Ichki ishlar vazirligi rahbariyati tomonidan asosiy e’tibor Jazoni ijro etish departamenti tizimini to'liq raqamlashtirishga qaratildi. Barcha jazoni ijro etish muassasalariga jami 9 mingdan ortiq videokuzatuv kameralari o‘rnatildi.

Ички ишлар вазирлиги раҳбарияти томонидан асосий эътибор Жазони ижро этиш департаменти тизимини тўлиқ рақамлаштиришга қаратилди. Барча жазони ижро этиш муассасаларига жами 9 мингдан ортиқ видеокузатув камералари ўрнатилди.

Jazoni ijro etish departamentining “E-mahkum” hamda Adliya vazirligining “E-advokat” axborot tizimlari o‘zaro integratsiya qilinib, sinov tariqasida test rejimida ishlamoqda. Bu orqali Jazoni ijro etish muassasalarida advokatlar uchun mijozlari bilan uchrashuvga onlayn navbat olish imkoni yaratildi.

Жазони ижро этиш департаментининг “E-mahkum” ҳамда Адлия вазирлигининг “E-advokat” ахборот тизимлари ўзаро интеграция қилиниб, синов тариқасида тест режимида ишламоқда. Бу орқали Жазони ижро этиш муассасаларида адвокатлар учун мижозлари билан учрашувга онлайн навбат олиш имкони яратилди.

Jazoni ijro etish muassasalaridan ozod etilgan xotin-qizlar bilan bog‘liq qayta jinoyatlarning oldini olish maqsadida “Mahalla yettiligi” vakillari bilan hamkorlikda ijtimoiy profilaktika ta’sir choralari kuchaytirilmoqda. Ularni ijtimoiy qo‘llab-quvvatlash, jamiyatga qayta moslashtirish, kasb-hunarga o‘qitish, bepul tibbiy ko‘rikka yo‘naltirish borasida zarur amaliy yordamlar ko‘rsatilmoqda.

Жазони ижро этиш муассасаларидан озод этилган хотин-қизлар билан боғлиқ қайта жиноятларнинг олдини олиш мақсадида “Маҳалла еттилиги” вакиллари билан ҳамкорликда ижтимоий профилактика таъсир чоралари кучайтирилмоқда. Уларни ижтимоий қўллаб-қувватлаш, жамиятга қайта мослаштириш, касб-ҳунарга ўқитиш, бепул тиббий кўрикка йўналтириш борасида зарур амалий ёрдамлар кўрсатилмоқда.

Joriy yilning birinchi yarim yilligi bo‘yicha korrupsion holatlarning oldini olishda qat’iy kurashgan 36 nafar xodim rag‘batlantirilgan. Har bir xodim jinoyatni ochishga mas’ul. Tizimda rag‘batlantirish mexanizmi bor.

Жорий йилнинг биринчи ярим йиллиги бўйича коррупцион ҳолатларнинг олдини олишда қатъий курашган 36 нафар ходим рағбатлантирилган. Ҳар бир ходим жиноятни очишга масъул. Тизимда рағбатлантириш механизми бор.

Oʻzbekiston Respublikasi Ichki ishlar vazirligi tomonidan “Ochiqlik va xalq bilan muloqot — asosiy mezon: Ichki ishlar organlari faoliyati yuzasidan joriy yilning birinchi yarim yilligi boʻyicha tahliliy hisobot” mavzusida matbuot anjumani yakunlandi.

Ўзбекистон Республикаси Ички ишлар вазирлиги томонидан “Очиқлик ва халқ билан мулоқот — асосий мезон: Ички ишлар органлари фаолияти юзасидан жорий йилнинг биринчи ярим йиллиги бўйича таҳлилий ҳисобот” мавзусида матбуот анжумани якунланди.