#Nazmiy

Do‘stlarimni hayron qoldirar
Ba’zan ishqiy she’rlar yozganim.
Hazilkashlar qo‘ymasdan so‘rar:
— Kuylaganing qaysi nozanin?

Yo‘q dey desam, kulgi bo‘laman,
Aldamoqni hech ko‘rmayman ep.
Ne ham derdim, hazil qilaman,
Shoir hali izlanishda, deb...
1957

✍️ Erkin VOHIDOV

📚 @kitoblar_pdf

Turk tilini mustaqil o‘rganmoqchilar uchun maxsus darslar boshlandi.
✅ Qo‘shilib olish

#Tavsiya

​​📕 "Qon hidi"

✅Otasi va ukasining urushdan nogiron bo‘lib qaytgani, so‘ng onasining paxta maydoniga sepilgan zaharli doridan oq qon kasaliga chalinib vafot etishi yuragida ulkan bo‘shliq paydo qilgan inson bor dardini, iztirobini qog‘ozga to‘kdi. Qahramonlari unga og‘riqli kunlarida duch keldi, bir-birlarining yaxshiyu yomon kunida hamnafas, hamdard bo‘ldi. So‘ng­gida esa... ularning hammasini yo‘qotdi.

✅Afg‘on tuprog‘ida jon olib jon bergan minglab vatan o‘g‘lonlarining, achchiq qismat egalarining taqdiri haqida bitilgan kitob – «Qon hidi» romani shu tarzda dunyoga keldi.
Yelkasiga sharaf yukini ortib jangga kirganu so‘nggida o‘zlarining keraksiz buyumdek tashlandiq kimsalarga aylanganini tushunganida ming afsus... ular ancha ulg‘ayib qolgan edilar. Ammo yashash kerak edi... Qanday qilib?! Yurakda shunchalar zalvorli yukni ko‘tarib yashab bo‘ladimi?

✅Muallif asari orqali ko‘proq jang sahnalariga emas, aksincha o‘zi kabi baxtsiz, o‘zi kabi yolg‘iz taqdirdoshlarining ichki olamiga, ruhiyatiga e’tibor qaratdi.
Kitobga esa ushbu so‘zlar bilan yakun yasadi: “So‘nggi paytlarda “Hayotning mazmunsiz yo‘lida “yashash” nomli kasallik bilan umrguzaronlik qilishdan ne foyda”, degan o‘y bot-bot xayolimga keladi. Lekin yashayapman! Ammo bir kun kelib ular bilan uchrashishim tayinligini eslab, ko‘ngilda yorug‘ umidlar paydo bo‘ladi.
O‘sha “qayg‘usiz kun”da uchrashguncha, mendan oldin ketgan do‘stlarim!..”

✍️Muallif: Abdurashid Nurmurodov

💽Kitobni yuklab olish

🔥 - o‘qidim
😎 - o‘qiyapman
👍 - o‘qish rejam bor

📚 @kitoblar_pdf

#Mutolaa

🌿Nafaqat ovqat yeyishdan oldin balki, kitob o‘qishdan oldin ham qo‘lni yuvib, keyin kitobni ushlash kerak. Oq muqovali bo‘lsa qo‘lni sovunlab yuvib keyin ushlash kerak.
Agar birovdan o‘qib turishga olingan bo‘lsa imkon bo‘lsa qo‘lqop kiyib ushlab o‘qish kerak!

📚 @kitoblar_pdf

🇷🇺🇺🇿 Rus tilidan shunaqa lug‘at so‘zlar qidirib yurganmidingiz?

#Mutolaa

Mutolaa qalbni yumshatadi.

Kitob oʻqish jarayonida oʻquvchi qahramonlar bilan birga boʻladi. Ularning quvonch va tashvishlariga sherik boʻladi. Tadqiqotlardan maʼlum boʻlishicha, badiiy asar oʻqigan odam hayotda ham boshqalarning his-tuygʻularini yaxshi tushunar ekan.

📚 @kitoblar_pdf

🇹🇷 Turk tilini darajangizga mos darslar bilan o‘rganing:

➡️A1 Seviyesi
➡️A2 Seviyesi
➡️B1 Seviyesi
➡️B2 Seviyesi

#Savodxonlik

Sirop

Shinni maʼnosidagi ruscha “сироп” soʻzi bor-ku, oʻsha aslida oʻzimizning “sharob” soʻzidan hosil boʻlgan.

Sharob soʻzi asli arabiy boʻlib, shariba — ichmoq feʼlidan hosil qilingan va oʻzbek tiliga vino (musallas) maʼnosi bilan kirib kelgan.

©️xatoliklar

📚 @kitoblar_pdf

#iqtibos

📚 @kitoblar_pdf

#Nazmiy

TILLA BALIQCHA

Tuxumdan chiqdi-yu, keltirib uni
Shu loyqa hovuzga tomon otdilar.
Tashlandiq ushoq yeb o‘tadi kuni,
Xoru xas, xazonlar ustin yoptilar.

Dunyoda ko‘rgani shu tor hovuzcha
Va mudroq tollarning achchiq xazoni.
Menga alam qilar, tilla baliqcha
Bir ko‘lmak hovuz deb bilar dunyoni...

✍️ Abdulla Oripov

📚 @kitoblar_pdf

#Tavsiya

​​📖 "Cho‘qqida qolgan ovchining ohi-zori"

✅ Davrimizning buyuk yozuvchisi Chingiz Aytmatov bilan taniqli qozoq shoiri Muxtor Shoxonovning samimiy suhbatlari natijasi o‘laroq dunyoga kelgan “Cho‘qqida qolgan ovchining ohi-zori” kitobning ikkinchi nomi “Asr adog‘ida aytilgan istig‘for” bo‘lib, mazkur asar insoniyatga cheksiz ishonch va mehr-muhabbat mahsulidir. 7 bobdan iborat mazkur asarning har bir bobi alohida tadqiqotga arziydi.

✅ Ayniqsa, “Xokimiyat va ma’naviyat yoki podshohlar, xonlar, qirollar, prezidentlar faoliyatiga bir nazar” bobi siyosiy sharhlovchilar tomonidan iliq kutib olindi. Unda qadimgi xukmdorlardan tortib, hozirgi davlat rahbarlari haqida mualliflarning shaxsiy fikrlari, qarashlari bayon qilinadi.

✍️Muallif: Chingiz Aytmatov, Muxtor Shoxonov
🇷🇺Tarjimonlar: Nabijon Boqiy, Yoqubjon Xo‘jamberdiyev

💽Kitobni yuklab olish

🔥 - o‘qidim
😎 - o‘qiyapman
👍 - o‘qish rejam bor

📚 @kitoblar_pdf

✍️ Abdurashid Nurmurodov
📖 "Qonli yo'rgaklar"

Butun-butun xalqlar va millatlarning urf-udumlari, minglab-millionlab yillik turmush tarzlarining tajovuzkorona poymol etishga urinish insoniyat tarixida hamisha o‘sha tajovuzkorlarning o‘ziga bitmas-tuganmas ofatlarni keltirgan va keltiraveradi. Ulug‘ shoirlaru, e’tiqodi yo‘lida hech narsadan qaytmaydigan sabotli, tanti insonlarning beshigi bo‘lib ulg‘aytirgan muqaddas afg‘on tuprog‘ining bugungi kunda qonli yo‘rgakka mengzatilishi bejiz emas. Ul diyor endilikda oddiygina afg‘on yurti emas, bizning hujayra-hujayralarimizga tarqagan og‘riqli jarohatlar, nolalar go‘shasi hamdir. Bu kitob o‘sha og‘riqlarning milliondan bir ulushi sifatida muallifning yuragidan otilib chiqib, yurak qoni bilan yozilgandir!

📚 @kitoblar_pdf

#Audiokitob
✍️ O‘tkir Hoshimov
🎧 "Dehqonning bir kuni" (hikoya)

Yakshanba audio mutolaasi

📚 @kitoblar_pdf

#Tavsiya
‌
📖 Noma’lum ayol maktubi

Mashhur Avstriyalik yozuvchisi Stefan Sveygning asarlari ayol qalbining nozik kechinmalarini haqqoniy va bor murakkabligicha tasvirlab berishi bilan ajralib turadi. Bu xususiyat, ayniqsa, uning «Murabbiya», «Noma’lum ayol maktubi», «Bir ayol hayotidan yigirma to‘rt soat» kabi novellalarida yaqqol ko‘rinadi.

E’tiboringizga havola etilayotgan kitobda adibning eng sara asarlari jamlangan. Ishonchimiz komil, bu asarlarni o‘qiganingizda qalbingizda avvallari hech qachon tuymagan noaniq bir tuyg‘u gavdalanadi. Bu tuyg‘u odamlar olomoni ichida aslida sizning kim ekanligingiz, maqomingiz qanday – shu kabi savollarga voqealar silsilasi, qahramonlar ichki olami bilan tanishish asnosida yechim topasiz.

💽Kitobni yuklab olish

🔥 - o‘qidim
😎 - o‘qiyapman
👍 - o‘qish rejam bor

📚 @kitoblar_pdf

#Mutolaa

Kitob o'quvchilarning ham darajalari bor.

1-daraja. Kitob o'qib uni qisman tushunuvchilar. Ularning diqqat jamlashi juda qiyin kechadi. O'qigan fikrlarining qismini anglashmaydi.

Mutolaadan foyda 20%

2-daraja. O'qigan kitoblarini juda yaxshi tushunishadi. Odatda, juda ko'p o'qishadi. Asosan badiiy asarlar.

Mutolaadan foyda 50%

3 -daraja. O'qigan narsalarini juda tez uqishadi. Ammo bu toifa insonlarning farqi ular o'qigan va o'rgangan narsalarga amal qilishni ham yo'lga qo'yishgan. Odatda, ular bir kitobni nisbatan sekinroq tugatishadi ammo foydaliroq qilishadi.

Mutolaadan foyda 100%

Istisno holatlar ham bo'lishi mumkin. Chunki har bir insonning IQ darajalari, qobiliyatlari ham bir-biridan farq qiladi.

📚 @kitoblar_pdf

📣Ingliz tilini qanday o‘rganish siz uchun qulay bo‘lsa shunday o‘rganing. Sizni qulayiga yo‘naltirish bizdan. Tanlang:

▶️ Audio so‘zlashgich orqali o‘rganish
⏸ Videokurs orqali o‘rganish
📚 Kitoblar orqali o‘rganish
💖 Audiokitoblar orqali o‘rganish
⚡️ Lug‘atlar orqali o‘rganish
⛓ Grammatika orqali o‘rganish
🎬 Filmlar orqali o‘rganish
🎤 Qo‘shiqlar orqali o‘rganish
✅ IELTS'ga tayyorlanish
😎 CEFR'ga tayyorlanish
💬 Speaking'ni o‘stirish

#Savodxonlik

Kirill alifbosidagi Цц undoshining lotin yozuvida ifodalanishi

Koʻpchilik kirill alifbosidagi ц harfi ishtirok etgan oʻzlashma soʻzlarni lotin alifbosida yozishga qiynaladi, buning sababi oddiy: u turli hollarda s yoki ts bilan ifodalanadi. Quyidagi qoidalarni bilib olsangiz, qachon s va qachon ts bilan yozish kerakligi borasida qiynalmaysiz:

1. Lotin yozuvida Цц undoshi quyidagi hollarda “s” bilan ifodalanadi:
a) soʻz boshida: sirk, sement, sentner kabi;
b) soʻz oʻrtasida undosh tovushdan keyin: konstruksiya, direksiya, induksiya, deduksiya, aksent, ssenariy kabi;
d) soʻz oxirida: abzas, shpris, kvars kabi;
e) old qoʻshimchadan keyin: telesentr, antisiklon, episentr kabi;
f) soʻz boshida a mustaqil boʻgʻin boʻlib kelganda: aseton, asetilin, asetat kabi.

2. Soʻz oʻrtasida ikki unli tovush orasida “ts” yoziladi: assimilatsiya, dissimilatsiya, kalkulatsiya, Sitseron, assotsiatsiya kabi.

✍️ xatoliklar

📚 @kitoblar_pdf

#Jadid_gazetasi
📰 Jadid gazetasi. 15(67)-son (2025-yil, 11-aprel)

😎Avvalgi son

😎Barcha sonlar

📚 @kitoblar_pdf

#Savodxonlik

​Сифатловчили ўзлашма сўзлар имлоси

Тилимизга янги-янги сўзлар кириб келяпти. Аксарияти инглиз тилидан. Уларнинг ўрнига кўпинча от қўя олмаяпмиз, атамаларни шундайича қабул қиляпмиз. Бироқ шуни ҳам жуда дўндираётганимиз йўқ. Аксарият ҳолларда рус тили орқали оляпмиз. Бу имлода ҳам сезиляпти.

Бошқа тилдан сўз кириши табиий жараёнлигини олдин ҳам айтган эдик. Иложи бўлса, ўша тушунчага от қўйиш керак. Имконсиз ҳоллардагина тайёрини ўзлаштириш мумкин. Лекин...

Хуллас, бугун сифатловчили ўзлашма сўзларнинг имлоси ҳақида гаплашамиз.

Келинг, таомлардан бошлайлик: фастфуд ва ҳотдог. Фастфуд инглизча fast – тез ва food – овқат сўзларидан. Тезпишар овқат, тамадди қилиб олиш жойи каби маъноларда ишлатилади. Бу сўзни фаст-фуд шаклида ёзиш хато. Рус тилида фастфуд кўриниши қабул қилинган, лекин фаст-фуд кўринишида хато ёзиш кўп учрайди. Чунки сифатловчи билан келган ўзлашма сўзларни руслар одатда чизиқча билан ёзади.

Сифатловчи ўзи нима? Ҳоким бўлакдан англашилган нарсанинг белгисини билдириб, қандай?, қанақа?, қайси?, қанча? сўроқларига жавоб бўлган аниқловчига сифатловчи аниқловчи дейилади. Масалан, қизил олма сўзида қизил сифатловчи аниқловчи, у олманинг қандайлигини сифатлаяпти. Фастфудда ҳам шундай. Фаст сўзи фуднинг қандайлигини сифатлаяпти. Унда нега қўшиб ёзиш керак? У бизнинг тилимизда битта тушунчани – тезпишар овқатни ифодалагани учун қўшиб ёзган яхши.

Ҳотдог сўзига келсак, у инглизча hot ва dog сўзларидан. Тезпишар овқат турини, яъни битта тушунчани англатгани учун қўшиб ёзилиши керак. Рус тилида чизиқча билан ёзилади: хот-дог. Бу рус тили учун тўғри, чунки рус тили орфографиясида шундай қоидага амал қилинади. Ўзбек тили имлосида эса бундай эмас.

Бу сўзни хотдог, хот дог ёки хот-дог шаклида қаттиқ х билан ёзиш хатодир. Сўз инглизча, инглизчада h товуши билан айтилади ва биз бу товушни бемалол айта оламиз. Шу сабабли ҳ билан ёзиш керак. Бунга ўхшаш ҳолатлар жуда кўп.

Энди ажратиб ёзиладиган сўзларга келсак. Интернет провайдер, ҳостинг провайдер, интернет банкинг, онлайн мактаб, онлайн дарс, онлайн мулоқот, веб сайт (ёки вебсайт), веб портал, веб камера, офис менежер каби сўзлар ҳам ҳеч қандай чизиқчасиз ёзилади. Чунки сўз бирикмасидаги биринчи сўз кейингисини сифатлаб келяпти ва қандай сўроғига жавоб бўляпти: қандай провайдер – интернет провайдер, қандай мактаб – онлайн мактаб, қандай менежер – офис менежер. Бундай сўзлар орасига чизиқча қўйиш худди қизил-олма деб ёзишга ўхшайди.

Веб сайт ва веб портал сўзларини шунчаки веб сўзисиз ишлатган маъқул: сайт ва портал. Улар интернет тармоғига тегишли эканини шу ҳолида ҳам ифодалай олади.

Қуйида юқоридаги сўзларнинг аслияти, ўзбекча ва русчадаги имлоси акс этган жадвал билан танишасиз.

✍️ Orif Tolib

📚 @kitoblar_pdf

#Nazmiy

📜 DEVONALARMIZ

Bir to‘shakda, bir ko‘rpada yotib yonma-yon
Uxlayapmiz, axir dema begonalarmiz.
To‘shagimiz zamin bo‘lsa, ko‘rpamiz osmon,
Yondoshlikni anglolmagan devonalarmiz.

Bir ildizdan ko‘karganmiz, muazzam olam
Beshigimiz, dema siyqa afsonalarmiz.
Momo Havo onamizdir, otamiz Odam,
Qondoshlikni anglolmagan devonalarmiz.

Bani bashar oshyoni shu mitti sayyora,
Qo‘lni qo‘lni bersak go‘yo marjonalarmiz.
Elni elga, dilni dilga bog‘lolsak zora,
Jondoshlikni anglolmagan devonalarmiz.

“Xudo bir!” deb payg‘ambarlar o‘tdi, biz hamon
Haq yo‘lini topa olmay sarsonalarmiz.
E’tiqodlar ayri-ayri, yagona imon,
Dindoshlikni anglolmagan devonalarmiz.

Dildoshlikni anglolmagan begonalarmiz.

1990-yil

✍️Amir Xudoyberdi

📚 @kitoblar_pdf