🔥 Prezident Shavkat Mirziyoyev sog‘liqni saqlash sohasidagi oxirgi yutuqlar va dolzarb muammolarni muhokama qilish maqsadida yig‘ilish o‘tkazdi.

✔️ Ushbu tadbrda iqtisodiy barqarorlik, bandlik va yoshlarni zamonaviy bilim bilan ta’minlash — davlat siyosatining ustuvor yo‘nalishlari ekanligi ta’kidlandi.

So‘nggi yillarda tibbiyotga jami 230 trillion so‘m (20 milliard dollar) yo‘naltirildi; shu jumladan joriy yilda 45 trillion so‘m ajratildi — 2016-yilga nisbatan 6 baravar ko‘p. Natijada hududlarda 187 ta yangi poliklinika va shifoxona ishga tushirildi, 1 244 ta muassasa rekonstruksiya qilinib, zamonaviy jihozlar bilan ta’minlandi.

Birlamchi tibbiyot quvvati 60 foizga oshib, aholiga tibbiy xizmat ancha yaqinlashdi. Endilikda 400 dan ortiq yuqori texnologik diagnostika va davolash usullari hududlarda qo‘llanilmoqda; yuzlab murakkab amaliyotlar viloyat markazlarida, kam invaziv operatsiyalar esa tuman darajasida amalga oshirilmoqda. Prezident ayniqsa 45 ta tumanda buyrak ko‘chirish amaliyotining yo‘lga qo‘yilishini sog‘liqni saqlash sohasidagi muhim yutuq deb baholadi. Yurtimizda o‘rtacha umr davomiyligi erkaklarda 71 dan 73 yoshga, ayollarda 76 dan 77,5 yoshga oshgani — xalq salomatligi sohasidagi yirik natija hisoblanadi. Bu yutuqlarda 600 mingdan ortiq fidoyi tibbiyot xodimlarining hissasi alohida qayd etildi.

Shu bilan birga, samaradorlik masalalari ham muhokama qilindi: so‘nggi besh yilda ixtisoslashgan markazlarga 7,5 trillion so‘m ajratilib, minglab zamonaviy uskunalar olib berilgan bo‘lsa-da, ularning quvvatidan atigi 25 foizdan foydalanilayotgani achinarli. Raqamlashtirish, xalqaro hamkorlik, klinik protokollarni yangilash va iqtidorli jamoa shakllantirish bo‘yicha ishlar kuchaytirilishi zarurligi ta’kidlandi.

Prezident shu yig‘ilishda qishloq va olis hududlarda yashovchi millionlab odamlar ham tibbiyotdagi o‘zgarishlarni his qilib qolayotganini, xalqaro tashkilotlar va reyting markazlari ham buning e’tirof etayotganini qayd etdi hamda yechimini kutayotgan masalalarni ochiq muhokama qilishni taklif qildi.
Bugungi yig‘ilish — salomatlikni mustahkamlash va tibbiy xizmatlarni yanada samarali qilish yo‘lida muhim qadam.

🎯 Vazifa aniq: zamonaviy uskunalardan to‘liq foydalanish, hududlarda diagnostika va davolash imkoniyatlarini kengaytirish va aholi uchun sifatli, yaqin va arzon tibbiy xizmatni ta’minlash.

📞 55-510-50-15

Facebook | Instagram | Telegram

🔥 Hindiston bilan tibbiy ta’limda yangi bosqich!

🔉 Avvalroq xabar berganimizdek, “Impuls” Tibbiyot Instituti rahbariyati Hindistonning GSL Tibbiyot Institutiga tashrif buyurgan edi (avvalgi tashrif).

🤜 Ushbu tashrif samarasi o‘laroq, institut Xalqaro hamkorlik bo‘limi boshlig‘i Ahror Tursunov hamda bosh moliyachi Bahodir Ahmadjonovlar GSL Tibbiyot Institutiga xizmat safari bilan tashrif buyurishdi.

Uchrashuvlar davomida tomonlar quyidagi yo‘nalishlarda hamkorlikni yo‘lga qo‘yish bo‘yicha kelishuvga erishdilar:

👉 Impuls talabalari uchun yozgi amaliyotlarni GSL bazasida tashkil etish
👉 Talabalar va professor-o‘qituvchilar almashinuvini tizimli yo‘lga qo‘yish
👉 Qisqa va uzoq muddatli ilmiy stajirovka dasturlarini ishlab chiqish
👉 O‘quv va klinik tajriba almashinuvi mexanizmini belgilash

🎯 Delegatsiya GSL Tibbiyot Institutining o‘quv-ilmiy laboratoriyalari, simulyatsion markazlari hamda klinik bazalari faoliyati bilan yaqindan tanishdi. Shuningdek, hamkorlikni bosqichma-bosqich amalga oshirish yo‘nalishlarini ishlab chiqdi.

📞 55-510-50-15

Facebook | Instagram | Telegram

🤝 Hamkorlikda yangi bosqich!

Impuls tibbiyot instituti va Buxoro davlat tibbiyot instituti o‘rtasida o‘zaro hamkorlik memorandumi imzolandi. Ushbu memorandum tibbiy ta’lim sifatini oshirish, innovatsion ta’lim texnologiyalarini amaliyotga joriy etish hamda o‘zaro tajriba almashuvni yangi bosqichga ko‘taradi.

Memorandum doirasida Buxoro davlat tibbiyot instituti talabalari va professor-o‘qituvchilariga tibbiy ta’lim jarayonida axborot texnologiyalarini qo’llash bo‘yicha keng qamrovli taqdimot o‘tkazildi. Jumladan, ularga Impuls tibbiyot instituti, Tibbiy ta’limda o‘quv resurslarini yaratish va rivojlantirish markazi,
“Innovative Developers” MChJ, Iste’dodli yoshlarni qo‘llab-quvvatlash “Ulug‘bek” jamg‘armasi xodimlari ishtirokida yaratilgan virtual bemor ta’lim platformasi (realpatient.uz) haqida batafsil ma’lumot berildi.
Ushbu hamkorlik — raqobatbardosh kadrlarni tayyorlash, raqamli tibbiy ta’limni rivojlantirish, zamonaviy o‘quv jarayonini yaratishda muhim qadamdir.

📞 55-510-50-15

Facebook | Instagram | Telegram