🔥 IMPULS delegatsiyasi Hindistonda!

⚡️ Impuls Tibbiyot instituti delegatsiyasi Hindistonning nufuzli GSL Tibbiyot Institutiga tashrif buyurdi. Institut prezidenti B.Xudanov, Namangan filiali rektori O.Xolmirzayev, Chirchiq filiali rektori v.v.b. A.Xamdamovlardan iborat delegatsiya hindistonlik hamkorlar bilan uchrashuv davomida ikki oliygoh o‘rtasida tibbiyot ta’limi, klinik amaliyotlar va ilmiy tadqiqotlar sohalarida hamkorlikni rivojlantirish masalalarini muhokama qilishdi.

🔹Professor-o‘qituvchilar va talabalar almashinuvi
🔹Hindistonlik talabalar uchun O'zbekistonda klinik amaliyot imkoniyatlari
🔹MBBS dasturini NMC (Hindiston Milliy Tibbiyot Komissiyasi) talablari asosida yo‘lga qo‘yish

🌍 Mazkur tashrif ikki mamlakat o‘rtasidagi ilmiy hamkorlik aloqalarini mustahkamlashda yana bir muhim qadam bo‘ldi.

📞 55-510-50-15

Facebook | Instagram | Telegram

🤩 Impuls, GSL va NEO — yangi ta’lim dasturini ishga tushirdi!

⚡️ Impuls Tibbiyot Instituti, Hindistonning GSL Tibbiyot instituti hamda NEO kompaniyasi imzolagan shartnoma va memorandum asosida MBBS ta’lim dasturi ishga tushirildi.

😊 Mazkur dastur NMC (Hindiston Milliy Tibbiyot Komissiyasi) tomonidan belgilangan FMGL me’yorlariga (Tibbiyot mutaxassislarini xalqaro litsenziyalash qoidalari) to‘liq mos bo‘lib, talabalarga global darajada tan olingan diplom va amaliy tajriba olish imkonini beradi.

📘 Dastur imkoniyatlari:
🔹 54 oylik o‘quv jarayoni + 12 oylik pullik klinik amaliyot
🔹 Ingliz tilida o‘qitiladigan, NMC talablariga mos MBBS dasturi
🔹 Hindiston va O’zbekistonning yuqori malakali professor-o’qituvchilari dars beradi
🔹 FMGE (Xorijiy tibbiyot bitiruvchilari uchun Hindistonda shifokorlik litsenziya imtihoni), NExT (Hindiston milliy yakuniy imtihoni), USMLE (AQShda shifokor sifatida ishlash uchun xalqaro litsenziya imtihoni), MRCP (Buyuk Britaniyada ichki kasalliklar bo‘yicha mutaxassis shifokorlik imtihoni) kabi xalqaro imtihonlarga tayyorgarlik
🔹 43 dan ortiq hamkor shifoxonalarda amaliyot o‘tash imkoniyati

🩺 Bu hamkorlik — Hindiston va O‘zbekiston tibbiyot ta’limi o‘rtasidagi tarixiy qadam, yosh mutaxassislarga esa global shifokorlik sari keng yo‘l ochadi!

📰 Mazkur loyiha Hindiston ommaviy axborot vositalarida ham keng yoritildi.

📞 55-510-50-15

Facebook | Instagram | Telegram

🎓 Impuls tibbiyot instituti prezidenti GSL Stomatologiya kollejida ma’ruza o‘qidi! 🇺🇿🇮🇳

⚡️ Impuls tibbiyot instituti prezidenti, tibbiyot fanlari doktori, professor Baxtinur Oybutayevich Xudanov Hindistonning nufuzli GSL Stomatologiya kolleji talabalari va doktorantlariga ma’ruza o‘qidi.

Ma’ruza davomida Impusl prezidenti O‘zbekistonda bolalar tish kariyesini davolash bo‘yicha amalga oshirilgan xalqaro ilmiy loyiha haqida so‘z yuritdi.

🦷 Ushbu loyiha Birmingem universiteti (Buyuk Britaniya) bilan hamkorlikda olib borilgan hamda Shveysariyaning Nakao jamg‘armasi tomonidan moliyalashtirilgan. Loyiha bolalar tish kariyesini minimal invaziv usullar orqali davolashda maktab hamshiralari ishtirokini kengaytirishga qaratilgan.

🌍 Tadqiqot va ma’ruza hindistonlik talabalar uchun O‘zbekiston tajribasini o‘rganish, xalqaro ilmiy hamkorlikni mustahkamlash hamda O‘zbekiston tibbiyot sohasini global miqyosda tanitish yo‘lida muhim qadam bo‘ldi.

📞 55-510-50-15

Facebook | Instagram | Telegram

🔥 Impuls tibbiyot institutida Namangan filialida xavfsizlik bo‘yicha o‘quv mashg‘uloti o‘tkazildi!

⚡️ Impuls tibbiyot instituti talabalarda favqulodda vaziyatlarda to‘g‘ri harakat qilish ko‘nikmalarini shakllantirishga alohida e’tibor qaratadi.

✈️ Shu maqsadda Namangan viloyati Favqulodda vaziyatlar boshqarmasi va Yangi Namangan tumani FVB bilan hamkorlikda “Yong‘inlar va favqulodda vaziyatlar sodir bo‘lganda talaba va o‘qituvchilarni to‘g‘ri harakat qilishga o‘rgatish” mavzusida maxsus-taktik mashg‘ulot o‘tkazildi.

Mashg‘ulotda yong‘in o‘chirish texnikalari va maxsus jihozlardan foydalanish jarayoni amaliy tarzda namoyish etildi. Talabalar evakuatsiya, birinchi yordam ko‘rsatish va jamoaviy harakat qilish bo‘yicha zarur bilim va ko‘nikmalarga ega bo‘ldilar.

🎯 Bunday mashg‘ulotlar talabalarning xavfsizlik madaniyatini oshirish hamda ularni har qanday holatda to‘g‘ri qaror qabul qila oladigan yetuk mutaxassis sifatida shakllantirishga xizmat qiladi.

📞 55-510-50-15

Facebook | Instagram | Telegram