شريتك في ليال تكسر الخاطر وبعت الكلّ
‏ وشفتك عند هقواتي عليك وفوق هقواتي

‏ ترحب مرحباي إن جیتني والمسهلا تنهلّ
‏ وتجتاح السوالف فـ الكلام وتهدم سكاتي

‏ تعاف الناس حب الناس لا قلّ الغلا وتمل
‏ وأنت مثل ما أنت.. عادك احلامي وغاياتي

‏وعسى أن تَهبني أعظم مما حلِمت

‏"خايف من الوقت ماني خايفٍ منك
‏ضامنْك .. بس الليالي وش يضمّنها"
‏Vs
‏"أخاف من غدر الزمن ما أخاف من غدرك
‏أدري بك أوفى من التاريخ لأجدادي"

ومن أشد المخاوف "بس أنا خايف علينا يا غلاي / لا يجينا يوم وأفقد مسمعك"

لك الولاية وورث القلب والبيعة
‏المُلك لله ثم إليك مولاتي

‏اعتبرني معطيات الواقع اللي يستثيرك
‏حبني مثل الخيال وخلني مثل المخيله

‏القبال اللي تشوفه قادر يحدد مصيرك
‏والقبول اللي لمسته منك يكفي عن قبيله

‏بعترف لك بالحقيقه كامله وانت وضميرك
‏بعد ماخضت الحياه بسكة الصبر الطويله

‏يوم مرتني حياتي كلها ماشفت غيرك
‏انت صورة كل مشهد وانت قصة كل ليله

‏مبارك عليكم الشهر ❤️
جعلنا الله وإياكم من صوَّامه وقوَّامه وينعاد علينا وعليكم بالصحة والعافية

‏ماهو حرام اقول أحبك ب رمضان
‏اي والله احبك مثل باقي الشهور

‏ان كان حبك ذنب يانور الزمان
‏اقول أنا أحبك.. واقول الله غفور

طوّل كلام الحب حتى نعسنا
وفي كل ليلة كانت أشواقنا غير

وبوقت واحد كل ابونا همسنا
أحبك.. أحبك.. ونصبح على خير

وإن حداك الوقت على الطيحة..لا تطيح إلا على صدري

وخايف أضرك هذي والله المصيبه
وهاقي أضرك ليه يا حبيبي أضرك؟

لا ياخذك بي الظن والشك والريبه
وأنا أسمى من على هـ الدنيا مرّك

انا اللي لو أحتالت دنيتك الغريبه
شرعت حضني وقلت قلبي مقرّك

أحبك وأحبك لو هي علي ضريبه
مستعد أضم فيك خيرك وشرّك

وما جاء في ذلك
‏"يبدو إن الشوق وصاني عليك وصايه
‏لا اللقى يشفي غليلي ولا المعانق كافي"

أنا متأكد جابك الله من بعد ليت و عسى
‏جعلك عوض من قال جاشي لك و قلت الجاش له

‏رغم أنّي أكثر واحدٍ مملي جروح ولا نسى
‏إلا أنك آخر واحدٍ قلبي لقاه و عاش له

‏معاك أحس الحب ترياق القلوب من الأسى
‏على كثر ما كنت متجرّع تجارب فاشلة

وجعل ربي يخليك لعين ترجيك.. وقلب يغليك

الاكتفاء بالمحبوب من أسمى المراحل ولا يبلغها إلا القليل

سعد بن جدلان قال؛
"صاحبٍ في هرجته سبع الأداوي
وأفطمتني من بنات آدم وحواء"

ومطلق بن شويه قال؛
"أفطمتني عن سواها وخلتني قنوع
ما بعد حبيت لي نفسٍ من حبيتها"

صالح النشيرا قال؛
‏"والله اني من بنات آدم وحوى شبه سامح
‏كل ممشوقة قوام اشوفها ماهيب زينه"

وقيل بعد؛
"حبيت ريم وتبت عن شفة أريام
وأصبحت من حب البنات.. أتروّع"

"لا قلت يفداه الردي أشعر بتأنيب الضمير
ودك ما يفدا الطيبين..إلا زحولٍ ندها"

يا طيب راس محبوبي طيباه :)

‏انتي نصر من صابه الاحباط
‏يا سلطةٍ ما فوقها سلطه
‏ㅤㅤㅤㅤㅤ
‏بوجيه خلق الله لقيت اغلاط
‏ووجهك يا ماشاءلله ولا غلطه (: