“Xayr avgust”ni ko‘rdim, oxiridagi ikki oyog‘i ishlamaydigan sportsmen yigit hayron qoldirdi!

U bajarayotgan tryuklarni to‘rt muchasi sog‘ odam ham eplashi dargumon. Albatta, bu yergacha qancha mehnat qilgani faqat o‘ziga ayon...

Insonlar faqat natijani ko‘radi.

Aslida, Xudo hammaga qandaydir iqtidor yuqtirgan bo‘ladi. Internetni oching, biz nogiron deb ataydigan qancha insonlar aqlga sig‘maydigan ishlarni bajarishyapti.

Oyog‘ida rasm chizib, san’at asari yaratayotganlar, qo‘lsiz-oyoqsiz bo‘lsa ham notiqlik qobiliyati bilan dunyoning eng top tadbirkorlariga trening o‘tayotganlar, og‘zi bilan yozayotganlar qancha...

Mirali degan kursdoshim bor, ko‘zlari tug‘ma ko‘rmaydi. Jahon tillari universitetida jahon adabiyoti fanidan dars beradi. Judayam ko‘p o‘qigan, fikrlashi uncha-muncha to‘rt muchasi sog‘ odamlardan karrasiga oldinda.

Kompyuterni sizu bizdan yaxshi tushunadi. Montaj qiladi, dastur yaratadi, kodlar yozadi mustaqil, tushunyapsizmi?

O‘zligimizni topa olmasdan o‘tib ketishdan O‘zi asrasin!

Xulosa: Har bir inson bu hayotga ma’lum missiya bilan keladi. Hammamizda qandaydir yashirinib yotgan qobiliyat bor. Faqat mehnat qilish, o‘zimizni har sohada sinab ko‘rish va o‘sha sirli iqtidorimizni topa olishimiz kerak!

@Ijoddardi

#maktub

"Maktub" — qalbga tutilgan ko‘zgu!

70 kun, 10 nafar sevimli ijodkoringiz va yangi maktublar...

Azizlar, xabaringiz bor, "Maktub" loyihasini boshlagandik.
Har shanba kuni qalamdan to‘kilib, hali siyohi qurishga ulgurmagan samimiy maktublarni sizga taqdim etib boramiz.
O‘qing va o‘z munosabatingizni bildiring.

Yettinchi ishtirokchimiz: Navro’za

Ijodiy o‘zani: https://t.me/navroza_m

👉 Maktubni shu yerda o‘qing:
https://literature.uz/article/katarsis

Mashhur “Mihriban” qo‘shig‘ini bilasiz, she’rining muallifi shoir Abdurrahim Karakoç...

Uzoqroq qishloqda shoirning sevgilisi bo‘ladi, qiz onda-sonda yigitga xat jo‘natib turadi. Shoir esa qiz bolaga xat yozish ayb, ertaga kimdir sezib qolsa, sevgilimning nomiga dog‘ tushadi deb, o‘sha qishloqning tuman gazetasida  she’rlar e’lon qilib yuradi. Bu shoirning qizga yozgan maktublari edi...

Taxminlarga ko‘ra, qizning asl ismi Shehriban bo‘lgan. Ismini Mihribanga o‘zgartirib she’r yozgan ekan.

Lekin qizning uydagilari yigitga bermaydi, ikki qalb birlashmaydi. Abdurrahim Karakoç bilan intervyularning birida, Mihriban hozir tirikmi deb so‘rashsa, ha, yashayapti, lekin ortiq menga mehribon emas deb javob bergan ekan...

Qizning sochi rostdan sariq bo‘lganmi yo‘qmi, ismi rostdanam Mihribanmidi, aniq emas, lekin she’r asosida yaralgan qo‘shiq hali-haligacha qalblarning to‘ridan joy egallab kelmoqda!

Shoirning to‘liq asarlarini shu havola orqali onlayn do‘konimizdan buyurtma berishingiz mumkin!

@Ijoddardi

Laqqa baliq Turkiyada ham bor, Yayın balig‘i deyishadi...

Ayrimlar mushukdek tumshuq va mo‘ylovi uchun Kedi balığı ham deyisharkan, inglizchasi Catfish bo‘ladi. Akula Köpek balığı deyiladi, laqqa Kedi balığı, qiziq a?

Totli suv baliqlari ichida laqqa kattaligi bo‘yicha Yevropada ikkinchi o‘rinda turadi. Og‘irligi 100 kilodan ham osharkan!

Shu paytgacha uni sevib iste’mol qilardim, har yeganimda, dadam bilan baliq oviga borganimiz, zovurlarda ko‘prik ostidagi o‘yiq va g‘o‘rdalardan laqqa tutganlarimizni eslardim, pishirib, mijozlarga tortiq qilardim.

Bugun u haqida bir ma’lumot o‘qidimu, ixlosim qaytdi to‘g‘risi.

Restoranga dengizdan tutilgan Yayın balig‘i keltirishdi, naq 32 kg chiqdi, salkam menday keladigan laqqa.

G‘alati hidi bor edi, hatto ko‘ngil aynitadigan darajada badbo‘y. Ustamiz esa, men umuman Yayın yemayman, dengizdagi eng kir baliqlardan biri bu, dediku.

Dengizning balchiq, axlat va chiqindilar bilan to‘lgan joylarida yasharkan. O‘lib qolgan baliqlar, qisqichbaqa, hatto qurbaqalar bilan oziqlanarmish. Yirtqich baliq, kattaroqlari odamniyam yeyishi mumkin, dedi.

Internetga qarasam, to‘g‘ri ekan, faqat dehqonchilik yo‘li bilan hovuzda yetishtirilgan laqqalarni yeyishni tavsiya qilyapti ChatGPT. Ammo bilmaysizku u baliqchi dehqon nima berib boqqan buni...

Yoshligimdan yaxshi ko‘rardim laqqani, yog‘li, qiltiqsiz baliq deb maza qilib yerdim, endi har pishirganimda nima bilan oziqlangan ekan deb o‘ylab o‘tiribman :(

P.s. Qiziquvchan bo‘lmanglar, ko‘p bilgan tez qariydi deyishardi, rost ekan

@Ijoddardi

Qishloqda yashasangiz, tuman markazida o‘qishga intiling, tumandan viloyat markaziga...

Viloyat markazida bo‘lsangiz, poytaxtga harakat qiling. Toshkentda tursangiz, chet elga, rivojlangan mamlakatlarga!

Bugun xorijda o‘qish uchun ko‘o‘o‘p pulingiz bo‘lishi shart emas. O‘z yo‘nalishingizda lider bo‘lib, yaxshi natijalar ko‘rsatsangiz, til o‘rganib, sertifikat olsangiz, dunyoning TOP universitetlariga yuz foizlik grandlar yutish mumkin.

Turkiyaga “Türkiye Bursları”, Germaniyaga “DAAD dasturi”, Xitoyga “Chinese Government Scholarship”, Koreyaga Global Korea Scholarship” va hokazo yo‘llar bilan hamma xarajatingizni davlatga qoplatib, bemalol ta’lim ololasiz.

O‘zingizda imkon yo‘qmi, kech qoldim deb o‘ylayapsizmi, farzandlaringizni yo‘naltiring, oilangizga shart-sharoit yarating, investitsiya kiriting.

Bu noshukurlik yo o‘zimizdagi imkoniyatlardan foydalanmaslik emas, inson zoti borki, yanada yaxshirog‘iga intiladi, oldinga harakat qiladi.

Ukasi Xitoyda, ayoli Turkiyada; kursdoshlari Koreya, Germaniya, Polshada; do‘st-birodarlari Amerikada yuz foizlik grand bilan ta’lim oladigan, inson sifatida chin dildan aytyapman buni, ko‘p narsa yutasiz. Haligacha birortasidan afsuslanaman degan gap eshitmadim...

Nima bo‘lganda ham, dunyoni ko‘lmakdan iborat deb hisoblaydigan oltin baliqchaga aylanib qolmang. Anhor, daryo, dengiz yoki okeanlarga chiqishga intiling!

@Ijoddardi

Assalomu alaykum! Abdülaziz bilasizmi? Türkiye Burslarıga Grant chiqganda bormiyman degandim. Hozir yaxshi ham kelibman deyman. Qancha tanish orttirdim, networkingim rivojlandi. Agar turtki bermaganlaringizda kelmagan bo'larmidim.

🎓 Bakalavr, magistratura yoki doktorantura uchun turk tili sertifikati kerakmi?

Unda siz aynan kerakli joydasiz!

Biz sizga shunchaki tayyor sertifikat bermaymiz. Biz sizga istalgan joyda, istalgan sertifikatni o‘z ilimingiz bilan qo‘lga kiritishingiz uchun bilim beramiz!

🐟 Chunki biz tayyor baliqni emas, baliq tutishni o‘rgatamiz. Shunda siz istalgan joyda, istalgan “baliq”ni tuta olasiz!

🚨 Xalqaro turk tili o‘qituvchisi @NumonNasrullayev A1 daraja — noldan boshlanuvchilar uchun yangi guruh qabuli rasman ochilganini e’lon qiladi!

📚 A1 daraja (noldan) yangi guruh darslari:
Haftaning juft kunlari, soat 20:00–22:00 oralig‘ida bo‘lib o‘tadi.

🎁 Bepul sinov darsi:
19-sentabr, soat 19:30 da.
Albatta, mutlaqo bepul!

Shuningdek, A2 va B1 daraja guruhlarimizda ham davom etishingiz mumkin.

⏳ Joylar soni cheklangan!
Kechiktirmang — hoziroq yoziling va sertifikat tashvishiga nuqta qo‘ying!

📩 Murojaat uchun: @NUMONNASR

👉 @NumonNasrullayev 👈

Uy sotib olishda yoki ijaraga tutishda hammayam e’tibor bermaydigan nozik jihat bor...

Avval hech o‘ylab ko‘rmagan ekanman, Turkiyaga kelib, boshimizga tushgach anglab yetganman.

Uyni maksimal o‘rta qavatlardan tanlashga harakat qiling, to‘rt tomoningizda odam yashasin, yozda unchalik ahamiyati yo‘q, lekin qishda rohatini ko‘rasiz!

Eng tepa qavat, yerto‘la yoki “dom”ning chekka burchaklaridagi uylarni olishda ehtiyot bo‘ling. Eski bino bo‘lsa, yaqinlashmaganingiz yaxshi. Tirqichlardan, eshik va derazadan izzzillab sovuq keladi...

O‘rta qavatda esa rasmdagidek to‘rt tomondan issiq uradi, qishda hamma pech yoqadi va ularning issig‘i sizga ham keladi. Maza!

Turkiya qonunchiligida bu bo‘yicha alohida band ham bor. Ya’ni, markaziy isitish tizimiga ega ko‘p qavatli binolarda kvartira ichidagi haroratni minimal darajada ushlab turish talabi mavjud. Agar ijarachi isitishni butunlay o‘chirib shartlarni buzsa, tegishli huquqiy choralar ko‘riladi, jarimaga tortilishiyam mumkin.

@Ijoddardi

Turkiya Respublikasining asoschisi Mustafo Kamol Otaturk mangu qo‘nim topgan Anıtkabir majmuasining ramzlari haqida bilasizmi?

• Anıtkabirga kirish Sharq tomondan. Bu turk xalqining Sharqdan ko‘chib kelganiga ishoradir.

• Mavzoleyga olib boruvchi 262 metrli “Arslonli yo‘lak” bo‘ylab 24 ta sher haykali tizilgan. Bu O‘g‘uz turklarining 24 urug‘ini anglatadi. Sherlarning ikkiga bo‘lingan holda saf tortishi esa turk xalqining birligi va milliy totuvlikning ramzidir.

• “Arslonli yo‘l”da oyoq ostidagi toshlar orasi 5 sm ochiq qoldirilgan. E’tibor bermagan odam qoqilib tushishi aniq. Bu ziyoratchilarning Otaturkka hurmat saqlagan holda yerga qarab yurishi, maydonga boshini egib kirishi uchun o‘ylangan.

• Otaturkning jasadi qo‘yilgan maxsus maqbara sakkiz burchakli shaklda qurilgan. Bu Saljuqiylar va Usmonlilar davridagi an’anaviy turk-islom yulduzi dizayniga asoslangan.

• Majmuani qurishda Turkiyaning turli burchaklaridan eng sifatli va ramziy ahamiyatga ega marmar hamda travertin toshlari olib kelingan. Qolaversa, maqbara atrofiga 81 ta viloyatdan keltirilgan tuproq to‘shalgan. Butun mamlakat tuprog‘i Otaturk xotirasi ostida jamlangan degan ma’noni bildiradi.

• Anıtkabir Anqaraning eng baland tepaliklaridan biri -  907 metrlik Rasattepening 905-mertida barpo etilgan, bu liderning o‘lim soati - 9:05 ga ishoradir.

• Otaturk maqbarasi atrofidagi ayvonda Turkiya Respublikasining ikkinchi Prezidenti Ismet Inönü ham dafn etilgan. Bu joydan Anqaraning deyarli butun manzarasi kaftdagidek ko‘rinib turadi.

• Anqaraga yo‘lingiz tushsa, bu ramzlarni o‘z ko‘zingiz bilan ko‘rishni, maqbaradagi askar almashinuvi marosimini, muzeylarni tomosha qilishni tavsiya etaman. Boshqacha g‘urur beradi insonga!

@Ijoddardi

#bugunimiz

Ertalab soat 7 da uydan chiqsak, maydalab yomg‘ir yog‘ayotgandi, taksi chaqirib, kechqurun gaplashgan uyimizni ko‘rgani ketdik...

Iroqlik Rasul degan baliqchi yigit bor ishxonada, juda yaxshi bola. “Men yashaydigan binoda choq tertemiz ev var, mudifoqlari bem beyaz, yine ikinji qatda, gunash goran ev mashallah” deb ijara uyini taklif etgandi.

Ham ish yerimga yaqin, ham metroga o‘n daqiqalik yo‘l, ham narxi arzongina ekan. Uy egasi bilan kelishgandik kecha, bugun ko‘rgani bordik.

Kechqurun ko‘zga uyqu kelmaydi. Sitora bilan xayolda allaqachon ko‘chib ketayotgandik o‘sha yoqqa Rasulning gapi va uyning bir ikkita rasmiga ishonib.

Bo‘sh, karobka uy edi, qanday to‘ldirish bo‘yicha maslahat qildik, nimalar olish-olmaslikni gaplashdik soat 4-5 gacha uxlamasdan.

Taksida ketarkanmiz, yo‘ldayam er-xotin jag‘imiz tinmasdi. Arzon uyga ko‘chvolib, yangi yilgacha ichini to‘ldirsak, keyin orttirgan pulimizni qayerga sarflash haqida xayollar surardik...

Manzilga yetib keldik, taksidan tushishimiz bilan ayolimning avzoyi buzildi. Kamiga havo bulutli, yomg‘ir sevalab turibdi, bu yoqda Sitoraning binoga mazmunsiz termulgan nigohlari...

“Dom” judayam eski edi, kamiga mahallaning qandaydir ko‘ngilni aynitadigan hidi bor ekan, 70-80 foiz odam suriya, iroqlik arab oilalar. Bolalari bilan tortishganiyu to‘g‘ri yo‘lda sirpanib yiqilib turayotgan qop-qora hijobli ayollar qancha. Shovqin, yonida va bu yaqin atrofda bolalar maydonchasi, parklardan darak yo‘q...

Uy egasi keldi, Rasul kvartirani ikkinchi qavatda degandi, eng yuqori, to‘rtinchi qavatda ekan, lift yo‘q, tor “podyezd”, kolyaska bilan sig‘madik zinasiga.

Uyni ko‘zdan kechirganimiz sari Sitoraning qovog‘idan qor yog‘ardi. Safinani mahkam quchoqlab, shu yerga men va bolalarni tashlab ertalabdan kechgacha ishga ketolasizmi deb bot-bot savol berardi...

Xullas, yoqmadi. Yana shu yaqin atrofdan ijara uy izlashga tushdik internetni ochib. 2-3 ta variant chiqdi, biri chet elliksan deb bermadi, depozit pulini qimmat so‘radi bo‘sh uyga, yana biri tor zinali to‘rtinchi qavatda edi. Xudo ko‘rsatmasin bolalar yiqilib tushsa bormi...

Ishga ketadigan vaqtim keldi. Taksi chaqirsam, uch-to‘rt nafar keksaroq ayol bizga kelgan taksiga yugurib minib oldiku. “Yandex”dan chaqirganman, mening taksim bu, tushinglar iltimos, deb zo‘rg‘a bolalarni uyga mindirib yubordim.

Bu yerdagi odamlar, to‘kilib qolgan binolar, irkit hidi bor mahalla, eeeski uylar oldida o‘zimizning tinch, sokin, aksar turk insonlar yashaydigan qishloqchamiz, hamma sharoiti bor uyimiz jannatdek ko‘rindi ko‘zimizga.

U uylarning arzonligi ham ortiq qiziqtirmas edi. Qolaversa, bo‘m-bo‘sh, arzonga olganimiz bilan keyin gilam pardasidan tortib, muzlatkichu vilka-pichoq, qoshiq-piyola, gaz plitalarini olish kerak edi. Bu ham pul degani, hech kim Xudo yo‘liga bepul bermaydi.

Tavba qildik, qaytib ko‘chaman demaymiz yana tanishlar orqali ishonchli mahalladan toza uy chiqmaguncha, shu uyimizda hech bo‘lmasa qishdan chiqib olishga kelishdik. Pul bo‘lsa topiladi...

To‘g‘ri, shuncha odam yashab yuribdiku, biz ham moslashib ketardik balki. Lekin faqat Sitora ikkimiz bo‘lsak bunday tavakkal qilgan bo‘lardim, ehtimol eski uyimiz ming sovuq va devorlari zax, pang bo‘lsa ham ko‘chmas edik. Arzonginaga amallab turaverardik.

Bolalar uchun ham tinch va xavfsiz mahallada, issiq uyda o‘tirishga majburmiz. Qimmat bo‘lsa ham puliga ming marta arzishligini tushundik. Bu bizga saboq bo‘ldi. Ko‘chish bir gap bo‘lar...

@Ijoddardi

Ish tugadi, avans oldim, ijara pulini to‘ladik, ertaga dam olish kunim, uyda esa osh pishyapti...

Safinaga Mahdining bir yoshidagi qishki kiyimlari to‘g‘ri kelibdi, deyarli yangiday turgandi. Bitta xarajat o‘rtadan chiqdi!

Sitora qimmatroqqa bir palto ko‘rib yurgandi, “Otziv”lariga endi qarabdi, sifatsiz, puliga arzimas ekan. Endi arzonroq variantini topibdi...

Wi-fi, gaz, elektr kabi kommunal to‘lovlar to‘landi, yana oylikkacha yetadigan pulimiz bor, Alhamdulillah!

Ha do‘stlar, erkak baxtli bo‘lishi uchun ko‘p narsa kerak emas...

@Ijoddardi

Menda ham shunday.
Uyda hamma narsa yetarliligi va keyingi oylikkacha pul borligini ko‘rsam xursand bo‘b ketaman:)

Instagramga video joyladim, matnli postni o‘qishga eringanlar va Anqaraning kuzgi manzarasini ko‘rmoqchi bo‘lganlar uchun maxsus

Imkoningiz bo‘lsa, instagram ishlatadiganlar shu havola orqali videoni boshdan oxirigacha ko‘rib, layk bosib, izohlar bilan qo‘llab yuboringizlar. Rahmat!

@Ijoddardi

Har dam olish kunim tig‘iz o‘tardi, bir haftalik rejalarning hammasini iznimga to‘g‘rilardik...

Kecha haqiqatan ham dam oldim, soat 11 gacha uxlab, choy ichdikda, ko‘chaga chiqdik. Dikmen vadisiga bormaganimizga ancha bo‘lgandi, tabiatni sog‘ingandik...

Kuzda daraxtlar bargi to‘kilgan, butun vodiy sarg‘ish-qizg‘ish tusga kirgandir desak, hali ozgina erta ekan, yomg‘ir, toza havo, deyarli hech kim yo‘q...

Aylandik, bolalar parkda o‘ynadi, rasmlarga tushdik, shahar shovqinidan uzoq daraxtlar qo‘ynida gaplashdik er-xotin, rejalar qildik, kontentlar oldik, kechgacha hordiq chiqardik xullas.

Nasib, yana yo‘limiz tushsa, vodiyni sizlarga ham ko‘rsataman, kecha telefon quvvati tugab, ko‘p video ololmadim. Bog‘ kuz manzarasiga kirsin, chiroyli kontent qilib beraman, so‘z!

@Ijoddardi

Anqaradagi mushuklarga havas qilmay iloj yo‘q...

Mahallamizda ko‘cha mushuklariga suv, ovqat tarqatadigan insonlar bor. Do‘kondan maxsus yemagini ataylab sotib olishadi va har kuni ma’lum bir soatda yo‘l chetlaridagi idishlarga qo‘yib chiqishadi.

Bularning kosa-tovoqlari ham ko‘zni quvnatadi. Top-toza, bizning uyda yo‘q “stilniy” idishlarni ko‘rasiz ularda...

Non yemaydi, ishxonada baliq beraman, xommi pishganmi farqi yo‘q, bir hidlab ketvoradi. Kolbasayam berib ko‘rganman, oyog‘i bilan o‘ynab qumga bulab tashlab ketgandi...

Aksariyati top-toza, egasi yo‘qligi sezilmaydiyam. Hatto Anqara mushugi degan maxsus turiyam bor, barcha shahar insonlarining mushuklarga mehri boshqacha!

P.s. Gruziyada kuchuklarga shunday hurmat-izzatni ko‘rganmiz. U yoqda itlar shohona yashashadi...

@Ijoddardi

Yo‘q aytinglarda, bundan ortiq nima kerak erkak kishiga😁

Pulmi, mashina, uy-joy, boylik, mansab, obro‘-e’tibor... mana shu rasmdagi halovat bo‘lmasa, hammasi bir tiyn, ishonavering!

Eng avval oiladagi xotirjamlikni ta’minlasangiz, qolgani asta-sekin bo‘laverarkan Xudoning izni bilan, vaqti-soati kelib. Alhamdulillah!

@Ijoddardi