IIV Namangan akademik litseyida voleybol bo‘yicha “Direktor kubogi” musobaqasi o‘tkazildi

O‘zbekiston Respublikasi Ichki ishlar vazirligi tashkil etilganligining 35 yilligi hamda “25-oktyabr — Ichki ishlar organlari xodimlari kuni” munosabati bilan IIV Namangan akademik litseyida o‘quvchilar o‘rtasida voleybol sport turi bo‘yicha “Direktor kubogi” musobaqasi tashkil etildi.

Musobaqa davomida jamoalar o‘rtasida qizg‘in bellashuvlar bo‘lib o‘tdi. Ishtirokchilar o‘zlarining jismoniy tayyorgarligi, sport mahorati, jamoaviy hamjihatligi hamda g‘alabaga bo‘lgan intilishini namoyon etdilar.

Musobaqa yakunida g‘olib va sovrindor jamoalar faxriy yorliqlar hamda esdalik sovg‘alari bilan taqdirlandi.

Mazkur musobaqa o‘quvchilar o‘rtasida sog‘lom turmush tarzini targ‘ib qilish, jismoniy faollikni oshirish, sportga bo‘lgan qiziqishni kuchaytirish hamda jamoaviylik ruhini mustahkamlashga xizmat qiladi.

Ma'lumotlaringiz xavfsizligi uchun📲 APK Qo'riqchi Ilovasini yuklab oling

Namangan viloyati IIB Axborot xizmati

Websayt| Telegram|Facebook|Instagram| Youtube

IIV Namangan akademik litseyida kitob yarmarkasi tashkil etildi

IIV Namangan akademik litseyida o‘quvchi-yoshlar o‘rtasida kitobxonlik madaniyatini yuksaltirish, ularning bilim va intellektual salohiyatini oshirish hamda ma’naviy dunyoqarashini kengaytirish maqsadida kitob yarmarkasi o‘tkazildi.

Yarmarka doirasida o‘quvchilarga turli janrdagi badiiy adabiyotlar, tarixiy asarlar, ilmiy-ommabop hamda ma’naviy-ma’rifiy kitoblar taqdim etildi. Ishtirokchilar adabiyotlar bilan tanishib, o‘zlarini qiziqtirgan kitoblarni xarid qilish imkoniyatiga ega bo‘ldilar.

Tadbir davomida kitob mutolaasining yosh avlodni har tomonlama barkamol etib tarbiyalash, mustaqil fikrlash qobiliyatini rivojlantirish va ma’naviy-axloqiy fazilatlarini shakllantirishdagi ahamiyati ta’kidlandi. Shuningdek, o‘quvchilarni muntazam kitob o‘qishga, bilim olishga intilishga hamda bo‘sh vaqtlarini mazmunli tashkil etishga yo‘naltirish masalalariga alohida e’tibor qaratildi.

Ma'lumotlaringiz xavfsizligi uchun📲 APK Qo'riqchi Ilovasini yuklab oling

Namangan viloyati IIB Axborot xizmati

Websayt| Telegram|Facebook|Instagram| Youtube