🎓 Impuls Tibbiyot Instituti Namangan filialida yangi o‘quv yilining ochilish marosimi bo‘lib o‘tdi!

⚡️ Impuls Tibbiyot Instituti Namangan filialida 1-kurs talabalari uchun yangi o‘quv yilining boshlanishiga bag‘ishlangan tantanali ochilish marosimi bo‘lib o‘tdi.

🥳 Tadbir davomida talabalar yangi o‘quv yili bilan tabriklanib, ularga o‘qishlarida muvaffaqiyat, ulkan zafarlar hamda kelajakdagi kasbiy faoliyatlarida omad tilandi.

🔥 Tadbirda institut rektori, professor-o‘qituvchilar va yangi talabalarning ishtiroki tadbirga yanada ko‘tarinki ruh bag‘ishladi.

👉 Ochilish marosimidan so‘ng talabalar o‘z o‘quv xonalariga kuzatilib, ular uchun yangi o‘quv yilining ilk darslari boshlandi.

📞 55-510-50-15

Facebook | Instagram | Telegram

🥳 1-oktabr — Ustoz va murabbiylar kuni muborak bo‘lsin!

📕 Tibbiyotda har bir bilim — inson hayoti uchun mas’uliyat, har bir ustozning sabog‘i esa kelajakdagi shifokorning kasbiy yo‘lida muhim poydevordir.

⚡️ Ustoz va murabbiylar kuni munosabati bilan Impuls Tibbiyot Instituti Namangan filialida professor-o‘qituvchilar ishtirokida bayram tadbiri bo‘lib o‘tdi.

🥳 Tadbir davomida yosh avlodga tibbiy bilim va kasbiy ko‘nikmalarni berish, malakali shifokorlarni tayyorlash yo‘lidagi fidokorona mehnatlari uchun bir qator professor-o‘qituvchilar munosib taqdirlandilar.

🤩 Aziz ustoz va murabbiylar!
Sizlarni ushbu qutlug‘ sana bilan chin qalbdan muborakbod etamiz. Shogirdlaringiz qalbida ilmga, kasbga va inson hayotiga bo‘lgan mas’uliyatga mehr uyg‘otishdek sharafli faoliyatingizda ulkan muvaffaqiyatlar tilaymiz!

📞 55-510-50-15

Facebook | Instagram | Telegram

🇺🇿 Oliy ta’lim tashkilotlari yoshlar yetakchilarining respublika forumi bo‘lib o‘tdi

2026-yil 9–11-oktabr kunlari Toshkent viloyatining Bo‘stonliq tumanida oliy ta’lim tashkilotlari yoshlar yetakchilarining respublika forumi bo‘lib o‘tdi.

⚡️ Mazkur forumda Impuls Tibbiyot Instituti Namangan filiali Yoshlar ittifoqi boshlang‘ich tashkiloti yoshlar yetakchisi Azimjonov Ma’rufjon Abdulbori o‘g‘li faol ishtirok etdi.

📌 Forum doirasida Yoshlar ishlari agentligi direktori Alisher Sa’dullayev hamda O‘zbekiston yoshlar ittifoqi Markaziy Kengashi raisi Xayrulla Sattarov ishtirokida ochiq muloqot tashkil etildi. Unda yoshlarga oid davlat siyosati, yetakchilik faoliyati va yoshlar uchun yaratilgan imkoniyatlar muhokama qilindi.

🏅 Forum yakunida ishtirokchilarga maxsus sertifikatlar topshirildi. Impuls Tibbiyot Instituti Namangan filiali jamoasi yoshlar yetakchisini ushbu yutuq bilan tabriklab, kelgusi faoliyatida muvaffaqiyatlar tilaydi!

📞 55-510-50-15

Facebook | Instagram | Telegram

🇺🇿🇯🇵Impuls tibbiyot institutiga yaponiyalik yosh tadqiqotchi tashrif buyurdi

⚡️ Xalqaro ilmiy hamkorlikni rivojlantirish doirasida Yaponiyaning Tokio xorijiy tillar universiteti (Tokyo University of Foreign Studies) magistranti, yosh tadqiqotchi Ruka Watanabe Impuls tibbiyot institutining Ijtimoiy va aniq fanlar kafedrasiga tashrif buyurdi.

📚 Ruka Watanabe Markaziy Osiyo tarixi, o‘zbek tili va madaniyati bo‘yicha ilmiy izlanishlar olib boradi. U 2023–2024-yillarda Toshkent davlat sharqshunoslik universitetida almashinuv dasturi asosida tahsil olgan.

🏅 Yosh tadqiqotchi Is’hoqxon Ibratning “Tarixi Farg‘ona” asari yuzasidan olib borgan ilmiy tadqiqoti uchun Tokio xorijiy tillar universiteti dekani mukofotiga sazovor bo‘lgan.

🤝 Mazkur tashrif O‘zbekiston va Yaponiya o‘rtasidagi ilmiy-akademik aloqalarni mustahkamlash, xalqaro tajriba almashish hamda kelgusidagi ilmiy hamkorlik imkoniyatlarini kengaytirish yo‘lidagi muhim qadamlardan biridir.

📞 55-510-50-15

Facebook | Instagram | Telegram