‏"بس أنت فيك إحساس حسيته مريب
‏كنك حبيبي.. من حياةٍ ماضيه"

‏"ياكم غلطة تقفّاها الندم لكن أنت؟
‏ الغلطة اللي لو يرد الزمن..عدتها"

يعم الهدوء ويستثير السكون الصوت
‏وأنا بين صوت العقل واحساسي الجايش

‏ماضيعني وذوقني الموت قبل أموت
‏الا عقلي المتحرّص وقلبي الطايش

‏أشوف الحياة جنازةٍ في بطن تابوت
‏لكني رغم كل الصعوبات ، متعايش

‏ترا ما أصعب من الموت واللي خلّاف الموت
‏إلا الفترة اللي ، لا أنت ميت ولا عايش

صباااااااح الخير ❤️

‏أشوفك حقيقة عمر لو الليال تزلّ
‏مثل منسبي وأسمي وموتي وميلادي

‏عسى كل عام يمرّك احلا من اللي زلّ
‏فدى ضحكتك حسّاد عمرك وحسادي

‏ترى من عرفتك يا حبيبي وشفتك خلّ
‏وأنا ما احسب لأيام هجري وميلادي

"عيد وحب هاي الليلة الناس معيدين"

*على ذمة كاظم الساهر

‏الزعل من الوسائل الملتوية لإثبات المحبة، ولو لم يكن للطرف الآخر مكانًا عليًّا في النفس لمَا استاء منه

ومن باب إن الزعل مرادف للمحبّة
"لا تخاف أعاتبك وأزعل عليك
خاف إذا ما عادها..تفرق معي"


‏وعلى حد قول صالح بن حمد:
‏"بخير إن عادها تزعل على تقصيري الأحباب
‏وإذا ما عادها بتزعل على تقصيري؟ مصيبة"

‏أستحيت من المشاريه ومعاتب جفاك
‏وأقتنعت إن الغلا ما يجي عرض وطلب

‏قلت أصدّ بـ كل حبي وتعظيمة غلاك
‏قبل أصدّ بـ قلب عايف وحالٍ منقلب!

الأجواء الطيبه وأمطار خير وبركة
وضحكات اللي يودك وتوده
يالله من فضلك

‏عندما تُعجبنا الروح تُعجبنا الملامح حتى لو أنها ملامح عادية .
‏وكما قيل :
‏" لا ترى العين عيباً ،، إذا أحب القلب قلباً

لو ما ذخرتك لليال السود يا سيد الملاح
مدري من أذخر وأنت وجهك طب وأطباعك بلا

قل لي ( هلا ) لا شفتني ضايق..تشوف الضيق راح
الضيق كله ينجلي لاقلت لي بصوتك ( هلا )

وإذا زعلت، أنا ادري إنك ما توردني الجراح
هي كلها يومين ويطيح الحطب مهما أعتلى

لامن رضيت وجيت كنك جاي تهديني السماح
يا حلوها لا قلت لي ( أنا ما ردني غير الغلا )

صباح الخير
أنا أعيش مرحلة المقحم لما قال "أحس إن نور الصبح يطلع على شاني"

ومو بس الصبح، أنا حتى المطر هاليومين أحسه نازل إشاده لإحساسي

ألبي سعيد

تحس إنك أنولدت من جديد،
بمُجرد ما صار تاريخ ميلاد اللي تغليه..
يا أغلى تواريخ العمر هجري وميلادي، يا أثمن عطايا الله

ودك تنهب له الفرح من جيب السنين، ودك تحقق له كل أمانيه، ودك تمهّد له الأراضي باللي فيها

ليلةٍ ودك تملك فيها "مصباح علاء الدين"

جمعنا القدر ، والله فرقنا عن الباقين
‏ولا حس أحد منّا مع الوقت تهميشه

‏وياما تساءلنا من الحب وش لاقين؟
‏ولقينا به الي كل ما نحلم نْعيشه

‏نصون العهد وصدورنا رحبة وراقين
‏ما حنّا من الي لا هوى ضيّعه طيشه

‏ويوم إن أكثر الي في دروب الهوى شاقين!
‏ أنا وأنت ، مثل الي على راسهم ريشه :)

العيون أصدق لُغة، ويقولون عنها البدو "مغاريف الكلام" مهما حاولت إنك تخفي الا إنها فاضحتك

"ياكثر ما تلزم الصمت وعيونك تنوب
لحظة فيها لسانك؟ رهين الإعتقال"
-جابر النشيرا

"لكن نبي نعطي عيونك..زمام الكلام
خل النواعس تقوم وتدلي بدلوها"
-عبدالله السراهيد

"متحلفٍ في لسانه انه ما يقول
وعينه ما خلت شيٍ الا قالته"

‏له المرحبا تدبل على شوفته ثنتين
مجيه مثل وبل المطر . . لا فرحنا به