‏ناسٍ تخوّفها الأقنعه وناسٍ يروّعها الوضوح
‏وناسٍ على وضح النّقى تبني شجاعتها صروح

إن حدّتك الظروف على الطيحة
‏ لا تطيح إلا على صدري

‏مساء الخير من قلبٍ يشوف إن الحياة بخير
‏مادام إن الغلا محفوظ والدولة — سعودية

جيته ودمعي له ينبّش خفاياه
‏وقال الكلام اللي ماودي يقوله

‏وقفى معه حجة تبرهن سواياه
‏"ماكل شيٍ يالحبيبة نطوله "

‏ما الله كتب .. أكمل العمر وياه
‏ظروف ماني من يديه مخذوله

‏بعيش وقلبي واحدٍ من رعاياه
‏قد قلت له حرام غيرك ينوله!

‏الله خلقني عشان أبقى على بالك

‏- نايف صقر

مالي مِسايير لو الباب مفتوح
‏إلا على اللي كثّر المرحبا بي

وشلون تبكي فوق نعشي وأنت مرديني قتيل
وتقرى علي سبع المثاني وأنت دامرني دمر

لو تعتذر و دموع عينك من محاجرها تسيل
بستان حبك ياقديمي صارت وروده سمر

وشلون تبكي فوق نعشي وأنت مرديني قتيل
وتقرى علي سبع المثاني وأنت دامرني دمر

والله لو ابدع لك من أشعار الغزل شعر جزيل
وأقطف لك النجمة وأغلف من كواكبها قمر

مانيب مستغرب لو إنك رحت ما اوفيت الجميل
من يزرع الصبار غير الشوك مايجني ثمر

هذا أنت والله ما تغيّر تحسب الواجد قليل
قنوع إلا في عطى كفوفي لو أعطيك العمر

عاهدتني في حب غيري ماتحيد ولا تميل
وأثرك مخاشر قلبي وقلبه لياليك الحمر

خذ أسفك ماعاد لي بال على كذبك طويل
إن كان بعدك مر قربك ياشقى قلبي أمر

والله لو من فوق عنقي تشهر السيف الصقيل
إن رجعتك تحرم عليه مثل تحريم الخمر

اللي حطوا لايك اصبروا أكمّل !!

‏يوم انتهى وقت المواصل و ابتدا وقت الفراق
‏ليت النتايج فـ آخر المشوار .. كانت مرضيَه

‏« من عرفتك! وأنا اردد »
‏ اشهد ان الزمن لابغى يعطي عطى

‏وانت يشفعلك صغر سنك ونظرات البراءه
‏بري حالي كل مالديت —يمي بري حالي

‏انتي اللي تستحقين مالا تملكين
‏من كنوز الارض ومن الحفاوه والرحاب

‏والله انك يوم تمشين بين العابرين
‏ودي أن الارض تحتك ذهب ماهي تراب❣️

‏الراحه .. أولى من طول المشاوير
‏بعض المشاوير ماتسوى تعبها

الوكاد إني ماخذه قلبه غصايب
‏و الوحيده في مداره و المجرّه

‏ما يجاريني .. طويلات الذوايب
‏ولا تنافسني من النسوان حرَّه !

على موعدك يومك تجي سبع وشوي
ياهذي الشوي اللي بعد سبع .. ياطولك

‏انا اكثر السكات واكثر من يسولف بالعيون
‏سعيد لان اكثر خساراتي ما كانت من يدي

‏ لولا الهقاوي ما عرفنا الصالحون السيئون
‏ عيب الليالي ما تشين الا على صدر اجودي

‏ احيان اقول ان المجامل نوع من نوع الجنون
‏ احيان اقول يا جعل طيبي عند خيباتي فدي

المهم ما علينا؛

منت لاقي مثل درّي .. وياقوتي
و روحي اللي بـ ذاكرتك مخلدها

فارقه كلمة "أحبك" على صوتي
صعب حتى صدى صوتي يقلدها

‏10 أكتوبر
‏عسى الدّنيا تشمر لي سواعدها بليّا حدود 🎈

ميلاد !! واكبر من تواصيف ميلاد
وأعظم من بحور الشعر و الكتابه

في يوم مولدها نسانيس واعياد
كنها فياضٍ مسقيتها سحابه

كبرت ماهو بـ أيام وشهور واعداد
كبرت قدر قدام تكبر مهابه

لو شافها الملحد نسى صلب الالحاد
تاب ولبس ثوب التُقى والصحابه

في عزها خيلٍ تفاخر ، وترداد
وفي شموخها خيمه سدو مع ربابه

هي دعوة المؤمن بعد قل واجهاد
صلى ودعى ثم صار فيها استجابه

لا يا بشر اكبر من اعياد ميلاد
اليوم صدر الارض كله رحــابه