2026-yilning 6 oyida mamlakatimizda 5 778 ta mahallalarda jinoyat sodir etilishiga yo‘l qo‘yilmadi. Bu yurtimizdagi jami mahallalarning 64 foizini tashkil etadi. Shu bilan birga jinoyat qayd etilgan mahallalarning 2 738 tasi (30,4 %) “sariq”, 476 tasi (5,3 %) “qizil” toifaga kirgan.

2026-йилнинг 6 ойида мамлакатимизда 5 778 та маҳаллаларда жиноят содир этилишига йўл қўйилмади. Бу юртимиздаги жами маҳаллаларнинг 64 фоизини ташкил этади. Шу билан бирга жиноят қайд этилган маҳаллаларнинг 2 738 таси (30,4 %) “сариқ”, 476 таси (5,3 %) “қизил” тоифага кирган.

2026-yilning 6 oyida 200 000 dan ortiq murojaatlar kelib tushgan bo‘lib, hisobot davrida ko‘rib chiqilgan murojaatlarning 87 foizi qanoatlantirilgan.

2026 йилнинг 6 ойида 200 000 ортиқ мурожаатлар келиб тушган бўлиб, ҳисобот даврида кўриб чиқилган мурожаатларнинг 87 фоизи қаноатлантирилган.

2026-yilning 6 oyida 2 633 nafar bedarak yo‘qolgan shaxslar topilib, oilasi bag‘riga qaytarildi va turli noxush holatlar bartaraf etildi.

2026 йилнинг 6 ойида 2 633 нафар бедарак йўқолган шахслар топилиб, оиласи бағрига қайтарилди ва турли нохуш ҳолатлар бартараф этилди.

2026-yilning 6 oyida Ichki ishlar organlarining tezkor tuzilmalar va saf bo‘linmalari tomonidan tergov va sud organlaridan yashiringan 5 010 nafar shaxslar qo‘lga olinib, jazo muqarrarligi ta'minlandi.

2026 йилнинг 6 ойида Ички ишлар органларининг тезкор тузилмалар ва саф бўлинмалари томонидан тергов ва суд органларидан яширинган 5 010 нафар шахслар қўлга олиниб, жазо муқаррарлиги таъминланди.

Endilikda amaldagi “Yo‘l harakati qoidalari”ni qasddan mensimasdan, yo‘l transport hodisalariga sababchi bo‘lganlarga nisbatan qat’iy chora ko‘riladi. Bu xususida Oliy Majlis Qonunchilik palatasiga tegishli Qonun loyihasi kiritilgan.

Эндиликда амалдаги “Йўл ҳаракати қоидалари”ни қасддан менсимасдан, йўл транспорт ҳодисаларига сабабчи бўлганларга нисбатан қатъий чора кўрилади. Бу хусусида Олий Мажлис Қонунчилик палатасига тегишли Қонун лойиҳаcи киритилган.

2026-yilning 6 oyida giyohvandlik vositalarining noqonuniy muomalasi bilan bog‘liq holatlar yuzasidan 8 653 ta jinoyat ishlari qo‘zg‘atilib, jinoiy guruh va shaxslardan 2 tonna 733 kg. giyohvandlik vositalari, shundan 52 kg.dan ortiq sintetik moddalar va 2 mln 651 ming dona kuchli ta'sir qiluvchi dorilar olindi.

2026-йилнинг 6 ойида гиёҳвандлик воситаларининг ноқонуний муомаласи билан боғлиқ ҳолатлар юзасидан 8 653 та жиноят ишлари қўзғатилиб, жиноий гуруҳ ва шахслардан 2 тонна 733 кг. гиёҳвандлик воситалари, шундан 52 кг.дан ортиқ синтетик моддалар ва 2 млн 651 минг дона кучли таъсир қилувчи дорилар олинди.

2026 yilning o‘zida 18 nafar xodim xizmat vazifasini bajarish chog‘ida vafot etgan. Ularning yorqin xotirasi esa qalbimizda mangu yashaydi. Shu bilan birga 78 nafar safdoshlarimiz turli xavfli vaziyatlarni bartaraf qilish jarayonida jarohatlangan.

2026 йилнинг ўзида 18 нафар ходим хизмат вазифасини бажариш чоғида вафот этган. Уларнинг ёрқин хотираси эса қалбимизда мангу яшайди. Шу билан бирга 78 нафар сафдошларимиз турли хавфли вазиятларни бартараф қилиш жараёнида жароҳатланган.

Fuqarolar murojaatlari ko‘payib ketgan deyish, mutlaqo xato talqin. Bu ularning huquqini, erkini cheklash bilan barobar. Biz murojaatchilarni tinglashga doim tayyormiz.

Фуқаролар мурожаатлари кўпайиб кетган дейиш, мутлақо хато талқин. Бу уларнинг ҳуқуқини, эркини чеклаш билан баробар. Биз мурожаатчиларни тинглашга доим тайёрмиз.

Transport vositalari oynalari tusini qoraytirish bo‘yicha fuqarolarning tegishli takliflari inobatga olinib, oynalar tusini qoraytirish narxi 2019-yildan buyon 11 baravar kamaytirilgan. Yon va orqa oynalarni bepul qoraytirishga ruxsat etilgan.

Транспорт воситалари ойналари тусини қорайтириш бўйича фуқароларнинг тегишли таклифлари инобатга олиниб, ойналар тусини қорайтириш нархи 2019йилдан буён 11 баравар камайтирилган. Ён ва орқа ойналарни бепул қорайтиришга рухсат этилган.

IIV tizimida xodimlar bilan bog‘liq salbiy holatlarning 75 foizi Komplayens xizmati tomonidan aniqlangan. Xodimlarning noo‘rin xatti-harakatlariga har doim huquqiy baho berilib, tegishli chora ko‘riladi.

ИИВ тизимида ходимлар билан боғлиқ салбий ҳолатларнинг 75 фоизи Комплаенс хизмати томонидан аниқланган. Ходимларнинг ноўрин хатти-ҳаракатларига ҳар доим ҳуқуқий баҳо берилиб, тегишли чора кўрилади.

Jurnalistlar ma’lumotni xolis va haqqoniy tekshirishi kerak. Biroq, bugungi kunda ayrim blogerlar hali-hanuz asoslanmagan, yolg‘on ma’lumotlarni tarqatmoqda.

Журналистлар маълумотни холис ва ҳаққоний текшириши керак. Бироқ, бугунги кунда айрим блогерлар ҳали-ҳануз асосланмаган, ёлғон маълумотларни тарқатмоқда.

Tergov jarayonida kameralashtirish yuz foizni tashkil etmoqda. Bu islohotlar tizimli ravishda amalga oshirib kelinmoqda. Bu o'z navbatida inson huquqlari ustuvorligi uchun xizmat qiladi.

Тергов жараёнида камералаштириш юз фоизни ташкил этмоқда. Бу ислоҳотлар тизимли равишда амалга ошириб келинмоқда. Бу ўз навбатида инсон ҳуқуқлари устуворлиги учун хизмат қилади.

Ichki ishlar vazirligi rahbariyati tomonidan asosiy e’tibor Jazoni ijro etish departamenti tizimini to'liq raqamlashtirishga qaratildi. Barcha jazoni ijro etish muassasalariga jami 9 mingdan ortiq videokuzatuv kameralari o‘rnatildi.

Ички ишлар вазирлиги раҳбарияти томонидан асосий эътибор Жазони ижро этиш департаменти тизимини тўлиқ рақамлаштиришга қаратилди. Барча жазони ижро этиш муассасаларига жами 9 мингдан ортиқ видеокузатув камералари ўрнатилди.

Jazoni ijro etish departamentining “E-mahkum” hamda Adliya vazirligining “E-advokat” axborot tizimlari o‘zaro integratsiya qilinib, sinov tariqasida test rejimida ishlamoqda. Bu orqali Jazoni ijro etish muassasalarida advokatlar uchun mijozlari bilan uchrashuvga onlayn navbat olish imkoni yaratildi.

Жазони ижро этиш департаментининг “E-mahkum” ҳамда Адлия вазирлигининг “E-advokat” ахборот тизимлари ўзаро интеграция қилиниб, синов тариқасида тест режимида ишламоқда. Бу орқали Жазони ижро этиш муассасаларида адвокатлар учун мижозлари билан учрашувга онлайн навбат олиш имкони яратилди.