ها بشّر جاكم مطر يا طويل الجديلة؟

ولكن ما ندمنا ليه لأن العالم الحلوين
‏يعيشون الغلا وفق القوانين السعودية
‏- ضيدان

‏ويقال أيضًا /
‏يا حبيبي
‏في بلدنا توأد اللحظات ويعيش
‏ التمنّي
‏وش بقى ما فاتنا بالله في :
«‏ نجد العذيّة »

‏‌‏القصيدة المصاحبه لما تشعر به ٩° /

‏«‏ريميةٍ ياما كتبت الشعر من ترنيمها»

صباح الخير.. احب افصح عن حبي الجَمّ
للصباحات الشتوية

هذا أنت ولا من يضم الحشا ضم
‏هذي يدين البرد .. ولا يدينك

‏ثلجي نحرك أدفى من غْفاية الهم
‏عن خاطرٍ صحوات همه تدينك

‏بـ أعانق حدود الضمَّا والغلا جَمّ
‏وأبقى معك سيّد هواك و رهينك

صباح الخير، مطلبي لهذا اليوم بسيط جدًا
ابي ١٠٠ مليون وثمان سنين إجازة

لو يحتضن شوفتك صبح الدوام الملول
‏يسعد صباح الدوام .. اللي عليه الكلام

"كم من الشِعر المهدور في الصباحات الوظيفية؟"

وش تبين من المطر والغيم يا ضحكات خلي
‏من يشوفك شاف نوض البرق في عرض المخيله

‏زابن الصوت الرقيق .. وزابن الوجه المهلي
‏ماتسيّل وادي مانيب في حاجة، ( مسيله )

‏وامسك ايدي لين اجي كلي معك واروح كلي
‏اعتبرني تايهٍ خلاك في الدرب الدليله

‏أنت لك رمشٍ ليا منه ذبح عوّد .. يصلي
‏ولا أنا مالي على شيءٍ ، عطاك الله حيلة

‏شايف في عيونك الثنتين ترحالي .. وحلّي
‏وصامتٍ صمت الصبور اللي على جمر المليله

‏من عذلني عنك قلت الموت عنده جايز لي
‏وان بغى قتلي طعنت الروح لـ اجل اشفي غليله

‏عن قبالٍ يسرق الالباب .. ماني بـ متخلي
‏ناسلٍ روحي على متنك مثل نسل الجديلة

‏فدوة الطرف الكحيل وفدوة الغمازة اللي :
‏ضاميه من مبسمك ولا روت من سلسبيله

‏إن ضحكت تعلّم الازهار وشلون التجلّي
‏وإن بكيت تساوي النفس القويه بالذليله

‏من عرفك وما قضى عمره طروب ومسفهلي؟
‏من لقاك وما لقى الدنيا مثل وجهك جميلة؟

‏ما أنت بالظبي الجفول وما أنت بالظبي المفلّي
‏ الظبي : ما تسجن العاشق ولا تخلي سبيلة

‏لا تعلمني على فرق الغرور من .. التغلي
‏العيوب اللي على غيرك عليك من الفضيلة

يجيب القمر طاريك لا والله إن طاريك
معي فالليالي المظلمة.. وإنشدي ربي

أنا كل ما افهق غترتي يوم اهوجس فيك
تقول إني افهق كل الأشخاص من قلبي
سعد الحرَش

"وجودي لو إني بين يمناه ويساره
وجود بدويٍ حالوا القوم دون أبله"

هنا مدغم يتحدّث عن الآسى اللي يراودك
ليا طرا لك محبوبك وهو بعيد

كذلك يقول:
"أحبه واعرف إن سلطة الحب جبارة
تجيه العرب صاحيين وتروح منهبله"

هذا ما يفعله بك الحب يا أستاذي الصاحي

‏جدايل حبيبي ماتبي مشطها العاجي
‏تحرّى من الغربي نسيمٍ .. يلاعبها

"كثيرًا ما يمر في حياتنا من نظن انه عابر سبيل، فإذا به يترك فينا ضوءٍ لا ينطفئ"
‏- مي زيادة

‏"وشلون مدري كيف ساقتك الأقدار
‏ مرّيت طرقي.. مير قفّيت غالي"
‏- عناد العتيبي

سيدة قلبي الدنيا « ما فيها طماعه »
‏عقب وجهٍ صباحات العمر تنتمي له

‏رجعي لي شغف قلبي معك وإندفاعه
‏وأخذي أكثر شعور القلب وأخذي قليله
بندر الدويش

الحنين في ٥٠ ثانية :

لا واهنيّك كيف يدفيك الحرير؟
‏وانا
عجزت
أدفى
وأنا بشتي وبر!