Toshkent viloyatida yondosh ikki shahar bor: Angren va Ohangaron. “Angren” so‘zi “Ohangaron”ning rus tiliga buzib ko‘chirilgan shakli ekanini birov bilar, birov bilmas. Ohan – temir, ohangar – temirchi, ohangaron – temirchilar ekani ham odamlarning esidan chiqqan shekilli, hech kim, hay, bu nimasi, bitta nomda ikki shahar bo‘ladimi, deb so‘ramaydi. So‘raganda kim quloq solardi? Bitta tentakning ishini mingta dono tuzatolmas, deb shuni aytadilar.

Erkin Vohidov,
O‘zbekiston xalq shoiri

📚 @kitoblar_pdf

#Nazmiy

✍️Matnazar Abdulhakim

BIR SO‘Z

“Bir so‘z topmadingiz” –“Bormi shunday so‘z?”
“Nigohingiz horg‘in” –“Yo‘lingda toldi”.
Senga tutaverib-tutaverib ko‘z,
Umid bog‘larimga kuz kelib qoldi.

Kechikib bo‘lsa ham xush kelding, axir
Bu qadar hayallab kelarmi baxt ham?
Ayama. To‘kilgan mevalar taxir,
Qadamlaring bo‘lsin shafqatsiz, shaxdam.

Nechun har qadamda dovdiraysan sen,
Xazon emas, go‘yo yaproqlarim cho‘g‘.
Ko‘zlaring yosh to‘la, jovdiraysan sen,
Izlaysan, izlaysan, o‘sha bir so‘z yo‘q.

Oldingga chiqaman, ruhim to‘la mung,
Horg‘in ko‘zlarimga botgan so‘z bilan.
Qo‘lingdan ushlayman men soqov, men gung,
Yurakda mag‘izdek qotgan so‘z bilan.

Boshqa so‘zlarni-ku, oson so‘zlayman,
So‘zlayman, ming tavba, ba’zan ermakka.
Bu bir so‘zni esa qanday bo‘zlayman,
Sening hayotingga bermakka.

So‘z o‘rniga umrim berayotir ro‘y,
Aytilmagan so‘zdir qutlug‘ har lahza.
Dard chekkan tabibim, endi bilib qo‘y,
Yo‘q men uchun so‘zdan og‘irroq narsa.

Men senga atalgan shunday mevaman,
Yuragimni ushat, ol bir so‘zimni.
Sendan ayamayman, seni sevaman,
Men uzib beraman senga o‘zimni!

📚 @kitoblar_pdf

#Kitobdan

​​📖 Oskar Uayld: Dorian Greyning portreti

Inson baxtga noil bo‘lgan chog‘larda hamisha yaxshi bo‘ladi, lekin yaxshi odamlar hamma vaqt ham baxtga noil bo‘lavermaydi.

📖 Hayotdan lazzatlanib yashash, ahloqiy tubanlashuv, zohiriy go‘zallik falokati, hayot falsafasi haqida barcha davrlarning eng yaxshi asarlaridan biri. Uni o‘qish davomida:

- Dialoglardagi haqiqatni ich-ichingizdan tan olsangiz ham uni rad qilish uchun sabablar qidirasiz.

- Qahramondan nafratlanasiz, lekin uni o‘rnida bo‘lib qolishni ham istaysiz.

- Bir inson yuksalishi va tubanlashuvi haqidagi go‘zal roman!

👨 Asar qahramoni qalbini iblisga topshirgach, abadiy yoshlik, cheksiz vaqt, bitmas-tuganmas boylikka ega bo‘ladi. Baxtga-chi? Bu savolga asar so‘nggida javob topasiz.

☝🏿 Asarni o‘qishga ketkizgan emas, uni o‘qimasdan o‘tkazgan vaqtingizga achinasiz.

💽Kitobni yuklab olish

📚 @kitoblar_pdf

#Jadid_gazetasi
📰 Jadid gazetasi. 50(105)-son (2025-yil, 12-dekabr)

😎Avvalgi son

😎Barcha sonlar

📚 @kitoblar_pdf

#Tavsiya

📖 "KETS YULDUZI"

Oyga uchishni, yulduzlarni yaqindan tomosha qilishni orzu qilmagan inson yo‘q. Bu istakni fantast yozuvchi Aleksandr Belyaev «Kets yulduzi» asari orqali amalga oshirishga yordam beradi. U o‘z qahramonlari, Kets yulduzida ilmiy ishlarini olib borayotgan olimlar bilan birga kitobxonni samoviy sayohatga chorlaydi. Yerning sun’iy yo‘ldoshi Ketsda hayvonlarning fikrlab gapirishi, o‘simliklarning o‘rmalashi, shuningdek, Oyning bizga ko‘rinmaydigan tomonidagi tubsiz jarliklarda sodir bo‘layotgan sir-sinoatlar, undan ham qiziqarlisi, Oyning ikkiga ajralib ketishi haqidagi farazlarga asos bo‘layotgan hodisalar har qanday odamning aqlini shoshiradi, hayratini oshiradi, qo‘rquvini kuchaytiradi.

Mazkur asar tasavvurni kengaytirib, xayoliy manzaralarni uyg‘otibgina qolmay, muhabbatning nimalarga qodirligini ham ko‘rsatadi.

📚 @kitoblar_pdf

#Jadid_gazetasi
📰 Jadid gazetasi. 51(106)-son (2025-yil, 19-dekabr)

😎Avvalgi son

😎Barcha sonlar

📚 @kitoblar_pdf

##Savodxonlik

Bilib olgan yaxshi

Oʻzbek tili lotin alifbosida qiziq bir holat bor: unga koʻra, oʻ harfidan keyin tutuq belgisi (’) kelgan soʻzlarda shu tutuq belgisi tushib qoladi. Ikkita bir-biriga oʻxshash belgilar ketma-ket kelib, oʻqishni qiyinlashtirmasligi uchun shunday qarorga kelingan boʻlsa kerak. Misol uchun, moʻjiza, moʻjaz, moʻtadil, moʻtabar soʻzlarida shunday holat kuzatiladi.

Mo‘’jiza ❌
Mo‘jiza ✅

Mo‘’tadil ❌
Mo‘tadil ✅

Mo‘’tabar ❌
Mo‘tabar ✅

©️xatoliklar

📚 @kitoblar_pdf

#Nazmiy

📜 Inson ruhida ham qiyomatlar bor.
Og‘ir sinovlar bor, sinoatlar bor.
Muhabbat sal chalg‘ib turgan mahalda.
Sezilmasdan o‘tgan xiyonatlar bor.

Mehr berolmasang qiynoqqa ko‘ndim.
Diydor berolmasang firoqqa ko‘ndim.
Sen meni boshqaga berma iltimos
Boshqaning qo‘lida kelmaydi o‘lgim.
Ularda boshqacha itoatlar bor.


Menga o‘xshamasin mehribonlaring.
O‘rnimni bosmasin qadrdonlaring.
Chiqib ketamanku unda yodingdan.
Mensiz o‘taverar ming bir oylaring.
Menda g‘alat-g‘alat shikoyatlar bor.


Men shirin sog‘inchni Xudoga aytdim.
Sendan boshladimda senda tugatdim.
Ko‘nglini kul bosgan kimsalargamas.
Bog‘dan yelib kelgan saboga aytdim.
Xudoga aytdim men, Xudoga aytdim.
Shu sabab duoda ijobatlar bor.


Inson ruhida ham qiyomatlar bor!!!

✍️Rislig‘oy Xotamova

📚 @kitoblar_pdf

#Jadid_gazetasi
📰 Jadid gazetasi. 52(107)-son (2025-yil, 26-dekabr)

😎Avvalgi son

😎Barcha sonlar

📚 @kitoblar_pdf

​​#Tavsiya

Sobiq Sovet va mustaqillikning dastlabki choragida "zapret" da bo'lgan kitob haqida gap ketganda, nima uchun shunday bo'lgan ekan, ha deb o'ylab qolaman. Kitobni o'qib ko'rib shuni bildimki, sizning dunyoqarashingiz va nimalar haqida ko'proq o'ylashingiz siz yashab turgan jamiyatga bog'liq bo'larkan.

Kitobda keladigan quyidagi iqtibosga diqqat qiling:
"Ular toki ongli bo'lmaguncha, isyon qilmaydilar, isyon qilmaguncha ongli bo'lolmaydilar". Sizning birinchi darajali ehtiyojlaringiz (gaz, svet, uy-joy, kunlik oziq-ovqat va hokazo) qoniqtirilmay turib, sizda isyon qilishga vaqt va xohish bo'lmaydi. Isyon qilish uchun oldin qorin to'q bo'lishi kerak. Biz bu fikrlar bilan isyonga chorlayotganimiz yo'q, aslo.

Aytmoqchi bo'lganimiz, bizning jamiyat ongli bo'lishini istasak, oldin ularni gaz, svet va yaxshigina oylik bilan ta'minlab qo'yishimiz kerak, ishoning, bu qiyin emas, bizda bu boyliklar ortig'i bilan bor, shunchaki, halollik va adolatni hayotda tatbiq qilsak bas.

Kitob: 1984
Muallif: Jorj Oruell

📚 @kitoblar_pdf

##Savodxonlik

Postskriptum (P. S.)

Biror maqola, matn yoki maktub yozib boʻlganingizdan soʻng yana bir fikr kelib qolsa, matnni qayta yozib chiqmaslik uchun postskriptum ayni muddao boʻladi.

Postskriptum — bu tugallangan fikrga ega matndan soʻnggi qisqacha qoʻshimcha.

Postskriptum “P. S.” shaklida yoziladi. Misol uchun, elektron shakldagi biznes yozishmalarda yoki qogʻozga yoziladigan maktublarda — matnni yozib boʻlganingizdan soʻng biror narsa qolib ketganini payqab qolsangiz, postskriptumdan foydalanish mumkin.

Undan tashqari, bu tijoriy maqsaddagi matnlarda oʻquvchining diqqatini tortishga va biror maʼlumotni yana bir bor eslatib oʻtishga xizmat qiladi.

Qanday yoziladi?
1. P. S. doim bosh harflar bilan lotin alifbosida yoziladi.
2. Har ikki harfdan soʻng nuqta qoʻyiladi.
3. Ikki harf orasiga joy tashlab yoziladi.
4. Ikki nuqta bilan ajratilmaydi, matn nuqtadan soʻng bir boʻsh joy qoldirib yoziladi.
5. Postskriptum va asosiy matn orasida bir boʻsh satr boʻlishi kerak.
6. Postskriptumdan keyin odatda yozuvchi haqida maʼlumot qoldiriladi (imzo, ism va h. k.)

©️xatoliklar

📚 @kitoblar_pdf

#Jadid_gazetasi
📰 Jadid gazetasi. 1-son (2026-yil, 2-yanvar)

😎Avvalgi son

😎Barcha sonlar

📚 @kitoblar_pdf

​​#bilasizmi

📖Xalqaro madaniyat indeksiga koʻra, dunyoda eng koʻp kitob oʻqiydigan aholisiga ega davlatlar reytingi maʼlum qilingan.

26 ta davlatlar roʻyxati keltirilgan statistikada Oʻzbekiston va hech bir Markaziy Osiyo mamlakatlari yoʻq, afsuski...
Reyting aholining bir haftada necha soat kitob oʻqishga vaqt sarflashiga qarab tuzib chiqilgan boʻlib, quyidagi davlatlar kuchli 26 talikka kirgan:

Hindiston – 10:42 (soat-daqiqa);
Tailand – 9:24;
Xitoy – 8:00;
Filippin – 7:36;
Misr – 7:30;
Chexiya – 7:24;
Rossiya – 7:06;
Shvetsiya – 6:54;
Fransiya – 6:54;
Vengriya – 6:48;
Saudiya Arabistoni – 6:48;
Polsha – 6:30;
Venesuela – 6:24;
Janubiy Afrika Respublikasi – 6:18;
Avstraliya – 6:18;
Indoneziya – 6:00;
Argentina – 5:54;
Turkiya – 5:54;
Ispaniya – 5:48;
Kanada – 5:48;
Germaniya – 5:42;
AQSH – 5:42;
Italiya – 5:36;
Braziliya – 5:12;
Yaponiya – 4:06;
Janubiy Koreya – 3:06.

📚 @kitoblar_pdf

✍️ Abdulla Qahhor
📖 "Qotilning tug'ilishi"

📚 @kitoblar_pdf

Qo'rqinchli Tehron

❇️Mazkur asar ikki kitobdan iborat bo‘lib, unda o‘tgan asr boshlaridagi voqealar qalamga olinadi. Oradan yillar o‘tgan bo‘lsa-da, undagi g‘oyalar, o‘lmas tuyg‘ular, orzular va armonlar zanjiri o‘z ahamiyatini yo‘qotmagan. Bosh qahramon Farruhning ezgulik va jaholat, nafs yo‘lidagi taloto‘plarga qarshi kurashi, qasosga undagan turfa sarguzashtlari va Madinga bo‘lgan sof muhabbati ikki romanni bir-biriga uzviy bog‘lab turuvchi umumiy syujet chizig‘ini tashkil etadi.

✅"Paxta qanchalik ko'p bo'lmasin, uni bir dona gugurt chaqib, yondirib yuborish mumkin."

👤Mushfiq Kozimiy

🇮🇷-🇺🇿Fors tilidan G'afur G'ulom tarjimasi

📚 @kitoblar_pdf

​​#Tavsiya

Biz, odatda, ko'p ham siyosiy ruhdagi kitoblarni o'qiyvermaymiz, chunki, ularda ilmiylik ustun bo'ladi va bizni o'ziga asir qilolmaydi. Jorj Oruellning kitoblarini esa badiiy asarlardan-da jozibadorligi bois siyosiy mazmundagi kitob bo'lsa-da, aksar kitobxonlar sevib mutolaa qilishadi.

Asarning boshidagi "To'rt oyoq - a'lo, ikki oyoq - rasvo" shior oxirrog'iga borib "To'rt oyoq - yaxshi, ikki oyoq - yaxshiroq" ga o'zgarishi siyosatchilarning qanchalik ikkiyuzlamachi bo'lishiga oddiy misol, xolos.

Bu kitobda kalit jumlalar yetarlicha. Lekin, e'tiboringizni quyidagi jumlaga qaratishni istadim:

"Hamma hayvonlar tengdirlar. Biroq, ayrim hayvonlar boshqalaridan ko'ra ko'proq tengdirlar"
Qonun oldida hamma teng, faqat ayrimlar emas. Bu har qaysi shaxs qonundan ustun bo'lgan davlatlarda mavjud bo'lgan tamoyil.

Ushbu kitobni o'qib, mulohaza qilib, fermadagi qaysi hayvonga ko'proq mengzashingiz haqida o'ylab ko'ring. "Molxona" dagi holat hali ko'p davlatlarda davom etyapti.

Xulosa chiqarishga urinib ko'ring, aminmizki, Siz "Jons qaytib kelishini istamasang kerak" deganda, ferma hayvonlari kabi bosh silkib, ishga kirishib ketmaysiz, qichqiriqlarning baland ovoziga aldanmaysiz, o'zgartirib qo'yilgan qoidalarni farqiga borasiz.

Nomi: Molxona
Muallif: Jorj Oruell


📚 @kitoblar_pdf

#Savodxonlik

Qatʼiy nazar yoki qatʼi nazar?

Bu ikkala soʻzning oʻzagi bir, arabcha “qat” (kesdi) soʻzidan hosil boʻlgan, lekin ikkalasi ikki xil qoidaga asosan hosil qilingan va oʻzlashgan.

Qatʼiy
Mavhum sifat, yakka holatda ishlatiladi. Uzil-kesil, aniq, keskin degan maʼnolarga ega: qatʼiy choralar koʻrdi, fikrimda qatʼiy turaman, qatʼiy belgilangan soliq.

Qatʼi nazar
Xuddi nuqtayi nazar kabi izofali birikma, shu bois yakka kelmaydi, doim nazar soʻzi bilan birga ishlatiladi. Nazarni kesdi, yaʼni biror narsaga qaramay degan maʼnoni anglatadi: kim boʻlishidan qatʼi nazar, murojaat mazmuni qanday boʻlishidan qatʼi nazar.

“Nuqtayiy nazar” deb boʻlmagani kabi, “qatʻiy nazar” ham deb boʻlmaydi.

Lexs.uz boʻladimi, prezident portali boʻladimi, uza.uz boʻladimi — bu birikmani “qatʼiy nazar” shaklida yozilganini koʻrsangiz, xulosa qilingki, u yerda xato yozilgan.

Qatʼiy nazar ❌
Qatʼi nazar ✅

© xatoliklar

📚 @kitoblar_pdf

#Jadid_gazetasi
📰 Jadid gazetasi. 2-son (2026-yil, 9-yanvar)

😎Avvalgi son

😎Barcha sonlar

📚 @kitoblar_pdf

#Savodxonlik

Koʻra: vergul kerakmi yoki yoʻq?

Koʻra koʻmakchisidan keyin vergul qoʻyish-qoʻymaslikda koʻp xato qilinadi. Hatto muharrir va musahhihlar ham chalkashliklarga, qiyinchiliklarga duch keladi. Bu soʻz vergul talab qiladigan bitta holat bor xolos. Shuni bilib olish kerak.

Koʻra qiyos, taqqoslash munosabatini bildirgan; nisbatan, qaraganda maʼnolarini anglatgan holatlarda vergul ishlatilmaydi:

Masala u oʻylaganidan koʻra chuqurroq koʻrinardi.
F. Musajonov, Himmat.

Yuqoridagi kabi oʻrinlarda koʻradan oldingi soʻz chiqish kelishigida (-dan) boʻladi.

👉 Koʻra asosan, muvofiq, binoan soʻzlariga maʼnodosh boʻlib kelgandagina vergul qoʻyiladi. Bunday holatlarda u kirish birikma tarkibida boʻladi:

Tuzilgan bitimga koʻra, Abdulatif Samarqandga yuborildi.
Mirmuhsin, Meʼmor.

Kirish soʻz va kirish birikmalar soʻzlovchining bayon qilinayotgan fikrga munosabatini, fikrning umumiy bahosini, kimga karashli ekanini ifodalaydi. Birikma gap boshida oʻzidan soʻng, gap oʻrtasida ikki tomonidan, gap soʻngida esa oʻzidan oldin vergul bilan ajratiladi. Koʻra soʻzi qatnashgan birikmalarda ham shu qoida amal qiladi:

Otam, oʻz kasbining taqozosiga koʻra, umrining koʻp qismini safarlarda oʻtkazgan odam.
Shukrullo, Javohirlar sandigʻi.

❗️ Koʻra koʻmakchisi asosan, muvofiq, binoan maʼnolarida kelsa-yu, kirish birikma tarkibida boʻlmasa, kesimga bevosita bogʻlansa, vergul ishlatilmaydi:

Men buni tajribaga koʻra aniqladim.

Qoidaga koʻra oʻyin.

U natijalarni berilgan maʼlumotlarga koʻra hisoblab chiqdi.

©️ Orif Tolib

📚 @kitoblar_pdf