⚡️ Xalqaro ma’ruza: Tibbiy ta’limning kelajak yo‘nalishlari: Bugun Impuls Tibbiyot institutida Malayziyaning Malaya universiteti huzuridagi Xalqaro Davlat Siyosati va Boshqaruvi Instituti Rivojlanish, ilmiy tadqiqotlar va innovatsiyalar bo‘yicha Ijrochi direktor o‘rinbosari, professor , Dr. Muhammad Tariqur Rahmon ishtirokida tibbiy ta’limning zamonaviy yo‘nalishlariga bag‘ishlangan onlayn xalqaro ma’ruza bo‘lib o‘tdi.

📌 Tadbirni institut prezidenti Prof. Dr. Baxtinur Xudanov kirish so‘zi bilan ochib berdi. Prof. Xudanov o‘z nutqida zamonaviy tibbiy ta’limdagi dolzarb masalalarni keng yoritish hamda talabalarni global standartlar asosida bilim va ko‘nikmalarini oshirishning muhim ahamiyatga ega ekanligini alohida ta’kidladi.

📚 Ma’ruzada:
- tibbiy ta’limda fundamental fanlarning o‘rni
- mikroorganizmlar va ularning sog‘liq uchun ahamiyati - infeksion kasalliklar misolida global xavfsizlik
- nosokomial infeksiyalar va profilaktika
- innovatsion ta'lim usullari va xalqaro hamkorlik
kabi bugungi kun uchun eng muhim mavzular yoritib berildi.

Shuningdek, bakteriyalar, viruslar, zamburug‘lar kabi mikroorganizmlarning foydali va zararli jihatlari haqida umumiy ilmiy ma’lumotlar berildi hamda COVID-19 misolida epidemiologik xulosalar muhokama qilindi.

🎯 Ma`ruza Institutning Namangan va Chirchiq filiallarida onlayn formatda tashkillashtirildi. Ma’ruza talabalarimiz uchun tibbiyotning global rivojlanish tendensiyalarini chuqurroq anglash imkoniyatini yaratadi deb ishonamiz.

📞 55-510-50-15

Facebook | Instagram | Telegram