🌷Daraja

Ibn Abbos (r.a.) aytdilar: "Ulamolarning darajasi mo‘minlarning darajasidan yetti yuz daraja balanddir. Har darajaning o‘rtasida besh yuz yillik masofa bor".

"Durratun nosihiyn" kitobidan

📚 @ilm_duri

🌷Ilmdan mahrum bo'lish

Saforiniy rohimahulloh dedilar:

"Ilmdan mahrum bo'lish olti xil ko'rinishda bo'ladi:
⏺1. So'ramaslik.
⏺2. Yaxshi tinglamaslik va quloq osmaslik.
⏺3. Yaxshi tushunmaslik.
⏺4. Yaxshi yod olmaslik.
⏺5. Tarqatmaslik va o'rgatmaslik.
Kim ilmini zaxira qilgan bo'lsa-yu, lekin, tarqatmagan bo'lsa, Alloh jazo o'laroq, gunohiga muvofiq ravishda, ilmni unutish ofati bilan uni balolaydi.
⏺6. Amal qilmaslik. Zero, ilmga amal qilish va uni yodda saqlash, tadabbur qilish, rioya qilishga va uni muhokama qilishga sabab bo’ladi. Endi agar ilmni tashlab qo'ysa, uni unutib yuboradi".

📚 @ilm_duri

🌷Ilm odobi

Ato ibn Abi Raboh rahimahulloh aytadi:
"Menga bir kishi bir gapni gapiradi. U gapni xuddi oldin eshitmagandek eshitib jim turaman. Aslida u gapni u tug‘ilishidan oldin eshitgan bo‘laman. O‘zimni unga bu gapni xuddi hozir eshitayotgandek ko‘rsataman".

Ibn Kasir rohimahulloh.
"Al-bidoya van nihoya" kitobidan.

Inson bir masalani ming bor eshitdi. Ammo o‘zini birinchi bor eshitgandek ko‘rsatishi ilm odoblaridandir.

📚 @ilm_duri

Adashish ilmsizlikdan bo‘lsa uni tuzatish oson. Agar adashish ilmdan bo‘lsa uni tuzatish oson emas.

Ayman Yog‘iy

📚 @ilm_duri

Eng katta nafaqa ehson — ilmni nafaqa qilish, tarqatishdir. Zero ilm rizqdir. Rizqning eng yaxshisidir!

Hasan Basriy rohimahulloh

📚 @ilm_duri

#ilmiy_suhbat
​
😎Tarixda kitobga nazar — Kitobga oshiqlar haqida suhbat

🎤 Husayn Buxoriy bilan

Islom ummati kitobxon ummatdir

🕐Suhbat mundarijasi:
00:00 — Kirish
01:04 — Kitobga tarixda nazar. Dunyoviy va diniy ilm haqida
04:02 — Ilm nima va ilm olish qachondan boshlangan?
09:40 — Alloh taolo Odam alayhissalomni farishtalardan ilm bilan afzal qilgan
16:02 — Kitobxonlik Alloh taolo joriy qilgan sunnat
19:52 — Islom ummati kitobxon ummatdir
22:32 — Kitobxonlik paygʻambarlardan merosdir. Paygʻambarlardan keyin sahoba va tobeʼinlarda kitobxonlik
24:11 — Tarixdagi solih zotlar hayotida kitobxonlikka, kitobga eʼtibor
34:41 — Islom tarixida podshohlar, amirlar, hokimlar juda ham kitobxon boʻlishgan
38:03 — Kitobga, ilmga boʻlgan muhabbat farzandlarga asosan onalardan oʻtadi
43:53 — Oltita narsani oʻzingda jamlamasdan ilmga erisholmaysan. Bir bayt sharhi
57:52 — Faqih, muhaddis, mufassir, hatto doktor, hatto muhandis, qaysi soha boʻlmasin, eng kamida 20 yil oʻqish kerak
01:03:30 — Kitobsevar xalq boʻlaylik. Xotima

📚 @ilm_duri

Bir soat davomida ilm olish azobini tatib ko‘rmagan odam butun umri davomida jaholatning sharmandaligini yutib yuradi.

Imom Shofe’iy

📚 @ilm_duri

🌷Ilmni qalbdan sidirilishi

Abdulloh ibn Salom Ka’bul Ahbordan so‘raydi: «Olimlar ilm o‘rganib, qalbga joylaganlaridan keyin ularning qalbidan ilmni sidirib tashlaydigan narsa bormi?» Ka’b javob berdi: «Bor. Bular: ochko‘zlik, hirs va dunyo tashvishlari».
Bir kishi Fuzayl ibn Iyozdan: «Ka’bning bu so‘zini qanday tushunish mumkin?» - deb so‘raydi. Fuzayl bunday javob beradi: «Odam ochko‘zlik qilib, bir narsaga hirs qo‘yadi va uni qo‘lga kiritishga tutinadi, shunda dini, imoni yodidan ko‘tariladi. Nafsi unga-bunga haris bo‘ladi, havasini keltirgan har narsani olgisi kelaveradi. Shu tariqa bir qator kishilarga ishi tushadi. Ular ham, buning ehtiyojini qondirgach, endi uning burniga halqa o‘tqazib oladilar va xohlagan ishlarini qildiradilar, istagan yerlariga olib boradilar, uning iste’dodini o‘zlari uchun itday ishlatadilar. Bu esa ularga iliq muomalada bo‘lishga majbur etadi. Dunyo manfaati yuzasidan do‘stlashgan bu odamlar bilan uchrashganda ta’zim qiladi, xastalansalar, ko‘rgani boradi, ziyofatlariga qatnashadi. Bularning barini Alloh rizosi uchun emas, yolg‘iz dunyoviy manfaat uchun qiladi. Ayting-chi, o‘sha kishilarga ishi tushmaganida, o‘zi uchun yaxshiroq bo‘lmasmidi?»

Abu Homid G'azzoliy. "Mukoshafat-ul qulub" kitobidan

📚 @ilm_duri

#ilmiy_suhbat

😎 Ustoz Husayn Buxoriy bilan onlayn suhbat

Savollarga javoblar

📝Suhbat mavzulari:
00:00 — Kirish. 1-savol: Kishi oʻzida zohidlikni kasb qilmoqchi boʻlsa, eng avval nima qiladi?
03:57 — 2-savol: Kishi Oxiratga qancha Qurʼonni koʻtarib borsa, shuncha koʻtaril deyiladi
06:42 — 3-savol: Ustozning darslarini eshitib, lekin oʻziga singdirolmayotganlar nima qilsa boʻladi?
14:28 — 4-savol: Inson tadbir bilan Qurʼon yodlayveradimi yo taqdirida borini yodlaydimi?
20:26 — 5-savol: Risalatul-Mustarshidiyn, Risalatul-Qushayriyya kitoblarini ruhiy tarbiyaga endi kirganlar eshitsa boʻladimi?
32:14 — 6-savol: Tibyan kitobini oʻqimasdan turib, Qurʼonga oʻtmasligimiz kerakmi?
34:36 — 7-savol: Qurʼonni, uning ahkomlarini oʻrgansa, lekin unga amal qilolmasa, nima qilsa boʻladi, qanday yoʻl tutish kerak?
45:01 — 8-savol: Tasavvuf ahli ichida ayollar ham boʻlganmi? Ayollarga nafsni poklash haqida nasihat qilsangiz
50:46 — 9-savol: Jannatda darajalari pastroq bandalar Alloh taoloni, Rasululloh alayhissalomni koʻradimi?
52:28 — 10-savol: Firdavs jannatga yetish uchun muayyan amal bormi?
56:34 — 11-savol: Namozni xushuʼ va huzuʼ bilan, jamʼ holatida oʻqishning iloji bormi?
57:27 — 12-savol: Ustoz sharh qilayotgan kitoblarni oʻqishda, tinglashda tartib bormi? Birinchi qaysi kitobdan darslarni eshitish kerak?
01:00:09 — 13-savol: Ilm haqida, ilm oson yuqishi haqida aytib bersangiz?
01:04:04 — 14-savol: Biror ishga kirishishdan oldin niyatni taftish qilish kerak ekan. Buni qanday qilamiz?
01:05:07 — 15-savol: Tolibi ilm shaytonning vasvasasiga tushmaslik uchun nima qilish kerak?
01:07:20 — 16-savol: Zehnni kuchaytirish uchun nimalar qilish kerak va nimalardan voz kechish kerak?
01:14:52 — 17-savol: Tasavvuf haqida tasavvur kitobidagi bir jumla haqida
01:19:47 — 18-savol: «Shariatni desang, oʻldir ilonni, tariqatni desang, qiynama jonni». Shuni tushuntirib bersangiz
01:29:40 — Xotima. Duo

📚 @ilm_duri

🌷Ibn Javziy rohimahulloh aytadilar:
"Shayton insonning ilmi qadar unga yaqinlashishga imkoniyat topadi. Insonning ilmi qanchalik oz boʻlsa shaytonning imkoniyatlari shuncha koʻpayadi, ilm qancha koʻp boʻlsa uning imkoniyatlari shuncha ozayadi".

📚 @ilm_duri

🌷QALBI SINGANLARGA...

Faqih va obid Muhammad ibn Vosi’ rohimahulloh sarkarda Qutayba ibn Muslim qo‘shini safida Qobul fathida qatnashdi. Shaharni uzoq vaqt qamal qilishdi. Ammo foydasi bo‘lmadi. Shahar taslim bo‘lmas edi.
Qutayba askarlariga dedi:
- Muhammad ibn Vosi’ni qidiringlarchi, u nima qilayotgan ekan!
Askarlar Muhammad ibn Vosi’ni qidirib ketishdi. Uni bir joydan topishdi. Muhammad ko‘rsatgich barmog‘ini ko‘tarib Allohga duo qilayotgan edi:
"Yo Hayy, yo Qayyum....!".

Askarlar Qutaybaning huzuriga borib ko‘rganlarini aytib berishdi. Shunda Qutayba dedi:
"Sizlarga g‘alaba muborak bo‘lsin! Qo‘shin ichidagi Muhammad ibn Vosi’ning ko‘rsatgich barmog‘i mingta qilichdan yaxshiroqdir!".

Agar boshingizga mushkulot tushsa, sabablarining barini qilsangizda foydasi bo‘lmasa, qalbingizni isloh qiling. Ko‘rsatgich barmog‘ingizni samoga ko‘tarib duo qiling. Dunyo muammolarining yechimi Robbimiz huzurida...

📚 @ilm_duri

🌷Ibrat

Xolid ibn Valid roziyollohu anhuga bir kishi kelib:
- Falonchi sizni so‘kdi, -dedi.
Xolid unga:
- Bu uning sahifasi. Uni xohlagani bilan to‘ldiraversin, - dedilar.

Vahb ibn Munabbih rahmatullohi alayhga bir kishi kelib:
- Falonchi sizni so‘kdi, - dedi.
Vahb unga:
- Shayton sendan boshqa elchi topa olmadimi?! - dedilar.

Hasan rahimahullohga bir kishi:
- Falonchi sizni so‘kdi, - dedi.
Hasan unga:
- U otgan o‘q menga tegmagan edi. Sen uni olib kelib yuragimga sanchding, -dedilar.

Imom Shofi’iy rahmatullohi alayhga bir kishi kelib:
- Falonchi siz haqingizda yomon gaplarni gapirdi, - dedi.
Imom unga:
- Agar rost aytgan bo‘lsang sen chaqimchisan. Agar yolg‘on aytgan bo‘lsang sen fosiqsan, - dedilar. U xijolat bo‘lib qaytib ketdi.

📚 @ilm_duri