‏على الهون يا اللي مشغلتني بكثر النوح
‏ تنوحين من راحه و انا ادور الراحه

‏لو انقل معاناتي على صوتش المبحوح
‏تمنيتي اللي ما يعوّد لملواحه :)

‏انا منزعج من نشدة ٍ مالها مصلوح
‏مثل ما النشيرا مزعجه صوت مسباحه

‏لو ان القدر ما خذ من الروح " قطعة روح "
‏ما والله اتميّز و اتواجد على الساحه

يلعب علي يحسبني من ملاعيبه
مادرى اني على الناس لعااااابي

على طاري لقاء المحبوب،
‏"تهلل لساني من شوفتك ووجهي بشّ
‏كأن الله أمات البسيطه وأحياني"

‏أنا اللي شفت في وجهك طهارة قلب ما ينعاف
‏و معك ما زادت احْزاني "معك يا خفّة دموعي"

‏فداك الشعر والشاعر وقافٍ ما عليه خْلاف
‏و فداك القلب يوم انّه لدربك صار متبوعي

‏اشوف بعينك اليمنى بلادٍ .. ممتلي بـ إنصاف
‏و اشوفك بين طيّات القصيد و لمة ربوعي

"وللمحبة مقامات.. فالذي يسألك كيفَ حالك فَتُجيب بتمام، يختلف عن الذي تشرح له تفاصيل التمام."

‏لاتعتذر لاخطيت في حق روحي
‏احياناً تزيد الخطايا بـ أسفها

‏ماني بـ متكلم ولاني بـ موحي
‏بغيب والدنيا ليا غبت شفها

‏بتعلمك معنى سكاتي وبوحي
‏وبتحس بـ عجاف السنين وترفها

‏كل ما اتمشى في دروبك بروحي
‏اسمع صدى صوتٍ يصيح بطرفها

‏هذي جروحي ولا ماهي جروحي ؟
‏انا ترى من كثرها ما عرررررفها

"تساهلت الغياب.. وتباردته لو إنه حار
‏ما دام إن الغلا منزوع وماني آخر أحبابك"

‏"أدركت بأنه يمكن للمرء بأن يركض من أقصى قطب في الكرة الأرضية، الى القطب الآخر، فقط لأنه يُحب،

وأدركت أيضًا، بأنه قد يستكثر عليك حتى الحرف، فقط لأنه خُذل في موضع لا يستحقه"

وين أودي وجهي من قلبي ؟

‏يملّ السؤال إن ضاع في رمش عينك حل
‏وتضِلّ الهبوب إذا تطرقت لـ أعوادك

‏يا كثرك بصدري وبـ صباحاتي وبـ الظل
‏ويا قلّ الكلام إن جاد مزنك ورعادك

‏تعبت أتمادى -وأترجل- وأنا اللي كل؟
‏ما جاعت عيوني جيت أدوّر على زادك

‏إذا كان مالي في البلد مثل قلبك خل؛
‏يجوز إنّي اترك بلدتي وأسكن بلادك؟.

"يوجع إني في سبيل رضاك سويت الهوايل
‏وأنت مستكثر علي -آسف- ومستكبر عليها"

لأني أحبها .. فعلاً وجدًا
‏ماهي محبة رفث ولا إتصالات ..

‏أحس كني أبوها أو أخوها
‏أدرى عليها من العالم مدارات ..

- عدم تشابه -

‏ترا من فقد بسمتك ما عاضته قمرا الليال
‏أنا تبسّامك هو اللي كان يضوي لي درُوبي

صباح الخير

شعار اليوم وكل يوم:
"دمعتك تُحسب علي، وضحكتك تحسب لي"

"أن تخطر في بالي أشعر بجناحيّ يخفقان، هناك ما يكفي من الحب في صوتك ليجعلني أطير"


ما طار الإنسان من نفسه ولا قد عرف
إلا أنت من يعرفك يعرف بعدها يطير
-سعد علوش

"أحبك دون أن أعرف كيف، ولا متى أو أين، أحبك بصراحة بلا تعقيدات أو كبرياء"
-بابلو نيرودا

بينما سعد علوش قال؛
"أمشي معه من غير لا أين ولا كيف
من حيث ما يجرفني أغمض عيوني وأنجرف"

وأكد ذلك ضيدان بن قضعان
"فديتك، يوم تاخذني على كيفك ولا أدري وين!
معك من وين ما ذعذع هواك ومالت الفيّة"