‏سمي وش اللي بس تبينه وألبيه
‏ لا رحم أبو من لا سعى في دلالك

‏من بحة حروفك الين آخر التيه
‏ضاعت علومي بين رجفة حبالك

‏انتي القصيد العذب .. وأنا مغنيه
‏ وانتي القبول .. اللي تخير جمالك

‏ودي ألم الوقت حولي وأهنيه
‏وأكايد الحظ الردي .. في سؤالك

‏« أنا و إن مت ضامي ما طمعت بشربةٍ من بير
‏ أعاف البير لا كثروا عليه الناس ورّادة »

‏- محمد الحبابي

‏"لو ثلاث أرباع عمري الأوّله راحت هزايم
‏مشهدك بالبشت جنبي صار لي أغلى غنيمة"

‏غزاله ماترحم قلوب المواليف
‏رمشها يجرح و القمر في عيونها
❣️

‏"ودّي أحوّل بين أفكارك وبين همّك
‏ جعل عمرك طويل وعمر همّك قصير"

جادلٍ عوبا و فارع و رعبوبه
‏قالت أقصد فيني وحبّني منا

‏«يموت الغلا من قلة الوصل والتقدير
‏مثل موتة المعروف .. لا صار به منّه»
‏— خالد الفيصل

‏ماغير روح التحدي في عروقي تفوح
‏قوة صمودي على جور الزمن خارقه

‏هذا وأنا عزتي دايم قبالي تلوح
‏(لين أصبحت في حياتي ميزة فارقه)

أنت أصدق إحساس القلوب اللي تحب واللي تروف
مافيه قلب حبّني مثلك على حدود الوعي

يا كم تغصّبت الحياة وكم تعايشت بظروف
والله ما أتعايش بها لولاك موجود ومعي

‏قلت قلي وش تحب من الكبيره للصغيره
‏غير حبك للفضايل والفضا والأفضليه

‏قال وش أقول وأنتي كل خير وكل خيره
‏وكل صبح وكل ليل وكل نور وكل فيّه

«استعذت من الدروب
اللي نهايتها حسافه قبل ترميني
ملذات الزمن في جوف غبّه»

‏يا بنت ياللي جو لابوك الخطاطيب
‏كلن معلق بك رجاه و نصيبه

‏أنتي جمالك من خير الرعابيب
‏و أبوك شيخ يرفع الراس طيبه

‏ان خيروك بناطحين المواجيب
‏صيري لنطاح النوايب خطيبه

‏قولي عن العماج مالي مجانيب
‏أبيه و اللي غير أنا وش أبي به

على البال ماغابت طواريك لأجل تعود
‏مثل كل ليلة ذنب مرت على .. تايب

‏يقّديني ضميرٍ حي وقلبٍ يجسر الصعبات
‏يكفيني لو إني بس أنا من يكسب إعجابي

‏من مد شوفة عن خطاياك وأغضى
‏غيري ،ومن يعطف عليك بملامه

‏أول ،ابي منك عذر بس وأرضى
‏والحين ما ابي منك إلا السلامة

أزعل عليك من الشهر يوم يومين
‏وأشتاق لك تسعه و عشرين ليله

‏و أخلق لك الغايات وحده وثنتين
‏لو ما تبرر كل " غايه " وسيله

‏إن دارت الدنيا على طبعك الزين
‏ما همّشت ب الذكريات الجميله

‏ما عندي الا قلب ما هوب قلبين
‏لا غاب غالي ما انتظرت لـ بديله

‏اللي قال " ياحسافة غلاي إن كان هذا حصادي "
‏نفس شعور اللي قال " راحت مواصيل المحبة حلم ليل "

‏أحبّك والجروح اللي تجي منّك ، مسامحها
‏حرام انّك تغيب وتاخذ الدنيا وما ترجع