ИИВ Қоровул қўшинларига қарашли Навоий вилоятида жойлашган 7532 ҳарбий қисмда ҳарбий қисмнинг тарбиявий ва мафкуравий орган офицерлари ўртасида «Энг яхши маънавий ва маърифий ишлар тарғиботчиси» кўрик-танлови бўлиб ўтди.

Мазкур кўрик-танлов шунчаки синов ва беллашув эмас, балки ҳарбий хизматчилар қалбидаги ватанпарварлик ва миллий ғурур туйғуларини янада оширишга қаратилган муҳим маънавий платформадир.

Мусобақанинг туб мақсади — маънавий-маърифий соҳа тарғиботчиларининг касбий маҳоратини юксалтириш, уларнинг билими ва дунёқарашини замонавий талаблар даражасига олиб чиқиш ҳамда тизимдаги энг илғор, самарали ёндашувларни кенг оммалаштиришдан иборатдир.

Беллашув жараёнида иштирокчилар нафақат чуқур назарий билим ва маҳоратини, балки шахсий таркиб билан ишлашдаги ноанъанавий ҳамда ижодий ёндашувларини ёрқин намоён этдилар. Ҳар бир тарғиботчи ҳарбий хизматчилар билан якка тартибда ва жамоавий ишлаш борасидаги тўплаган тажрибаси билан ўртоқлашиб, мулоқот ва таъсир ўтказишнинг замонавий усулларини амалда кўрсатиб берди.

Тадбир якунида кўрик-танлов ҳарбий қисмда маънавий-маърифий муҳитни сифат жиҳатдан янги босқичга кўтаришга хизмат қилгани таъкидланди. Мазкур жараён ҳар бир ҳарбий хизматчининг руҳий тайёргарлигини ва жанговар руҳини мустаҳкамлаш, уларнинг Ватан олдидаги бурчига бўлган садоқатини янада оширишда етакчи омил бўлди.

✅@INSPECTOR_UZ 👈  🏪QONUN HUJJATLARI