صباح الخير، هو عاد باقي بصيص أمل ولا مات كله ؟

أعتذر منكم يا أصدقاء،
توني طلعت للخارج أنصدمت بالأجواء رائعة وجميلة جميلة ك ضحكة خلِّي

للحد الذي جعل الأمل يتجدد فيني بليّا شعور
يا مرحباااااااااا بالشتا والهبايب والطواري اللي تجيبك لي مع كل نسمة بارده

والله ولا يخفيك
يا طواريك ليا من مرّت علي
قلطتها وسط ملحق صدري..قلطة الطيّب السنافي

على الطاري الأجواء،
أنا كل ما شفت غيم أو طرف غيمة
طرى علي البيت اللي يقول
"لو للسحايب يا طويل الهدب سوق
‏شريت لك برقٍ رهيف.. وسحابة"

وأغلي هالبيت، وأحبّه جدًا جدًا
من غلاة خلّك ودك أن دياره غيث همّالي، يوصل بك أن ودك تشتري له برق وسحابة لكن الله أقوى

عمومًا يا طويل الهدب، لو علينا شرينا لك البرق والسحابة ومهدنا لك الدنيا فجوجٍ رحيبة، ومدينا لك الأرض باللي فيها على راحة يدينك

مثلك تلبّى مطاليبه

صباح الخير
بمعنى /

"بعد هالغلا أي والله إني عليك آمنت
‏بإن المحبة رزق .. والرزق من ربك

‏علي السلام ووافر الشوق ولا أنت؟
‏عليك السلام ورحمة الله و أحبك"

صباح الخير،
الأجواء جميلة والغيم مزبر والسحايب هميلة عمومًا ما طرى علي إلا يوم إن بمثل ذا الصباح في ذيك الأيام الجميلة

كنت على يميني..وتنشدني على وين ؟

وأتغنّى لك "معك وين ما ذعذع هواك ومالت الفيّة"
وتنشدني أقولك وين بنروح ؟
وأردّ أتغناها
لين تضحك الضحكة الخجلة

الوكاد كل شيٍ مضى معك أذكره وأنت سيّد العارفين

‏عداك الملام وشرهة الولف يا نزّاح
‏عن دياري اللي مانت بأول خسايرها

‏تبعت السراب إلين سلّمك للمرواح
‏ولدّيت ! وعيوني .. تزوّر عبـايرها

‏قنعت وتركتك للزمن والزمن فضّاح
‏على مهله أسرار المخاليق يظهرها

‏بقى لك معي ذكرى ليا غمّض المرتاح
‏تمشط بقايا كبدي بروس اظافرها

ولين الحين..

هنا السراهيد قال
البارحة ذكرتك..وما تبسمت
يبدو علي إني بديت أتخطى

وطرى علي شيء من هذا الُقبيل يتشابه معه بالإحساس لسالم حمد

البارحة مر طيفك بالغلط وأبتسمت
ما عادت الذكريات تجيب راس الدموع!

الذكرى السنوية لبيت سعد علوش؛
"لو شهر نوڤمبر يعرف الأحاسيس
ما كان جانا..وأنت للحين زعلان!"

وعلى نفس السياق كتب العقاد ذات يومٍ إلى “مي زيادة” ولم ترد عليه، فبعث إليها برسالة أخرى يقول فيها: "أرجو أن يكون ذلك عن عمد، فالعقاب عندي أهون من الإهمال."

لم يكن حظنا كافيًا لنشيخ معًا، ونمضي إلى السينما متعبين، لم يكن حظنا كافيًا
‏- محمود درويش.

رعاك الله يا بيتٍ ليا مني بغيت أجيك ..

-

ليلةٍ عنوانها
وجد من حدّه زمانه على اللي ما يبيه

ما غيرت رقمي من خذيته إلين الحين..
على شان رقمٍ حافظ "رقم جوالي"

صباح الخير .. في يوم من الأيام أستيقظ عبدالله بن سعد صباحًا، وكتب بيتين يلتمس فيها العذر عن ما حدث في الليلة السابقة، يقول:
‏حنيّتني من الكلام الجارح
‏وأنا أدري اْن من حقك تخرّبها

‏الحاجه اللي زعّلتكْ البارح
‏والله العظيم إنّي معاد أقربها