‏أحيانًا أحس كلمة "أحنّك" أقوى و أعمق و أبلغ من "أحبّك"

أنا ماكنت أخاف من الليال السود يادكتور
ولا كان الكلام اللي على قلبي على لساني

نسانيس الفجر كنها ترجعني ثلاث شهور
دواك اللي صرفته مابرى جرحي ونسّاني

تموت الأمنيات ويجبر الله الخاطر المكسور
- مثل مامت في ليلة فراقه والله أحياني -

‏أموت
‏ما شافوا دموع -النواعيس-
‏ما عدّت‏ دموعي زوايا سريري

‏رغمًا عن أنف جروحي وعن أبليس
‏كان أولي دايم يشابه أخيري

لحظة التوديع بـ الكف ولا بـ العيون
تقتل آمال المحبين وسط امهادها

معرّض صدري لرش المطر وذعذاع الهبوب ودي إن المطر يغسل قلبي من شيءٍ يحسّه

‏مايوجع الطيّب آلا قلبه الطيّب
‏ولا الخساير فدى راسه ورجلينه

إن كان قلبك هاقي اني بدونه في عذاب
‏قل له أن القلب والله فلا جاب خبرَه

عادتي اكرام ضيفي لو نفث فالروح سمّه
البلا انه ما استحى من جود يمناي وبترها

‏" جعل اليدين اللي على الطيب ربتني
‏ تدخل جنة الخلد وتقطف ثمرها "

‏"زحمة أفكاري ضروري تستثير إحساسي
‏وتقطع حْبال الهدوء، وسجّة المتعايش

‏والله ان العالم — اللي عايشٍ في راسي
‏ازحم من العالم اللي فيه راسي عايش"

شربت مرّك قبل لا اذوق حاليك
ومديت لي كاس الفراق وشربته

ياقلب قلّي عقبها وين اوديك ؟
الحب ذنب وليتني ما ارتكبته

‏مالي بحربك .. ولا ابغى أحاربها
‏عارفٍ سيوفي وعارف سطوة أقدامي

تهامل دمعي اللي حابسه في صومعة صبري
بعد ما الله هدى قلبي ووجّهته على التوبة

يا ربّي والمدى منهك وصفحاتي شكت حبري
مثل ما أكتب على صمتي خطايا الأمس مكتوبة

أداري قلبي المكسور وابحث عن خبر جبري
وأنا أدري كل خطوة ما هي بوجهتك مرعوبة

يا ربِّي والخناجر لا تغلغل سمّها عبري
اعذني من نواياها وعذ قلبي من ذنوبه

برت كل الجروح إلا جروح الشوق ما تبري
من الطاري مثل مزيونةٍ كلْ يوم مخطوبة

‏دام باقي في ضميري نافذة مفتوحة
‏عبرها ينفذ شعوري لين يبرد غلّي

‏قلبي المجروح مدري كبدي المجروحة
‏جرّ عمرك يا النسم بين الضلوع وقلّي

‏دمعتي تبحث خفاي وضحكتي مذبوحة
‏هيّنة والصبر طبعي والقناعة دلّي

‏ما بقى للشعر واهس والهجوس تشوحة
‏بين منقود الرفيق وبين شرهة خلّي

‏"تمر الفطين المنتبّه ويغدي منجوم
‏ويروح الشقردي؛ خاتمٍ بين أصابعها"

‏عزالله أني ظلمت اسمي .. و ميقافي
‏و أخطيت في حق نفسي و الخطا وارد

‏هقيت فيك الهقاوي و أنت يا كافي
‏ما أبرد من أعذارك .. إلا وجهك البارد