☝️ Bilasizmi? iTEP imtihoni ham Multi-level hisoblanadi!

Ko‘pchilik “Multi-level” va “iTEP” imtihonlarini bir-biridan mutlaqo farqli tushunchalar deb o‘ylaydi. Aslida esa, “Multi-level” imtihonning nomi emas, balki uning baholash formati hisoblanadi.

📌 Hozirgi kunda xalq orasida “Multi-level” deb ataladigan imtihonning rasmiy nomi:
✅ Chet tilini bilish darajasini aniqlash imtihoni
yoki
✅ Milliy sertifikat (ingliz tili)

📖 Avvallari ushbu imtihon Single-level formatida o‘tkazilgan. Ya’ni nomzod oldindan qaysi darajaga (masalan, B2) topshirishini tanlagan va faqat shu darajadagi savollarga javob bergan.

❗ Agar belgilangan minimal ball to‘planmasa, hatto 1 ball yetmay qolsa ham, nomzodga hech qanday sertifikat berilmagan.

🔄 Keyinchalik Bilimni baholash agentligi imtihon formatini Multi-level tizimiga o‘zgartirdi. Endilikda nomzod bitta imtihon topshiradi va natijasiga qarab unga mos daraja (B1, B2, C1 va hokazo) beriladi.

⚠️ Shuni ta’kidlash kerakki, “Multi-level” imtihonning nomi emas, balki uning shakli (formati) hisoblanadi. Xalq orasida ushbu atama keng tarqalib ketgani sababli ko‘pchilik uni imtihon nomi deb o‘ylaydi.

✅ Xuddi shu tamoyil asosida iTEP Academic Plus imtihoni ham Multi-level hisoblanadi. Nomzod bitta imtihon topshiradi va uning natijasiga qarab tegishli daraja belgilanadi.

🌍 Nafaqat iTEP, balki quyidagi xalqaro imtihonlar ham Multi-level formatida ishlaydi:

✔️ IELTS
✔️ TOEFL iBT
✔️ Aptis ESOL
✔️ Linguaskill
✔️ iTEP Academic Plus

📚 Single-level (ma’lum bir darajaga mo‘ljallangan) imtihonlarga esa quyidagilar misol bo‘la oladi:

🔹 Cambridge PET
🔹 Cambridge FCE
🔹 Cambridge CAE

🎯 Xulosa:
Multi-level — bu imtihon nomi emas, balki baholash tizimi. iTEP ham boshqa ko‘plab xalqaro imtihonlar singari Multi-level formatda o‘tkaziladi va nomzodning haqiqiy til darajasini aniqlab beradi.

@itep_master

6 Minute English (2013-2019) 2

https://t.me/english_podcast_ogk