‏ما أنتِ وجهٍ يعاف ولا صوتٍ يمَل
‏أنتِ من تتعب الأرواح لـ إسعادك
‏

‏"يدري إن مايقتله شوق وغياب وحنين
‏التفاصيل الصغيرة.. هي اللي تقتله"

‏ليت الغرابيل .. جتني من عدوٍّ لي

"ماضاق صدري لو ان صدرك من البعد ضاق
‏انا اكثر انسان ضيقاته صقلها صقل

‏ياما انتظرتك مابين الضيق والاشتياق
‏اثر اشتياقي ليا من زاد حبك يقل

‏مواصلك ما اقدره وموداعك لا يطاق
‏شف كيف حتى على قلبي ادق الثقل

‏احب معك الوصل واخترت درب الفراق
‏من عاطفة قلب مدري من رجاحة عقل"

مابين خوفي من الدنيا وخوفي عليك
ضيعت عمري ما بين أقفي أو اتبعك

ماني خايف تودعني وأنا محتريك
خايف يديني تخون إحساسي و توادعك

عقلي يبي يبتعد وقلبي يبيك وما بين
قلبي وعقلي ما قدرت اجمعك..

‏تبختري ... بين الأمر والاماره
‏ياشيخةٍ جدانها العشره شيوخ

‏شِيخة شداد وسيفٍ املح وغاره
‏ماهوب تاريخٍ على الكذب منفوخ

‏لكن الوضع هو هو ماتغير و الزمان يشين
‏و حبك كل يوم يزيد في العين الشقاويّه !

‏عزيز النفس ما يقبل محبّه
‏بابها مسدود
‏ولا يمشي على دربٍ يذل
‏الراس ويضرّه

‏« تبكين وأتشكّل لك أيادي
‏أنا على ظنك على ظنّك
‏كل الدّموع اللي تطيح، عادي
‏إلا الدّموع اللي تطيح منّك »

‏" النظرة الأخيرة لوجهك كانت بمثابة توديع بلاد
‏و أنا ماهان علي أودّع بلادي و انجبرت أودعك "

‏« ودريت
‏إني أحبك كثر رمشة كل عين
‏وإن كل الأرض عندي
‏كلها سورك و بابك

‏و دريت
‏إني عشانك كل ما فيني يلين
‏وقمت أقبل راس حظٍ
‏أكرمني وجابك »

أعرفك ما تحب الزله اللي ما لها تبرير
‏كفيله بـ إن قلبك ما يرده ضلعك المحني

‏أنا المخطي عليك البارحه لكن صباح الخير
‏تغاضى عن ضياع البارحه واليوم سامحني

"لا عاد تشره على خطّي ورعش أطرافي
‏واحدٍ كنّه وهو يكتب .. يخيّط جروحه"

‏"أنا منكسر .. من ضيقةٍ ، تلفت الانظار
‏عسى في يدين الوقت جبري وتفريجي

‏تدانيت بعدك ، وانطوى قلبي المحتار
‏ولا فاد فـ الموضوع شرحي وتعريجي

‏لا زاد التغلي وانقطع . . طاري الاعذار
‏يقل الغلا .. ويغادر ، بـ شكل تدريجي

‏عليك السلام المعتبر ، والسلام الحار
‏على الشامة اللي في مكان استراتيجي"

‏هذا أنا في كل يوم أصحى وعندي غايه
‏لا جديد إلا اني اعدّي على مشرافي

"أنت لو تطلب ماضمّت ضلوعي قلت: جاك
‏اسهج الضلع الموالي واخذ ممّا يليك"
‏_صالح النشيرا

"أشّر على ماتبي.. و اللي تبي حاصل
‏حتى ولو تطلب عيوني.. من عيوني"
‏_جابر النشيرا