من أمس وأنا أعيد بهالقصيدة..ولا مليت

يشرح معاناته مع عنصرية اللون ولو كان في مجتمع "قبلي" تحديداً
إذا كان حكم البعض على مظهرك فقط، متناسياً طيب راسك وفعايلك

لما قال؛
"علام الناس خلت لبّ وجهي، وتحكم على قشوره؟"

وكان جريء جداً بطرحه لهالبيت
"تعداني صباح اخواني المشرق..وأنا لاباس
أخذني الليل لا عسعس دجاه وجيت بشعوره"

بما معناه، الصبح..بياض أخوانه، والليل سماره
والفارق اللوني بينهم
بيت حساس وجريء جداً جداً


عبدالله يا عبدالله، إبداع وعزّة نفس ونص فاخر
ماشاءالله تبارك الرحمن

عفى الله عن صدرٍ من الوقت لو ينهار
‏مايشكي مُعاناته على بعيد وقريّب

‏ليا حس في حزنه توارى عن الانظار
‏ولا يوقع من همومه وضيقه قريّب

‏معه قلب ذيب ونفس طير وعزم واصرار
‏ومعه حسن خلقٍ لا يعذرب ولا يعيّب

‏لو تحطه الاقدار ما بين نار وغار
‏ماهوب متردي، كان ماهوب متطيّب!

على قطار الصبا مرّت عجاف السنين
‏يذكرك بالخير يا زهرة سنين الصبا

‏عيني تبي شي ياعيني وش اللي تبين
‏وقلبي يبي شي ياقلبي وش اللي تبا؟

‏نشدت هدهد سبا عن عودة الراحلين
‏قال انتظر لين ياتيك الخبر من سبا

‏الأرض في عين غير المهتوي ما تزين
‏لو إنها جنةٍ خضرا؟ تصير شهبا :)

"رفعت راسي للسما وعرضت وجهي للرذاذ / ربي كما أسقيت سطح الأرض .. بلّ أرواحنا"

الأجواء جميلة

وإذا تبون الصحيح الصحيح
ما كنها إلا الضحكة اللي على وجه خلِّي

الأجواء تجبر حتى غير المهتوي يميل عن دربه، فتنة غير طبيعية..لذلك يا عصافير الحب سجلوني الليلة معكم

إذا أمكن 😁

تأملوا معي
هذي والله المغريات

الأغنية المُناسبة

"بغيتك يوم وقتي سمح والخاطر ضحوك وطرب
وأنا هالحين، أحنّك من غثاي.. وشينة أخلاقي"

أتوقع، أسمى مراحل الغلا هالمرحلة إنك تداريه حتى من نفسك

اللهم أرحم أمي وأغفر لها

‏كم تمنِّيتك تجي في الحلم مره
‏جعل جنَّات الولي داري ودارك

‏عاد بيتك فيه من ماطاك جره
‏وعادني ببقى على حلم إنتظارك

‏ما دفنتك بالرَّمل مثقال ذره
‏يوم كلٍ عند قبرك جاء مشارك

‏كن به صوتٍ من القبر يتشره
‏كيف تدفن من يحبك يا مبارك؟

- مبارك بن وافي يجسد شعوره المتردد في دفان والدته