⚡️ Impuls tibbiyot instituti Namangan filialida Janubiy Koreya delegatsiyasi bilan muhim uchrashuv bo‘lib o‘tdi

🏗 Impuls tibbiyot instituti Namangan filialiga Janubiy Koreyaning
Kyungam College of Information & Technology vakillari tashrif buyurdi.

Uchrashuvda aniq yo‘nalishlar bo‘yicha kelishuvlar muhokama qilindi, xususan:

🔹 Talabalar va hamkor tibbiyot texnikumlari uchun Janubiy Koreyada amaliyot tashkil etish
🔹Nogironlar va yoshi keksalar bilan ishlash tizimini o‘rganish
🔹Demensiya bilan og‘rigan bemorlarga xizmat ko‘rsatish modeli 🧠
🔹Keksalar fiziologiyasi va yoshga bog‘liq o‘zgarishlar
🔹Keksalar psixologiyasi
🔹Koreyada keksalar parvarishi tizimini amaliy tahlil qilish 👵

Shuningdek, ta’lim sifatini oshirishga qaratilgan quyidagi imkoniyatlar muhokama qilindi:

🔹Professor-o‘qituvchilar uchun 1–4 haftalik malaka oshirish, talabalar uchun observership kurslari
🔹Yozgi va qishki maktablar faoliyatini yo‘lga qo‘yish 🎓

Ushbu tashrif institutning xalqaro hamkorlik doirasini kengaytirib, ta’limni yangi bosqichga olib chiqishga ko’maklashadi

📌 Uchrashuv yakunida tomonlar o‘rtasida Anglashuv memorandumlari imzolandi.

📞 55-510-50-15

Facebook | Instagram | Telegram

⚡️ Xalqaro hamkorlik: Impuls talabalari Turkiyada klinik kuzatuv dasturida

Ayni kunlarda o‘zaro hamkorlik doirasida Impuls tibbiyot institutining 11 nafar iqtidorli talabalari va 1 nafar professor-o'qituvchisi Turkiyaning Balıkesir Universiteti Tibbiyot fakulteti hamda universitet shifoxonasida 1 haftalik xalqaro malaka oshirish va klinik kuzatuv dasturida ishtirok etmoqda.

🩺 Dastur doirasida talabalar kichik guruhlarga ajratilib:
• Chaqaloqlar va kattalar reanimatsiya
• Intensiv terapiya bo‘limlari

faoliyati bilan yaqindan tanishdilar.

👨‍⚕️Shifokorlar rahbarligida:
• Sun’iy nafas oldirish apparatlari ishlash prinsipi
• Gemodinamik nazorat
• Hayotiy ko‘rsatkichlar monitoringi
• Klinik baholash jarayonlari o‘rganildi

Har bir talabaga alohida bemor biriktirilib, anamnez yig‘ish, obyektiv ko‘rik va diagnostik tahlil ko‘nikmalari mustahkamlandi.

🧪 Shuningdek, talabalar:
• Akusherlik va ginekologiya
• Kardiologiya
• Pulmonologiya
• Tez tibbiy yordam
• Bolalar kasalliklari

bo‘limlarida amaliy mashg‘ulotlarda ishtirok etmoqda.

Ular yurak-qon tomir, nafas yo‘llari, homiladorlik va pediatrik kasalliklarni tashxislash hamda davolash bo‘yicha zamonaviy klinik yondashuvlar bilan tanishmoqda.

✨Mazkur xalqaro dastur talabalarimizning klinik fikrlashini rivojlantirish, zamonaviy tibbiy amaliyot bilan tanishish hamda kasbiy kompetensiyalarini oshirishga xizmat qilmoqda. Bunday hamkorliklar institutimizda ta’lim sifati va amaliy tayyorgarlik darajasini xalqaro standartlar asosida rivojlantirishga muhim hissa qo‘shmoqda

Impuls — xalqaro tajriba sari ishonchli qadam.

📞 55-510-50-15

Facebook | Instagram | Telegram

⚡️ TALABALARIMIZ TURKIYADA ILG‘OR TIBBIY JARAYONLARDA ISHTIROK ETMOQDA

🔬Ayni kunlarda Impuls tibbiyot instituti talabalari Turkiyaning Balıkesir universiteti Tibbiyot fakulteti hamda universitet klinikasida xalqaro kuzatuv (observership) dasturi doirasida amaliyot o‘tamoqda.

🧪 Dastur davomida talabalar yuqori texnologiyalarga asoslangan jarrohlik amaliyotlarida kuzatuvchi sifatida bevosita ishtirok etish imkoniga ega bo‘lmoqdalar. Jumladan, ular to‘g‘ri ichak o‘smalarini laparoskopik usulda rezeksiya qilish hamda ichakni maxsus stapler apparati yordamida anastomoz qilish kabi murakkab va noyob jarrohlik amaliyotlarini kuzatdilar va xalqaro mutaxassislar rahbarligida ishtirok etdilar.

🩺 Shuningdek, talabalar buyrak toshlarini endourologik usulda maydalash va olib tashlash (litotripsiya va ekstraksiya) jarayonlarida qatnashib, zamonaviy urologik texnologiyalar bilan yaqindan tanishdilar. Amaliyot jarayonida talabalar klinikaning turli bo‘limlari faoliyati bilan ham tanishmoqda. Xususan: tibbiy xizmatlarni tashkil etish tizimi,poliklinika sharoitida bemorlarni qabul qilish va ko‘rikdan o‘tkazish,pediatriya, stomatologiya va reanimatsiya bo‘limlari faoliyati shular jumlasidandir. Talabalarimiz xalqaro tajribani egallash, zamonaviy klinik yondashuvlarni o‘rganish hamda professional ko‘nikmalarini rivojlantirish jarayonida faol ishtirok etmoqdalar.

📌 Impuls tibbiyot instituti talabalari uchun xalqaro kuzatuv dasturi davom etmoqda va bu ularning kelajakdagi kasbiy faoliyati uchun muhim amaliy poydevor yaratmoqda.

📞 55-510-50-15

Facebook | Instagram | Telegram