‏قهوني من خاثر حكاك يالذربَ اللعوب
‏والله ان راسي على طعم نجواك يّخرم .

‏الطريق اللي يودي لدار محبوبك، لا شعورياً تفززّ له لا مريت عنده تحس أن فيه حاجة تزعزع سكونك..حتى إنك تغلي المدينة والشارع والحي، لأنه ساكن فيها فقط

‏علي بن سالم جسّد الشعور لما قال؛
‏"كل ما مرّيت دارك، وأنا عجل استريض
‏كن ماعندي مشاغل..ولا معي أخويا"

‏أحنّك وأنا ما بيني وبين ربعك، عِرق
‏أنا واحدٍ قالوا له اختار؟ - واختارك.

‏ما لفتني غير وجهك وأنا يا قل إلتفاتي
‏وجهٍ يجيب المسره عسى الأيام تاتي به .

‏على أطراف الديار اللي بأهلها ماجمعني عِرق
‏ عليها الشوق يثني خاطري والريح تامر بي .

‏أشوف بعينك اليمنى بلادٍ ممتلي بإنصاف
‏واشوفك بين طيّات القصيد ولمة ربوعي .

‏وانا هوى قلبي وليفٍ انتاجه
‏بين الضلوع العوج حسرات وجروح

‏عليه قلبي .. مايوقف خلاجه
‏منّ حيث م وجُه ومن حيث ماروح
‏
‏ اشفق على شوفه وضحكة حجَاجه
‏واشتاق له شُوق المغاليق للبوح

‏واليا ارتخى ليله وولع سراجه
‏جريتّ له صوت من الشوق مبحوح.

‏أحب أسمه ومن بأسمه تسمى فيه
‏وأعشق حروفه الاربع وأغنيها على شانه .

‏هلا بك والعذر لا حلّ غلّ ولا قضى مصلوح
‏يكفيني عن أعذار المودّه « وجه راعيها »

‏أنت ياللي كل ماجيت في بالي لهيت
‏كنّ طيفك حشمة الضيف في بيت بدوي .

صباح الخير ،

‏لملم جروحّك و انسحب . .