​#iqtibos

Ketishlari mumkin. Bizni yo’q deb hisoblasalar ham mayli. Hammasiga nuqta qo’yishlari ham mumkin.
Sevmasliklari mumkin. Behuda umid berishlari mumkin. Jonimizga azob berishlari mumkin. So’z berib, ustidan chiqmasliklari ham mumkin. Qo’ynimizni puch yong’oqqa
to’ldirishlari mumkin...

Faqat shuni yoddan chiqarishmasinki, ketgan joylarida biz ularni sevganimizchalik boshqa birov ularga muhabbat qo’ymaydi. Chunki biz undan avval hech kim sevolmaydiganchalik go’zal va besarhad sevdik. Chunki biz undan avval biron kim ular uchun bir tukini ham qimirlatmas ekan, katta javobgarliklarning, buyuk fidokorliklarning ostida qoldik.

✍️ Mirach Chag‘ri Oqtosh "To‘siqlarga qaramay sevdik"

📚 @kitoblar_pdf

#Savodxonlik

Toqqa yoki togʻga?

Kirill alifbosida
Ғ harfi bilan tugaydigan soʻzlarga -га, -ган, -ганча, -гунча, -гани kabi qoʻshimchalar qoʻshilsa, nutqda ham, yozuvda ham tovush almashishi (қ + қа) kuzatiladi:
Тоғ + га = тоққа
Боғ + га = боққа

Тоғга ❌
Тоққа ✅

—

Lotin alifbosida
Gʻ harfi bilan tugaydigan soʻzlarga -ga, -gan, -gancha, -guncha, -gani kabi qoʻshimchalar qoʻshilsa, faqatgina nutqda tovush almashishi kuzatiladi (q + qa), yozuvda esa aslicha qolaveradi (gʻ + ga):
Togʻ + ga = togʻga
Bogʻ + ga = bogʻga

Toqqa ❌
Togʻga ✅

©️xatoliklar

📚 @kitoblar_pdf

"Agar adib qalbini qalam uchi bilan teshib turmasa, u yorilib ketadi".

📚 @kitoblar_pdf

QANOAT

Asl aybim –
Tekis yo‘lda qoqinmoqdir.
Asl baxtim –
O‘zing ko‘rmay sog‘inmoqdir.
Yeru ko‘kdan mudom izlab
Xato qildim.
Seni topmoq yo‘li
Doim topinmoqdir.

✍️A’zam O‘KTAM

📚 @kitoblar_pdf

Kitob o‘qimaydiganlarning 🔝 bahonalar ro'yxati:

📘 Kitob o‘qishga umuman vaqtim yo‘q.
— Audio kitoblarni eshik qisganmi?

📘 Kitoblar juda qimmat.
— Lekin qo‘lingizdagi Iphone 13 juda arzon shundaymi? Audio va elektron kitoblar tekin ekanligini ham bilmasangiz kerak?

📘 Kitob o‘qish qiyin.
— Faqat non yeyish oson!

📘 Qanaqa kitob o‘qishni bilmayman.
— Kitob o'qishni bilasizmi, harf taniysizmi o‘zi?

📘 Kitob o'qisam uyqum keladi.
— Kitobni tinch qo‘ying, uyquchi bo‘lsangiz kitobda ayb yo'q.

📘 Yaxshisi kinosini ko'ra qolaman.
— Eh, dangasaning ming bir bahonasi bo‘lar ekan.

📚 @kitoblar_pdf

🌸Turmushga chiqayotgan qizga onasining nasihati

Ajoyib xabarlardan biri ona qiziga erga tegayotganida qilgan nasihati. Imom Gʻazzoliy «Ihyou ulumiddin» kitoblarida Asmo binti Xorija qizi turmush qurayotganida qilgan nasihatlarini hikoya qiladilar, Asmo qizlariga aytdilar: «Qizalog‘im, o‘sib­ ulg‘aygan uyingdan chiqding va o‘zing tanimaydigan va oldin yaqin bo‘lmagan kishining to‘shagiga ketding.
U uchun yer bo‘l, senga osmon bo‘ladi,
U uchun o‘rin bo‘l, senga ustun bo‘ladi.
U uchun cho‘ri bo‘l, senga u qul bo‘ladi,
Unga xiralik qilma, yoqtirmay qoladi.
Ya’ni, ha, deb undan har baloni talab qilaverma, zada bo‘ladi.
Undan uzoqlashma, esdan chiqarib qo‘yadi,
Senga yaqin bo‘lsa, unga yaqin bo‘l.
Sendan uzoqlashsa, undan uzoq bo‘l,
Uning burni, qulog‘i va ko‘zini muhofaza qilki, sendan faqat shirin hidlasin, faqat go‘zal so‘z tinglasin va sening chiroyingni ko‘rsin»

Bir kishi ayoliga aytdi:
Mendan afv ol, doimiy muhabbatimga erishib,
Va so‘zlama jahlimda, gar tutaqsam.
Va hadeb shikoyat qilma, xohishing ketidan ketib,
Qalbim yoqtirmay qolur, qalblar o‘zgaruvchan,
Va bildim men, sevgin qalbda aziyat­la ko‘rib
Jamlashsa sevgi ketur, zoillik bilan.

Nasoiy ayollar bilan muomala qilish haqida Ahmad va Hokimlarning Husayn ibn Hisnindan keltirganlarini, aytadilar: «Ammam menga aytib berdilar: «Bir yumush bilan Rasulullohning (s.a.v.) huzurlariga borgandim. «Ey, ering bormi?» deb so‘radilar. «Ha», dedim. Shunda: «Unga qanday munosabatdasan?» dedilar. Men: «Unga, ojizlik qilganimdan boshqa payt e’tiborsizlik, ya’ni, xizmatida noqislik qilmayman», dedim. Aytdilar: «Qara, sen unga qanday munosabatdasan. Chunki u sening jannating yoki do‘zaxingdir» (Gʻazzoliyning «Ihyou ulumiddin» kitobidan olindi)

Erining haqqi ulug‘ligi va sababli ayol jannat yo do‘zaxga kirishini bildik. Butun kuchini erining roziligi, uning saodati va Rahmonning roziligi uchun sarflasa, er­-xotin orasidagi saodat boqiy bo‘ladi.

📚 @kitoblar_pdf

​#Iqtibos

Inson miyasi XX asrda yashashda davom etyapti; ko‘p odamlarning qalbi (his-tuyg‘usi) esa haligacha tosh asri davridagidek. Inson ko‘p holatlarda mustaqil, aqlli, ob’yektiv bo‘lish uchun yetarli darajada voyaga yetmadi.

©️ Erix Fromm, "Ozodlikdan qochish"

📚 @kitoblar_pdf

​#iqtibos

"Aqli ila inson olamning Yaratuvchisi borligini idrok etadi, tushunadi, mantiqan anglaydi. Bu anglash uni ibodatga, dinga yetaklaydi. Biroq aql – adashuvchan. Agar mutlaqo aqlga suyansa, inson yanglishadi. Aqlning chegarasi bor. Aql o'zi qoniqmagan savol qarshisida shubhaga tushadi. Shuning uchun, Allohga insonni bog'laydigan a'zo – Ko'ngildir."

©️ Akrom Malikning "Hayrat ul-abror: matn, nasriy bayon, sharh, lug'at" kitobidan

📚 @kitoblar_pdf

"Bizda xotinlarni so‘kish faxr va g‘urur sanaladi. Urib mayib qilishni erkakchilik fazilati deb bilamiz. Olloh ayolni faqat shahvoniy orzularimiz va hayvoniy ehtiroslarimizni bosish uchun yaratgan deb o‘ylaymiz. Baxtsizligimiz va qoloqligimizning eng muhim sababi ham shundadir".

✍️Abdurauf Fitrat

📚 @kitoblar_pdf

#Savodxonlik

Bargga yoki barkka?

Kirill alifbosida
Oʻzagi Г harfi bilan tugaydigan soʻzlarga -га, -ган, -гача, -ганча, -гунча, -гани, -гудек kabi qoʻshimchalar qoʻshilsa, nutqda ham, yozuvda ham tovush almashishi (к + ка) kuzatiladi:
Барг + га = баркка
Тег + ган = теккан
Туг + гунча = туккунча

Баргга ❌
Баркка ✅

*Lekin oʻzlashgan soʻzlar aslicha qolaveradi:
Педагог + га = педагогга
Стоматолог + га = стоматологга

—

Lotin alifbosida
Oʻzagi G harfi bilan tugaydigan soʻzlarga -ga, -gan, -gacha, -gancha, -guncha, -gani, -gudek kabi qoʻshimchalar qoʻshilsa, talaffuzda tovush almashsa ham, yozuvda harflar aslicha yoziladi:
Barg + ga = bargga
Teg + gan = teggan
Tug + guncha = tugguncha

Barkka ❌
Bargga ✅

©xatoliklar

📚 @kitoblar_pdf

#taqriz

✍️Markus Zusakning "Kitob o‘g‘risi" asariga taqriz!

Asar haqida

Kitob o‘g‘risi – bu avstraliyalik yozuvchi Markus Zusakning 2005-yilda yozgan romani. Asar chop etilgach, 230 haftadan ko‘proq vaqt davomida The New York Times bestsellerlari ro‘yxatida turgan edi. Asar asosida 2013-yilda rejissor Brayan Persival tomonidan film suratga olingan. Roman o‘n qismdan iborat bo‘lib, ularning har biri o‘z nomiga ega. Yakuniy o‘ninchi bobning nomi esa kitob nomi bilan bir xil – “Kitob o‘g‘risi”.

Voqealar sujeti

Asar voqealari 1939-yil atsistlari Germaniyasida 9 yoshli Liza Meminger ismli qizaloqning oilasidan ajralishi va boshqa bir nemis oilasiga o'gay farzand sifatida qabul qilinishi bilan boshlanadi. Undan keyingi voqealar, yangi oiladagi hayot tarzi, qizaloqning qanday qilib "kitob o'g'risi" ga aylanishi bosh qahramonimizning ayanchli qismati bilan yakunlanadi.

Asosiy qism

Kitob zamonaviy G'arb adabiyotining ajoyib yutug'i bo'lib, urush jirkanchliklarining oddiy insonlar taqdirida qanchalar fojiaviy iz qoldirishi, Gitler siyosatining begunoh qurbonlari, yoshgina Lizel va uning otasi Hans, onasi Rozalarning o'ta og'ir sharoitda ham insoniylikni yuksak o'rinlarga qo'ya olgani haqida hikoya qiladi.

Mutolaa davomida har bir kitobxonning alohida diqqat-e'tiborini tortgan jihati bu shunday og'ir damlarda ham kitob o'qishni kanda qilmagan "kitobxo'r" qahramonimiz Lizaning o'qish uchun kitoblarni qay tarzda "qo'lga kiritishi" jarayonidagi g'aroyib voqealar rivoji bo'lishi shubhasiz.

Xulosa qilib aytadigan bo'lsam, kitob o'quvchiga insoniy tuyg'ular, qadr-qimmat, oilaviy qadriyatlar, do'stlik rishtasi, mehr-muhabbat kabi insoniy tamoyillarni doimo qadrlash, asrab-avaylash, e'zozlashni o'rgatadi. Mutolaa davomida qalbingizda, shuuringizda, o'zligingizda turfa o'zgarishlar bo'layotganini, bu o'zgarishlar tasodifiy tarzda zohiringizda ko'z yoshlar, qahr-g'azab, tabassum, xushchaqchaqlik kabi ko'rinishlarda namoyon bo'layotganiga guvoh bo'lasiz. O'rganasiz, his qilasiz, ulg'ayasiz...©️

📚 @kitoblar_pdf

#Nazmiy

📜 Goho sizning borligingiz unutdim,
Yo‘llarimda zorligingiz unutdim.
Umidlari kesilgan bu dunyoda
Yolg‘iz umidvorligingiz unutdim.
Gʻanimatim, omonatim – onajon.

Oshno topdim, valekin do‘st topmadim,
Oqko‘ngilli bir qorako‘z topmadim.
Shamollarga sovurdim gul so‘zlarni,
Lekin Sizga bir shirin so‘z topmadim.
Gʻanimatim, omonatim – onajon.

Ba’zan falak menga bag‘ritosh keldi,
Ishonganim g‘animga yo‘ldosh keldi.
Omad ketsa, hamma kuldi ustimdan,
Faqat Sizning ko‘zingizga yosh keldi.
Gʻanimatim, omonatim – onajon.

Fursat o‘tib, sochga qirov qo‘narkan,
Sevgi otashlari asta so‘narkan.
Barcha tuyg‘u aldamchi va o‘tkinchi,
Ona mehri yolg‘iz sobit qolarkan.
Gʻanimatim, omonatim – onajon.

Xoki poyingizni ko‘zimga suray,
O‘zim yarim ko‘nglingizni to‘ldiray.
Bir chekkaga surib qo‘yib dunyoni,
O‘g‘il bo‘lib, yoningizda o‘ltiray.
Gʻanimatim, omonatim – onajon.

✍️Iqbol MIRZO

📚 @kitoblar_pdf

‍#iqtiboslar

🔸 Ba'zida biz o'lik deb hisoblagan narsalar uzoq vaqt tirik qoladi...

🔸 "Axloqsiz" deb nomlangan kitoblar - bu dunyoning yomonliklarini ko'rsatadigan kitoblar...

🔸 Men o'limdan qo'rqmayman - faqat uning yondashuvi qo'rqinchli.

🔸 Faqatgina cheklangan odamlar tashqi ko'rinishiga qarab hukm qilmaydilar. Dunyoning asl siri bu biz yashirgan narsa emas, balki ko'rib turganimizdir...

🔸 Siz barchani yaxshi ko'rasiz va barchani sevish, hech kimni sevmaslik degani...

🔸 Azob-uqubatlar menga hamdardlik bildirmaydi. Ular juda jirkanch, juda dahshatli, juda tushkun...

🔸 Yoshlik - bu himoya qilinishi kerak bo'lgan yagona boylik...

✍ Oskar Uayld "Dorian Greyning portreti"

📚 @kitoblar_pdf

#Savodxonlik

Osma defis qoidasi

Tilimizda ikki qism (oʻzak)dan tashkil topgan soʻzlar qoʻshma soʻzlar deyiladi: togʻolcha, beshbarmoq, tokqaychi, koʻzoynak.

Boshqa tillardan oʻzlashgan qoʻshma soʻzlar ham bor: avtopoyga, videoaloqa, video-konferens-aloqa, videolavha, aviahalokat.

Gapda shunday birikmalarning ikkitasi ketma-ket kelsa va ularning ikkinchi qismi bir xil boʻlsa, bu qismni birinchi soʻz birikmasida tushirib qoldirish mumkin. Bunda birinchi soʻzdan keyin chiziqcha (defis) qoʻyiladi. Bunday chiziqchani shartli ravishda osma defis deb qoʻyaqolamiz.

Misol uchun: “Radiodastur va teledastur” demasdan “Radio- va teledastur” deyish mumkin.

Avtopoygalar va motopoygalar 👌
Avto- va motopoygalar 👍

Audioaloqa va videoaloqa 👌
Audio- va videoaloqa 👍

Ekonom-klass va biznes-klass 👌
Ekonom- va biznes-klass 👍

1-sinf va 2-sinf oʻquvchilari 👌
1- va 2-sinf oʻquvchilari 👍

1-noyabr va 5-noyabrda 👌
1- va 5-noyabrda 👍

©️xatoliklar

📚 @kitoblar_pdf

📌O‘zingdan qo‘ymasin, xalqim

Qushday uchib quchog‘ingdan dunyo kezdim,
Kezib-kezib topganlarim sog‘inch bo‘ldi.
Qancha olis ketsam shuncha qadring sezdim,
Qayda yursam yodi mehring ovunch bo‘ldi.
Aylanayin qaro qoshu ko‘zingdan-a,
O‘zingdan qo‘ymasin, xalqim, o‘zingdan-a.

Birov uchun birovlar tush ko‘rib bermas,
Minnat qilmay bir bog‘ o‘tin o‘rib bermas.
Bayramingda oylab bazm qilgan kaslar
Boshingga ish tushsa bir kun turib bermas.
Nomus kuyi tushmasin hech bo‘g‘zingdan-a,
O‘zingdan ko‘ymasin, xalqim, o‘zingdan-a.

Erk vodiysi – zahmatlarga siylovdir bu,
Toy qoqilib ot bo‘lguvchi yaylovdir bu,
Ranj chekmasang nurli, nurli tonglar qayda
Sinovdir bu, balki buyuk sinovdir bu.
Bosh ketsa ham qaytma endi so‘zingdan-a,
O‘zingdan qo‘ymasin, xalqim, o‘zingdan-a.

Boldan shirin tatir qora bug‘doying ham,
O‘zingdan bo‘lsa gar shohu gadoying ham.
Bir tanu jon, bir-biringdan rozi yursang,
Xudoyim ham sendan rozi, Xudoyim ham.
Gohi ipak, gohi yaktak, bo‘zingdan-a,
O‘zingdan qo‘ymasin, xalqim, o‘zingdan-a.

Er boshiga ish tushsa o‘t kechguvchidir,
Chidaymiz-da, bu zahmatlar o‘tkinchidir.
Hurliging haq – qolgan bari o‘taversin,
Bu dunyoda eng yorug‘ baxt – el tinchidir.
Ayirmasin beminnat non, tuzingdan-a,
O‘zingdan qo‘ymasin, xalqim, o‘zingdan-a.

✍️Muhammad YUSUF

📚 @kitoblar_pdf

#Savodxonlik

Yuraki yoki yuragi?

K harfi bilan tugaydigan soʻzlarga egalik qoʻshimchalari qoʻshilsa, bu G harfiga aylanadi: yurak — yuragi, bilak — bilagim, chelak — chelaging.

Yuraki ❌
Yuragi ✅

Istisno soʻzlar: nok, chok, erk, koʻrk, idrok va barcha chet tillaridan oʻzlashgan soʻzlar.

—

Q harfi bilan tugaydigan soʻzlarga egalik qoʻshimchalari qoʻshilsa, bu Gʻ harfiga almashadi: qishloq — qishlogʻi, taroq — tarogʻim, boʻgʻirsoq — boʻgʻirsogʻing.

Istisno soʻzlar: ravnaq, ittifoq, ishtiyoq, huquq, xalq, zavq, shavq, turq, farq.

©️xatoliklar

📚 @kitoblar_pdf

#Nazmiy

📜
Derazamning ostida tongda
Sayragan qush senmasmi, ota?

Yo to‘nimga ko‘klam, mozorda
Yopishgan gul senmasmi, ota?

O‘n yildir-ki dunyoda yo‘qsan,
Yuragimda qolgan firoqsan.

Ko‘rmagansan mening o‘g‘limni,
Erkatoyim, sho‘xim, to‘qlimni.

Men ham yoshim oshgani sayin
Boshimga oq tushgani sayin

Ba’zan qo‘msab seni ich-ichdan,
Yurak titrab so‘nggi ilinjdan,

Otam deya, alqab o‘g‘limni,
Ko‘taraman o‘zim ko‘nglimni.

✍️Xurshid DAVRON

📚 @kitoblar_pdf

‍#qiziq

• Roman — yirik, epik, nasriy asar janri hisoblanadi. Dastlabki lug'aviy ma'nosi roman tillarida (o'rta asrlarda roman tillarida yozilgan har qanday asarni anglatadi).

• Qissa va hikoyadan farqli jihati, romanda qahramonlar soni ko'p va katta miqyosda voqea-hodisalar tasvirlangan bo'ladi.

• Romanlarning kelib chiqishi 1010-yillarga borib taqaladi. Yevropa romanlari birinchi marta XVII asrning boshlarida paydo bo'lgan.

• Deyarli 700 yil mobaynida romanga xos belgilar ilmiy jihatdan tadqiq qilinmagan.

• Faqat XIX asrga kelib, Gegel roman nazariyasiga qoʻl urgan.

• O‘zbek romanchiligi ham salkam bir asrlik taraqqiyot tarixiga ega vs unga Abdulla Qodiriy asos solgan.

• Roman hajm va ma'noviy jihatdan bir necha turlarga bo'linadi.

📚 @kitoblar_pdf

#qiziq

Iroqda kitob do'konlariga umuman qulf osilmas ekan. Ularning fikricha, kitobxon o'g'irlamaydi, o'g'ri esa o'qimaydi.

📚 @kitoblar_pdf

#Savodxonlik

Kilokaloriya

O‘lchov birliklarini yozishda ularning old qo‘shimchalari qo‘shib yoziladi, ajratib emas:

Kilo kaloriya ❌
Kilokaloriya ✅

Milli gramm ❌
Milligramm ✅

Kilo metr ❌
Kilometr ✅

Milli litr ❌
Millilitr ✅

©️xatoliklar

📚 @kitoblar_pdf