‏حتى لو إني قلت لك معذور
‏النفس ما تقبل معاذيري

‏ما تاخذك منّي ثلاث شهور
‏إلاّ محبة واحدٍ غيري

احسبوني صف ثالث مهو ضمن الصفوف
‏انا لا واقف معاهم ولا واقف معه

‏ما ترجيته وانا اعاني من اقسى الظروف
‏خل عاد ارجيه هالحين والدنيا سعه

معك السوالف تبطي ولا أملّها

‏ترى غناة النفس هي أصدق غناه
‏وترى جمال الشي ما قلّ و ندّر

‏وترى البعاد أحيان نوع من النجاة
‏والسكوت أحيان من باب العذر

‏لا تكبرون إلا على ظروف الحياة
‏ولا تحزنون إلا على غالي قدر

"في حضرة مَن نُحب تختفي سخافات الكون، وتزول متاعبنا من الحياة وسخطنا عليها، ويسقط الجانب المُثقل فينا.

نستعيد بلقاءات الأَحِبّة أشياءً كُنا ضللنا السبيل إليها؛ حتى أنفسنا نستعيدها أطفالًا لا نعرف شيئًا عن قُبح العالم!"

قدمت الوضوح في كل شؤون حياتي، ولم أنل إلا الشكوك والتساؤلات.

‏اتركيني ورا ضحكتك أعنّ القوافي
‏ ضحكةٍ وش عليّ إن ضاع عمري بعدها

وانت الطريق وانت الصديق
‏وانت الجهات وكل النظر

وشلون ما هو بـ يطغيك الكبر والغرور
‏وانتي لك من الوصوف الندْر ما تشتهين

‏من كثر ما فيك من نور السماوات نور
‏أحيان ما أصدّق إنك طين من ظهر طين

‏أحيان أقول إنك آيه للظَّلوم الكَفور
‏وأحيان فتنه على المسلم وسحرٌ مبين

‏واحيان اقول ان ما انتي بنت تسعة شهور
‏الزين هذا شويّه فيه تسعة سنين
- محمد المطيرات

حرارة فقدك أقسى ماتجيبه بارد الأنسام
وأنا للحين من حرّ المفارق ترجف عظامي

وشلون يعرف وش اللي له وسط صدري
‏وأنا حنيني على وجهي وماشافه ؟

‏"يكفيني في ساعات الكمد واليأس أن أتذكّر أنك ما تزال تحيا في مكان ما حتى أسترد حب الحياة"
- دوستويفسكي

بينما صالح بن حمد يقول:
"يصبّرني على بعض الشعور أنك لازلت بخير
‏أنا أحوالي ليا منك غديت بخير..مستورة"

فيه مثل قديم يقول "من يفرّط بالجواهر النادرة يقضي العمر يجمّع بالحصى"
وهو واضح مايحتاج شرح
حقيقةً لا أدري عن صحة وجود المثل قديمًا أو أنها جملة مستحدثة مشهورة
لكنها حقيقية لأبعد حد، وأكيد عزيزي القارئ ماودّك تجمع الحصى عوضًا عن الجواهر.. عشان كذا يفضّل كل واحد منكم "يعرف" كيف يحافظ على جواهره

‏لو تحطّ من الحطب ضعف وتشبّه
‏ولو لبست البشت من فوق السديري

‏الشمال .. إن هبّ برده من مهبّه
‏ما يدفّي جسمك البردان غيري

إن جيت كنّي جيّة المنفلت لا ثار
‏وإن رحت كنّي غفوة الذاهن الراقد

‏إن شفت نفسك حاجة نادرة تكرار
‏أنا الحاجة اللي مالها لك بدل فاقد

‏"تكفى من عيوني وهقاويي لا تطيح/ما أرضى تصير بعمري إنسان عادي"
آخر عناقيد المحبّة

‏انعزل عن زحمة الناس والهرج الكثير
‏السعاده بعض الاحيان فنجال قهوه

‏مقتفيني ليل موحش والمساري مرهقتني
‏والدروب بْها مسافات و متاهه بيني وبينك

‏ضمّني في صدرك الدافي ظروفي أوجعتني
‏ودي إني استريح مْن التعب في "راحتينك "

‏لا تقول إنّ الليالي عن سنينك ابعدتني
‏كلّ جرحٍ في حشايا يا حبيبي من يدينك