

Şri-Lanka və Cibuti ilə imzalanmış sənədlər “ASAN xidmət” modelinin və qabaqcıl təcrübəsinin həmin dövlətlərdə tətbiqini ehtiva edir.

Anlaşma memorandumları “Birləşmiş Millətlər Təşkilatının (BMT) İdarəetmə İnnovasiyaları Sammiti: Gələcəyə Hazır Təsisatların İnkişafı” adlı Bakıda keçirilən beynəlxalq sammit çərçivəsində imzalanıb.

#UNGovSummitBaku