Ассалому алайкум ва раҳматуллоҳи ва барoкaтуҳ!

🗓  Бугун Шанба
11 Апрел, 2026 йил мелодий
23 Шаввол, 1447 йил ҳижрий

Аллоҳ таоло бугунги кунимизни барчамиз учун хайрли ва баракали қилсин!     

•┈┈•┈┈•⊰✿🍃🌸🍃✿⊱•┈┈•┈┈•

♻️Дўстларингизга ҳам улашинг!!!

@imom_adham👈👈👈👈👈

Абу Ҳурайра розияллоҳу анҳудан ривоят қилинади: «Расулуллоҳ соллаллоҳу алайҳи васаллам:
«Мусулмоннинг мусулмон зиммасидаги ҳаққи олтитадир», дедилар.
«Улар нималар, эй Аллоҳнинг Расули?» дейишди.
У зот: «Уни учратганингда салом бергин.
Сени таклиф қилса, боргин.
Маслаҳат сўраса, маслаҳат қилгин.
Акса уриб, Аллоҳга ҳамд айтса, ташмит айтгин.
Бемор бўлиб қолса, кўргани боргин.
Вафот этса, (жанозасига) қатнашгин», дедилар».

Имом Муслим ривояти.
•┈•┈•┈•┈•❁✿❁•┈•┈•┈•┈•

✅Яқинларингизга ҳам улашинг:

⬇️Линкни босиб  каналга обуна бўлинг!⬇️

@imom_adham👈👈👈👈👈

#Ибрат

Эр-хотин суҳбатлашиб ўтирар эканлар гап орасида эр хотинига:
- Яқинларимни, ака-укаларим, жиянларимни соғиндим. Сиздан илтимос Хоним, эртага ширин овқат пишириб, дастурхон безасангиз. Бугун уларга қўнғироқ қилиб таклиф қиламан. Йиғилмаганимизга ҳам анча бўлибди,- дебди.
Аёл норози оҳангда, хушламай:
- Майли келаверишсинчи, Худо хоҳласа бир гап бўлар!- деди.
Эри:
- Ундай бўлса, уларни эртага чақираман...- деди.
Тонг отди. Одатдагидек эр ишга кетиб, соат 13:00 да эса, уйга етиб келди.
Аёлидан:
- Тушлик учун дастурхон тайёрми? Яқинларим бироздан сўнг келиб қолишади?- деб сўради.
Аёл:
- Йўқ, тайёрламадим. Бегона эмаслар-ку, яқинларингиз ахир, уйдаги бор нарсадан еяверишади,- деди.
Эр:
- Аллоҳ сизни кечирсин, Ҳоним! Нима учун бирон нарса пишириш ниятингиз йўқлигини кеча айтиб қўймадингиз, ҳозир келиб қолишади нима қиламиз энди?!- деди.
Аёл:
- Уларга қўнғироқ қилиб келмасликларини айтинг, узр сўранг, вассалом. Ахир бегона эмаслар, сизнинг яқинларингиз-ку? Тўғри тушунишади!-деди.
Эр ғазабланиб уйдан чиқиб кетди. Бир неча дақиқа ўтар-ўтмас эшик тақиллади. Аёл бориб эшикни очиб, ҳайратдан донг қотибди!..

Чунки қаршисида ўзининг ота-онаси, ака-укалари, опа-сингиллари, жиянлари турар эдилар.
Отаси қизидан:
- Куёвим қани?- деб сўрабди.
Қизи:
- Бироз олдин чиқиб кетувдилар...- деди, зўрға.
Отаси:
- Кеча эринг бизларни бугунги тушликка таклиф қилганди. Барака топгур, бизларни чақириб ўзи кетиб колдими-а?- деди.
Аёлни чақмоқ ургандек бўлди. Терлаб кетган қўлларини бир-бирига ишқалар экан, ўйлай кетди: «Ахир уйдаги нарсалар билан яқинларини кутиб ололмайди, йўқ-йўқ уларга тўғри келмайди! Эрининг яқинларига бўлаверади-ю лекин, ўзининг уйидагиларига бўлмайди ахир... Қандай қилиб уларга оддий, кўримсиз дастурхон қилиши мумкин?»
Аёл эрига қўнғирок қилиб:
- Нимага тушликка менинг яқинларимни чақирганингизни айтмадингиз?- дея сўради.
Эри:
- Менинг яқинларимми, сизникими нима фарқи бор?- деди.
Аёл:
- Сиздан ўтинаман Ҳожам! Уйда тайинли нарса йўқ, овқат қилмаганман. Бирон-бир тайёр таом келтира қоли-и-инг...- деди.
Эри:
- Мен ҳозир уйдан узоқдаман. Устига-устак улар бегона эмас «сизнинг яқинларингиз!» Уларга ҳам менинг яқинларимга бермоқчи бўлганингиз, уйдаги бор нарсалар билан меҳмон қилақолинг!
Токи бу сенга дарс бўлсин. Менинг яқинларимни ҳам ҳурмат қилишни ўрган!- деди.
Сенга қандай муомала қилишларини истасанг, бошқаларга ҳам шундай муносабатда бўл!

♻️Дўстларингизга ҳам улашинг!!!

@imom_adham👈👈👈👈👈

КЎЗ ТЕГИШИГА ҚАРШИ ВА ИСИТИШ ТУМОРИ

Асҳоби киромдан Абдуллоҳ ибн Масъуд розияллоҳу анҳунинг завжаси Зайнаб розияллоҳу анҳо ҳикоя қилади: Уйимизга қари кампир келарди ва вабонинг бир тури бўлган “қизилча”дан ҳимоя қилиш учун дам соларди. Уйимизда баланд оёқли бир ўриндиғимиз бор эди. Хўжайиним Абдуллоҳ уйга киришидан олдин йўталиб келганидан бизни хабардор қиларди. Нохуш вазиятнинг устидан чиқиб қолмаслик учун шундай қиларди. Бир куни ўша кампир бизникида эди. Абдуллоҳнинг уйга келганидан хабар топиб ўриндиқнинг ортига яширинди. Абдуллоҳ ёнимга келиб ўтирди. Бўйнимда осилиб турган туморни кўрди-да:
– Бу нима? – деб сўради.
– “Қизилча” касаллигига қарши тумор, унга дам солинди, - дедим. Абдуллоҳ у ипни узиб олди ва туморни улоқтириб юборди. Сўнгра менга бундай деди:
- Абдуллоҳнинг оиласи Аллоҳдан бошқасини тангри ўрнига қўя олмайди. Чунки мен Расулуллоҳ соллаллоҳу алайҳи ва салламнинг: “Аллоҳ таолонинг отидан бошқа бир от билан ўқимоқ, тумор тақмоқ, муҳаббат туморини ёздирмоқ Аллоҳдан бошқасини тангри ўрнига қўймоқдир”, деганларини эшитганман. Шунда мен унга:
- Нега ундай дейсиз? Менинг кўзим бир дард сабабли оғриб юрарди. Шунинг учун фалон яҳудийга ўқитишга борардим. У мени ўқиганида кўзимнинг оғриғи пасаярди, - дедим. Абдуллоҳ:
- Бу айтганларинг буткул шайтоннинг ишларидир. Шайтон сени бунга ишонтирмоқ учун қўли билан кўзингга урарди. Яҳудий сени ўқий бошлагани заҳоти сенга яқинлашмай турарди. Агар Пайғамбаримизнинг қилганларини қилсанг, сенинг учун янада хайрли бўлади, шунингдек, кўзинг ҳам тузалади. Кўзингга сув сеп ва Пайғамбар алайҳиссалом ўргатган мана бу дуони ўқи: “Барча инсонларнинг Рабби бўлган Аллоҳим! Шу беморлигимни кетказиб, дардимга шифо бер, Шифо бергувчи фақат Ўзингсан. Сенинг шифонгдан бошқа шифо йўқдир. Хасталикнинг ҳеч қандай изи қолмайдиган қилиб шифои комил ато қил!”

«Саҳобадан 101 хотира» китобидан.

☝️ДЎСТЛАРИНГИЗГА ҲАМ УЛАШИНГ!!!

@imom_adham👈👈👈👈👈

#Ҳикмат

Уч нарса бор. Буни ҳаргиз унутма:
• Аллоҳнинг неъматлари олдингда кўринган заҳоти ҳамд айтишни..!
• Ризқнинг сенга келишлиги кечиккан патда истиғфор айтишни..!
• Бошингга машаққат тушганида "Лаа ҳавла ва лаа қуввата илла биллаҳ" (Куч ҳам, қувват ҳам фақат Аллоҳдандир) деб айтишни..!

Шайх Муҳаммад Мутаваллий Шаъровий роҳимаҳуллоҳ.

•┈┈•┈┈•⊰✿🍃🌸🍃✿⊱•┈┈•┈┈•

♻️Дўстларингизга ҳам улашинг!!!

@imom_adham👈👈👈👈👈

#Ҳадис

Убода ибн Сомит розияллоҳу анҳу Расулуллоҳ соллаллоҳу алайҳи васалламдан ривоят қилади: “Кимда-ким мўмин-мўминалар ҳаққига истиғфор айтса, Аллоҳ ўша бандага ҳар бир мўмин-мўмина учун битта савоб ёзади”.
Имом Табароний ривоят қилган.

Шарҳ: Бир мусулмон киши: “Ё Аллоҳ! Мўмин-мўминалар гуноҳини кечир, уларни авф эт!” деб дуо қилса, ер юзида қанча мусулмон бўлса, шунча савобга эришади. Дунёда миллиардлаб мусулмонлар яшайди. Вафот этиб кетган иймонли инсонлар қанча? Шуни ҳисобга олганда, биродарлари ҳаққига  истиғфор айтиш улкан савобли ишлиги маълум бўлади. Ҳар ким ўз она тилида истиғфор айтиши мумкин. Истаса, “Аллоҳуммағфир лий ва лил муъминийна вал муъминаат”, деса ҳам бўлади. Муҳими, истиғфорни ихлос билан, чин дилдан айтса бўлгани.

•┈┈•┈┈•⊰✿🍃🌸🍃✿⊱•┈┈•┈┈•

♻️Дўстларингизга ҳам улашинг!!!

@imom_adham👈👈👈👈👈

Уяли телефон шу қадар кучли ва инқилобий воситаки, у:

1. Стационар телефонни ўлдирди.

2. Телевизорни ўлдирди.

3. Компьютерни ўлдирди.

4. Соатни ўлдирди.

5. Камерани ўлдирди.

6. Радиони ўлдирди.

7. Чироқни ўлдирди.

8. Ойнани ўлдирди.

9. Газета, журнал ва китобларни ўлдирди.

10. Видео ўйинларни ўлдирди.

11. Чўнтак ҳамёнини ўлдирди.

12. Стол тақвимини ёки кундаликни ўлдирди.

13. Пластик карталарни ўлдирди.

14. Энг ёмони эса шундаки, кўплаб (никоҳларни) ўлдирди.

15. Кўплаб оилаларни ўлдирди.

16. Ёшларимизни тарбиясини ўлдирди.

17. Аста-секин кўзларимиз нурини ҳам ўлдирмоқда.

Қанд, босим ва юрак уришини ўлчаб берса ҳам, бу бизнинг умуртқа поғонамизни ва бўйин умуртқамизни ўлдирмоқда, ақлимизни ўлдирмоқда.

У келажак авлодни йўқ қилиш босқичида турибти. Агар ўзимизни назорат қилмасак, у бизнинг рухимизни ҳам ўлдиради.

Тафаккур қилинг!

•┈•┈•┈•┈•❁✿❁•┈•┈•┈•┈•

☝️ДЎСТЛАРИНГИЗГА ҲАМ УЛАШИНГ!!!

@imom_adham👈👈👈👈👈

​​ОСОН САВОБ ИШЛАР!

Масжидга битта курси қўйиб қўйинг. Унда намоз ўқиган инсоннинг ажрини оласиз!

Хонангизнинг деразасига қушлар учун бир идишга сув, бошқасига дон - дун солиб қўйинг!

Қишнинг аввалида, ўзингизнинг эҳтиёжингиз тушмайдиган иссиқ кийимларни олиб, совуқда ишлайдиган, муҳтож ишчиларга беринг!

Хонангизга қутича қўйинг. Ҳар гуноҳ қилганингизда унга маълум миқдор жарима пули солинг. Ҳар ойнинг охирида уни очиб, садақа қилинг!

Иссиқ кунларда ўзингиз билан муздек сув оволинг! Қуёш остида ишлаётганларга бериб ўтинг!

Масжидга мусҳаф қўйинг! Уни ўқиганнинг савобидан баҳраманд бўлинг!

Ичган сувингиздан ошиб қолса, ерга тўкмасдан, бирор ўсимлик остига тўкинг!

Табассум қилинг, салом беринг, чиройли гапиринг... булар - садақа.

Ухлашдан олдин, сизни ғийбат, чақимчилиқ, зулм билан ёмонлик қилганни кечиринг.

Жанозага эргашинг!

Масжиднинг тозалиги, хушбўй бўлишига оз бўлсада ҳиссангизни қўшинг!

Юрган йўлингизда зикр билан машғул бўлинг!

Буни бошқаларга хам жўнатинг ва савобу ажрга эга болинг!

•┈•┈•┈•┈•❁✿❁•┈•┈•┈•┈•

☝️ДЎСТЛАРИНГИЗГА ҲАМ УЛАШИНГ!!!

@imom_adham👈👈👈

Ассалому алайкум ва раҳматуллоҳи ва барoкaтуҳ!

🗓  Бугун Сешанба
14 Апрел, 2026 йил мелодий
26 Шаввол, 1447 йил ҳижрий

Аллоҳ таоло бугунги кунимизни барчамиз учун хайрли ва баракали қилсин!     

•┈┈•┈┈•⊰✿🍃🌸🍃✿⊱•┈┈•┈┈•

♻️Дўстларингизга ҳам улашинг!!!

@imom_adham👈👈👈👈👈

Маркаб

Улов (ёки автомашина) сотиб олганда айтиладиган дуо

حَدَّثَنَا عُثْمَانُ بْنُ أَبِي شَيْبَةَ وَعَبْدُ اللَّهِ بْنُ سَعِيدٍ قَالَا: حَدَّثَنَا أَبُو خَالِدٍ عَنِ ابْنِ عَجْلَانَ عَنْ عَمْرِو بْنِ شُعَيْبٍ عَنْ أَبِيهِ عَنْ جَدِهِ عَنِ النَّبِيِّ صَلَّى اللَّهُ عَلَيْهِ وَسَلَّم قَالَ: «إِذَا تَزَوَّجَ أَحَدُكُمُ امْرَأَةً أَوِ اشْتَرَى خَادِمًا فَلْيَقُلِ: «اللَّهُمَّ إِنِّي أَسْأَلُكَ خَيْرَهَا وَخَيْرَ مَا جَبَلْتَهَا عَلَيْهِ وَأَعُوذُ بِكَ مِنْ شَرِّهَا وَمِنْ شَرِّ مَا جَبَلْتَهَا عَلَيْهِ وَإِذَا اشْتَرَى بَعِيرًا فَلْيَأْخُذْ بِذِرْوَةِ سَنَامِهِ وَلْيَقُلْ مِثْلَ ذَلِكَ»
. قَالَ أَبُو دَاوُدَ: زَادَ أَبُو سَعِيدٍ: «ثُمَّ لِيَأْخُذْ بِنَاصِيَتِهَا وَلْيَدْعُ بِالْبَرَكَةِ فِي الْمَرْأَةِ وَالْخَادِمِ».

   Амр ибн Шуайб отасидан, у бобоси розияллоҳу анҳудан ривоят қилади:«Набий соллаллоҳу алайҳи васаллам шундай дедилар: «Бирортангиз бир аёлга уйланса ёки ходим сотиб олса, «Аллоҳумма, иннии ас’алука хойроҳаа ва хойро маа жабалтаҳа ъалайҳи ва аъуузу бика мин шарриҳаа ва мин шарри маа жабалтаҳаа ъалайҳи», десин. Туя сотиб олса, унинг ўркачининг тепасидан ушлаб туриб ҳам худди шундай десин».
   Абу Довуд айтади: «(Ровий) Абу Саъид «(У зот хотин ва ходим ҳақида) «Сўнгра унинг пешона сочидан ушлаб, барака тилаб дуо қилсин», дедилар» деб қўшимча қилган».

* Маъноси: «Аллоҳим, Сендан унинг яхшилигини ва Сен унда яратиб қўйган нарсанинг яхшилигини сўрайман, унинг ёмонлигидан ва Сен унда яратиб қўйган нарсанинг ёмонлигидан паноҳ сўрайман». Абу Довуд ривояти.

Изоҳ: Автомашина (автотранспорт воситаси) ҳам ҳайвон (уй ҳайвони) ва туянинг ҳукмидадир. Уларнинг барчаси улов, уларнинг барчасидан яхшилик умид қилинади ва ёмонликдан қўрқилади. Шунинг учун машина сотиб олганда, эгалик қилганда, юқоридаги дуони қилиш жоиздир.

Олимлардан бири: "У зотнинг шариати шуни қарор топдирдики, бир нарсанинг ҳукми унга ўхшаш нарсанинг ҳукмидекдир. Аллоҳнинг шариати ҳеч қачон икки ўхшаш нарсанинг орасини ажратмайди ва ҳеч қачон икки зид нарсани бирлаштирмайди... " деди. "Зодул маъод"дан.

Гарчи бу автомашина инсон томонидан ясалган нарса бўлса ҳам, ясовчи ва унинг ясалган нарсаси ҳаммаси Аллоҳ таолонинг махлуқларидир.
  Худди ҳайвон (уй ҳайвони) Аллоҳ уни яратган нарсага кўниктирилган, бўйсундирилганидек, машиналар ва уларга ўхшаш одамлар минадиган жонсиз нарсалар ҳам Аллоҳ уларни яратган нарсага бўйсундирилган, кўниктирилган нарсалардир.
  Яъни, Гарчи машина инсон томонидан ясалган бўлса ҳам, унинг ҳаракати ва тақдири Аллоҳнинг иродаси ва тақдирига боғлиқлиги бу дуони айтишга асос бўлади.
   Шунинг учун, уламоларнинг кўпчилиги янги машина сотиб олганда улов (ҳайвон) сотиб олингандаги дуони айтишга рухсат берадилар ва буни мустаҳаб амал деб ҳисоблайдилар.
•┈•┈•┈•┈•❁✿❁•┈•┈•┈•┈•

Яқинларингизга ҳам улашинг:

@imom_adham👈👈👈👈

Маркаб

📜Улов (ёки автомашина) сотиб олганда айтиладиган дуо

حَدَّثَنَا عُثْمَانُ بْنُ أَبِي شَيْبَةَ وَعَبْدُ اللَّهِ بْنُ سَعِيدٍ قَالَا: حَدَّثَنَا أَبُو خَالِدٍ عَنِ ابْنِ عَجْلَانَ عَنْ عَمْرِو بْنِ شُعَيْبٍ عَنْ أَبِيهِ عَنْ جَدِهِ عَنِ النَّبِيِّ صَلَّى اللَّهُ عَلَيْهِ وَسَلَّم قَالَ: «إِذَا تَزَوَّجَ أَحَدُكُمُ امْرَأَةً أَوِ اشْتَرَى خَادِمًا فَلْيَقُلِ: «اللَّهُمَّ إِنِّي أَسْأَلُكَ خَيْرَهَا وَخَيْرَ مَا جَبَلْتَهَا عَلَيْهِ وَأَعُوذُ بِكَ مِنْ شَرِّهَا وَمِنْ شَرِّ مَا جَبَلْتَهَا عَلَيْهِ وَإِذَا اشْتَرَى بَعِيرًا فَلْيَأْخُذْ بِذِرْوَةِ سَنَامِهِ وَلْيَقُلْ مِثْلَ ذَلِكَ»
. قَالَ أَبُو دَاوُدَ: زَادَ أَبُو سَعِيدٍ: «ثُمَّ لِيَأْخُذْ بِنَاصِيَتِهَا وَلْيَدْعُ بِالْبَرَكَةِ فِي الْمَرْأَةِ وَالْخَادِمِ».

   🌙 Амр ибн Шуайб отасидан, у бобоси розияллоҳу анҳудан ривоят қилади:«Набий соллаллоҳу алайҳи васаллам шундай дедилар: «Бирортангиз бир аёлга уйланса ёки ходим сотиб олса, «Аллоҳумма, иннии ас’алука хойроҳаа ва хойро маа жабалтаҳа ъалайҳи ва аъуузу бика мин шарриҳаа ва мин шарри маа жабалтаҳаа ъалайҳи», десин. Туя сотиб олса, унинг ўркачининг тепасидан ушлаб туриб ҳам худди шундай десин».
   Абу Довуд айтади: «(Ровий) Абу Саъид «(У зот хотин ва ходим ҳақида) «Сўнгра унинг пешона сочидан ушлаб, барака тилаб дуо қилсин», дедилар» деб қўшимча қилган».

* Маъноси: «Аллоҳим, Сендан унинг яхшилигини ва Сен унда яратиб қўйган нарсанинг яхшилигини сўрайман, унинг ёмонлигидан ва Сен унда яратиб қўйган нарсанинг ёмонлигидан паноҳ сўрайман». Абу Довуд ривояти.

🟢Изоҳ: Автомашина (автотранспорт воситаси) ҳам ҳайвон (уй ҳайвони) ва туянинг ҳукмидадир. Уларнинг барчаси улов, уларнинг барчасидан яхшилик умид қилинади ва ёмонликдан қўрқилади. Шунинг учун машина сотиб олганда, эгалик қилганда, юқоридаги дуони қилиш жоиздир.

Олимлардан бири: "У зотнинг шариати шуни қарор топдирдики, бир нарсанинг ҳукми унга ўхшаш нарсанинг ҳукмидекдир. Аллоҳнинг шариати ҳеч қачон икки ўхшаш нарсанинг орасини ажратмайди ва ҳеч қачон икки зид нарсани бирлаштирмайди... " деди. "Зодул маъод"дан.

Гарчи бу автомашина инсон томонидан ясалган нарса бўлса ҳам, ясовчи ва унинг ясалган нарсаси ҳаммаси Аллоҳ таолонинг махлуқларидир.
  Худди ҳайвон (уй ҳайвони) Аллоҳ уни яратган нарсага кўниктирилган, бўйсундирилганидек, машиналар ва уларга ўхшаш одамлар минадиган жонсиз нарсалар ҳам Аллоҳ уларни яратган нарсага бўйсундирилган, кўниктирилган нарсалардир.
  Яъни, Гарчи машина инсон томонидан ясалган бўлса ҳам, унинг ҳаракати ва тақдири Аллоҳнинг иродаси ва тақдирига боғлиқлиги бу дуони айтишга асос бўлади.
   Шунинг учун, уламоларнинг кўпчилиги янги машина сотиб олганда улов (ҳайвон) сотиб олингандаги дуони айтишга рухсат берадилар ва буни мустаҳаб амал деб ҳисоблайдилар.
•┈•┈•┈•┈•❁✿❁•┈•┈•┈•┈•

Яқинларингизга ҳам улашинг:

@imom_adham👈👈👈👈

Ўрин

Абу Ҳурайра розияллоҳу анҳудан ривоят қилинади:
«Набий соллаллоҳу алайҳи васаллам шундай дедилар:
   «Ҳар бир одам жаннатга киришидан олдин шукр янада зиёда бўлиши учун агар ёмон амал қилганида тушиши мумкин бўлган дўзахдаги ўрни албатта кўрсатилади.
   Ҳар бир одам дўзахга киришидан олдин ҳасрати янада зиёда бўлиши учун агар яхши амал қилганида тушиши мумкин бўлган жаннатдаги ўрни албатта кўрсатилади».

Имом Бухорий ривояти.

Изоҳ: Бадриддин Айний "Умдатул Қорий"да: "Бу ҳадисдаги ҳикмат шундаки, жаннат аҳлининг шукрини зиёда қилишдир, токи уларга етган неъматнинг улуғлигини билсинлар ва улар ундан қандай қутулиб қолганларини кўрсинлар.
  Дўзах аҳлига эса, уларга бу неъматни зое қилганлари учун ҳасратни тўлиқ қилишдир. Улар, агар иймон ва итоатда бўлганларида, эришишлари мумкин бўлган мақомларини кўргач, афсуслари янада кучаяди. Бу эса жазони икки баробар қилишдир: бири азоб билан, иккинчиси ҳасрат билан", деди.
•┈•┈•┈•┈•❁✿❁•┈•┈•┈•┈•

Яқинларингизга ҳам улашинг

⬇️Линкни босиб  каналга обуна бўлинг!⬇️

@imom_adham👈👈👈👈👈

Расулуллоҳ соллаллоҳу алайҳи васаллам: “...Эй Ойша, мискинни қуруқ қайтарма, ҳеч бўлмаса яримта хурмо бўлса ҳам бергин. Мискинларга муҳаббатли ва яқин бўл. Шунда қиёмат куни Аллоҳ сени Ўзига яқин қилади”, дедилар”.

Имом Термизий ривояти.
•┈•┈•┈•┈•❁✿❁•┈•┈•┈•┈•

✅Яқинларингизга ҳам улашинг:

⬇️Линкни босиб  каналга обуна бўлинг!⬇️

@imom_adham👈👈👈👈👈👈

#Payg‘ambar_tabobati

Расулулуллоҳ соллаллоҳу алайҳи васаллам: “Эрталаб оч қоринга ейилган олий сифатли ажва хурмосида ҳар қандай сеҳр ва заҳардан шифо бор”, дедилар.
Изоҳ: Омир ибн Саъд розияллоҳу анҳудан, унинг отасидан ривоят қилинади.

 Набий соллаллоҳу алайҳи васаллам: “Ким (оч қоринга) эрталаб ажвадан етти дона еса, ўша куни унга заҳар ҳам, сеҳр ҳам зарар қилмайди”, дедилар. Имом Насоий ривояти.

•┈┈•┈┈•⊰✿🍃🌸🍃✿⊱•┈┈•┈┈•

♻️Яқинларингизга ҳам улашинг!

@imom_adham👈👈👈👈👈

Ассалому алайкум ва раҳматуллоҳи ва барoкaтуҳ!

🗓  Бугун Чоршанба
15 Апрел, 2026 йил мелодий


Аллоҳ таоло бугунги кунимизни барчамиз учун хайрли ва баракали қилсин!     

•┈┈•┈┈•⊰✿🍃🌸🍃✿⊱•┈┈•┈┈•

♻️Дўстларингизга ҳам улашинг!!!

@imom_adham👈👈👈👈👈

«Батаҳқиқ, инсонни қуруқ лойдан, ўзгартирилган қора балчиқдан яратдик», Ҳижр сураси, 26 – оят.

Ибн Аббос розияллоҳу анҳу: “Одам уч нарсадан яратилди: Қуруқ лой, қора балчиқ ва ёпишқоқ лой.
Лазиб – бу яхши лойдир.
Ҳама – бу ҳидланиб (чириб) кетган (лой)дир.
Солсол – бу тоза тупроқдир.
Унинг «инсон» деб номланиши эса, унга қилинган аҳдни (ваъдани) унутгани учундир”, деди.
•┈•┈•┈•┈•❁✿❁•┈•┈•┈•┈•

✅Яқинларингизга ҳам улашинг:

⬇️Линкни босиб  каналга обуна бўлинг!⬇️

@imom_adham👈👈👈👈👈

РОШИД ХАЛИФАЛАРНИНГ НАМОЗИ

Мужоҳид Абу Бакр розияллоҳу анҳу ва Абдуллоҳ ибн Зубайр розияллоҳу анҳунинг намоз ўқишини тасвирлаб шундай дейди: «Улар намозда ёғоч ҳасса сингари қилт этмай туришарди». Абдуллоҳ ибн Зубайр розияллоҳу анҳу намоз ўқишни Абу Бакр розияллоҳу анҳудан ўрганганини, у эса ўз навбатида Пайғамбар соллаллоҳу алайҳи васалламдан ўрганганини таъкидлайди.

Умар розияллоҳу анҳуга насроний қул Абу Луълуа заҳарли ханжар урганида бу жароҳат ўлимларига сабаб бўлди. У киши кўп қон йўқотиб, узоқ вақт беҳуш ётдилар. Аммо намоз вақти бўлгани ҳақида хабар беришганида, ана шу оғир аҳволда ҳам у зот намозни адо этдилар. Усмон розияллоҳу анху намозда туни билан қолиб
кетардилар ва бир ракъатда (деярли) Қуръонни тамомлаганлар.

Тўртинчи халифа ҳазрати Али розияллоҳу анҳу намоз вақти кириши билан ҳоллари ўзгариб, ранглари ўчар, бутун баданларига титроқ кирар экан. Сабабини сўрашганда: «Билмайсизларми, бу вақт Аллоҳ ерга ва осмонларга таклиф этганида, улар ўзларига юклатиб қолинишидан қочган омонатнинг адо вақтидир. Мен бу омонатни (яъни инсонийлик ва унинг шарти бўлган намозни) зиммага олган бўламан. Ўзимга юкланган бу илоҳий омонатни энг гўзал бир шаклда адо эта оламанми ёки адо эта олмайманми, шуни ҳам билмайман», деб жавоб қилганлар.

"Мўминнинг меърожи" китобидан.

☝️ДЎСТЛАРИНГИЗГА ҲАМ УЛАШИНГ!!!

@imom_adham👈👈👈👈