Ideal study | xususiy maktabi

Shoislom Baratovning yangi o’quv yili oldidan o’tkazilgan tadbirda bildirgan asosiy fikrlari (1-qism)

📌

BIZ BUGUNGI NATIJALARIMIZ BILAN CHEKLANIB QOLMASLIGIMIZ KERAK

Biz katta yo‘lni bosib o‘tdik. Bugun Ideal Study’da katta jamoa bor. Minglab o‘quvchilar bor. Natijalarimiz bor.

📌 Shuning uchun men sizlardan bu yil kechagidan yaxshiroq ishlashni emas…

KECHAGIDAN BOSHQACHA FIKRLASHNI SO‘RAYMAN.

📌 Men bu yil Ideal Study jamoasida bitta tamoyil bo‘lishini xohlayman:

“Har bir bola muhim.”
Sinfda 20 ta bola bo‘lsa — 20 ta taqdir bor.

Bir bola matematikani yaxshi biladi. Boshqasi ingliz tilida kuchli. Yana biri sportda. Yana biri san’atga qiziqadi. Yana biri esa hozircha o‘z qobiliyatini o‘zi ham bilmaydi. Bizning vazifamiz — o‘sha bolani topish.

📌 Men o‘qituvchidan faqat: “Darsni o‘tdingizmi?” deb so‘ramoqchi emasman.
Bu yil boshqa savolni beramiz:
“Siz bugun nechta bolaning hayotiga ijobiy ta’sir qildingiz?”

Mana shu bizning haqiqiy KPI’imiz bo‘lishi kerak.

📌 MEN YANGI O‘QUV YILIDA 5 TA KATTA O‘ZGARISHNI KO‘RMOQCHIMAN

1. “Faqat dars beruvchi ustoz” emas, “ustoz-murabbiy” tizimi:

O‘quvchi ustozidan faqat bilim olmasin. Undan madaniyatni, tartibni, mas’uliyatni, mehnatni, maqsad qo‘yishni o‘rgansin. Ustozning kiyinishidan ham, gapirishidan ham, vaqtga munosabatidan ham bola nimanidir o‘rgansin. Chunki bolalar biz aytganimizni emas, ko‘proq biz qilganimizni takrorlaydi.

📌 2. Har bir xodim o‘z sohasida “eng yaxshi” bo‘lishga intilsin:

Men sizlardan mukammallik talab qilmayman. Lekin o‘sishni talab qilaman. Agar bugun ingliz tili o‘qituvchisi bo‘lsangiz — ertaga undan kuchliroq ingliz tili o‘qituvchisi bo‘ling. Agar administrator bo‘lsangiz — ertaga mijoz bilan ishlashni bugungidan yaxshiroq biling. Agar boshlang’ich ustoz bo‘lsangiz — bolani bugungidan yaxshiroq tushuning.

Ideal Study’da ishlayotgan odamning o‘zi ham har yili rivojlanishi shart.

📌 3. Ota-ona bizning mijozimiz emas — hamkorimiz:

Ota-ona bizga eng qimmat narsasini topshiradi. Farzandini. Shuning uchun ota-onaga bo‘lgan munosabatimiz alohida bo‘lishi kerak. Biror ota-ona muammo bilan kelsa: “Bu mening ishim emas” degan gap Ideal Study’da bo‘lmasligi kerak. Aksincha: “Keling, bu muammoni birgalikda hal qilamiz” degan madaniyat bo‘lishi kerak.

📌 4. Natijani emas, jarayonni ham nazorat qilamiz:

Faqat yil oxirida yoki sertifikat va olimpiada va reyting vaqti natijani kutib o‘tirmaymiz. Har oy: o‘quvchi natijasi; davomati; intizomi; o‘qituvchi faoliyati; ota-ona fikri; o‘quvchining rivojlanishi tahlil qilinadi. Muammoni yil oxirida emas, paydo bo‘lgan kunida ko‘ramiz.

📌 5. Ideal Study’da “meniki” yoki meniki emas degan tushuncha bo‘lmaydi:

Bu juda muhim. “Bu mening vazifam emas.” “Men bu sinfga dars o’tmayman”, “Bu boshqa bo‘limning ishi.” “Men bunga javobgar emasman.” degan fikr jamoani ichidan yemiradi.

📌 Men yangi o‘quv yilida bitta prinsipni joriy qilmoqchiman:

“Bu mening maktabim.”

Koridorda axlat ko‘rsangiz — bu mening maktabim. Bola xafa bo‘lib turganini ko‘rsangiz — bu mening o‘quvchim. Ota-ona muammoga duch kelsa — bu mening maktabim. Biror joyda kamchilik ko‘rsangiz — “kim qiladi?” demang. “Qanday qilib men yordam bera olaman?” deb so‘rang.

🕊

📱

Instagram

📺

You tube

📱

Facebook

Please open Telegram to view this post