Savol tuzish boʻyicha qarashlar.

Diskleymer: kanal asosiy kontenti maʼlumot ulashish boʻlsada, bu postda baʼzi masalalardagi shaxsiy qarashlar beriladi. Shuningdek, yozilgan maʼlumotlarga muallifning oʻzi doimo, amal qilib kelganligi yoki bundan keyin bunday boʻlmasligiga kafolat berilmaydi.

Navbatchilikka savol tuzib, uni xalqqa tortiq qilayotganimga ham bir necha yil boʻlib qolibdi. Bu borada, baʼzi oʻzgargan qarashlarim haqida aytib oʻtmoqchiman.

Dastlab, fakti ogʻir, klubga hali tanish boʻlmagan, uncha mashhur boʻlmagan, tor doiradagi faktlardan savol tuzish, shuningdek savolning javobi oʻqilgandagi klubning "sukunat ovozi"
dan bahra olish tarafdori boʻlganman.

Lekin yaqin yillarda tushunib yetdimki, bir qiziq paradoks mavjud yaʼni qiyin savol tuzish oson, oson savol tuzish esa juda qiyin)).

Masalan siz Dayson sferasi haqida oʻqib qoldingiz, ushbu faktni qiyin savol qilib koʻring, undan soʻng oson savol qilib koʻring. (Javobi aynan shunday chiqishi shart emas, izohlarda tuzib koʻrishingiz mumkin). Aniq ayta olamanki, oson savol tuzishingiz uchun koʻproq, chuqurroq izlanishga kirishasiz. Aytmoqchimanki, qiyin savolni istalgan odam tuzib bera olishi mumkin. Lekin oson savoln unday emas. Bundan kelib chiqib aytishim mumkinki, men qachondir tuzgan qiyin savollarni, klubdagi istalgan boshqa bilimdon ham tuzib bera olgan va tuzib beradi ham.

Umuman olganda aytmoqchimanki, klubga chindanam yangi narsani koʻrsatmoqchi boʻlsam, buni toʻgʻridan-toʻgʻri javobda soʻrab emas, (qachonlardir, Edward Cammings, Overton oynasi, Prosper Merime savollari kabi – barchasi oʻz vaqtida "grob" boʻlgan) aksincha, savol matnida berib borish afzal degan fikr tarafdoriga aylandim.

Bu gaplar albatta, shunchaki shaxsiy fikr va boshqa jamoalarga murojaatnoma, yoki taklif emas. Sababi, sizlarga ham qachondir shu fikr kelishiga ishonaman.

#fakt #navoiy

Alisher Navoiy metro bekati devorlarida nega "Hayrat ul-abror" asariga oid panno mavjud emas?

Bekat devorlarida "Farhod va Shirin", "Layli va Majnun", "Sab'ai sayyor", "Saddi Iskandariy" ga bag'ishlangan pannolar mavjud. Ammo "Xamsa" ning birinchi qismiga atalgan dekorativ suratni ko'rmaysiz.

Birinchi versiyaga ko'ra, simmetriya buzilmasligi uchun bu asarning pannosini chizishmagan, ya'ni 2 asar qarshisida boshqa 2 asarning pannosi chizilib, simmetriya hosil qilingan.

Ikkinchi versiyaga ko'ra, asardagi diniy elementlar sabab Moskva aynan shu asar pannosini rad qilgan.

Uchinchi va menga yoqadigan versiya esa quyidagicha: "Hayrat ul-abror" nomi "Yaxshi kishilarning hayratlanishi" degan ma'noni beradi. Metro bekatiga tushgan YAXSHI ODAMLAR bekat haybati va go'zalligidan HAYRATLANISHI kerak edi, ya'ni bu asarga o'rnatilmagan panno - odamlarning o'zlaridir 🔥.


Fakt yoqqan bo'lsa, boshqalarga ham ulashsangiz, xursand bo'lamiz! 😊

@hammasiyaxshi_rancho

Juda qadrli maʼlumot

Breaking Bad serialida dushmanni ritsin bilan oʻldirilish haqida gapirilar ekan, ukol soʻngra U eslanadi. Uni biri atoqli ot boʻlgan ikki soʻzda ayting.

"Yaxshisi Solga qoʻngʻiroq qiling" serialida amerikalik qahramonning soʻzida turmasligi haqida gapirilar ekan U eslab oʻtiladi. Ice Cube o'z guruhini ogʻir vaziyatda tashlab ketgan Niggazni UNGA qiyoslaydi. U kim?

📌 Qadimgi yunonlar "robot"ni 2500 yil oldin o‘ylab topganmi?

Yunon mifologiyasiga ko‘ra, Zevs topshirig‘i bilan temirchilik xudosi Gefest Krit orolini qo‘riqlash uchun Talos nomli mis avtomaton yasagan. Talos har kuni orolni uch marta aylanib chiqib, yaqinlashib kelayotgan begona kemalarga tosh otar edi. Kimdir baribir qirg‘oqqa tushib qolsa, o‘zini olovda qip-qizil qilib qizdirib, dushmanni quchog‘ida kuydirar edi.

Uning tanasi butunlay misdan bo‘lgani uchun oddiy qurol unga ta'sir qilmasdi. Faqat bitta zaif nuqtasi bor edi: bo‘ynidan to‘pig‘igacha cho‘zilgan yagona tomir, unda xudolar qoni — ixor oqib turardi. Bu tomir to‘piqda bronza mix bilan bekitilgan bo‘lib, shu joy shikastlansa, ixor qo‘rg‘oshindek oqib chiqib, gigant halok bo‘lar edi.

Argonavtlar afsonasiga ko‘ra, sehrgar Medeya aynan shu zaif nuqtadan foydalanib Talosni yenggan: unga abadiy umr va'da qilib, to‘pig‘idagi mixni sug‘urtirib olgan.

📌 Oq kiyim nomzodning niyati pokligi va korrupsiyadan yiroqligi ramzi boʻlgan

​"Kandidat" soʻzi lotincha "candidatus"dan olingan boʻlib, "oq kiyim kiygan kishi" degan maʼnoni anglatadi. Bu soʻzning asosi esa "tiniq, oppoq, yorqin" maʼnolarini beruvchi "candidus" sifatiga borib taqaladi. Ehtimol, "Candle" (sham) soʻzining asosi ham shunday boʻlishi mumkin.

​Qadimgi Rimda konsullik yoki senatorlikka oʻz nomzodini qoʻygan shaxslar xalq oldiga chiqqanda toga candida (oppoq toga) kiyishgan. Uni oddiy togadan ajralib turishi va koʻzni qamashtirishi uchun kiyimga maxsus boʻr surtishgan. Shuningdek, nomzodlar toga ostidan qoʻshimcha kiyim kiymay, tanalaridagi jangovar chandiqlarini namoyish etishgan. Bu ularning vatan va xalq yoʻlida koʻrsatgan jasoratlari hamda xizmatlari ramzi hisoblangan.
​
Qadimgi lotin tilida grammatik jihatdan ayol nomzodlarni anglatuvchi candidata soʻzi mavjud boʻlsa-da, Rim qonunlariga koʻra ayollarning saylovlarda qatnashishi va nomzod boʻlishi taqiqlangan edi. Shu bois, salkam ikki ming yil davomida ushbu tushuncha faqat erkaklarga nisbatan qoʻllanib kelindi.

iHistory 📝

"Darvish" operatsiyasi — mo‘jizaviy Arktika karvoni 🚢

1941-yil avgustida Britaniyadan SSSRga yo‘l olgan "Darvish" tarixdagi birinchi Arktika karvoni edi. Uning tarkibidagi 6 ta savdo kemasi minglab tonna qimmatli xomashyo va "Hurricane" qiruvchi samolyotlarini tashigan.

Eng hayratlanarlisi, bu karvon Shimoliy Muz okeani orqali nemis razvedkasi, suvosti kemalari va aviatsiyasining burni tagidan bitta ham yo‘qotishsiz, mutlaqo sezdirmasdan o‘tishga erishgan. Dushman bu operasiya haqida umuman bilmay qolgan!

Aynan shu yutuq urushdagi mashhur Lend-liz qutb karvonlariga yo‘l ochdi va qahraton iqlimda ham harbiy ta'minotni uzluksiz amalga oshirish mumkinligini isbotladi.

iHistory📜

Kembrijdagi mashhur "Matematika ko‘prigi" faqat to‘g‘ri chiziqli yog‘ochlardan yoy shaklida yasalgan! 🌉

Afsonalarga ko‘ra, uni Isaak Nyuton bitta ham mixsiz qurgan. Ammo aslida, ko‘prik Nyuton vafotidan so‘ng qurilgan va yig'ishda doim temir qisqichlar ishlatilgan. Shunga qaramay, uning ajoyib geometrik muvozanati hamon sayyohlarni hayratga solib kelmoqda.

Mesmerizm — 18-asrda nemis shifokori Frans Mesmer tomonidan ilgari surilgan gipoteza bo'lib, unga ko'ra ayrim odamlar "sehrli magnetizm" va telepatik energiya (flyuidlar) tarqatish qobiliyati hisoblanadi.

Mesmerning fikricha, bu flyuidlarni masofadan uzatish, ularni to'plash va kuchaytirish mumkin. Uning ishonishicha, organizmdagi flyuidlarning noto'g'ri taqsimlanishi kasalliklarni keltirib chiqaradi, ularning muvozanatini tiklash orqali esa bemorni davolash mumkin. U guruh bo'lib davolash uchun maxsus "bake" deb nomlangan vositani ham o'ylab topgan. Bu ta'limot gipnoz tarixida muhim o'rin tutadi.

iHistory📜

The Burryman (Tikanakli odam) — Shotlandiyaning Saut-Kuinsferri shaharchasida har yili avgust oyida o'tkaziladigan qadimiy va g'ayrioddiy an'ana. Bu festivalda bir kishi boshdan-oyoq tikanakli o'simlik (burdock) bilan qoplanadi. Faqat ko'zi va og'zi ochiq qolgan holda, u gulli tayoqlarni ushlab, shahar ko'chalarini aylanib chiqadi.
Mahalliy aholi unga omad keltirishi uchun pul va naycha orqali viski berishadi. Bu qiziqarli odatning aniq kelib chiqishi noma'lum, ammo u yovuz ruhlarni haydash hamda mo'l-ko'llik ramzi bilan bog'liq deb hisoblanadi.

#ITgakerakmasfakt