ЯХШИ АМАЛЛАРГА ЖИДДУ-ЖАҲД ҚИЛИНГ!

Абу Ҳурайра розияллоҳу анҳудан ривоят қилинади: Расулуллоҳ соллаллоҳу алайҳи васаллам: "Кучли мўмин Аллоҳга кучсиз мўминдан яхши ва маҳбуброқдир. Ҳар бирларида яхшилик бордир. Сенга фойдаси бор нарсада ҳарис бўл. Аллоҳдан ёрдам сўра. Ожиз бўлмагин. Агар сенга бирор мусибат етса, ундай қилганимда, бундай бўларди, демагин. Лекин Аллоҳнинг тақдири, нимани хоҳласа, ўшани қилади, дегин. Чунки "агар" сўзи шайтон амали учун йўл очади", - дедилар.
Имом Муслим ривояти.

♻️Дўстларингизга ҳам улашинг!!!

@imom_adham👈👈👈👈👈👈👈👈

Ассалому алайкум ва роҳматуллоҳи ва барокатуҳ, бугунги кунимиз файзли барокотли дунё ва охиратимиз учун манфаатли бўлсин. Барчамизга хайрли кун. Аллоҳ таоло хаммамизни саломат қилсин.

@imom_adham👈👈👈👈👈👈👈

Пайғамбаримиз соллаллоҳу алайҳи васаллам қуйидагиларга амал қилишимизни буюрадилар:

     ☝️Доимо тоза овқатларни енг.

     ☝️Жуда иссиқ ва жуда совуқ еманг.

     ☝️Кўп чайнаб, секин енг.

     ☝️Овқатдан олдин ва кейин қўлларингизни ювинг.

     ☝️Доимо овқатдан иштаҳали бўлиб туринг, кўп еманг.

     ☝️Овқат ейиш давомида кўп сув ичманг.

     ☝️Қишда бироз кўпроқ ёғли овқатлар, ёзда эса енгилроқ овқатлар ва кўкатлардан енг.

     ☝️Овқатларингиздан хурмони кам этманг.

     ☝️Узум, хурмо ва зайтун. Аллоҳга шукур этмоқ учун сизга сиҳат ва қувват беради.

     ☝️Чарчаган вақтингизда ширинликларни енг.

     ☝️Синиқ косаларда овқат еманг, бундай идишда сув ҳам ичманг.

     ☝️Овқатланаётганда доимо яхши кайфиятда бўлинг, ёлғиз овқат еманг.

     ☝️Доимо овқатдан сўнг дуо ўқиб, шукр қилинг.

     ☝️Ҳар ойда бир кун рўза тутингки, вужудингиз дам олсин.

     ☝️Асал еб туринг, у минг дардга даводир.

«Илоҳий мўъжизалар» китобидан.

@imom_adham👈👈👈👈👈👈

Тарбия

📜 Ҳаётимда менга энг қаттиқ таъсир қилган насиҳатни отамдан эшитганман: «Эй болагинам, Қуръонни худди сенга нозил қилингандек ўқи".

Муҳаммад Иқбол.
•┈•┈•┈•┈•❁✿❁•┈•┈•┈•┈•

✅Яқинларингизга ҳам улашинг:

@imom_adham👈👈👈👈👈👈

#ЁД ОЛИШ УЧУН
МУХТАСАР СИЙРАТ..

Набий соллаллоҳу алайҳи васаллам ўн бир марта никоҳ қилдилар. У шарафли аёлларнинг номлари қуйдагилар. Уларни Азвожи-Мутоҳҳарот ёки Уммаҳотул Мўъминийн розияллоҳу анҳунна дейилади.

1. Ҳазрати Хадийжа бинти Хувайлид розияллоҳу анҳо.
• Турмуш ҳолати: Бева.
• Никоҳ вақтидаги ёши: Қирқ ёш.
• Ривоят қилган ҳадислари: Йўқ.

2. Ҳазрати Савда бинти Замъа розияллоҳу анҳо.
• Турмуш ҳолати: Бева.
• Никоҳ вақтидаги ёши: Эллик ёш.
• Ривоят қилган ҳадислари: 5 та.

3. Ҳазрати Оиша бинти Абу Бакр розияллоҳу анҳо.
• Турмуш ҳолати: Бокира.
• Никоҳ вақтидаги ёши: Олти/Тўққиз ёш.
• Ривоят қилган ҳадислари: 2210 та.

4. Ҳазрати Ҳафса бинти Умар розияллоҳу анҳо.
• Турмуш ҳолати: Бева.
• Никоҳ вақтидаги ёши: Йигирма икки ёш.
• Ривоят қилган ҳадислари: 60 та.

5. Ҳазрати Зайнаб бинти Хузайма розияллоҳу анҳо.
• Турмуш ҳолати: Бева.
• Никоҳ вақтидаги ёши: Ўттиз ёш.
• Ривоят қилган ҳадислари: Йўқ.

6. Ҳазрати Умму Салама (Ҳинд) бинти Абу Умайя.
• Турмуш ҳолати: Бева.
• Никоҳ вақтидаги ёши: Йигирма олти ёш.
• Ривоят қилган ҳадислари: 378 та.

7. Ҳазрати Зайнаб бинти Жаҳш розияллоҳу анҳо.
• Турмуш ҳолати: Талоқ қилинган.
• Никоҳ вақтидаги ёши: Ўттиз олти ёш.
• Ривоят қилган ҳадислари: Йўқ.

8. Ҳазрати Жувайрия бинти Ҳорис розияллоҳу анҳо.
• Турмуш ҳолати: Асирликдан озод қилинган.
• Никоҳ вақтидаги ёши: Йигирма ёш.
• Ривоят қилган ҳадислари: 8 та.

9. Ҳазрати Сафийя бинти Ҳуяй розияллоҳу анҳо.
• Турмуш ҳолати: Асирликдан озод қилинган.
• Никоҳ вақтидаги ёши: Ўн етти ёш.
• Ривоят қилган ҳадислари: 10 та.

10. Ҳазрати Умму Ҳабиба (Рамла) бинти Абу Суфён розияллоҳу анҳо.
• Турмуш ҳолати: Бева.
• Никоҳ вақтидаги ёши: Ўттиз олти ёш.
• Ривоят қилган ҳадислари: 65 та.

11. Ҳазрати Маймуна бинти Ҳорис розияллоҳу анҳо.
• Турмуш ҳолати: Талоқ қилинган.
• Никоҳ вақтидаги ёши: Ўттиз олти ёш.
• Ривоят қилган ҳадислари: 76 та.

❗️Муҳим ойдинлик: Набий соллаллоҳу алайҳи васалламнинг бу барча никоҳлари мусулмонлар учун аёлларнинг адади тўрттагача таъйин қилинган ояти каримадан олдин бўлган эди. Шунингдек, тўрттадан зиёда аёлларга бир вақтда никоҳда бўлишлик Набий соллаллоҳу алайҳи васалламнинг ўзларига хос хусусиятдир.

@imom_adham👈👈👈👈👈👈

Ассаламу алайкум ва роҳматуллоҳи ва барокатуҳ!  Пайшанба тонги муборак бўлсин!

● Аллоҳ сизга
● Сўнмас иймон,
● Гўзал ахлоқ,
● Шукр этгувчи қалб,
● Зикр этувчи тил,
● Хайрли умр,
● Дунё ва охират гўзаллигини насиб этсин ИншаАллоҳ!

@imom_adham👈👈👈👈👈

#ҚИССАДАГИ ИБРАТ....

   Сочларига оқ оралаган бир чол Хуросоннинг Салжуқийлардан бўлмиш амири Фахрулмулукка яқин бўлган бир кишини ёмон кўриб қолди. У ҳақида чақимчилик, бўҳтон ва иғво қилиб мактуб ёзиб, мактубни амирга чиқарди.
   Фахрулмулук мактубни ўқигач, қоғоз-қалам сўради. Қоғоз-қалам келтиришгач унга қуйидагиларни ёзди:
   "Чақимчилик ҳақ бўлсада, хуник иш. Гарчи сен буни насиҳат тарзида ёзган бўлсангда, буни сенга фойдасидан зарари кўпроқ.
   Беркитилган нарса ҳақидаги хабарни шарманда инсондан қабул қилишдан бизни Аллоҳ сақласин!
   Агар оқ сочларинг бўлмаганида сенга ўзингга мувофиқ жавоб қилган бўлар эдим. Сен кабилар рад қилинади. Бу айбни яшир. Ғайбни биладиган Зотдан қўрқ. Вассалом!".

   #Бир аъробий бир кишидан ғазабланди. Ҳалиги киши сўради:
- Нега мени ёмон кўраяпсан?
Аъробий деди:
- Бир ишончли киши сен ҳақингда шунақа-шунақа деган эди!
  Ҳалиги киши деди:
- У ишончли бўлганида мен ҳақимда чақимчилик қилмас эди!

  #Ибнул Жавзий роҳимаҳуллоҳнинг "Сифатус сафва" китобида келади:
   "Фазл ибн Аби Айёш айтади:
   "Бир куни Ваҳб ибн Мунаббиҳ билан ўтирган эдим. Унинг олдига бир киши келиб деди:
- Мен фалончининг олдидан ўтаётган эдим. У сизни сўкди!
  Ваҳб ғазабланиб деди:
- Шайтон сендан бошқа элчи топа олмадими?!".

   #Чақимчилар келса эшикни очманг. Уларнинг гапини эшитманг. Улар Иблиснинг элчиларидир. Кишиларнинг ўртасини бузишади. Қалбларга тафриқа солишади. Оловга мой сепишади. Ихтилоф қилишади!
   Ўзингизга битта қоида қилиб олинг: "Ким сизга бировни чақса, сизни ҳам кимгадир чақади!".

   #Сиз йўқлигингизда айтилган бир ёмон гапни сизга келиб айтган киши, бировлар йўқлигида сиз айтган ёмон гапни ўша бировларга ҳам бориб айтади!
  
   #Инсонлар орасида келишмовчиликлар бўлиб туради. Хусумат пайтида инсонлар ўйламасдан нималар деб юборишмайди дейсиз. Ғазаб соатларида умуман қилмайдиган ишлари билан таҳдид қилишади, қўрқитишади. Ғазаб босилгач, яна тўғри йўлга қайтишади. Аммо чақимчи у гапни эшитиб олиб кўтариб юраверади. Натижада ҳал бўлай деб турган муаммо яна чигаллашиб кетади. Тозаланишига оз қолган қалб яна кина-адоватга тўлади. Яна кўнгил қолиш бошланади!
  
   #Имом Бухорий ва имом Муслим роҳимаҳумаллоҳ ўз ҳадис тўпламларида ибн Аббос розиёллоҳу анҳунинг ҳадисини ривоят қилишади:
   "Бир куни Набий соллаллоҳу алайҳи ва саллам иккита қабр олдидан ўтиб қолдилар. У зот бу қабрдаги ётган одамларнинг азобланаётганини айтдилар. У зот бунинг сабаби гуноҳи кабира эмаслигини айтдилар. Уларнинг бири пешобидан сақланмас экан, иккинчи эса ғийбат, чақимчилик қилар экан!".

@imom_adham👈👈👈👈👈👈👈

#ТАФАККУР...

   Муслим ибн Саъднинг жияни Абдуллоҳ айтади:
   "Мен ҳажга бормоқчи бўлдим. Тоғам менга ўн минг дирҳам бериб дедилар:
- Агар Мадинага борсанг, у ердаги энг оддий уйни топ ва бу пулларни ўша уйнинг соҳибларига бер!
   Мен Мадинага бориб энг фақир хонадонни суриштирдим. Менга бир уйни кўрсатишди. Мен ўша уйга бориб эшигини тақиллатдим. Ичкаридан аёл киши сўради:
- Ким?
- Мен Бағдоддан келдим. Биров менга ўн минг дирҳам бериб Мадинадаги энг фақир оилага беришимни тайинлаган эди. Мадинага келиб энг фақир хонадонни суриштирсам сизларни айтишди. Пулни олинг!
Аёл деди:
- Пулни берган киши Мадинадаги энг фақир оилага беришингизни шарт қилиб қўйибди. Қўшнимиз биздан фақирроқ. Ўшанга беринг!
   Мен аёл айтган уйга келиб эшигини тақиллатиб бўлган воқеани айтдим ва пулни бермоқчи бўлдим. Бу уйнинг соҳибаси ҳам "биздан кўра қўшнимиз фақирроқ" дея мени яна аввалги аёлнинг хонадонига йўллади. Мен унга мени ўша аёл бу ерга йўллаганини айтдим. Аёл деди:
- Биз фақирликда тенгмиз. Унда пулни иккига бўлиб беринг!".

   #Ҳақиқий очлик ошқозонда эмас, нафсда бўлади. Ҳақиқий тўқлик эса қоринда эмас, кўзда бўлади.
   #Кимнинг нафси оч, кўзи бўш ва фориғ бўлса гарчи бутун дунёни берсангиз ҳам тўйдира олмайсиз. У одамларнинг қўлидаги нарсага кўз тикаверади!
   #Кимнинг нафси бой бўлса, кўзи тўқ бўлса унинг ризо билан тўйинганини кўрасиз. У бошқанинг луқмасига кўз тикмайди. Ўзганинг неъматига ҳасад қилмайди. Ўзи фақир бўлсада, кишиларга Аллоҳдан яхшилик тилайди!
  #Шунақанги воқеаларга гувоҳ бўламизки, баъзи кўзларнинг очлигига, баъзи нафсларнинг ебтўймаслигига ишониб юборасиз. Баъзи фақирларни кўрасиз, уларга ёрдам олиб борилса ўзларидан фақирроқ деб ўйлаган бошқа фақирлар томон йўллашади.
   #Яна баъзи бойларни кўрасиз, асли улар фақирларга ёрдам бериши лозим. Аммо шунчалар кўз очки, маҳалладаги кам таъминланган оилаларга бериладиган ёрдам уларга тегмагани учун қиёматни қоим қилишади. Уларда жамики ёмонликлар мавжуд. Бахиллик, очкўзлик, ебтўймаслик, ёмон қўшничилик, кишиларни айблаш....
   #Эй Роббим! Сендан қаноатли қалб, тўқ кўз, бой нафс сўрайман...
  
@imom_adham👈👈👈👈👈👈👈

Ассалому алайкум ва раҳматуллоҳи ва барокатуҳу!

Бaъзан фурсат топиб эслолмасам ҳам,
Юрак тўлиб тошганда дардлашмасам ҳам.
Баъзида дардингиз ололмасам ҳам,
Унутманг қадрдонларим юрагимдасиз!

Саййудул айём Жума муборак бўлсин сизни хамиша Аллоҳ асрасин !!

Биринчи бўлиб табриклаб қўйинг

Шу улуғ кунда Аллоҳ розилиги учун мени ҳаққимга дуо қилинг!

••┄┄┄❅┄┄┄•• Яқинларингизга ҳам улашинг!
👇👇👇👇👇👇👇👇👇
@imom_adham

Ассалому алайкум!

Жума куни барчамизга хайрли ва барокатли бўлсин...

каналга уланиш учун қуйидаги линкни босинг👇


@imom_adham👈👈

ЖУМА КУНИНИНГ ОДОБЛАРИ:

1) Ғусл қилиш: Расулуллоҳ соллаллоҳу алайҳи ва саллам шундай деганлар: “Жума куни ғусл қилиш ҳар бир балоғатга етган кишининг бурчидир” (Бухорий (879) ривояти);

2) Покланиш: Расулуллоҳ соллаллоҳу алайҳи ва саллам шундай деганлар: “Ким жума куни ғусл қилса, қўлидан келганича покланса, сочини ёғласа, уйидаги атирдан сепса, сўнг масжидга бориб, одамлар елкасидан ҳатлаб ўтмаса, сўнг қўлидан келганича нафл ўқиса, сўнг имом хутба қилаётганида жим туриб тингласа, албатта Аллоҳ таоло унинг келаси жумагача бўлган гуноҳларини кечиради” (Бухорий (883) ривояти). Бу ҳадисда ғусл қилиш билан бирга покланиш ҳам зикр қилинди. Бундан келиб чиқадики, ҳадисдаги покланишдан мақсад фақат ғусл қилиш эмас, балки покланишга сабаб бўладиган бошқа ишларни ҳам қилиш экан. Шунга биноан, жума куни аврат ва қўлтиқ тукларини тозалаш, тирноқларни олиш ҳамда мўйлабни қисқартириш жума кунининг одобларидан саналади. Баъзилар покланиш ниятида жума куни соқолини ҳам қиртишлаб олади. Бу жуда ҳам катта хато. Чунки соқолни қиртишлаб олиш ҳаромдир. Шунингдек, оғзи, оёғи ёки қўлтиғи ҳидланадиган кишилар доимо, айниқса, жума куни имкон қадар шу ишнинг олдини олишга ҳаракат қилишлари, қўланса ҳидларни кеткизадиган замонавий воситалардан фойдаланишлари мақсадга мувофиқдир;

3) Атир сепиш: жумага борганда одамларга турли хил ёқимсиз ҳидлар билан озор бермаслик учун атир сепиш шу куннинг суннатларидан саналади;

4) Энг чиройли кийимларни кийиш ва сочни ёғлаш: мусулмон киши жума намозига борганда қалбини поклаш билан бир қаторда ташқи кўриниши ҳам гўзал бўлиши лозим. Шунинг учун жума намозига боришдан олдин энг чиройли кийимларингизни кийишингиз ва агар сочингиз узун бўлса, соч учун ишлатиладиган махсус крем, гел ва ёғлар ёрдамида сочингизни тартибга келтириб олишингиз ҳам суннатдир;

5) Мисвок ишлатиш ёхуд тишни ювиш: Абу Ҳурайра розияллоҳу анҳудан ривоят қилинган ҳадисда Расулуллоҳ соллаллоҳу алайҳи ва саллам: “Агар умматимга машаққат бўлмаганида, мен уларни ҳар намоздан олдин мисвок ишлатишга буюрган бўлардим” – деганлар (Бухорий (887) ривояти);

6) Юқоридаги ҳадисда айтилган савобга эришиш учун масжидга боргандан сўнг одамлар елкасидан ҳатлаб ўтмаслик кераклиги айтиб ўтилди. Чунки бу иш ўтирганларга азият беради ва уларда сизга нисбатан нафрат уйғотади. Ҳолбуки мусулмон кишига азият бериш ҳаромдир;

7) Каҳф сурасини ўқиш: Расулуллоҳ соллаллоҳу алайҳи ва саллам шундай деганлар: “Ким жума куни Каҳф сурасини ўқиса келаси жумагача ундан нур таралиб туради” (Байҳақий “Сунанул кубро”да (5996) ривоят қилган, бу ҳадисни шайх Албоний роҳимаҳуллоҳ саҳиҳ деган);

8) Кўп дуо қилиш: Расулуллоҳ соллаллоҳу алайҳи ва саллам: “Жума куни шундай бир вақт борки, мусулмон киши шу вақтда намоз ўқиб, Аллоҳдан дуо-илтижо қилиб сўраса, албатта Аллоҳ унга сўраган нарсасини беради” – деганлар ва қўллари билан бу вақтнинг жуда ҳам қисқалигига ишора қилганлар (Муслим (1926) ривояти). Бироқ ҳадисда бу вақт қачон экани аниқ айтилмаган. Шу вақтга тўғри келиб қолиш ниятида жума куни вақтингизни ҳеч ҳам бекорчи нарсаларга сарфламай, доим дуода бўлишингиз мақсадга мувофиқ бўлади;

9) Расулуллоҳ соллаллоҳу алайҳи ва салламга имкон қадар кўп саловат айтиш: бу ҳақда Расулуллоҳ соллаллоҳу алайҳи ва саллам: “Менга жума куни кўп салавот айтинглар. Чунки менга ҳар жума умматимнинг менга айтган салавоти рўбару қилинади. Ким менга кўп салавот айтган бўлса, (қиёматда) менга энг яқинлардан бўлади” – деганлар (Байҳақий “Сунанул кубро”да (5791) ривоят қилган);

10) Бошқа кунлар қолиб, фақат жума куни рўза тутмаслик: бу ҳақда Расулуллоҳ соллаллоҳу алайҳи ва саллам шундай деганлар: “Ҳеч ким фақат жума куни рўза тутмасин. Бироқ жумага қўшиб бир кун олдин ёки бир кун кейин рўза тутса бўлаверади”

(Бухорий ривояти).

#Жума

Жумъа куни тўрт нарса ёдингизда бўлсин!

1⃣ - Аллоҳнинг энг суюкли бандаси, Пайғамбар алайҳиссаломга салавот айтишни унутманг:
(Аллоҳумма соллий ва саллим аъла Саййидина Муҳаммад)

2⃣ - Шундай сура борки, сизни нурга буркайди. У - Каҳф сураси. Ўқиб қўйишни унутманг

3⃣ - Бу кунда бир вақт борки, дуо қилишингиз учун сизга мунтазир. Уни зое қилманг! Ўзингизга қўшиб, мусулмонларнинг ҳаққига ҳам дуо қилишни унутманг!

4⃣ - Шунақа дўстларингиз борки, сизнинг унга билдирмасдан дуо қилишингизни кутади. Қалбдан қилинган дуоларингизда уларни унутманг!


каналга уланиш учун қуйидаги линкни босинг👇


@imom_adham👈👈

Ассалому алайкум. Яхши инсонларнинг ҳолатлари ўзгариб кетса ҳам, уларнинг сифатлари ўзгармас экан. Саховатли инсон камбағал бўлиб қолса ҳам,  саховатли бўлиб қолаверар, мулойим, кечиримли инсон зулм кўрса ҳам, кечиримли, Аллоҳ севган инсон бўлса, номард одамлар тўдаланиб қаршилик қилсалар хам хокисор бўлиб қолаверар эканлар. Баъзи юзлар борки, уларнинг ғазабли ҳолатлари ҳам гўзал кўринар, ва  баъзи юзлар борки, уларнинг таббассумлари ҳам шубҳа уйғотувчи бўлар экан. Гўзаллик қалбларнинг қаъридан чиқади-ки,  бунга юз кўринишларининг алоқаси йўқ экан. Хазрати инсон,  СИЗ айнан қалб қаъридан гўзаллик тарата оладиган , гўзал хулқлилар сардорисиз. Жуманинг хайри ва баракоти сизга бўлсин....


@imom_adham 👈👈👈👈👈👈

ЖУМА КУНИНИНГ ФАЗИЛАТЛАРИ

    Жума – ҳар бир дақиқаси Аллоҳнинг марҳаматига тўла бўлган кундир. Бу кунда биз мусулмонлар бир-биримизни табриклаймиз, байрамдек ўтказамиз. Саловат айтишни кўпайтирамиз. Ижобат соатни излаймиз.

      🕌🕌Бинобарин, жума куни:
Дуолар ижобат бўлади.

     Абу Ҳурайра (розияллоҳу анҳу)дан ривоят қилинади: “Расулуллоҳ (соллаллоҳу алайҳи ва саллам) жума куни дуоларнинг ижобат бўлиши ҳақида: “Бу кунда шундай фурсат борки, мусулмон банда намоз ўқиш учун шу вақтга дуч келади ва Аллоҳдан нимани сўраса, истаганини шубҳасиз беради”, дедилар (Бухорий, Муслим).

🕌🕌Салавотлар Пайғамбаримиз (соллаллоҳу алайҳи ва саллам)га кўрсатилади.

     Пайғамбаримиз (соллаллоҳу алайҳи ва саллам): “Сизлар учун энг хайрли кун – жума кунидир. Шундай экан бу куни менга кўп салавотлар айтинглар, чунки бу кунги салавотлар менга кўрсатилади”, деб айтганлар (Абу Довуд).

🕌🕌Қадамлар остидан нурлар чиқади.

    Ибн Умар (розияллоҳу анҳу)дан ривоят қилинади. Расулуллоҳ (соллаллоҳу алайҳи ва саллам): “Ким «Каҳф» сурасини жума куни ўқиса, қиёмат куни унинг қадами остидан нур чиқиб, осмону фалакни ёритади ва унинг икки жума орасидаги хатолари кечирилади”, деганлар.

🕌🕌Масжид сари ташланган ҳар бир қадам нафл рўза ва ибодат қилганга тенглаштирилади.

    Авс ибн Авс (розияллоҳу анҳу)дан ривоят қилинади. Расулуллоҳ (соллаллоҳу алайҳи ва саллам): “Кимки жума куни ғусл қилиб, масжидга яёв борса, жума хутбасини чалғимасдан эшитса ва намоз ўқиса, масжидга сари босиб ўтган ҳар бир қадами учун бир йиллик (нафл) рўза ва (нафл) тунги намознинг ажри берилади”, дедилар.

🕌🕌 Гуноҳлар мағфират этилади.

    Пайғамбаримиз (соллаллоҳу алайҳи ва саллам): “Кимки ғусл қилиб, покиза кийим кийса ва мушк билан хушбўйланса, масжидга шошмасдан борса ва имом маърузасини бўлмасдан эшитса ва намоз ўқиса у киши уйга ўтган жумадан бери қилган гуноҳларидан фориғ бўлган ҳолда қайтади”, дедилар.
    Бошқа бир ҳадисда эса, “Кимки жума намозидан сўнг, оёғини алмаштирмасдан туриб қуйидаги сураларни 7 мартадан ўқиса: Фотиҳа, Ихлос, Фалақ ва Нос сураларини, Аллоҳ субҳанаҳу ва Таоло унинг аввалги ва охирги гуноҳларини кечиради ва уни мукофотлайди, деганлар.

🕌🕌 Масжидга барвақт борган туя қурбонлик қилган ажрига ноил бўлади.

    Абу Ҳурайра (розияллоҳу анҳу)дан ривоят қилинади. Расулуллоҳ (соллаллоҳу алайҳи ва саллам): “Ким жума куни ғусл қилиб, масжидга эрта борса, битта туя сўйгандек бўлади. Ким иккинчи вақтда борса, худди битта сигир сўйгандек, ким учинчи вақтда борса, худди битта шохдор қўчқор сўйгандек, ким тўртинчи вақтда борса, худди битта товуқ сўйгандек, ким бешинчи вақтда борса, худди бир тухум атагандек бўлади. Имом (минбарга) чиққанда эса фаришталар хутбани эшитишга ҳозир бўладилар”, дедилар (Абу Довуд, Ибн Можа).
     
      Ушбу ҳадислар жума кунининг фазилати ва савоби ҳақида бир эслатмадир. Барчамиз бу куннинг улуғ фазилатларидан тўлиқ баҳраманд бўлайлик.

Яқинларимизга ҳам улашайлик!
👇👇👇👇👇👇👇👇
@imom_adham

#САҲОБАЛАР МУҲАББАТИ...

   Жаъфар Соиғ айтади:
"Аҳмад ибн Ҳанбалнинг қўшнилари ичида маъсиятга ботган бир киши бор эди. Бир куни у Аҳмад ибн Ҳанбалнинг илм мажлисига келиб салом берди. Имом Аҳмад роҳимаҳуллоҳ унинг саломига истамайгина жавоб қайтарди ва унинг келганига хурсанд бўлмагандек кўринди. Шунда у киши имом Аҳмадга деди:
- Эй Абу Абдуллоҳ! Нега хурсанд эмассиз? Мен кўрган тушим сабаб бўлиб олдинги қилмишларимни ташладим!
Имом Аҳмад сўради:
- Қанақа туш экан?
- Тушимда Набий саллоллоҳу алайҳи ва салламни кўрдим. Юқори жойда ўтирибдилар. Атрофларида кўп одамлар бор. Ҳамма у кишидан дуо олаяпти. Бир киши туриб: "Эй Аллоҳнинг Расули! Мени дуо қилинг!", деди. Уни дуо қилдилар. Охирида ёлғиз мен қолдим. Расулуллоҳ саллоллоҳу алайҳи ва саллам мендан сўрадилар:
- Ҳой фалончи! Сен нега дуо сўрамаяпсан?
Мен дедим:
- Эй Аллоҳнинг Расули! Мен дуо сўрашдан қилмишларим сабабли ҳаё қилаяпман!
Расулуллоҳ саллоллоҳу алайҳи ва саллам унга дедилар:
- Тур! Мендан сўра. Сен учун дуо қиламан. Сен асҳобларимдан бирортасини сўкмагансан!
   Мен туриб у кишидан дуо қилишларини сўрадим. У киши мени дуо қилдилар. Уйғониб кетдим. Шундан кейин Аллоҳ менга олдинги қилмишларимни ёмон кўрсатиб қўйди!
  
   Буни эшитган имом Аҳмад Жаъфар Соиғга деди:
- Бу воқеани кишиларга айтинглар, ёдлаб олинглар. Бунинг фойдаси бор!".

   #Набиййимиз саллоллоҳу алайҳи ва саллам шаксиз бу заминда ўтган пайғамбарларнинг энг афзалидирлар. У кишининг асҳоблари ҳам бу заминда ўтган пайғамбарлар асҳобининг энг афзалидир!

   #Нуҳ алайҳис саломнинг асҳоблари агар кемага минган бўлишса, саҳобалар ширк тўлқинларида чайқалиб турган тавҳид кемасига минишди!
   #Мусо алайҳис саломнинг асҳоби агар у киши билан денгизни кесиб ўтган бўлишса, саҳобалар Набий алайҳис салом билан саҳроларни асосиз ёриб ўтишди!
   #Мусо алайҳис саломнинг асҳоблари денгиз қирғоғига келганда: "Энди қўлга тушдик!", деган бўлса Набий алайҳис саломнинг саҳобалари мушриклар қамали ичида қолганда ҳам: "Бу  бизга Аллоҳ ва Расули ваъда қилган нарса. Аллоҳ ва Росули рост сўзларлар!", дейишди!

   #Исо алайҳис саломнинг асҳоби у кишини тасдиқлаш учун осмондан дастурхон туширишини талаб қилган бўлса, саҳобалар Мадинада қамалда турганларида куни келиб Форс ва Рум давлатларини фатҳ қилишлари ҳақидаги Набий саллоллоҳу алайҳи ва салламнинг хабарларини тасдиқладилар!
  
   #Улар саҳобалар! Уларни севиш ибодат. Уларнинг фазилатини эътироф қилиш иймон. Улар Набий саллолоҳу алайҳи ва салламнинг қиличлари ва суянадиган асолари эдилар. У киши учун руҳларини фидо қилишди. У киши учун қонларининг нархини туширишди. Бор молларини оёқлари остига тўкишди!
   #Аллоҳим бизни улар билан бирга тирилтиргин. Улар билан бирга жамлагин. Уларнинг энг оддийси каби бўлишимиз учун нафсимизга қарши курашда бизга ёрдамчи бўлгин. Зеро уларнинг энг оддийси ҳам оддий эмас!

  @imom_adham👈👈👈👈👈👈👈

#Ҳадис

عَنِ عَبْدِ اللهِ بْنِ عَبَّاسٍ ، عَنِ النَّبِيِّ ﷺ قَالَ: «نِعْمَتَانِ مَغْبُونٌ فِيهِمَا كَثِيرٌ مِنَ النَّاسِ: الصِّحَّةُ وَالْفَرَاغُ». رَوَاهُ الْبُخَارِيُّ.

Абдуллоҳ ибн Аббос розияллоҳу анҳумодан ривоят қилинади: «Набий соллаллоҳу алайҳи васаллам: «Икки неъмат борки, одамларнинг кўплари уларни бой бериб қўядилар – (улар) саломатлик ва бўш вақтдир», - дедилар».
Бухорий ривоят қилган.

♻️Дўстларингизга ҳам улашинг!!!

@imom_adham👈👈👈👈👈👈👈👈

#кун_ояти

وَاعْبُدُوا رَبَّكُمْ وَافْعَلُوا الْخَيْرَ لَعَلَّكُمْ تُفْلِحُونَ

"Роббингизга ибодат қилинглар ҳамда яхшилик қилинглар, шоядки нажот топсангиз".
(Ҳаж сураси, 77-оят).

♻️Дўстларингизга ҳам улашинг!!!

@imom_adham👈👈👈👈👈👈👈