"يحق لها التباهي بالجدود وعودها الريّان
‏وانا مالي حقوق.. إلا محبّتها وضحكتها"
‏-ضيدان بن قضعان

الدلو والميزان والقوس والحوت
ما غير برج العاج تغري وصوفه
وبرج بقلبي برج لولو وياقوت
لا يا بعد برج الحمام ورفوفه
ما يسكنه غيرك من السيف للكوت
لو ينتحي راس الولد عن كتوفه
علم وكيد بالمواثيق مثبوت
ما هو عذر اللي يفرك كفوفه
والله لا سافر لك لو ارجع بتابوت
وأنا من اللي ما ربوا في مروفه
على الشقا لاع الهوى كل شفلوت
وانتي تلوعين الحشا بالطروفه
والوقت للجاحظ والأيام هاروت
والقلب حاتم وانتي أغلى ضيوفه
يا مرحبا ترحيبة عقاب يا نوت
والحي يلحق لو تحده ظروفه
صوتك يكفيني عن الشرب والقوت
وشوفك غناتي والحياه مخلوفه
يا أقوى من اللوعات وأسخف من التوت
وأبلغ من البيت الأخير وحروفه
رجل تنادينه ولا يسمع الصوت
خسارة سمعه وصوته وشوفه
ورجل يضمك بين أياديه ويموت
والله ما يلحق حياته حسوفه

"يوم حدته الليالي ومسته الظروف
‏صدوا أشباه الرياجيل..وأنقذته مره"

وأيضاً

"بنتٍ ليا منك وقعت تشيلك من القاع شيل
‏أبرك من وجيه الرجال اللي ليا طحت جفلت"

"جاء تشرين ياحبيبة عمري..أحسن الوقت للهوى تشرين"

على العموم إذا حدتك الأيام على الطيحة
لا تطيح
إلا على صدري

لا مرتني ذكرياتك
شمّيت فيها أجمل أيامي وريحة لهفتك

خلني فيك غريق..لا تمد لي طوق النجاة
وتعكر جوي، لو سمحت

يجوز إني أترك بلدتي..وأسكن بلادك؟

ولما يقول
"تعبت أتمادى وأترّجل وأنا اللي كِل
ما جاعت عيوني، جيت أدور على زادك"

البيت يشرح كم مره سقت رجلي لديارك ماني بدور على الزاد بس، أدور لي كم ضحكة ولمحة أمان ودفا حضن، ويجوز إني أحياناً أدور لي شيٍ مضيعه في ديرتك..والأكيد أنه طايحٍ لي قلب

إنك الشيء الوحيد
اللي في العالم هذا ( يخصني )
أمر يجعلني
أطير كل ليلة ونس.

يا أصدقاء أظن إني سرّاق
كل جِلف غليظ كاره، أظن إني من سرقت شعورهم المُبتل من العاطفة وجعلتهم على ماهم عليه من الجفاف
لأن مستحيل شعوري الفائض من الحُب، نابع من شخص واحد فقط!

لذلك أي انسان تواجهه بحياتك، من هالنوعية
لا تلقي اللوم عليه
أنا من سرقت العاطفة منه
ما تشوفني بسيل من المشاعر والتضخم والإزدياد

في الحياة حاجات واجد ماهي بممكنه
ومن ضمنها
إني أحب غيرك