❗️Mamlakatimizda Axborot-resurs va axborot-kutubxona markazlari soni nechtaligini bilasizmi?

2000-yilda 6027
2001-yilda 5936
2002-yilda 5943
2003-yilda 6158
2004-yilda 5953
2005-yilda 5892
2006-yilda 1200
2007-yilda 1521
2008-yilda 1650
2009-yilda 2722
2010-yilda 2809
2011-yilda 2809
2012-yilda 2831
2013-yilda 2834
2014-yilda 2877
2015-yilda 2914
2016-yilda 2908
2017-yilda 2898
2018-yilda 2902
2019-yilda 398
2020-yilda 400
2021-yilda 402

2000-yilda 6027 kutubxonaning 1013 tasi shaharda, 5014 tasi qishloqlarda joylashgan bo‘lsa, 2021-yilga kelib 402 ta kutubxonaning 365 tasi shaharda, 37 tasi esa qishloqlarda qolgan, xolos.

Oxirgi statistikadan so‘ng yana 6 yil vaqt o‘tdi. Mavjud 402 ta kutubxonaning nechtasi faoliyat yuritayotgan ekan-a?

📚 @kitoblar_pdf

#Tavsiya

​📘 Pirimqul Qodirov: Najot (afsona qissa)

Hech qanday manfaatlarsiz odamlarga yaxshilik qilmoqqa chog‘langan, bu yo‘lda hatto o‘z jonini fido etishdan qaytmaydigan mard o‘g‘lonlar kamol topgan bu yurtda.
Ularning qahramonliklari asrlardan-asrlarga o‘tib, afsonalarga aylangan. Oilada tug‘ilgan o‘g‘il farzandini yurt koriga yaraydigan, vatani va oilasini xaloskori qilib tarbiyalashni niyat qilgan onajonlarimizga bag‘ishlanadi bu kitob. 176 bet
———————————————

📙 Mirkarim Osim: Ajdodlarimiz fojiasi (tarixiy qissalar)

Kitobda Boborahim Mashrab, Mohlaroyim Nodira, Spitamen, Temur Malik, Jahon otin Uvaysiy kabi ajdodlarimiz hayot yo‘li, ularning fojiali taqdiri haqida hikoya qilinadi. Qissalarni o‘qir ekan, kitobxon yaqinlari hayoti uchun jon fido qilishga tayyor uyg‘oq yurak, uyg‘oq ruh bilan yashagan ajdodlari bilan yuzlashadi. 224 bet
———————————————

📒 Jek London: Bir kunlik qo‘nalg‘a (hikoyalar)

Bir parcha go‘shtga zor Tom-King ringga ko‘tarilarkan, g‘alaba haqida emas, yutuqqa va’da qilingan pul haqida o‘ylaydi va allaqachon qo‘lga tegishi dargumon bo‘lgan bu pulga oilaning necha oylardan buyon to‘lanmay kelayotgan ijara qarzi, do‘konlardan qorin g‘ami uchun olingan pullarni egalariga qaytarish va to‘yib bir parcha go‘sht yeyishni orzu qiladi
J. London asarlari qahramonlarining taqdiri hamisha baxtsiz yakun topadi. Nega? Chunki odamlar bunday taqdirga o‘zlarini o‘zlari hukm qilganlar. 224 bet ————————————

📕 Mark Tven: Shahzoda va gado (roman)

Sizlarga hikoya qilmoqchi bo‘lgan bu qissamni birovdan eshitganman, u otasidan eshitgan ekan, uning otasi esa buvasidan, buvasi ham o‘z otasidan eshitgan ekan va hokazo. Xullas, uch yuz yil, balki bundan ham ko‘proq vaqt mobaynida otalar buni bolalariga hikoya qilaverganlar va shu tariqa bu qissa bizgacha saqlanib kelgan. Ehtimol, bu voqea chindan ham bo‘lgandir, ehtimol, rivoyat yoki afsonadir, lekin har holda bunday voqeaning bo‘lishi mumkin. Balki ilgari zamonda bunga faqat donishmand va o‘qimishli kishilar ishongandirlar, balki o‘qimagan oddiy kishilar ham ishonib, bu qissani yaxshi ko‘rib qolgandirlar. 240 bet

📚 @kitoblar_pdf

#Savodxonlik

Toshmat Gʻishmatovich Eshmatov. Familiya, ism va otaismlar imlosi

FIOni qanday yozish kerak? Qayerdadir bularni qanday yozish kerakligi belgilab qoʻyilganmi? Tashkilotlar, nashriyotlar, turli muassasalar buni istaganicha yozib keldi, bundan keyin ham istaganicha yozib boraveradimi?

Rasmiy hujjatlarda avval ism, keyin otaism, soʻngida familiya yoziladi: Toshmat Gʻishmatovich Eshmatov. Bu tartib bizlarga ruslardan meros boʻlib qolgan, nima uchundir buni shundayligicha qoldirishgan.

Qisqartirib yozish variantlari:
- T.Gʻ.Eshmatov (ism va otaism orasida ham, otaism va familiya orasida ham boʻsh joy qoldirmay yozilgan);
- T.Gʻ. Eshmatov (otaism va familiya orasida boʻsh joy qoldirib yozilgan);
- T. Gʻ. Eshmatov (barchasining orasida boʻsh joy qoldirib yozilgan);

Bularning qay biri toʻgʻri?
Probel (boʻsh joy) oʻzi nimani bildiradi? Bu soʻzlarni bir biridan ajratish uchun ishlatiladi, har bir yangi soʻz ajratib yozilishi kerak. Biz Toshmat Gʻishmatovich Eshmatov soʻzlarini ajratib yozamiz, nima uchun bularning qisqartmalarini qoʻshib yozishimiz kerak?

Mana shu mantiqdan kelib chiqib, T. Gʻ. Eshmatov shaklida, yaʼni har bir elementni ajratib yozishimiz toʻgʻri boʻladi.

Boshqa tarafdan, matnda FIOning bir qismi birinchi qatorda, qolgani ikkinchi qatorga oʻtib qolishi mumkin, deydiganlar boʻlishi mumkin. Bu muammoni hal qilish uchun, ularning orasiga oddiy probel emas, boʻlinmas probel qoʻyish kerak.

Microsoft Word dasturida boʻlinmas probel qoʻyish: klaviaturada Ctrl va Shift tugmalarini bosib turib, probel tugmasini bosing.

Demak:
T.Gʻ.Eshmatov ❓
T.Gʻ. Eshmatov ❓
T. Gʻ. Eshmatov ✅

©xatoliklar

📚 @kitoblar_pdf

​​#iqtibos

Uyingga qaytmaguncha biror joyga borganingni qalban his qilishing mushkul.

Sukutda - abadiyat, gapirishda esa - vaqtning o'tkinchiligi mavjud.

Senda hamma narsa bor, o'g'lim. Kitoblar ularni ochishga yordam beradi...

Bu yerda hamma narsa odamlar uchun. Maoshlar katta, qonunlar ishlaydi...

Ibodat - bu suhbat.

Sevgan paytingda va biror ishni mehru muhabbat bilan qilsang, o'ylaganingdan ham ko'ra ko'proq osmonga yaqin bo'lasan.

Shu va shunga o'xshash hissiyotlarni chertib yuboradigan fikrlarni siz bu kitobdan juda ham ko'p topishingiz mumkin.

Nomi: Uyimni sog'indim
Muallif: Elchin Safarli

📚 @kitoblar_pdf

YO‘LDADIRMAN

Yigirma yil o‘tdi intizorlikda.
Andrey Voznesenskiy

Siz kutasiz. Menam boraman.
Uchib borodurman xuddi o‘q.
Faqat… oldin xat yuboraman,
O‘sha xatni yozganimcha yo‘q.

Ko‘ngil ichga to‘kib borini,
Bir yil, o‘n yil o‘tdi, bu ko‘pmi?
Ayriliqning alafzorini,
Birgalashib o‘ramiz, xo‘pmi?

Yigirma yil, o‘ttiz yil o‘tdi,
Ko‘zingizga malol inmasmi?
O‘ttiz yillab govlagan o‘tni,
O‘rar chog‘i chalg‘i sinmasmi?!

Qirq yil o‘tdi. Men tez boraman,
Ranjimangiz, guvoh yeru ko‘k!
Faqat… oldin xat yuboraman,
Xatni… hali yozolganim yo‘q.

Uchib borodurman xuddi o‘q,
Bu holatni qanday sharhlayman.
Borgan sari o‘rmonzor quyuq,
Men kuyinib chalg‘i charxlayman.
Siz kutasiz. Menam boraman.

✍️Halima XUDOYBERDIYeVA

📚 @kitoblar_pdf

​​💥Dam olish kunlari o‘qish uchun TOP 5 kitoblar!

📕1. "Qirolichaning yurishi".  Uolter Tevis

Hayotning turli zarbalarini metin irodasi orqali chetlab o‘tgan Elizabet obrazi shaxmat o‘ynashga ishtiyoq uyg‘otishi bilan bir qatorda, o‘quvchini qat’iyat va kuchli xohish-istak albatta muvaffaqiyat keltirishiga ishontiradi, maqsad sari dadil qadam tashlashga umidlantiradi.

📗 2 . "Tirilish".  Lev Tolstoy

«Tirilish» Lev Tolstoyning eng oxirgi romani. Tolstoy dahosining 10 yillik mehnati (1889 ─ 1899) samarasi o‘laroq dunyoga kelgan asarda adib o‘z zamonasidagi voqelikni tasvirlagan bo‘lsa-da, insoniyatning barcha zamonlariga xos muammolarni ochib bergan.

📙3. "Dorian Greyning portreti". Oskar Uayld

Hayotdan lazzatlanib yashash, ahloqiy tubanlashuv, zohiriy go‘zallik falokati, hayot falsafasi haqida barcha davrlarning eng yaxshi asarlaridan biri.  Asar qahramoni qalbini iblisga topshirgach, abadiy yoshlik, cheksiz vaqt, bitmas-tuganmas boylikka ega bo‘ladi. Baxtga-chi? Bu savolga asar so‘nggida javob topasiz.

📘4. "Cho‘qqida qolgan ovchining ohi-zori" Ch.Aytmatov, M.Shoxonov.

Asar nomini eshitgan ko‘pchilik, buning sababiga qiziqqan bo‘lsa kerak. O‘z nafsi va haddan ziyod o‘ziga bo‘lgan ishonch qurboni bo‘lgan cho‘qqida qolgan ovchi haqida afsona bor. Echkini o‘ldirmaguncha qo‘ymayman deb uringan ovchi cho‘qqida abadiy qolib ketadi, qallig‘i esa pastda. Inson yana o‘zining jilovlab bo‘lmas istaklari, qilmishlari sabab ilojsiz qoladi. O‘sha cho‘qqida qolgan ovchi ham hayotini sarhisob qiladi, qilgan ishlariga afsuslar qilishi, ohi-zorini aytishi mumkin.

📓 5. "Qon hidi" Abdurashid Nurmurodov

Afg‘on tuprog‘ida jon olib, jon bergan minglab vatan o‘g‘lonlarining, achchiq qismat egalarining taqdiri haqida bitilgan kitob. Muallif asari orqali ko‘proq jang sahnalariga emas, aksincha o‘zi kabi baxtsiz, o‘zi kabi yolg‘iz taqdirdoshlarining ichki olamiga, ruhiyatiga e’tibor qaratgan.

📚 @kitoblar_pdf

#Savodxonlik

Pasport stoli (IIV) xodimlariga

Pasport stoli dasturida bir qoʻpol xatolik bor. Balki hozir tuzatilgandir, lekin bunga ishonish qiyin.

Dasturga ism va familiya kiritilsa, uning ingliz tilidagi varianti (transliteratsiyasi) avtomatik tarzda hosil boʻladi. Muammo shundaki, agar ism va familiyangizda h yoki x harflari boʻlsa, bu ikki harf ham kh shakliga oʻzgaradi. Misol uchun: Rohila — Rokhila, Ruxsora — Rukhsora.

Aslida, transliteratsiya qoidalariga koʻra, h harfi ingliz alifbosida shundayligicha qolishi, x harfi esa kh shaklida yozilishi kerak.

Savol tugʻiladi: yillar davomida bu xatolik ustidan hech kim shikoyat qilmaganmi?

Mahmudxon — Makhmudkhon ❌
Mahmudxon — Mahmudkhon ✅

©️xatoliklar

📚 @kitoblar_pdf

​​#tavsiya

"Odam o'zi qo'rqqan kishisini hech qachon yaxshi ko'rolmaydi. Qo'rqdingmi - ishonmaysan. Ishonmadingmi, yomon ko'rasan".

"Rost bilan yolg'onning o'rtasi - to'rt enlik", degan gap bor. Qiziq nega endi oz emas, ko'p emas, to'rt enlik? Gap shundaki, ko'z bilan quloqning orasi - to'rt enlik ekan. Eshitganingga emas, ko'rganingga ishon... Maqsad - shu.

Muallif kitobdagi ko'p odamlarni o'zi ko'rganligini, ko'plari bilan gaplashganini aytarkan, ular ustidan hukm chiqarishni kitobxonning o'ziga qo'yadi. Kimdir haloli urushdan qaytishini bilsa-da, unga xiyonat qiladi, yana kimdir yoridan qoraxat kelsa ham bir umr sadoqat qiladi. Kimdir o'sha paytdagi rasvo tuzumning qurboni bo'lsa, boshqa birov bir umr farzand dog'ida ado bo'ladi.

Urush millatni qayta tarbiyalaydi. Erk qonsiz olinsa, qadri past bo'ladi. Kimdir o'zbek qoloq desa, urush davridagi holatimizni o'rganishi kerak. Buyuk millatlar musaffo osmonda emas, jang maydonida bilinadi...

Nomi: Ikki eshik orasi
Muallif: O'tkir Hoshimov

📚 @kitoblar_pdf

«QALB KO‘ZINGNI OCH» KITOBIDAN HIKMATLAR

Bir qo‘lli bir avliyo kun ko‘rish uchun savat to‘qiyotgan paytida Alloh unga ikkita qo‘l berar edi. Bir kishi avliyoni xas-cho‘pdan yasalgan chaylada ziyorat etdi. Ikki qo‘llab to‘rva to‘qiyotganini ko‘rdi. Shayx unga: “Ey jonining dushmani. nega gustohlik qilib yonimga kelding? Nega ruxsat so‘ramay xuzurimga kirding?” dedi. Kelgan kishi: “Ixlosimdan, ishtiyoqimdan” degach shayx kulimsiradi va dedi-ki: “Unday bo‘lsa kel… ammo ey ulug‘ kishi, buni pinhon saqla. Toki men tirik ekanman, na do‘stingga, na sevgilinga, na boshqalarga, biron inson zotiga bu sirni ochma!”. Shundan keyin ko‘pchilik kishilar uning ikki qo‘llab savat to‘qiyotganini deraza ortidan ko‘rdilar. Shayx: “Ye Rabbiy, hikmati senga ayon. Men yashirayapman, sen oshkor etayapsan” dedi. Unga shunday javob keldi: “Bir qancha kishi qo‘ling kesikligini mazax kildi. senga qarshi bo‘ldi. U yolg‘onchi edi. Alloh uni sharmanda qildi”, dedilar. “Men ularning kofir bo‘lishini, bu yanglish fikr, bu shubha bilan yashashlarini istamayman. Men karomatni oshkor kildim, ishlayotgan vaqgingda senga ikki qo‘l ehson etganimni ko‘rsatdim. U bechoralar sen haqingda shubhaga tushib, la’nat olmasinlar…”.

Mavlono Jaloliddin RUMIY

Sabohat Bozorova tarjimasi.

📚 @kitoblar_pdf

#Jadid_gazetasi
📰 Jadid gazetasi. 9-son (2026-yil, 27-fevral)

😎Avvalgi son

😎Barcha sonlar

📚 @kitoblar_pdf

#iqtibos

O‘z-o‘zini qoralashda o‘ziga xos bir shahvoniy hirs bor. Biz o‘zimizni ayblar ekanmiz, boshqa hech kim bizni bundan ortiq qoralashga haqli emasligini bilib turamiz. Tavba-tazarru qilganimizda bizni gunohlardan rohib emas, tavba-tazarruning o‘zi forig‘ qiladi.

✍️«Dorian Greyning portreti», Oskar Uayld

📚 @kitoblar_pdf

#Jadid_gazetasi
📰 Jadid gazetasi. 10-son (2026-yil, 6-mart)

😎Avvalgi son

😎Barcha sonlar

📚 @kitoblar_pdf

#Savodxonlik

Yetakchi lider

Baʼzi joylarda yetakchi lider jumlasiga koʻzimiz tushib qoladi. Lider soʻzining oʻzi yetakchi, oldinda ketuvchi degan maʼnoni anglatadi. Ikki karra bir soʻz qaytarilsa, bu kulgili holatga aylanadi: yetakchi yetakchi.

Yana bir misol: kutilmagan syurpriz — syurpriz soʻzi kutilmagan sovgʻa, kutilmagan hodisa tushunchalarini oʻz ichiga oladi, shu bois uni kutilmagan soʻzi bilan ishlatish maqsadga muvofiq emas.

Gapda bir tushunchani ifodalovchi bir nechta soʻzlarni (ortiqcha) qoʻllash pleonazm deyiladi va bu uslubiy xatoliklardan hisoblanadi.

Shu kabi boshqa holatlar:
- 5 daqiqa vaqt,
- servis xizmat,
- ovqatlar menyusi,
- qimmatbaho boyliklar,
- davlat amaldori,
- emotsional his-tuygʻular,
- oyogʻi bilan tepdi.

©️xatoliklar

📚 @kitoblar_pdf

#Jadid_gazetasi
📰 Jadid gazetasi. 11-son (2026-yil, 13-mart)

😎Avvalgi son

😎Barcha sonlar

📚 @kitoblar_pdf

#Jadid_gazetasi
📰 Jadid gazetasi. 12-son (2026-yil, 20-mart)

😎Avvalgi son

😎Barcha sonlar

📚 @kitoblar_pdf

📖 «Kitob dunyosi» gazetasining 2020-yil 1-soni

📚 @kitoblar_pdf

#iqtiboslar

🔥 Gustav Lebonning "Omma psixologiyasi"dan iqtiboslar

• Inson faqat xudoga ishonganida emas, balki biron liderga yoki g‘oyaga mutlaq bo‘ysunganda ham dindor hisoblanadi.

• Inqilobning ibtidosi g‘oyalarning intihosiga olib keladi.

• Insonda e’tiqod shakllantirish uning kuchini ikki barobar ko‘paytirish demakdir.

• Bugungi kunda gazetalardan shaxsiy qarashlarni kutish qiyin, chunki omma faqatgina yangiliklar va bachkana narsalarga o‘ch bo‘ladi.

• Fuqaro qancha loqayd va zaif bo‘lsa, hukumat ham shuncha ko‘p kuchga ega bo‘ladi.

• Ommaga ta’sir etishda eng muhim narsa takrorlashdir. Napoleon ©

• Omma liderga manfaat yuzasidan emas, balki liderning obro‘yi tufayli qaram bo‘ladi.

• Sivilizatsiya hech qachon avom tomonidan vujudga keltirilgan emas, u doimo kichik intellektual qatlam tomonidan yaratilib kelingan va boshqarilgan

• Omma tarkibidagi shaxs uchun ilojsiz degan tushuncha mavjud emas

• Afsona va g‘aroyibotlar sivilizatsiyaga turtki bo‘lgan

• Gʻoya xalqning ongsizlik holatigacha kirishi va hissiyotlarining bir qismiga aylanishi kerak

• Eng g‘aroyib va afsonaviy harakatlar omma tomonidan amalga oshirib kelingan. Tasavvurlar doim voqelikning o‘zidan ko‘ra muhimroq bo‘lgan, chunki mana shu tasavvurlar tarixdagi buyuk voqealarga sababchi bo‘ladi.

• Ommaga shunchaki buyuk g‘alaba, buyuk moʻjiza va buyuk jasorat to‘g‘risida so‘zlashning o‘zi yetarli

📚 @kitoblar_pdf

#Savodxonlik

Ketma-ket, qadam-baqadam

Tilimizdagi -ma va ba- qoʻshimchalari orqali tuzilgan takror soʻzlar chiziqcha bilan yoziladi: ketma-ket, zoʻrma-zoʻr, idorama-idora, qadam-baqadam, rang-barang, vosita-bavosita, zinhor-bazinhor.

Ahamiyat bergan boʻlsangiz, -ma qoʻshimchasi birinchi soʻzga qoʻshilib kelsa, ba- qoʻshimchasi ikkinchi soʻzning avvalida boʻladi.

Ket-maket ❌
Ketma-ket ✅

Qadamba-qadam ❌
Qadam-baqadam ✅

©xatoliklar

📚 @kitoblar_pdf

#Jadid_gazetasi
📰 Jadid gazetasi. 13-son (2026-yil, 27-mart)

😎Avvalgi son

😎Barcha sonlar

📚 @kitoblar_pdf

​​#iqtibos

▫️ Omadsizlikning eng keng tarqalgan sababi bu - birinchi omadsizlikdayoq ishdan voz kechish.

▪️Ongostiga g'alaba yoki mag'lubiyatga ishlashning farqi yo'q. Barchasi sizga bog'liq. Sizning o'zingiz yoki davolaysiz yoki kuydirasiz.

▫️Muvaffaqiyat muvaffaqiyat haqida o'ylovchiga keladi. Mag'lubiyat mag'lubiyat haqida o'ylovchi odamga keladi.

▪️Maqsadga intiluvchanlik va maqsadning birligi - muvaffaqiyatning zarur shartidir. Biroq maqsadga intiluvchanlik - har tomonlama kuch-g'ayratlarni talab qiladigan sifatdir.

▫️Kurash - to'siq emas, aksincha, hal qiluvchi ustunlikdir.

▪️O'z-o'zini nazorat qilish yo'qligining boshqa zararli shakli, bu - xarajatlarga odatlanishdir. Men, albatta, ehtiyojlardan ortiqcha xarajatlarni nazarda tutyapman.

✍️Napaleon Xill

📚 @kitoblar_pdf